စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







“အောင်မြင်မှုကို မင်္ဂလာဖြင့်ရယူခြင်း”

              
ဗုဒ္ဓစာပေတွင် အောင်မြင်ရန်နည်းလမ်းကောင်းများကို သင်ပြထားပါသည်၊၊ လူတို့သည် အောင်မြင်လိုကြသော်လည်း ဘ၀တွင်ကျရှုံးနေရသည်က များပါသည်။
အောင်မြင်မှု၏အနီးအနားသို့ရောက်ပြီးကာမှ လွဲရသည်များလည်း ရှိပါသည်။

အစစအရာရာတွင် ညံ့ဖျင်းသဖြင့်မအောင်မြင်ခြင်းမှာ မထူးဆန်းဟုသုံးသပ်နိုင်ပါသည်။
ထက်မြက်သူဖြစ်ပါလျက် အောင်မြင်မှုမရခြင်းမှာမူ ထူးဆန်းသည်ဟုယူဆရပါမည်။
ထက်မြက်သူအ များစုတွင် တွေ့ရလေ့ရှိသည့်စိတ်အခြေခံများကို အောက်ပါအတိုင်းတွေ့ရပါသည်။
●မာနကြီးခြင်း၊
●ဘ၀င်မြင့်ခြင်း၊
●မနာခံတတ်ခြင်း၊
●အောက်ခြေလွတ်ခြင်း၊စသည်တို့ ဖြစ်ပါသည်။

❦“မာနကြီးခြင်း”သည် ရန်သူများခြင်း၊ လူမုန်းများခြင်းနှင့်
အတိုက်အခံများခြင်းတို့၏ အဓိကအကြောင်းဖြစ်ပါသည်။

❦“ဘ၀င်ဖြင့်ခြင်း”သည် အများတကာမှအမြင်ကပ်ခြင်းနှင့် အကျိုးမဲ့ကိုပြုခံရခြင်းများ၏
အကြောင်းရင်း ဖြစ်ပါသည်။

❦“အောက်ခြေလွတ်ခြင်း”ဟုဆိုရာတွင် အခြေအနေများစွာ ပါဝင်နေပါသည်။
ဘ၀မေ့ခြင်း၊ ကျေးဇူးကန်းခြင်း၊ ကျေးဇူးရှိသူကိုစော်ကားခြင်း၊
မိမိ၏အစစ်အမှန်အဆင့်အတန်းနှင့် တခြားသူ၏အဆင့်အတန်းကို မှန်မှန်ကန်ကန်
နားမလည်ခြင်းစသည်တို့သည် “အောက်ခြေလွတ်ခြင်း”ခေါင်းစဉ်အောက်တွင် ပါဝင်နေကြပါသည်။

အောက်ခြေလွတ်သူသည် လက်တလောမည်မျှ အဆင်ပြေချောမွေ့နေစေကာမူ ဧကန်မုချဒုက္ခ
တွေ့မည့်သူဖြစ်ပါသည်။ထိုသူမျိုးများသည် အနီးအဝေးပတ်ဝန်းကျင်ကိုလည်း လမ်းမှားသို့
ဦးတည်စေတတ်ပြီး၊ ဒုက္ခပေးတတ်သူဖြစ်ပါသည်။လောကကြီးကို ရှုပ်ထွေးစေသူ၊ အမှန်ကို အမှား၊
အမှားကိုအမှန်ဖြစ်စေသူဟူသည် ဘ၀င်မြင့်ဘ၀မေ့တတ်သူများကို ဆိုလိုဟန်ရှိပါသည်။

အောက်ခြေလွတ်ခြင်းသည် စိတ်ပိုင်းဆိုင်ရာထက်မြက်သည့်တိုင် ပညာမပြည့်ဝခြင်း၏သင်္ကေတ
တစ်ခုလည်း ဖြစ်ပါသည်။ဤသို့ဆိုသဖြင့် အောက်ခြေလွတ်သူတိုင်း
ထက်မြက်သူများဟု မဆိုလိုပါ။မည်သည့်အရည်အသွေးမျှမရှိဘဲ အသားလွတ်
အောက်ခြေလွတ်နေသူများလည်း ရှိတတ်ပါသေးသည်။

