စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ကျွန်တော်မျက်ဝန်းကို ထိမှန်မှန်ခဲ့ သော မျက်ရည်ယိုဗုံး


“ဒေါ်အောင်ဆန်းစုကြည် ရောက်ရှိမဲ့နေ့ မတိုင်ခင် နာရီပိုင်းအလို တန်ဆောင်မုန်းလပြည့်ည သန်းကောင်ကျော်မှာ အရေးပေါ် အင်အားသုံး ဖြိုခွဲခဲ့မှုတွေ ဖြစ်ပေါ်ခဲ့တာပါပဲ”

          တန်ဆောင်မုန်းလပြည့်ညဟာ ဘုရားရှင်ဟာအဇာတသတ်မင်းကို သာမည ဖလ (ရဟန်းပြုခြင်းအကျိုး) သုတ္တန် ဒေသနာတော် ဟောကြားတော်မူခဲ့သောနေ့ဖြစ်ပါတယ်။

မာဂဓတိုင်းဘုရင် အဇာတသတ်ဟာ သူယုတ်မာ ဒေ၀ဒတ်စကားကို လိုက်နာပြီး သောတပန်အရိယာဖြစ်တဲ့ ခမည်းတော် ဗိမ္မိသာရမင်းကြီးကို ခြေဖ၀ါးဓားနဲ့ ခွဲ၊ ဆားနှင့်သိပ်ပြီး မသေသေအောင် သတ်ခဲ့တဲ့ သူတယောက်ပါ။ တန်ဆောင်မုန်းလပြည့်ညဟာ ဒေ၀ဒတ်မင်းဟာ သာမညဖလ တရားတော်ကို နာယူပြီးတဲ့နောက် သူ့ရဲ့ ကျူးလွန်ခဲ့တဲ့ အမှားကို နောင်တ ဖြစ်ပြီး သတိတရားရလာတဲ့ ညတညပါပဲ…
သို့ပေမယ့် ကျနော်တို့နိုင်ငံရဲ့ အုပ်စိုးသူ ဗုဒ္ဓဘာသာ ၀င်များကတော့ အကျွတ်တရားမရနိုင်သေးပါလား၊ ဒေ၀ဒတ်လို လူတွေကို ဆရာတင် ပေါင်းသင်းပြီး အမိုက်ဇတ် ဆက်ခင်းနေတုန်းပါလား…

       ဒီတန်ဆောင်းမုန်းလပြည့်ည ညသန်းကောင်ကျော်အချိန်မှာပဲ သံဃာတော်များကို မီးသတ်ပိုက်နဲ့ ထိုး၊ နံပါတ်တုတ်တွေနဲ့ ရိုက်နှက်ဖမ်းဆီး ခဲ့ကြတယ်။ မီးလောင်ဗုံးတွေနဲ့ ပစ်ပြီး မီးလောင်တိုက်သွင်းခဲ့တယ်။
သံဃာတော်တွေ အပါး ၄၀ လောက်အပါအ၀င် လူ ၁၀၀ လောက် မီးလောင်ဒဏ်ရာရခဲ့တယ်။ ပျောက်ဆုံးနေသူများလည်း ရှိနေသေးပါတယ်။
အခြေခံက လူယုတ်မာတွေနဲ့ပေါင်းပြီး ကိုယ့်ပြည်သူအကျိုးကို လျစ်လျူပြုခဲ့တာက စတာဖြစ်ပါတယ်။
ဝမ်ပေါင်နဲ့ ဦးပိုင် ကုမ္ပဏီတို့က စီမံကိန်းမစမီကတည်းက ဒေသခံတွေကို အသိမပေးမှု၊ ညှိနှိုင်းမှု လုံးဝမရှိတာက စခဲ့တာလို့ ပြောရမှာပါ။ အကျိုးသက်ရောက်မှုတွေကိုလည်း ပြည်သူတွေကို ချပြတာတွေ မလုပ်ခဲ့တာတွေဟာ ဒေသခံတွေအတွက် ခံပြင်းစရာဖြစ်လာစေခဲ့တယ်။

         ဒါ့အပြင် မလိမ့်တပတ် ပြုလုပ်မှုများလည်း ရှိခဲ့တာပါ။ အစမှာ လယ်ယာမြေများအပေါ် စမ်းသပ်ခြင်း၊ ယာဉ်များဖြတ်သွားခြင်းတို့အတွက် တနှစ်သီးနှံထွက်ရှိနှုန်း ၃ နှစ်စာလျှော်ပေးတာလို့ ပြောခဲ့ပေမယ့် အခုအခါမှာတော့ ဒါဟာ နှစ်ပေါင်း (၆၀) အတွက် လျှော်ကြေးဖြစ်နေပါတယ်။
ဒီနည်းအတိုင်း ၂၆ ရွာမှ လယ်မြေဧကပေါင်း ၇၈၀၀ ကိုသိမ်းဆည်းခဲ့တာပါ။ သားစဉ်မြေးဆက်လုပ်စားလာခဲ့တဲ့ မြေယာတွေကို ၃ နှစ်စာပေးပြီး သိမ်းယူလိုက်တာဟာ သူတို့ရဲ့ ဘ၀တွေကို ပျက်သွားရမယ့် သဘောလို့ သိလာကြတယ်။

          လက်ပံတောင်းတောင်စီမံကိန်းဟာ လုပ်ကွက် မြေဧရိယာမှာ ၁၅၀၀ ဆိုသော်လည်း သက်ရောက်ဧရိယာက အဆပေါင်းများစွာရှိခဲ့ပါတယ်။ ဒါ့အပြင် ဘေးထွက်ပစ္စည်း၊ စွန့်ပစ်ပစ္စည်းတွေရဲ့ သက်ရောက်မှု၊ ဓာတုပစ္စည်းတွေ သုံးစွဲတာတွေရဲ့ သက်ရောက်မှုတွေ များစွာရှိတာပါ။ ဒေသခံတွေဟာ သဘာဝ ပတ်ဝန်းကျင် ထိခိုက်လာနေတာကို တဖြေးဖြေးသိလာကြပါတယ်။
ဥပမာ လက်ရှိအခြေအနေမှာ ရေတွင်းများခန်းခြောက်ခြင်း၊ သောက်ရေပျက်စီးခြင်း တို့ဟာ လက်တွေ့ကြုံတွေ့ရတဲ့ ဒုက္ခတွေပါ။

           နောက် သာသနာ့နယ်မြေတွေ ဆုံးရှုံးခံရမှာကို စိုးရိမ်ကြတာလည်း အရေးကြီးတဲ့ ကိစ္စတခုပါ။
ဒီအခြေအနေ သုံးခုကို အခြေခံပြီး ဆန္ဒထုတ်ဖေါ်မှုတွေ ဖြစ်ပေါ်လာခဲ့တာပါပဲ။ အစိုးရဖက်က ညှိနှိုင်းမှုတွေ မပြုလုပ်တာကြောင့် သပိတ်အဖြစ်ပြောင်းလဲပြီး ကြီးမားလာတာဖြစ်ပါတယ်။
ဒါကို အစိုးရအနေနဲ့ ပြေလည်စွာရှင်းပေးဖို့လိုပါတယ်။ လွှတ်တော်ထဲထိရောက်လာတဲ့အခါမှာတော့ တာဝန်ရှိသူများက တဖက်သတ်ရှင်းလင်းမှုတွေကို ပြုလုပ်ခဲ့ပါတယ်။ သို့သော်လည်း ဒီအခြေအနေတွေကို လေ့လာဖို့ ကော်မတီဖွဲ့ရေးကို လက်ခံသဘောတူလိုက်ရတယ်။

       ဒီနောက်မှာတော့ ဒေါ်အောင်ဆန်းစုကြည် သွားရောက်လေ့လာမယ်ဆိုတာဖြစ်လာတော့တာပါပဲ။
ဒီအတွင်းမှာပဲ ဆင်သေကို ဆိတ်သရေနဲ့ဖုံးဖို့အတွက် သစ်ပင်တွေ သယ်လာပြီး စိုက်ပေးထားတာတွေလုပ်ခဲ့ပေမယ့်လည်း ဟန်ပြသက်သက်သာဖြစ်တယ်ဆိုတာကို လူထုက သိထားပြီးဖြစ်လို့ အရာမထင်ခဲ့ပါဘူး။နောက်ဆုံးတော့ ဒေါ်အောင်ဆန်းစုကြည် ရောက်ရှိမဲ့နေ့မတိုင်ခင် နာရီပိုင်းအလို တန်ဆောင်မုန်းလပြည့်ည သန်းကောင်ကျော်မှာ အရေးပေါ် အင်အားသုံး ဖြိုခွဲခဲ့မှုတွေ ဖြစ်ပေါ်ခဲ့တာပါပဲ။ ဒီလိုအကြမ်းဖက်တိုက်ခိုက်ရာမှာ အာဏာပိုင်တွေဟာ အဓိက အင်အားလို့ ယူဆတဲ့ သံဃာတော်တွေ ရှိတဲ့ သပိတ်စခန်း ၃ ခုကို ပစ်မှတ်ထား တိုက်ခိုက်တော့ကြတယ်။

