စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







သစ္စာကံ အကျိုးပေးပုံ


ရိုသေစွာ လျှောက်ထားပါသည် အရှင်ဘုရား၊သုဝဏ္ဏသာမ မြားဆိပ်သင့်သောအခါ
ခမည်းတော်၊ မယ်တော်နှင့် နတ်သမီးပေါင်းသုံးဦး သစ္စာပြုသဖြင့် အသက်ချမ်းသာခဲ့ရသည်ဟု
ဆိုပါသည်။ တပည့်တော် သိလိုသည်မှာ သစ္စာသည် အကယ်၍ အစွမ်းထက်ငြားအံ့ ပါရိကာ သစ္စာပြုသော
အခါကပင် သုဝဏ္ဏသာမ မြားဆိပ်ပြေသင့်ပါသည် ဘုရား။ သို့သော် အမှန်၌ ခမည်းတော် မယ်တော်နှင့် နတ်သမီးပါ သုံးယောက်သား သစ္စာပြုမှ အသက်ချမ်းသာခဲ့ရပါသည်။
အဘယ်ကြောင့် ပါနည်းအရှင်ဘုရား။ သနားကရုဏာ ရှေ့ထား၍ ဖြေကြားပေးတော်မူပါ အရှင်မြတ်ဘုရား။
-(ရိုသေစွာဖြင့် အောင်စိုးမိုး)

“သစ္စာနှုတ်သီး”
••••••••••••••••••
“သစ္စာနှုတ်သီး၊ မန္တန်ကြီးဖြင့်၊ ကျော်ချီးစေအောင်၊ အငြိမ်းဆောင်သည်”လို့ ပါရမီတော်ခန်းပျို့ (အပိုဒ် ၁၂၂)မှာ နှုတ်က သစ္စာပြုတာကို သစ္စာနှုတ်သီး မန္တန်ကြီးလို့
ဖော်ကျူးခဲ့ပါတယ်။ သစ္စာနဲ့ ပြောဆိုတာဟာ ကြီးမြတ်တဲ့ မန္တန်သဖွယ် ဖြစ်ပုံကိုဆိုလိုတာပါ။
ဗုဒ္ဓလောင်းလျာတွေ ကျင့်သုံးခဲ့တဲ့ ကျင့်စဉ်တစ်ရပ်ဖြစ်လို့ သစ္စာရဲ့ အစွမ်းထက်မြက်ပုံကို ဗုဒ္ဓဝါဒအစဉ်အလာမှာ များစွာ ချီးကျူး သရုပ်ဖော်ပါတယ်။

သစ္စာပြုတယ်ဆိုတာ အမှန်စကားကို နှုတ်ကမြွက်ဆိုတဲ့ အလုပ် ဖြစ်ပါတယ်။
“ကံဆိုတာ အလုပ်”လို့ အဓိပ္ပာယ်ဖွင့်ဆိုတာမို့ ကာယ ၊ဝစီ ၊မနောလို့ ကံသုံးမျိုးရှိရာမှာ
ဝစီ(နှုတ်)နဲ့ ပြုလုပ်တဲ့ကံကို သစ္စာပြုတယ်လို့ နားလည်နိုင်ပါတယ်။

ဒါကြောင့် သစ္စာအစွမ်း ထက်တယ်ဆိုပေမယ့် လုပ်ဆောင်မှု ပယောဂနဲ့ ပမာဏ ခြားနားနိုင်သလို သစ္စာကံ
အကျိုးပေးရာမှာ ခြားနားမှုတွေ ရှိနိုင်ပါတယ်။

“ကံပေါင်းစုံကိုယ်”
•••••••••••••••••
ပုဂ္ဂိုလ် သတ္တဝါ ဆိုတာ လုပ်ထားပြီးသမျှ ကံတွေရဲ့ရလဒ်(သို့မဟုတ်)ကံပေါင်းစုံကိုယ် ဖြစ်ပါတယ်။
ဘဝပေါင်း များစွာမှာ မိမိကိုယ်တိုင် ပြုလုပ်ထားပြီးဖြစ်တဲ့များလွန်းလှတဲ့ ကံအထုဟာ သတ္တဝါတွေမှာ အရိပ်လို ထက်ကြပ်မကွာ ရှိနေပါတယ်။ အဲဒီလို များပြားသလောက် ဘယ်ကံက ဘယ်အချိန်မှာ
ဘယ်လုပ် အကျိုးပေးမယ်ဆိုတာကိုလည်း ပုထုဇဉ်တို့အနေနဲ့ သိနိုင်ခဲပါတယ်။
ကံတစ်ခုဟာ အားကောင်းလာလို့ အကျိုးပေးခွင့် ကြုံတဲ့အခါ ကောင်းကျိုး ၊ ဆိုးကျိုးကို ပေးတာပါပဲ။
ကံ အကျိုးပေးမယ့် အချိန်အခါကို ဗုဒ္ဓဘုရားတို့ သိနိုင်ပေမယ့် ၊ ကံအကျိုး ပေးကိုတော့ ဗုဒ္ဓဘုရားနဲ့တကွ
မည်သူမှ ရှောင်လွှဲလို့ မရနိုင်ပါဘူး။