အထက်တွင် ဆွေးနွေးဖော်ပြခဲ့ပြီးသည့် “မာနကြီးခြင်း၊ ဘ၀င်မြင့်ခြင်းနှင့် အောက်ခြေလွတ်ခြင်း”
တို့သည် လူတစ်ဦး၏ဘ၀တွင် အရည်အသွေးပြည့်ထက်မြက်သည့်တိုင် ထိပ်ဆုံးတိုင်မအောင်မြင်နိုင်ခြင်း၏
အခြေခံအကြောင်းများ ဖြစ်ပါသည်။

မာန်မာနမရှိ ဘ၀င်မမြင့် အောက်ခြေမလွတ်ပါဘဲ၊အောင်မြင်မှုကိုရထိုက်သူဖြစ်ပါလျက် တိုးတက်မှုမရှိ၊
ကျရှုံးရသူများကိုလည်းပတ်ဝန်းကျင်တွင် တွေ့တတ်ရပါသည်၊၊ ထို့သို့ဖြစ်ရခြင်းမှာ
“မနာခံတတ်သောကြောင့်” ဖြစ်ပါသည်၊၊

မှန်ပါသည်၊၊ အချို့သောလူများသည် ပတ်ဝန်းကျင်မှပေးသော အကြံညာဏ်နှင့် ဝေဖန်သုံးသပ်မှုကို
တူးတူးခါးခါး ငြင်းဆန်တတ်ကြပါသည်။လူတယောက်၏ပတ်ဝန်းကျင်တွင် မျက်စိများစွာနှင့်
နားများစွာတို့ဝန်းရံနေသည်ကို သတိပြုရပါမည်။ “တစ်တခါတရံ မိမိကအမှန်ကိုလုပ်သည် ပြောသည်”
ဟု အထင်ဖြစ်နေသော်လည်း မိမိထက်အသိဉာဏ်ရှိသူများက အမှားဟုထောက်ပြသုံးသပ်သည်များ ရှိနေတတ်ပါသည်။

ထိုသုံးသပ်မှုများကို ဝေဖန်ခြင်း ၊အပြစ်မြင်ခြင်းနှင့်မည်မျှ ကွာခြားသည်ကိုသတိမပြုဘဲ ပြောဆို၊
အကြံပြုသမျှကို စိတ်ဆိုးဒေါသဖြစ်ပြီး ငြင်းဆန်နေခြင်းမျိုးကို “မနာခံတတ်ခြင်း”ဟု
ခေါ်ပါသည်၊၊ “မင်္ဂလသုတ်”တွင် နာခံတတ်ခြင်း၊ ပြောဆိုရလွယ်ကူသူဖြစ်ခြင်းကို
“သောဝစဿတာ ဧတံမင်္ဂလ မုတ္တမံ”ဟု မြတ်စွာဘုရားရှင် ဟောတော်မူပါသည်၊၊

လူတစ်ယောက်၏ဘ၀တွင်ပတ်ဝန်းကျင်မှ သုံးသပ်ဝေဖန်အကြံပေးမှု ပြောဆိုလမ်းညွန်မှုများကို
ငြင်းဆန်ခြင်း၊ နာခံတတ်ခြင်းမင်္ဂလာမရှိလျှင် ဘ၀တွင်မည်သို့မှတိုးတက်မှုမရနိုင်ဘဲ ကျရှုံးမှုများကိုသာ
ရင်ဆိုင်ရတတ်ပါသည်၊၊ ဤသို့ဆိုသဖြင့် တချိန်လုံးပတ်ဝန်းကျင်ကို ဂရုစိုက်နေရမည်ဟု မဆိုလိုပါ၊၊

ပတ်ဝန်းကျင်တွင် မိမိထက်အတွေ့အကြုံပိုမိုရှိသူများနှင့်၊ အသိပညာတော်သူထက်သူများစွာ ရှိပါသည်။
အတွေ့အကြုံရှိသူများနှင့် အသိပညာထက်မြက်သူများ၏ သုံးသပ်ဝေဖန်အကြံပြုသည် များကိုသာသတိမူ
လက်ခံနိုင်ရန်ဖြစ်ပါသည်။