        အခုတော့ သံဃာတော်တွေမှာ မျက်ရည်ယိုဗုံးနဲ့ပစ်ခံရ၊ မီးသတ်ပိုက်နဲ့ ထိုးခွဲခံရ၊ မီးလောင်ဗုံးနဲ့ ထုခံရ၊မီးလောင်ဒဏ်ခံရ၊နံပါတ်ဒုတ်စာမိသူမိနဲ့ ခေါင်းပေါက်သူပေါက်၊ ဆေးရုံရောက်သူရောက်၊ ပျောက်သူပျောက် နဲ့ အဇာတသတ်များရဲ့ ကမ်းကုန်အောင် ရမ်းကားမှုတွေကို ခံနေတာ အတော်ကို စိတ်မချမ်းမြေ့စရာပါပဲ…
ဆက်တိုက်ဆက်တိုက် ၀င်လာနေတဲ့ သတင်းတွေကို ရင်ဘတ်နဲ့ မခံစားနိုင်လောက်အောင် လျှံထွက်လာခဲ့တယ်..ရက်စက်လွန်းတဲ့၊ စာနာစိတ်ကင်းမဲ့လွန်းတဲ့၊ ကောက်ကျစ်လွန်းတဲ့ အဇာတသတ်များရဲ့ ပစ်လွှတ်လိုက်တဲ့ မျက်ရည်ယို ဗုံးစတွေဟာ သံဃာတော်များသာမက ဒေသခံတွေရဲ့.. ပြည်သူတွေရဲ့.. မျက်ဝန်းကို ထိမှန်ခဲ့ပါပြီ..
                                                            ကျနော့်မျက်ဝန်းမှာလည်း မျက်ရည်စတွေနဲ့…

Networkမှတစ်ဆင့်windowတင်ခြင်း

အောက်ပါပို့စ်သည် Networking နှင့် Windows Server 03 ကို အကျွမ်းတ၀င်ရှိသော Technician များ အတွက်သာ ဖြစ်ပါသည်။ စာရေးသူက မိမိအတွေ့အကြုံကို ပြောပြသည့်သဘောသာဖြစ်ပြီး How to မဟုတ်ပါ၊ Step by Step မဟုတ်ပါ။ Server 2k3 လေ့လာနေသော စာဖတ်သူများ တစ်ချိန်ချိန် အသုံးတည့်လိုတည့်ငြားဆိုသည့် ရည်ရွယ်ချက်ဖြင့် ဖော်ပြခြင်း ဖြစ်ပါသည်။

သူငယ်ချင်းတစ်ယောက်က သူ့ Laptop လေး OS တင်လို့မရလို့ဆိုပြီး ကျွန်တော့်ဆီ သယ်လာတယ်။ ဘယ်လို ဖြစ်တာလဲလို့ မေးကြည့်တော့ Internel Drive က ပျက်သွားတယ်တဲ့။ အဲဒါကြောင့် External USB DVD Drive နဲ့ Boot တက်တာ ဘယ်လိုမှတက်လို့မရဘူးလို့ ပြောပါတယ်။ သူ့ Laptop က Dell Latitude လေးဆိုတော့ BIOS က နိမ့်တယ်လေ။ USB ကနေ Boot မလုပ်နိုင်ဘူး။

သူက ဘယ်လိုလုပ်ရင် ကောင်းမလဲလို့မေးပါတယ်။ စဉ်းစားကြည့်တဲ့အခါမှာ Windows က External Drive နဲ့လည်း တင်လို့မရဘူး။ Memory Stick နဲ့လည်း တင်လို့မရဘူးဆိုတော့ နည်းတစ်ခုကို ကျွန်တော် သွားသတိရပါတယ်။ MCSE Windows XP စာအုပ်ကြီး ဖတ်ခဲ့တုန်းက အဲဒီစာအုပ်ထဲမှာပါတဲ့ Network ကနေ Windows တင်တာကိုပါ။ ကျွန်တော်လည်း ဖတ်တာဖတ်ဖူးတာ။ တစ်ခါမှ မစမ်းဖူးဘူး။ အဲဒါနဲ့ သူ့ကို ကဲ ငါတို့ Network ကနေ မင်း Laptop ကို Windows လှမ်းတင်ရအောင်လို့ပြောပြီး စလုပ်ကြည့်ပါတယ်။

ကျွန်တော့် Desktop PC လေးမှာက Windows Server 2003 တင်ထားတာဆိုတော့ တစ်ခုတော့ အဆင်ပြေသွားပါတယ်။ သူ့ Laptop ကို Network ကနေ Boot လုပ်နိုင်၊မလုပ်နိုင် (PXE ROM ပါမပါ) စစ်ဆေးကြည့်တဲ့အခါမှာလည်း Network ကနေ Boot လုပ်နိုင်တာကို တွေ့ရပါတယ်။

ကျွန်တော့် Server ကို အရင် Configuration လုပ်ပါတယ်။ အခုလို Network ကနေ Windows တင်တာကို RIS (Remote Installation Service) လို့ သုံးနှုန်းပါတယ်။ ကျွန်တော်လည်း အဲဒါကိုပဲ ကြားဖူးပါတယ်။ RIS ကို ဘယ်လိုလုပ်ရမှန်း မသိဘူးလေ။ အဲဒါနဲ့ Help and Support ကိုဖွင့်ပြီး RIS လို့ ရိုက်ထည့်ရှာတယ်။ ပြီးတော့ ထွက်လာတဲ့ Result တွေကို ဖတ်ပြီး စလုပ်ကြည့်ပါတယ်။

ကျွန်တော်လုပ်လိုက်တဲ့ Configuration မှာ ပထမဆုံး Windows Server 2003 မှာ Role တွေ တင်ပါတယ်။ DHCP ရယ်၊ DNS ရယ်၊ AD ရယ်ပါ။ DHCP role တင်တဲ့အခါမှာ Gateway IP မထည့်ခဲ့ပါဘူး။ Role တွေတင်ပြီးတဲ့အခါမှာ Control Panel ထဲမှာပါတဲ့ Add/Remove Programs ထဲက Add/Remove Windows Component ကိုသုံးပြီး RIS ကို install လုပ်ပါတယ်။ install လုပ်လိုက်တဲ့အခါမှာ RIS Install Wizard ဟာ All Programs ထဲက Administrative Tools ထဲကို ရောက်သွားပါတယ်။ Drive ထဲမှာ Windows XP ခွေထည့်ပြီး အဲဒီ Wizard လေးနဲ့ Image ရိုက်ပါတယ်။ ၁၀ မိနစ်လောက်ကြာပါတယ်။

Server Configuration ကို အဲဒီလောက်နဲ့အဆုံးသတ်လိုက်ပါတယ်။ ပြီးတော့ Laptop နဲ့ Server နဲ့ကို Switch နဲ့ Network ချိတ်ပါတယ်။ (Direct မဟုတ်ပါ) Laptop ရဲ့ Boot Sequence ထဲမှာ Network Boot ကို First ထားပါတယ်။ ပြီးတော့ Boot လုပ်ကြည့်ပါတယ်။ IP ပဲရပြီး Boot မလုပ်နိုင်ပါဘူး။ အဲဒါနဲ့ Server ရဲ့ Help ကိုဖွင့်ပြီး ထပ်ရှာကြည့်တဲ့ခါမှာ Configuration တစ်ခုကျန်တာကို တွေ့ရပါတယ်။ ဘာကျန်လဲဆိုတော့ AD Users and Computers ထဲမှာ Server က Windows တင်ပေးရမယ့် Computer ကို ထည့်ပေးဖို့ လိုပါတယ်။ အဲဒါနဲ့ Computer ထည့်ပါတယ်။ ထူးဆန်းတာက ကွန်ပျူတာထည့်တဲ့အခါမှာ Computer Name မတောင်းဘဲ GUID တောင်းတာပါ။ အဲဒီ GUID ကို ဘယ်ကယူရမယ်မှန်းမသိဘဲ ဖြစ်နေခဲ့ပါတယ်။ ဒါနဲ့ Laptop ကို ဖွင့်ကြည့်တဲ့အခါမှာ သူက Network boot လုပ်နေတဲ့အခါမှာ GUID ဆိုပြီး ပြပါတယ်။ (GUID က Serial Number တွေနဲ့တူပါတယ်။ GUID တွေဟာ တကမ္ဘာလုံးအတိုင်းအတာနဲ့တောင် တစ်ခုနဲ့တစ်ခု မထပ်ဘူးလို့ Ebook တစ်ခုမှာ ဖတ်ခဲ့ဖူးတယ်။ Hardward ပစ္စည်းတွေမှာလည်း GUID သုံးသလို စာဖတ်သူ ကွန်ပျူတာထဲမှာ ရှိနေတဲ့ Program တွေမှာလည်း GUID ကိုယ်စီရှိပါတယ်။)