“ပြည့်စုံမှုလေးမျိုး”
••••••••••••••••••
သစ္စာဆိုတာ ကံပဲလို့ နားလည်ပြီးရင် ကံအကျိုးပေးခွင့် ကြုံဖို့ သို့မဟုတ် သစ္စာစူးဖို့ သမ္ပတ္တိ (ပြည့်စုံမှု)
လေးမျိုး ရှိပါတယ်။

(၁) ဂတိ(ဘဝပေးအခြေအနေ) သမ္ပတ္တိ။

တိရစ္ဆာန် ဘဝနဲ့စာရင် လူ့ဘဝက ကောင်းကျိုးပေးခွင့်သာအောင် ဉာဏ်နဲ့ ပြုပြင်လို့ ပိုပြီး ရနိုင်ခြေရှိတယ်။
ဒီလိုပဲ နတ်၊ဗြဟ္မာဘဝတွေမှာ အကုသိုလ်ကံတွေ ရှိနေပေမဲ့ ကုသိုလ်ကံ အကျိုးပေးခွင့် ပိုများနိုင်တာပေါ့။

(၂) ဥပဓိ (ရုပ်ဆင်းကြန်အင်)သမ္ပတ္တိ။
ဟင်္သာတနယ်က သာမန်တောသူ မမြလေးဟာ ဥပဓိသမ္ပတ္တိကြောင့် နန်းမတော် မမြလေး ဖြစ်သွားတာ။

(၃) ကာလ (အချိန်အခါ) သမ္ပတ္တိ။
လူစိတ်မဲ့တဲ့ ဝိသမလောဘသား (ကိုယ်ကျိုးဆန်လွန်းသူ)တွေ တိုင်းပြည်အုပ်ချုပ်ပြီး အဓမ္မလူကြီး လုပ်နေချိန်မှာ လူတွေလည်း မလွှဲသာလို့ အဲဒီအသိုင်းအဝိုင်းက လူတွေနဲ့ အပေါင်းအသင်း
လုပ်နေရသရွေ့ “အကုသိုလ် အကျိုးပေးခွင့်” ပိုရှိနိုင်ပါတယ်။ ငရုတ်သီးနဲ့ ပေါင်းလို့ ကြက်သွန် အထောင်းခံရသလိုပေါ့။

(၄) ပယောဂ (သတိနဲ့ ဉာဏ် ဦးစီးတဲ့ အားထုတ်မှု) သမ္ပတ္တိ။ပညာ ဗဟုသုတနဲ့ ပြည့်စုံသူတွေကို ဘယ်နိုင်ငံကမဆို၊မိမိနိုင်ငံသားအဖြစ် လက်ခံလိုကြလို့ ချမ်းသာပြည့်စုံတဲ့
ကောင်းကျိုးကိုရဖို့ အခွင့်အလမ်း ပိုသာတာပေါ့။ အချိန်အခါကောင်းနဲ့ကြုံပေမယ့် ကြိုးစား အားထုတ်မှု
မရှိဘဲ သတိလက်လွတ်နေရင် ကုသိုလ် အကျိုးပေးခွင့် နည်းပါလိမ့်မယ်။

ဒီလေးမျိုးထဲမှာ “ပယောဂသမ္ပတ္တိ” အရေးကြီးပါတယ်။သတိနဲ့ ပညာ ဦးစီးတဲ့ အားထုတ်မှုရှိရင် ကောင်းမြတ်တဲ့ ကာယ ဝစီ မနောကံကောင်းတွေ အကျိုးပေးခွင့်
အားကောင်းပါတယ်။