ဘ၀တစ်ခုတွင်ထိပ်ဆုံးအထိ တိုးတက်အောင်မြင်သူများသည် ကိုယ်ပိုင်အရည်သွေးထက် အကြံဉာဏ်ကောင်းပေးသူ၊အုပ်စုကောင်းခြင်းကြောင့်ဖြစ်ကြောင်းကို ထိုထို
ပုဂ္ဂိုလ်ကျော်များ၏ကိုယ် တိုင်ရေးအတ္ထုပ္ပတ္တိစာအုပ်များတွင် လေ့လာနိုင်ပါသည်၊၊

တစ်နေ့က မဟာမကုဋကျောင်းတော်ကြီး၏ ညောင်ပင်အောက်တွင် ငယ်ဆရာသမားနှင့်
စကား ပြောဆိုမိခိုက် “နာခံတတ်ခြင်း=သောဝဿတာ”သည် အောင်မြင်မှုအတွက်မည်မျှအထိအရေးပါကြောင်း
မေးမိသောအခါ ဆရာအရှင်မှ“အောင်မြင်မှုအတွက် သော့တံသည် နာခံတတ်ခြင်း မင်္ဂလာဖြစ်သည်”
ဟုပြောဆိုသည်ကို မှတ်သားရပါသည်၊၊

အရှင် မြန်မာနိုင်ငံတွင်နေစဉ်က မြန်မာနိုင်ငံသာသာရေးဝန်ကြီးဌာနမှ “အဓမ္မ၀ါဒ”ဟုကြေငြာခြင်းကိုခံထားရသည့်ဂိုဏ်းကြီးတစ်ဂိုဏ်းတည်ရှိရာ သမိုင်းဝင်ကျောင်းတိုက်ကြီးသို့ ရောက်ခဲ့ပါသည်။
ထိုဂိုဏ်းကြီးသည် ပိဋကတ်သုံးပုံမှ “အဘိဓမ္မာပိဋကတ်၊ ခုဒ္ဒကနိကာယ်နှင့်၊ အခြားသောသုတ်များစွာကို”
ဘုရားဟောမဟုတ်ဟု လက်ခံယူဆထားသောဂိုဏ်းကြီး ဖြစ်ပါသည်၊၊

ဂိုဏ်းကြီးတည်ထောင်ခဲ့သည့် ဆရာတော်ကြီးသည် ယခင်နှစ်ပေါင်းကိုးဆယ်ခန့်ကပင် “အင်္ဂလိပ်စာအပါဝင်
ဘာသာစကားပေါင်းဆယ့်နှစ်ခုခန့်ကို ကျွမ်းကျွမ်းကျင်ကျင်တတ်မြောက်ထားပြီး”၊ ပါဠိစာပေအရာတွင်လည်း
ဆဌသင်္ဂါယနာပွဲကြီး၌ “ပိဋကတ်စီစစ်ရေးအဖွဲ့”ကြီးတွင်ပင် ပါဝင် ရသည့်ဆရာတော်ကြီး ဖြစ်ပါသည်၊၊

ထိုဂိုဏ်းကြီးတွင် ပါဠိစာပေကျမ်းများကို ဘုရားဟောအစစ်အမှန် ဟုတ်၊ မဟုတ်စီစစ်ရန်အတွက်
ပေတံ(၃)ခုထားရှိပြီး၊ ပေတံနှင့်ညီညွတ်မှ မြတ်စွာဘုရားဟောအဖြစ်လက်ခံသည်ဟု
လေ့လာခဲ့ရပါသည်။ ပေတံသုံးခုမှာ---
(1) မင်္ဂလာ၊
(2) ကြောင်းကျိုးဖြစ်စဉ်နိယာမ၊
(3) ဓမ္မစင်္ကြာ၊ တို့ဖြစ်ကြပါသည်၊၊

မင်္ဂလာပေါင်း(၃၈)မျိုးရှိပြီး “မင်္ဂလသုတ်”တွင် မြတ်စွာဘုရားရှင်မှ ဟောပြောသင်ပြထားပါသည်၊၊
“ကြောင်းကျိုးဖြစ်စဉ်နိယာမ”ကို “ပဋိစ္စသမုပ္ပါဒဒေသနာ”တွင် မြတ်စွာဘုရားရှင် ရှင်းလင်းဝေဖန် တော်မူထားပါသည်၊၊ “ဓမ္မစင်္ကြာ”တွင် အစွန်းနှစ်ပါးနှင့်၊ မဂ္ဂင်ရှစ်ပါးကို
ဟောပြောသင်ပြထားပြီး၊ “ဓမ္မစက္ကပ၀တ္တနသုတ်”တွင် မြတ်စွာဘုရားရှင်မှ ဟောတော်မူထားပါသည်၊၊