အဲဒါနဲ့ Laptop ရဲ့ GUID ကို Server မှာ ထည့်ပေးလိုက်ပါတယ်။ ပြီးတော့ ရလောက်ပြီ အထင်နဲ့ Laptop ကို Network ကနေ Boot လုပ်ခိုင်းပါတယ်။ အဲဒီအခါမှာ Error က ဘယ်လိုတက်သလဲဆိုတော့ No Boot File Found ဆိုပြီး တက်ပါတယ်။ အဲဒါနဲ့ DHCP ထိုင်တိုင်း Boot File ဆိုတာလေးကို တွေ့ဖူးသလိုလိုရှိတာကို မှတ်မိပြီး Server စက်ရဲ့ DHCP ထဲ မွှေကြည့်တဲ့အခါမှာ Boot File ဆိုတာလေးကို တွေ့ပါတယ်။ သူ့ကို အမှန်ခြစ်လေးခြစ်ပြီး Value တစ်ခု ထည့်ပေးလိုက်ပါတယ်။ သူက String value မို့ xp ဆိုပြီး ပေးကြည့်ပါတယ်။

Laptop ကနေ Boot လုပ်လိုက်ပါပြီ။ ဟော အပြာရောင် Screen ကြီးနဲ့ Windows Setup ကြီး ပေါ်လာတဲ့အခါ မှာတော့ ကျွန်တော်တို့နှစ်ယောက် ထခုန်မတတ် ၀မ်းသာသွားခဲ့ကြပါကြောင်း....(မှတ်ချက်-ကိုယ်ပိုင်ပိုစ်မဟုတ်ပါ)

တန်ဖိုးရှိတဲ့ ဦးနှောက်ဖြစ်လာဖို့ ဖန်တီးယူလို့ရပြီ

တန်ဖိုးရှိတဲ့ ဦးနှောက်ဖြစ်လာဖို့ ဖန်တီးယူလို့ရပြီ


        လူအတော်များများဟာ ငွေစုဆောင်းတာထက် သုံးစွဲတာကို ကြိုက်ကြပါတယ်။ အနာဂတ် အကျိုးအမြတ်ကို သိပ်မျှော်ကိုးလေ့ မရှိဘဲ လတ်တလော စိတ်ကျေနပ် မှုရရှိအောင် သုံးဖြုန်းပစ်ချင်ကြပါတယ်။ အနာဂတ်မှာ ချောင်ချောင် လည်လည် နေထိုင်ဖို့ထက် စိတ်မထိန်းချုပ်နိုင်ဘဲ ဒီနေ့ပဲ ကိုယ် ကြိုက်တဲ့ ဖိနပ်တစ်ရန်ကို တွေ့လို့ ဝယ်ချင်ရင် ဝယ်လိုက်ကြတယ်။ ဒါမှမဟုတ် အပန်းဖြေ ခရီးတစ်ခု ကို ထွက်ချင် ထွက်သွားနိုင်တယ်။ ဒါမှမဟုတ် iPhone တစ်လုံးကို ဝယ်ချင်ဝယ်ပစ်တတ်ပါတယ်။ ယ ခုလို Twitter ခတ်ကြီးမှာ ကိုယ် သိလိုတဲ့ မေးခွန်းတွေကို အင်တာ နက်ကနေ စက္ကန့်အနည်းငယ် အတွင်း အဖြေရရှိနိုင်တာ၊ ကိုယ် ကြည့်ချင်တဲ့ ရုပ်ရှင်ကားကို အချိန် မရွေး ကြည့်ခွင့်ရနေတာတွေ ကြောင့် အနာဂတ်အတွက် စဉ်း စားတာ၊ ခြိုးခြံစုဆောင်းတာတွေကို မျိုးဆက် သစ် လူငယ်တွေအတွက် လေ့ကျင့်ပေးဖို့ ခက်ခဲလာပါတယ်။ နောင်မှ ချမ်းသာတာထက် လက်ရှိ စိတ်အလိုပြည့်မှုကို ပိုပြီးတန်ဖိုး ထားလာကြပါတယ်။ အဲဒီအယူ အဆအတိုင်း လူတွေရဲ့ ဦးနှောက် မှာ စွဲနေကြပါတယ်။

      ယခုအခါ ဦးနှောက်နဲ့ ဆိုင်တဲ့ သိပ္ပံပညာရှင်တွေဟာ ဦး နှောက်အတွင်းမှာ ရှိတဲ့ ခြိုးခြံစု ဆောင်းလိုတဲ့ အစိတ်အပိုင်းနဲ့ သုံး ဖြုန်း လိုတဲ့ အစိတ်အပိုင်းတွေ လည်ပတ်တဲ့ ယန္တရား-Circuitကို တွေ့ရှိထားပြီး ခြိုးခြံစုဆောင်းလိုတဲ့ အစိတ်အပိုင်း အားကောင်း လာအောင်၊ သုံးဖြုန်းလိုတဲ့ အစိတ်အပိုင်း အားနည်းသွားအောင် ဆောင်ရွက်လာနိုင်ပါတယ်။ စိတ် ပညာရှင်တွေကလည်း လူတွေ ရဲ့ ကိုယ်ရည်ကိုယ်သွေးကိုကြည့်ပြီး ခြိုးခြံစုဆောင်းတတ်သူနဲ့ အသုံး အစွဲ ကြီးသူတွေကို ခွဲခြားပေးလာ နိုင်ပါတယ်။ ခြိုးခြံ စုဆောင်း တာကို မတတ်သူတွေဟာ ခြိုးခြံစုဆောင်း မှုကြောင့် အနာဂတ်မှာ ဖြစ်ပေါ် လာနိုင်တဲ့ အကျိုးဆက်တွေကို မသိ ရှိသူတွေ၊ ဒါမှ မဟုတ် သည်းခံပြီး မစောင့်ဆိုင်းချင်သူတွေ ဖြစ်တတ် ကြပါတယ်။

      သိပ္ပံပညာရှင်တွေဟာ ရုတ်တရက် ဖြစ်ပေါ်လာတဲ့ သံလိုက်ဓာတ်လှုပ်ရှားမှု ပုံရိပ်- Functional Magnetic Resonance Imagers-7MRIS တွေလို မှတ် တမ်းတင်နိုင်တဲ့ ကွန်ပျူတာနည်း ပညာစက်တွေကို အသုံးပြုပြီး ဦး နှောက်အတွင်းမှာရှိ ခြိုးခြံ စုဆောင်း တတ်တဲ့ စိတ်ဓာတ်ကို ဖြစ်ပေါ်စေ တဲ့ အစိတ်အပိုင်းတွေကို လေ့လာ ခဲ့ကြပါတယ်။ ဦးခေါင်းခွံ ရှေ့ပိုင်း အောက် တစ်ဖက် တစ်ချက်မှာရှိတဲ့ ဦးနှောက်အာရုံကြောအစိုင်အခဲကြီး- Prefrontal Cortex=PFC နှစ်ခု အနက် ဘယ်ဘက်အစိုင်အခဲဟာ ခြိုးခြံ စုဆောင်းလိုတဲ့စိတ် ဖြစ်ပေါ် လာအောင် လှုပ်ရှားပေးတယ်လို့ သိရပါတယ်။ ခြိုးခြံစုဆောင်းလိုတဲ့ စိတ်ကို မထိန်းသိမ်းနိုင်တဲ့ အသုံး အဖြုန်းကြီးသူတွေမှာတော့ အဲဒီ လှုပ်ရှားမှုအားနည်းကြောင်း တွေ့ရှိ ရပါတယ်။ ဒီလို ရှိလာတဲ့အတွက် ဦးနှောက် ဘယ်အစိတ် အပိုင်းကို အားကောင်းလာအောင် လုပ်ပေးဖို့ လိုသလဲဆိုတာ သိရှိလာကြပါ တယ်။