“သစ္စာစူးမှု ခြားနားချက်”
••••••••••••••••••••••••••••
သစ္စာပြုခံ ပုဂ္ဂိုလ်က အဲဒီလေးမျိုးနဲ့ ပြည့်စုံရင် သစ္စာပြုတဲ့ ပုဂ္ဂိုလ်ကလည်း သီလ၊သိက္ခာ တည်တံ့သူဖြစ်နေရင်
သစ္စာစွမ်းအင် ပိုထက်မှာပဲ။ သစ္စာ အစွမ်းကတော့ ထက်တာပေါ့။
ထက်လို့ပဲ မြားဆိပ်သင့်ပြီး သေတော့မယ့် သုဝဏ္ဏသာမမသေဘဲ ရှင်ပြန်ထမြောက်ခဲ့တာ မဟုတ်လား။
မြားထိရာက ပြန်ရှင်လာတာဟာ တော်ရုံ ကြီးကျယ်တဲ့ကိစ္စမဟုတ်ဘူး ဆိုတာကိုလည်း သတိပြုဦးမှပေါ့။

ဒါပေမယ့် ပါရိကာ သစ္စာပြုဆဲခဏမှာပဲ သေဘေးက လွတ်မြောက်ပြီးသား ဖြစ်နေပြီ။ တစ်ကြိမ်တည်းနဲ့
ငုတ်ခနဲ ထမထိုင်တာကလည်း သစ္စာအစွမ်း ညံ့လို့ မဟုတ်ပါဘူး။
အဲဒီအချိန်က သစ္စာပြုခံသူမှာရှိရမယ့် သမ္ပတ္တိနဲ့ သစ္စာပြုကြသူတွေမှာ ရှိရမယ့်ဝစီကံ စွမ်းအင်တွေက
အဲဒီအခြေအနေပဲ ရှိနေခဲ့လို့ပါ။ဥပမာ ဆေးစွမ်းတော့ ထက်တာပဲ။ ဒါပေမယ့် ကုသပေးသူ ကုသမှုခံယူသူ တို့ရဲ့ အချိန်အခါ ၊နေရာဒေသအလိုက် ပျောက်ကင်းမှု အခြေအနေနဲ့
အချိန်ကာလ အနှေးအမြန် ရှိနိုင်သလိုပါပဲ။ တစ်ကြိမ်တည်း သောက်သုံးရုံနဲ့ သက်သာသွားပြီး
နောက် အမြစ်ပြတ်ဖို့ အဲဒီဆေးကိုပဲ အကြိမ်ကြိမ်
ဆက်သောက်ရသလိုပါပဲ။

“သုဝဏ္ဏသာမ”
•••••••••••••••••••••••
ပီဠိယက္ခမင်းဟာ မြားနဲ့ပစ်မိတဲ့ သုဝဏ္ဏသာမကို သူတော်ကောင်းပဲလို့ သိလိုက်တာနဲ့ အလွန်အမင်း
စိတ်မချမ်းသာဖြစ်သွားပြီး သုဝဏ္ဏသာမရဲ့ မျက်မမြင် မိဘတွေကို စောင့်ရှောက်ဖို့ သွားရာကနေ မိဘတွေရဲ့
ဆန္ဒအရ ၎င်းတို့ကို မြားထိခံ မင်းသုဝဏ်ဆီ ခေါ်လာခဲ့ရပါတယ်။ မယ်တော် ပါရိကာက မင်းသုဝဏ်ရဲ့ ရင်ဝကိုစမ်းကြည့်ရာမှာ အသက်ရှူဆဲဖြစ်လို့ “ငါ့သား မသေသေးဘူး”ဆိုပြီး သစ္စာပြုတယ်။ 


မင်းသုဝဏ်က ဘယ်ညာ လူးလိမ့်ပြီး ပြန်မေ့သွားတယ်။ခမည်းတော်ဒုကူလက ဆက်ပြီး သစ္စာပြုရာမှာ
နောက်တစ်ကြိမ် လူးလိမ့်ပြီး မေ့သွားပြန်တယ်။ နောက်ဆုံး မင်းသုဝဏ်ရဲ့ မိခင်ဟောင်း ဖြစ်ဖူးတဲ့
ဗဟုသုန္ဒရီ အမည်ရှိတဲ့နတ်သမီးက သစ္စာပြုတော့မှ မင်းသုဝဏ် ထထိုင်ပြီး မြားဆိပ် ကျသွားပါတယ်။
ကဏှဒီပါယနဇာတ်အရ သူဌေးသားငယ် မြွေကိုက်ခံရလို့ အဆိပ် မွှန်နေတုန်း ရသေ့၊ ဖခင်နဲ့ မိခင် သုံးယောက် သစ္စာပြုမှ အသက်ချမ်းသာသွားတယ်ဆိုတာလည်
ဒီသုဝဏ္ဏသာမ ဇာတ်တော်ထဲက သဘောသွား အတိုင်းပါပဲ။