လူတို့အတွက် ဘ၀တွင်အောင်မြင်ကြီးပွားခြင်း၏အကြောင်းများကို “မင်္ဂလသုတ်”တွင် တိတိကျကျ
အသေးစိတ်ဖော်ပြထားပြီး၊ “နာခံတတ်ခြင်း”သည် မင်္ဂလာတစ်မျိုးအဖြစ် လေ့လာတွေ့ရှိနိုင်ပါသည်။
စာပေနှင့်ပညာရပ်များကိုလေ့လာရာတွင် ဆန့်ကျင်ဘက်ယူဆနည်းနှင့်၊ အလားတူယူဆနည်းများကို
အသုံးပြုလေ့ရှိကြောင်းစာဖတ်သူ သိပြီးဖြစ်ပါမည်၊၊

မင်္ဂလာ(၃၈)မျိုးသည် အောင်မြင်တိုးတက်ကြီးပွားကြောင်းဟုဆိုလိုက်လျင် မင်္ဂလာအတိုင်းမပြုမူ၊ မပြောဆို၊
မနေထိုင်တတ်လျင် “ဆုတ်ယုတ်ပျက်စီးကြောင်း”ဖြစ်သည်ဟု အလိုအလျောက် နားလည်ကြရပါမည်။
အရှင်၏ဘ၀တွင် ပညာရေးထက်မြက်ပြီးတိုးတက်ရနအလားအလာ ကောင်းသည့်သူငယ်ချင်းများစွာကို
တွေ့ခဲ့ရပါသည်၊၊

တော်ထက်သူများဖြစ်ပါလျက် အောင်မြင်မှုမရကြဘဲ၊လမ်းချော်ကြရသည်များနှင့် လမ်းဘေးရောက်ကြရသည့် သူငယ်ချင်းများ၏အားသာချက် အားနည်းချက်များကို
သုံးသပ်ဝေဖန်ကြည့်သောအခါ “နာခံခြင်းမင်္ဂလာ”မရှိကြသည်များကို တွေ့ရသောကြောင့်
ယ္ခုစာတမ်းကိုရေးသားခြင်း ဖြစ်ပါသည်၊၊

“အလင်းစက်”စာဖတ်သူများအနေဖြင့် မိမိထက်အတွေ့အကြုံရှိသူများနှင့် အသိပညာပိုမိုသူများ၏
ဝေဖန်သုံးသပ်မှုကိုလက်ခံနာယူပြီး၊ မိမိထက်အစစပြည့်စုံသူများနှင့် အလျင်းသင့်တိုင်း
ဆွေးနွေးလျက် အကြံကောင်းပေးသည်များကို နာခံလွယ်သူများဖြစ်ကြရန် တိုက်တွန်းရပါသည်၊၊

❦“သောဝစဿတာ ဧတံမင်္ဂလ မုတ္တမံ” နာခံတတ်ခြင်းသည် တိုးတက်ကြီးပွားရန်
အကောင်းဆုံး မင်္ဂလာတစ်ပါးဖြစ်သည်ဟု မြတ်စွာဘုရားသင်ပြတော်မူသည်ကို လေ့လာမှတ်သားပြီး၊
မင်္ဂလာများဖြင့် တိုးတက်အောင်မြင်သူများဖြစ်ကြပါစေကြောင်း “အလင်းစက်အရှင်”မှ
ဆုမွန်ပန်သလျက်စာတမ်းကို အဆုံးသပ်လိုက်ရပါသည်။ ။
 

-【အရှင်ကေ၀လ (အလင်းစက်)】[B.A-Eng, M.A-Phil- Sri Lanka
မကုဋာရာမမြန်မာကျောင်းတိုက်ကိုလံဘိုမြို့ သီရိလင်္ကာနိုင်ငံ၊၊]
Posted by►


https://www.facebook.com/youngbuddhistassociation.mm/photos/a.1024094424267236.10

No comments:

Post a Comment

Related Posts Plugin for WordPress, Blogger...