      ကိုလံဘီယာတက္ကသိုလ် မှာ သံလိုက်ဓာတ် နှိုးဆွမှုနဲ့ လှုပ် ရှားမှုပုံရိပ်တွေကို လေ့လာတဲ့နည်း ပညာ- Transcanial Magnetic Stimulation-TMS အသုံးပြုပြီး ဦးနှောက်အတွင်း မိမိတို့ကုသလိုတဲ့နေရာကို အပျော့စားလျှပ်စစ်ဓာတ်အား လွှတ်ကာ ကု သနိုင် ကြောင်း တွေ့ရှိလာခဲ့ပါတယ်။ စမ်း သပ်ခန်းအတွင်း သိပ္ပံပညာရှင်တွေ ဟာ သီးသန့်ဆောင်ရွက်နေတဲ့ ဦး နှောက်ရဲ့ အစိတ် အပိုင်းတစ်ခုကို နောင်မကောင်းတာတွေ မလုပ်နိုင် အောင် ဆွဲစေ့ - Zapping ပေးပါတယ်။ အဲဒီကုသနည်းနဲ့ စိတ်ကျ ရောဂါ၊ နာတာရှည်ရောဂါ၊ သွက်ချာပါဒရောဂါစတဲ့ ရောဂါတွေပါ ကုသလာနိုင်ပါတယ်။ ဒါ့အပြင် သိပ္ပံပညာရှင်တွေဟာ ခြိုးခြံစု ဆောင်း လိုတဲ့ ငွေဦးနှောက်- Money Brain တစ်ခု ဖြစ်လာ အောင် ဘယ်လိုကုသ ဖန်တီးပေး ရမယ်ဆိုတဲ့ နည်းလမ်း ကိုလည်း ရှာဖွေ ခဲ့ ပါတယ်။ လူတစ်ဦးနဲ့တစ် ဦးဟာ ဦးခေါင်းခွံ အရှေ့ဘက် အောက်ရှိ ဦးနှောက်အာရုံကြော အစိုင်အခဲကြီး- PFC ရဲ့ အရွယ် အစားဟာ မတူညီကြဘူးဆိုတာ က ရာလီမောက်တက္ကသိုလ်မှ ဦး နှောက်ဆိုင်ရာ ဘောဂဗေဒညာရှင် ပေါကလ် ဇက်(စ်) က ထုတ်ဖော် တင်ပြခဲ့ပါတယ်။

     ဒါကြောင့် ဒီ PFC တွေရဲ့ စွမ်းဆောင်မှုနဲ့ ဦး နှောက်ရဲ့ အလယ်ပိုင်းမှာရှိတဲ့ အတွေ့အကြုံနဲ့ ဥာဏ်ပညာတွေ ကို သိမ်းဆည်းသိုလှောင်ထားတဲ့ ဦး နှောက်အစိတ်အပိုင်းဖြစ်တဲ့ ဟစ်ပို ကမ်ပတ်(စ်)တို့ရဲ့ ဆက်သွယ်မှု ဟာ လူတစ်ဦးနဲ့တစ်ဦး ကွာခြားတတ်ကြပါတယ်။ အနာဂတ်အတွက် ကြိုတင်စဉ်းစားတွေးခေါ် လုပ်ဆောင်တာ၊ ငွေကြေး ခြိုးခြံစု ဆောင်းတာတွေဟာ PFC နဲ့ များစွာသက်ဆိုင်ကြောင်း ဗာဂျီးနီးယားနည်းပညာတက္ကသိုလ်မှ စိတ် ပညာရှင် ဝါးရင့်ဘစ်ကယ်(လ်)က ထောက်ပြ ထားပါ တယ်။

        ဦးနှောက်ဆိုင်ရာ ဘော ဂဗေဒပညာရှင် ပေါလ်ဇက်(ခ်)က ကလေးသူငယ်တွေရဲ့ ဦးနှောက်ကို လည်း လတ်တလော ပျော်ရွှင်မှုကို သာကြည့်ပြီး လုပ်ခဲ့မ်ိလို့ နောင် အခါ နစ်နာမှု ဖြစ်နိုင်ကြောင်း သိရှိအောင် လေ့ကျင့်လို့ရတယ်လို့ ပြောပါတယ်။ ကျောင်းက ပေး လိုက်တဲ့ အိမ်စာတွေကို ညတွင်းချင်း ပြီးစီးအောင်လုပ်ပြီး ကျက်မှတ်နိုင်ရင် လပတ်စာမေးပွဲတွေမှာ အဆင့်ကောင်း နဲ့အောင်နိုင်ကြောင်း သိရှိလာအောင် လေ့ကျင့်ပေးနိုင် ပါတယ်။ လတ်တလော ဈေးပေါတဲ့ ပစ္စည်းအတုကို ဝယ်ယူသုံးစွဲတာ ဟာ မကောင်းကြောင်းပြောပြီး မုန့် ဖိုးစုဆောင်းကာ နောက်တစ်ပတ် လောက်မှ အမျိုးအစားကောင်းတဲ့ ပစ္စည်းကို ဝယ်ယူသုံးစွဲ တတ် အောင် လေ့ကျင့်ပေးနိုင်ပါတယ်။ ပေါလ်ဇက်(စ်)ဟာ ခြိုးခြံသည်းခံ တတ်တဲ့ ဟိုမုန်းဓာတ် Hormone ပါဝင်တဲ့ အောက်စီ တိုစင် Oxytocin ဆေးကို တွေ့ရှိခဲ့ပါတယ်။

       အဲဒီ ဟိုမုန်းချို့တဲ့သူကို အောက်စီတိုစင် ဆေးသုံးစွဲစေပြီး စမ်းသပ်ခဲ့ရာမှာ အနာဂတ် ကို မျှော်မှန်းပြီး ခြိုးခြံစု ဆောင်းလာစေနိုင်တယ်လို့ သိရပါ တယ်။ ဥပမာ ဒေါ်လာ ၁ဝ ကို ယခုပဲယူပြီး သုံးစွဲမှာလား၊ ဒါမှမ ဟုတ် နောက်နှစ်ပတ်ကြာမှာ ၁၂ ဒေါ်လာ ယူမှာလားလို့ စမ်းသပ်ခဲ့ ရာမှာ ဒုတိယအဆိုပြုချက်ကို လက်ခံလာကြပါတယ်။ ပေါလ် ဇက်(ခ်)က ''အောက်စီတိုစင်ဆေး ဟာ စိုးရိမ်ပူပင်မှုကို လျော့နည်း စေတဲ့အတွက် အနာဂတ်အတွက် ကောင်းအောင် ကြိုတင် ဆုံးဖြတ်ပြီး လုပ်ဆောင်လာတတ်စေပါတယ်'' လို့ ပြောပါတယ်။