“သစ္စာပြုပုံ အမျိုးမျိုး”
••••••••••••••••••••••••••••
●သမ္ဗုလာမင်းသမီး သစ္စာပြုလို့ သောတ္ထိသေနမင်း နူနာရောဂါ ပျောက်ကင်းသွားတဲ့ ဖြစ်ရပ်၊
●အရှင်အင်္ဂုလိမာလရဲ့ သစ္စာစကားကြောင့် ကိုယ်ဝန်ဆောင် မိခင်ရော၊ကလေးပါ
ကျန်းမာစွာ မွေးဖွားသွားတဲ့ ဖြစ်ရပ်တွေမှာတစ်ဦးတည်းက တစ်ကြိမ်တည်းနဲ့ သစ္စာပြုလို့
ကောင်းသွားတာမျိုး တွေ့ရတယ်။
●သိဝိဇာတ်မှာတော့ သိဝိမင်းဟာ သိကြားမင်းရဲ့ အကြံပြုချက်နဲ့ သစ္စာဆိုရာမှာ ပထမအကြိမ်မှာ မျက်စိတစ်လုံး၊ နောက်တစ်ကြိမ်ဆိုမှ မျက်စိနောက်တစ်လုံး အလင်းပြန်ရတယ်။
ဒီဖြစ်ရပ်အရ တစ်ယောက်တည်းက “နှစ်ကြိမ်”သစ္စာပြုတာကို တွေ့နိုင်တယ်။

ရတနသုတ်အရ ဗုဒ္ဓ၊ ဓမ္မ၊ သံဃ ဂုဏ်တော်တွေကို ဖော်ကျူးပြီး “ဧတေန သစ္စေန သုဝတ္ထိ ဟောတု =
ဤမှန်သော သစ္စာစကားကြောင့် သတ္တဝါတွေကျန်းမာကြပါစေ”လို့ ညလုံးပေါက် သစ္စာပြုအတွက်
ဝေသာလီမြို့သူ မြို့သားတွေကျန်းမာဘေးကင်းသွားပါတယ်။ အရှင်အာနန္ဒာ တစ်ပါးတည်းက အကြိမ်ကြိမ် ရွတ်ဆိုသစ္စာပြုလို့ လူအမြောက်အမြား ချမ်းသာသွားကြတာကို တွေ့နိုင်တယ်။

“သစ္စာကံရဲ့ သဘော”
••••••••••••••••••
သစ္စာကံ အကျိုးပေးတဲ့အခါ တစ်ယောက်တည်းလုပ်လို့ အကျိုးတစ်ခုတည်းကို ပေးတာ၊
အများစုပေါင်းပြီး လုပ်လို့ တစ်ဦးတစ်ယောက်ကို ဖြစ်စေ၊ အများကို ဖြစ်စေအကျိုးပေးတာ၊
တစ်ကြိမ်တည်းလုပ်လို့ အကျိုးပေးသလို အကြိမ်များစွာလုပ်မှ အကျိုးပေးခွင့် ကြုံလာတာ၊
ချက်ခြင်း အကျိုးပေးသလို နောက်မှ အကျိုးပေးတာ။ကိုယ်တိုင် လုပ်လို့ အကျိုးပေးတာ၊
သူများက လုပ်ပေးလို့ အကျိုးပေးတာမျိုးတွေ ရှိနိုင်ကြောင်း မှတ်သင့်ပါတယ်။
ဒီသဘောကို နားလည်ရင် မြားထိ သုဝဏ္ဏသာမအတွက်ပုဂ္ဂိုလ်သုံးဦး သစ္စာပြုကိစ္စ ရှင်းလောက်ပါပြီ။ ။
 

-【စာရိုက်ပူဇော်သူ - Admin Team ofYoung Buddhist's Association】
-【ဆရာတော်အရှင်ကေလာသ】
Posted by►

https://www.facebook.com/youngbuddhistassociation.mm/photos/a.1024094424267

No comments:

Post a Comment

Related Posts Plugin for WordPress, Blogger...