            မျက်မှောက်ခေတ် လူ ငယ်မျိုးဆက်သစ်တွေထဲမှာ လတ် တလော ပျော်ရွှင်မှုကို ချိုးနှိမ်ပြီး အနာဂတ်မှာ ကျေနပ်ပျော်ရွှင်ဖို့ ခြိုးခြံစုဆောင်းချင်တဲ့စိတ်ဓာတ်ရှိသူ ဦးရေဟာ အလွန်နည်းပါးပါတယ်။ သူတို့ ဒီလို ယူဆတာကလည်း လက်ငင်းတုံ့ပြန်ဆောင် ရွက်တတ် တဲ့သူ များလာပြီး သည်းခံတတ်သူ နည်းလာလို့လည်း ဖြစ်ပါတယ်။ သူတို့ကိုယ်သူတို့ အချိန်တွေ အ များကြီး ပိုင်ဆိုင် ထားလို့ အသက်ကြီးလာမှပဲ ခြိုးခြံချွေတာဖို့ ဆန္ဒရှိ ကြပါတယ်။ ဘောဂဗေဒပညာရှင် အန်တိုနီဒေးဗစ်က ''ကောလိပ် ကျောင်းသား တစ်ယောက်ဟာ ဘွဲ့ ရပြီးရင် လခကောင်းကောင်းရနိုင် တဲ့ အလုပ်တစ်ခု ရမယ်လို့ မျှော် လင့်ပြီး လတ်တလော ခြိုးခြံချွေ တာဖို့ စိတ်မကူးတတ်ဘူး။ ဒါမှမ ဟုတ် ကျွမ်းကျင်တဲ့ လူငယ်အလုပ် သမားတစ်ယောက်ဟာ နှစ်စဉ် လုပ်ခတိုးရမယ်လို့ မျှော်လင့်ပြီး ခြိုးခြံချွေတာချင်တဲ့စိတ် မရှိဘဲ နောက်မှ စုဆောင်းမယ်လို့ ယူဆ ထားတတ်ပါတယ်'' လို့ ထောက်ပြ ပါတယ်။ ဒါကြောင့် ယခုခေတ် ကောလိပ်ကျောင်းသားတွေဟာ ကြွေးမြီတွေ ပိုထူလာပြီး ဘွဲ့ရလို့ အလုပ်ရှာဖွေရာမှာလည်း မဝင် ဆန့်ဘဲ ဖြစ်နေကြ ရပါတယ်။ မျက် မှောက် Twitter ခေတ်ရဲ့ ယဉ်ကျေး မှုက ကွန်ပျူတာမောက်(စ်) တစ် ချက်နှိပ်လိုက်ရုံနဲ့ မိမိအလိုရှိတဲ့ ပစ္စည်းကို
ဝယ်နိုင်ပြီး မိမိပေးပို့လို တဲ့ သတင်းအချက်အလက်ကို လည်း ချက်ချင်းပေးပို့နိုင်တာ ကြောင့် လတ်တလော ကျေနပ်မှု ကို ရရှိစေတဲ့ စနစ်ကို အားပေး အားမြှောက်ပြုနေတာနဲ့ တူပါတယ်။

       ယနေ့ နည်းပညာသစ်တွေက လတ်တလော ကျေနပ် ပျော်ရွှင်မှုကိုသာ ပေးနေကြပေမယ့် တကယ်လက်တွေ့ လူ့ဘဝကတော့ အဲဒီလို မဟုတ်ပါဘူး။ ဥပမာ အမေရိကန်လူမျိုး အတော်များများဟာ လတ်တလော ကျေနပ်ပျော်ရွှင်မှုတွေရဲ့ နောက်ကိုပဲ လိုက်နေ ကြပြီး သုံးဖြုန်းခဲ့ကြလို့ နိုင်ငံနဲ့ချီကာ ကြွေးမြီတွေ တင်လာနေကြပါတယ်။ အနာဂတ်အတွက် မျှော်မှန်းပြီး ခြိုးခြံချွေတာကာ ဦးနှောက်ကောင်းကောင်းနဲ့ စီစဉ်နိုင်တဲ့နိုင်ငံ တွေမှာတော့ တည်တည်ငြိမ်ငြိမ်နဲ့ ခရီးဆက်နေကြကြောင်း ပါခင်ဗျာ။
Ref: Money Brain, By Sharon Begley (Newsweek-7-11-2011)

ပင်စိမ်းရွက်နဲ့ ပျောက်စေမဲ့ ရောဂါအမျိုး (၄၀)

 
ပင်စိမ်းရွက်နဲ့ပျောက်စေမဲ့ရောဂါအမျိုးလေးဆယ်

ပိုပိုဇော်(သဘာဝအားအင်) on Thursday, November 29, 2012 at 3:36am ·


ပင်စိမ်းပင်သည် မြန်မာနိုင်ငံနှံ့အပြားတွင် ပေါက်ရောက်ပြီး အပူပိုင်းဒေသတွင် ပိုမို၍ ပေါက်တတ်ကြသည်။
ပင်စိမ်းပင်သည် သဘာဝအလျောက် ပေါက်ရောက်သော အပင်ဖြစ်သည်။ စိုက်ပျိုး၍လည်းရသည်။ မျိုးစေ့မှတဆင့်
အပင်စိုက်ရန် လွယ်ကူသောအပင် ဖြစ်သည်။ မြေသြဇာ အထူးမလိုအပ်လှပေ။ တနှစ်လျှင် နှစ်ကြိမ်၊ သုံးကြိမ် အရွက်
ကို ရယူနိုင်၏။ နောက်ကျလျှင် အလိုလို ကြွေကျသွားသဖြင့် ဂရုပြုဖို့ လိုအပ်လှပေသည်။ အရွက်နှင့် အစေ့ကို ဆေး
အဖြစ် အများဆုံး အသုံးပြုကြသည်။



ပင်စိမ်းပင်သည် အပင်ငယ်မျိုးဖြစ်ပြီး အမြင့်နှစ်ပေမှ သုံးပေခန့်အထိ ရှိ၏။ အရွက်မှာ သေးပြီးစိမ်းလျက် နူးညံ့၏။
ရွက်နားမှာ လွှသွားပုံရှိသည်။ အပွင့်ဖြူကလေးများပွင့်တတ်ကာ ရနံ့မှာ အလွန်မွှေးသဖြင့် အချို့သူများမှာ ယင်းချက်
ရာတွင် အမွှေးနံ့ရစေရန် ဟင်းခတ်၍ အုပ်ကာ ချက်စားကြသည်။ အပွင့်များသည် အခိုင်လိုက်ပွင့်၍ ပွင်ချပ်များပေါ်တွင်
အမွေးနုကလေးများ ရှိသည်။ တပေါင်း တန်ခူးလများ၌ ပွင့်တတ်ကြသည်။ အရသာမှာ ပူစပ်သော အရသာဖြစ်ကာ
ပင်စိမ်းမျိုးအနေဖြင့် ပင်စိမ်းဖြူ၊ ဟင်းစားပင်စိမ်း၊ ပင်စိမ်းနက်၊ ပင်စိမ်းညို၊ ပင်စိမ်းကြီး၊ ဗလရှင်ကင်ဟူ၍ ပင်စိမ်း
အမျိုးမျိုးရှိကြသည်။



မြန်မာဆေးကျမ်း အလိုအရ ပင်စိမ်းသည် ပူ၏၊ စပ်၏၊ အနည်းငယ်ခါး၏၊ လေသလိပ်ကို နိုင်၏၊ ဆီးကိုနိုင်၏၊ လေကို
သက်စေပြီး သွေးကို တက်စေနိုင်သည်၊ ရင်ကျပ်နာ၊ အစာမကြေ၊ ချွဲကျပ်နာတို့ကို နိုင်၏၊ ချောင်းဆိုးနာ၊ ပိုးနာ၊
ထိုးကျင်သောအနာကို ပယ်နိုင်၏။



အစာကြောခြင်း၊ ခံတွင်းကောင်းခြင်း၊ အနံပကောင်းခြင်း၊ အသံသာခြင်း၊ အသက်ရှည်ခြင်းကို ရရှိစေသည်။
လူကို အကျိုးပွားစေသည်။ ပင်စိမ်းရွက် ပင်စိမ်းအစေ့များကို မြန်မာ့ဆေးဝါးအဖြစ် အသုံးပြုပုံများမှာ အောက်ပါအတိုင်း
ဖြစ်ပါသည်။




(၁) နားကိုက်= ပင်စိမ်းရွက်ကို မီးအုံးပြီး နားထဲသို့ အရည် နှစ်စက်လောက်ကျအောင် ညှစ်ထည့်ပေးပါ။


(၂) သွားကိုက်= ပင်စိမ်းသတ္ထုရည်နှင့် ငရုတ်ကောင်း၊ ပရုတ်တို့ကို ကြိတ်ပြီး အလုံးကလေးများလုံး၍ သွားပိုးစား
သည့် သွားအခေါင်းထဲသို့ ထည့်ပေးပါ။ ပျောက်ကင်းသွားပါမည်။


(၃) ကလေး ကျောပူ ခေါင်းပူ= ပင်စိမ်းရွက်နဲ့ ကွမ်းရွက် ဆတူယူ၍ ကျပ်ခိုးနှင့် နနွင်းမှုန့် အနည်းငယ်ဖြင့်
ရောကြိတ်ပြီး လိမ်းပေးပါ။ (တကိုယ်လုံး ခပ်ပါးပါး လိမ်းပေးပါ)


(၄) ခေါင်းတခြမ်းကိုက်= ပင်စိမ်းရွက်သတ္ထုရည် လတ်လတ်ဆတ်ဆတ် ညှစ်ရည်ကိုယူ၍ နားထင်နှင်
့ နဖူးတွင် လိမ်းပေးပါ။


(၅) ဆီးချုပ်၊ ဆီးအောင့်၊ အသည်းရောင်၊ အသားဝါ= နှမ်းစေ့နှင့် ပင်စိမ်းစေ့ကို ဆတူကြိတ်ပြီး ထန်းလျက်နဲ့
တေ၍ ဆီးကင်းလောက် အလုံးလေးများ လုံးထားပါ။ ခြောက်အောင် နေလှန်းပြီး နံနက်-ည တလုံးကျစီ စားပေးပါ။
ထိုသို့စားပေးခြင်းဖြင့် လိပ်ခေါင်းရောဂါ၊ မြင်းသရိုက်နာ ရောဂါများ ပျောက်၏။


(၆) သားသမီး ဝေးလိုသော်= ပင်စိမ်းရွက် လက်တွင်းတဆုပ် ပြုတ်ရည်တပန်းကန်ကို ဥတုသွေးလာပြီးသည့်နောက်
သုံးရက်ဆက်တိုက် သောက်ပေးပါ။


(၇) အဖျားနာတာရှည်= နံနက်စောစော ပင်စိမ်းရွက်သတ္ထုရည် ကြွေဇွန်းသတ္ထုရည် တဇွန်းကျ သောက်ပေးပါ၊
အဖျားကျသွားပါမည်။


(၈) ငှက်ဖျား= ပင်စိမ်း လတ်လတ်ဆတ်ဆတ် လေး-ငါးရွက်မျှကို ငရုတ်ကောင်းစေ့အနက် သုံးစေ့၊ တပတ်လျှင်
နှစ်ကြိ်မ် မှန်မှန်သောက်ပေးပါ။


(၉) ပွေးနာ၊ အရေပြား ယားနာ= ပင်စိမ်းရွက်ကို သံပုရာရည်နှင့် ရောပြီး ညက်နေအောင် ထောင်းပါ၊
ထိုထောင်းထားသည့် အရွက်ဖြင့် ပွတ်တိုက်ပေးပါ အုံပေးပါ။


(၁၀) အစာမကြေ၊ ဝမ်းကိုက်= ပင်စိမ်းရွက်ပြုတ်ရည်ကို သောက်ပေးပါ။ သတ္ထုရည်သောက်ပေးပါ။


(၁၁) လည်ချောင်းနာ၊ အသံဝင်= ပသ်စိမ်းစေ့ (ပင်ပွား)ကို ရေစိမ်၍ ထိုရေကို သောက်ပေးပါ။


(၁၂) အိုင်းအနာ၊ အဖုအနာ= ပင်စိမ်းရွက်ပြုတ်ရည်ကို အဖုအနာများနှင့် အိုင်းနာများအပေါ် ဖန်ရည်ဆေးပေးပါ။
အနာ၌ ပိုးတွယ်ခဲ့လျှင် ပင်စိမ်းရွက်ခြောက်မှုန့်ကို ဖြူးပေးပါ။


(၁၃) အရေပြားအနာများ= (အရေပြားရောဂါဟူသမျှ) ပင်စိမ်းရွက် သတ္ထုရည် (၅၀)ကျပ်သား၊ နှမ်းဆီ (၁၅)ကျပ်သား
ရော၍ မီးမျှဉ်းမျှဉ်းနှင့် ရေခန်းသည်အထိ ချက်ပေးပါ။ ထိုဆီဖြင့် အရေပြားနာ၊ ယားယံနာ ဟူသမျှ လိမ်းပေးပါ။
ယင်းဆီသည် ရေနွေးအကြမ်းပန်းကန် တလုံးထဲသို့ ဆီနှစ်စက် သုံးစက်ချပေးပြီး ပူပူလေး မှုတ်၍ သောက်ပေးပါက
နှာစေး အအေးမိ ချောင်းဆိုးရောဂါများကိုပင် ပျောက်စေပါသည်။ ထိုဆီဖြင့် လိမ်းထားပါက မှက် ဖြင်များ မကိုက်ပါ။


(၁၄) ဗိုက်ကြောပြတ်= (ကိုယ်ဝန်ဆောင်) ဗိုက်ကြောပြတ်ပြီး ယားယံနေပါက ပင်စိမ်းရွက်ခြောက်မှုန့် ဖြူးပြီး
ပွတ်သပ်ပေးပါ။


(၁၅) ဝက်ခြံ၊ တင်းတိပ်၊ ညှင်း၊ အဖြူကွက်=ပင်စိမ်းရွက် သတ္ထုရည်ကို လိမ်းပေးပါ။


(၁၆) ကလေး သန်ကျ= ပင်စိမ်းသတ္ထုရည်ကို တိုက်ပေးပါ။


(၁၇) နားအူ၊ နားကိုက်၊ နားပြည်ယို= ပင်စိမ်းရွက် သတ္ထုရည်ကို ဇွန်းဖြင့်ထည့်၍ မီးဖြင့်အပူပေးပါ။
ထိုသတ္ထုရည် နွေးနွေး နှစ်စက် သုံးစက်ခန့် ထည့်ပါ။


(၁၈) နှာခေါင်းနှာပိတ်၊ နှာခေါင်းအတွင်းမြှေးရောင်= ပင်စိမ်းရွက်ကို အခြောက်လှန်းပြီး ညက်နေအောင် အမှုန့်
ထောင်းပါ။ နှာဆေးအဖြစ် အသုံးပြုပါ။


(၁၉) ငှက်ဖျားတုန်ချမ်း= ပင်စိမ်းအမြစ်ကို ရေသုံးခွက်တခွက်တင် ကျိုပြီး သောက်ပေးပါ။ ချွေးထွက်လာပြီး
အဖျားကျသွားပါမည်။


(၂၀) ပျား၊ ပုရွက်ဆိတ်၊ ကင်း အဆိပ်ရှိအကောင် ကိုက်လျှင်=ပင်စိမ်းပင် ပဉ္စငါးပါးကို ထုထောင်းပြီး အုံပေးပါ။


(၂၁) လည်ချောင်းနာ၊ ပန်းနာ၊ ချောင်းခြောက်ဆိုး=ပင်စိမ်းပွင့် အတ့လိုက်ကို ချင်းခြောက်၊ ကြက်သွန်နီနှင့်
ထုထောင်း၍ ပျားရည်နှင့် ရော၍ လျှက်ပေးပါ။ သလိပ်မရသည့် ချောင်းဆိုးနာများ ပျောက်ကင်းစေပါသည်။


(၂၂) သားသမီး ဝေးလိုသော= အမျိုးသားများ ပင်စိမ်းရွက်ဆယ်ရွက်ကို နေ့စသ်စားပေးပါ။ ကျန်းမာရေးကို လုံးဝ
မထိခိုက်စေဘဲ ပိုမို၍ သွက်လက်ထက်မြက်စေကြောင်း အိန္ဒိယဆေးသုတေသနမှ ထုတ်နုတ်ဖော်ပြခဲ့၏။


(၂၃) ချောင်းဆိုးပျောက်= ပင်စိမ်းရွက် သတ္ထုရည်ကို ပျားရည်နှင့် ဆတူရောပြီး တနေ့သုံးကြိမ် သောက်ပေးပါ။
သလိပ်ရွှင်ပြီး ချောင်းဆိုးပျောက်စေ၏။


(၂၄) အစာအိမ်အချဉ်ပေါက်လေနာ= ပင်စိမ်းရွက်ခြောက်ကို ရေနွေးစိမ်၍ ရေနွေးကြမ်းသောက်သလို သောက်ပေးပါ၊
ကလေးများ လေထိုး၊ လေအောင့်ရောဂါပါ ပျောက်ကင်းစေနိုင်ပါသည်။


(၂၅) အအေးမိ၊ နှာစေး၊ ချောင်းဆိုး= ပင်စိမ်းရွက်အစိုကို သုံးခွက်တခွက်တင်ကျိုပြီး ပူပူလေးသောက်ပေးပါ။
တုပ်ကွေးရောဂါများကိုပင် ပျောက်ကင်းစေနိုင်ပါသည်။


(၂၆) အဆုတ်ရောဂါ၊ ပန်းသေ ရောဂါ၊ မျက်စိရောဂါ၊ ချောင်ဆိုးပန်းနာ=မျောက်သားကိုကင်၍ ပင်စိမ်းနိုင်နိုင်နှင့်
ကြော်စားပါ။


(၂၇) လေငန်း၊ လေဖြတ်၊ အဆစ်ရောင်= ပင်စိမ်းပဉ္စငါးပါးကို ရေနွေးဖျော၍ အငွေ့ကိုရှူပေးပါ။


(၂၈) မြွေနှင့် အဆိပ်ရှိသတ္တဝါ ကိုက်ခဲပါက= ပင်စိမ်းရွက်နှင့် ပျဉ်းတော်သိမ်ရွက်ကို ဆတူကြိတ်၍ ဆီးသီးလုံးခန့်
နံနက်တလုံး၊ ညတလုံး စားပေးပါ။ ကိုက်ခံရသည့် ဒဏ်ရာတွင် ကြိတ်ဖတ်ကို အုံ၍ အဝတ်ဖြင့် စည်းပေးပါ။


(၂၉) သူငယ်နျာ ကျောပူခေါင်းပူ= ပင်စိမ်းရွက်၊ ကွမ်းရွက်၊ နနွင်းမှုန့်၊ ကျပ်ခိုး အနည်းငယ်ရောကြိတ်၍ ကလေးကို
ခပ်ပါးပါး လိမ်းပေးပါ။ ဦးခေါင်းမှ ခြေဖျားအထိ သပ်ချပေးပါ။


(၃၀) မီးဖွားပြီးစ အပုပ်ဆန်= ပင်စိမ်းရွက် ကြော်စားပါ။


(၃၁) ပန်းသေ၊ ပန်းညှိုး၊ ဝမ်းပျက်= ပင်စိမ်းရွက်ကို ငါးခူ၊ ငါးကျည်းနှင့်ဖြစ်စေ ဆိတ်သား၊ ခိုသားနှင့်ဖြစ်စေ
ကြော်စားပေးပါ။(သို့) ငါးပနော်နှင့် ကြော်စားပါ။


(၃၂) ဆီးရောဂါ= ပင်စိမ်းရွက်ရည် လိမ်းပေးပါ။ အပူငြိမ်းပြီး အဆိပ်ကို ကြေစေသည်။


(၃၃) ကင်းမြီးကောက်ကိုက်= ပင်စိမ်းရွက်ကြိတ်၍ အုံပေးပါ။


(၃၄) ချောင်းဆိုးနပန်းနာ= ပင်စိမ်းပွင့်၊ ချင်းခြောက်၊ ကြက်သွန်ဖြူ ထုထောင်း၍ ပျားရည်နှင့် လျက်ပေးပါ။


(၃၅) သလိပ်ကပ် ချွဲကျပ်= ပင်စိမ်းရွက်ကို လက်တဆုပ်ခန့်ခူး၍ အရည်ထွက်စေရန် ကြိတ်ခြေညှစ်ပေးပါ။
ထွက်လာသည့် အရည်အား ရေကျက်အေးနှင့် သောက်ပေးပါ။ တနေ့လျှင် နှစ်ကြိမ် သောက်ပေးပါ။
နေ့လယ်မွန်းတည့် သောက်ပါ။ သုံးရက် ဆက်သောက်ပေးပါ။


(၃၆) ဆီးရောဂါ၊ သွေးအကျိတ် အခဲရောဂါ၊ ဆီးပုပ်၊ ဓာတ်ပုပ်၊ သလိပ်ပုပ်=ပင်စိမ်းအစေ့ကို အခြောက်လှန်းပြီး
အနည်းငယ်ထောင်းပါ၊ နွားနို့ သကြားတို့နှင့် ဖျော်သောက်ပေးပါ။ အထက်ပါ ရောဂါများသာမက
သွေးအကျိတ်အခဲ ရောဂါများပင် ပျောက်ကင်းစေပါသည်။


(၃၇) ဆီးအောင့်၊ အမောသက်သာ=ပင်စိမ်းစေ့ကို သကြားရည်နှင့် ဖျော်ရည်ပြု၍ သောက်ပေးပါ။


(၃၈) မစားချင်၊ မသောက်ချင်၊ အစာအိမ်လေနာ၊ ဝမ်းနာ=ပင်စိမ်းရွက် သတ္ထုရည်ပြု၍ သောက်ပေးပါ။


(၃၉) နှလုံး၊ ကျောက်ကပ်ရောဂါ၊ နှမ်းစေ့=ပင်စိမ်းနှင့် ထန်းလျက်ကို ဆတူကြိတ်၍ ပျားရည်နှင့်တေပါ။ နံနက် တလုံး၊
ညအိပ်ရာဝင်တလုံး စားပေးပါ။ ထိုသို့ စားပေးခြင်းဖြင့် သွားဖုံးရောင်ခြင်း၊ သွားကိုက်ခြင်း၊ နားကိုက်ခြင်းများအပြင်
ပွေး၊ ဝဲ၊ နှင်းခူနာနှင့် မြင်းသရိုက်ရောဂါများကိုပါ ပျောက်ကင်းစေပါသည်။


(၄၀) သားကျည်းကိုက်၊ သားအိမ်လျှော၊ နို့ချောင်းပိတ်၊ ဆီးအောင့်=ပင်စိမ်းရွက်ကို ငါးကျည်းခြောက်နှင့်
ကြော်စားပေးပါ။ ထိုသို့ စားပေးခြင်းဖြင့် မီးဖွားပြီးစ အပုပ်ဆန်တတ်သော ရောဂါများပင် ပျောက်ကင်းစေ ပါသည်။
အစားမှား၍ ဆေးမှား၍ အော့အန်ခြင်းများကိုပင် ပျောက်ကင်းစေ၏။





ပင်စိမ်း၏ ဂုဟ်အစွမ်းအကျိုးများကား များပြားလှပါသည်။ ဉာဏ်ရှိသလို စားသုံးပေးခြင်းဖြင့် ရောဂါများကို ပျောက်ကင်း
စေသည့် ပင်စိမ်းရွက်များ ဖြစ်ပါသည်။




ကသစ်ဦး(ကျိုင်းတုံ)
( သူရဇ္ဇ ၂၀၀၃-စက်တင်ဘာ)

ကမ္ဘာကြီးကို ပြန်လည်ဖန်တီးခဲ့သူများ





ပါရမီရှင်များ၊ ဘီလီယံနာကြီးများ၊ စိတ်ကူးကောင်းသူများက ကမ္ဘာကြီးကို ပြန်လည်ဖန်တီးခဲ့ပါတယ်။ သူတို့ဟာ
နည်းပညာနဲ့ ကမ္ဘာကိုပြုပြင်ပြောင်းလဲခဲ့တယ်။ နည်းပညာလက်နက်ကို ကိုင်စွဲပြီးတော့ တော်လှန်ရေးတစ်ရပ် ဆင်နွှဲကာ
ကမ္ဘာကို ပြန်လည်ပြုပြင်တည်ဆောက်ခဲ့ပါတယ်။



သူတို့ဟာ အများနဲ့မတူ တစ်မူထူးပြီး ခပ်ကြောင်ကြောင်လူစားတွေလည်း ဖြစ်နေတတ်ပါတယ်။ ဒါပေမယ့် တီထွင်
ထိုးဖောက်နိုင်တဲ့ စွမ်းအားတွေကတော့ အများနဲ့မတူတာကြောင့်လည်း ထင်ရှားလာခဲ့သူတွေဖြစ်တယ်။ တီထွင်မှု
သမိုင်းမှာ သူတို့စွမ်းဆောင်ချက်တွေကို ပယ်ဖျက်လို့မရနိုင်လောက်အောင် ချန်ထားခဲ့ပါလိမ့်မယ်။



တီထွင်ဖန်တီးမှုဆိုတာ အလုပ်၊ စီးပွားရေး၊ ကြီးပွားရေးတွေနဲ့လည်း တစ်နည်းမဟုတ် တစ်နည်း ပတ်သက်နေတတ်ပါ
တယ်။ တကယ်တော့ သူတို့တီထွင်ခဲ့တာတွေကို ကျွန်တော်တို့က အလွယ်လေးသုံးနိုင်ကြပေမယ့် သူတို့ အားထုတ်ခဲ့ရ
တာတွေကတော့ ဘ၀နဲ့ရင်းခဲ့ကြရတာတွေ အများကြီးရှိပါလိမ့်မယ်။



သူများတွေ တွေးသလိုမတွေး၊ သူများတွေ နေသလိုမနေ၊ သူများတွေ ဇိမ်ခံသလို မခံတတ်ဘဲ ဘ၀မှာ ဖြစ်ချင်တဲ့
နောက်ကို တစ်ကောက်ကောက်လိုက်ရင်း၊ အပင် ပန်းအဆင်းရဲ ခံနိုင်လို့လည်း သူတို့ အောင်မြင်ခဲ့တာလို့ ပြောရင်
ရနိုင်တယ်။ အခြေအနေတစ်ခုကို သူတို့ရောက်လာဖို့ သူတို့ တစ်ဆင့်ပြီးတစ်ဆင့် တက်ခဲ့ကြတယ်။



နည်းပညာဆိုတာ လူသားတွေရဲ့ လူနေမှုဘ၀ (Life Style) ကို တစ်ခုသော အချိန်ကာလအတွင်း အကောင်းဆုံး
ဖြစ်အောင် စွမ်းဆောင်မှုပေးပါတယ်။ လူသားတွေ အကောင်းဆုံး၊ အဆင်အပြေဆုံး၊ အသက်သာဆုံးဖြစ်အောင်
သူတို့ လုပ်ဆောင်ခဲ့ပါတယ်။



ကမ္ဘာကြီးဟာ သူတို့တီထွင်မှုတွေကြောင့် အသစ်ပြန်လည်မွေးဖွားလာတယ်လို့လည်း ဆိုနိုင်ပါတယ်။ သူတို့ ဘယ်သူ
တွေလည်း၊ ဘာတွေလုပ်ခဲ့သလဲဆိုတာ ကျွန်တော်တို့ကြည့်ရအောင်။





Steve Jobs and Steve Wozniak
 
အဲဒီသူငယ်ချင်းနှစ်ယောက်ဟာ နည်းပညာတော်လှန်ရေးမှာ ရှေ့တန်းကပါဝင်ခဲ့သူတွေလို့ပြောရမယ်။ နှစ်ယောက်
စလုံး တက္ကသိုလ်ပညာကို စိတ်ပျက်ပြီး တစ်ပိုင်းတစ်စနဲ့ ထွက်ခဲ့တဲ့သူတွေချည်းဖြစ်တယ်။ ဒါပေမယ့် သူတို့မှာ
“အတွေးအမြင်ကွဲပြားမှု” ဆိုတဲ့ ကိုယ်ပိုင်အစွမ်းအစတွေကို ပိုင်ဆိုင်ထားခဲ့ကြတယ်။



ပထမဦးဆုံး iDevices ဆိုတဲ့ ကွန်ပျူတာကို ကာလီဖိုးနီးယားပြည်နယ်၊ လော့စ် အယ်လ်တော့စ်မြို့က စတိဂျော့ရဲ့
ကား ဂိုဒေါင်ထဲမှာ စတင်တီထွင်ကြတယ်။ စတိ ဂျော့ရဲ့ သူမတူအောင် ဖန်တီးတီထွင်နိုင်စွမ်း၊ စည်းရုံးနိုင်စွမ်း
တွေကြောင့် သူ့လိုပညာရှင်တွေကို သိမ်းသွင်းဖော်ဆောင်နိုင်ခဲ့တယ်။



သမိုင်းတွင်စေမယ့် Apple ကုမ္ပဏီကြီးကို စတင်ထူထောင်နိုင်ခဲ့ရုံမက CEO တစ်ယောက်အနေနဲ့ပါ တာဝန်ယူခဲ့တယ်။
ပညာရှင်တွေကို မဖြစ်မနေဇွဲနဲ့ သည်းသည်းမည်းမည်းရှာပြီး စီမံခန့်ခွဲကာ သူ့စိတ်ကူးကို အကောင်အထည် ဖော်စေနိုင်
ခဲ့တာကြောင့်လည်း Apple ဟာအောင်မြင်ခဲ့တယ်လို့ ပြောနိုင်တယ်။



ခုဆိုရင် Apple က အမေရိကန်မှာတင် ကုန်ပစ္စည်းအမှတ်တံဆိပ်တွေကို မူပိုင်ခွင့် အနေနဲ့ မှတ်ပုံတင်ထားခဲ့တာ အမျိုး
အစားပေါင်း ၃၀၀ ကျော်နေပါပြီ။ စတိ ဂျော့တစ်ယောက် ၂၀၁၁ အောက်တိုဘာလမှာ ကင်ဆာရောဂါနဲ့ သူချစ်တဲ့
အိုင်တီလောကကြီးကို ကျောခိုင်းသွားခဲ့ပါပြီ။ ဒါပေမယ့် Macintosh, iPod, iPhone, iPad ဆိုတဲ့ သူ့ စိတ်ကူးတွေကို
ကမ္ဘာကြီးအတွက် ထားရစ်ခဲ့ပါတယ်။





Bill Gates


တကယ့်နည်းပညာတို့ရဲ့ဆရာကြီးတစ်ယောက်လိုဖြစ်နေသူဆိုတော့ အထွေအထူး မိတ်ဆက်ပေးဖို့တောင် လိုမယ်
မထင်ဘူး။ Microsoft ဆိုတာ အိုင်တီခေတ်မှာ နည်းပညာစိတ်ဝင်စားသူတိုင်းနဲ့လည်း မကင်းနိုင်ပါဘူး။ ဘေ ဂိတ်စ်
အကြောင်းကိုရေးတဲ့ စာအုပ်တွေအများကြီးထွက်တယ်။ အဲဒီစာအုပ်တိုင်းမှာ ဟားဗတ်တက္ကသိုလ်ကနေ ကျောင်းပြီး
အောင် မတက်ဘဲ ထွက်လာတယ်ဆိုတာ ချီးကျူးဂုဏ်ပြုရေးသားစရာ အချက်တွေဖြစ်နေတယ်။



ကွန်ပျူတာ Programming ဆိုတာ ဘေ ဂိတ်စ်အတွက် ဘ၀တစ်ခုဖြစ်လာတယ်။ ပေါလ် အယ်လန်နဲ့သူ BASIC
ဆိုတဲ့ ပရိုဂရမ်ကို ကွန်ပျူတာဘာသာစကားတစ်ခုဖြစ်အောင် တီထွင်နိုင်ခဲ့ကြတယ်။ သူတို့ကြောင့် Altair 8800 ဆိုတဲ့
မိုက်ခရိုကွန်ပျူတာဟာ အသက်ဝင်လာတယ်လို့ ပြောနိုင်တယ်။ အဲဒီကတစ်ဆင့် ၁၉၇၅ ခုနှစ်မှာ Microsoft ဆိုတာ
ပေါ်လာတယ်။



DOS (Disk Operating System) ကို တီထွင်နိုင်ခြင်းဟာ မိုက်ခရိုဆော့ဖ်ကို ကွန်ပျူတာ OS (operating system)
ပိုင်းမှာ စိုးမိုးသွားစေနိုင်တဲ့ အချက်ဖြစ်ခဲ့တယ်။ DOS နောက်ပိုင်းမှာ MS Windows, MS Office တွေနဲ့ မိုက်ခရိုဆော့ဖ်
ဟာ တစ်ခုပြီး တစ်ခု အောင်ပွဲတွေဆက်ခဲ့တယ်။ ဒီလိုနဲ့ မိုက်ခရိုဆော့ဖ်ဆိုတဲ့ အင်ပါယာကြီးကို ထူ ထောင်နိုင်ခဲ့တယ်။



မိုက်ခရိုဆော့ဖ်ဟာ ကွန်ပျူတာ operating system အပိုင်းမှာ စိုးမိုးလာတာနဲ့အမျှ သူ့လက်ဝါးကြီးအုပ်မှုအပေါ်
အတိုက်အခံတွေလည်း အများကြီးပေါ်လာတယ်။ ရန်များလွန်းတာနဲ့ ဘေ ဂိတ်စ်လည်း မိုက်ခရိုဆော့ဖ်ရဲ့ အုပ်ချုပ်မှု
အပိုင်းကနေ အနားယူပြီး အလှူအတန်းတွေနဲ့ လူမှုရေးလုပ်ငန်းတွေမှာပဲ မွေ့ပျော်နေတော့တယ်။



ဘေ ဂိတ်စ်ဟာ ကမ္ဘာ့အချမ်းသာဆုံးစာရင်းမှာ ထိပ်ဆုံးသုံးနေရာလောက်က အမြဲရပ်တည်နေခဲ့တယ်။ သူနဲ့ သူ့ဇနီး
တို့ ထူထောင်ထားတဲ့ Bill & Melinda Gates Foundation ဟာ ကမ္ဘာမှာ ယနေ့တိုင် အလှူဒါန်းနိုင်ဆုံး၊ လူမှုရေးဆိုင်ရာ
အကျိုးပြုလုပ်ငန်းတွေ အလုပ်နိုင်ဆုံး ဖောင်ဒေးရှင်းအဖြစ် ရပ်တည်နိုင်ခဲ့တယ်။





Akio Morita
 
နည်းပညာနဲ့ပတ်သက်ရင် လူတွေမေ့ ဖျောက်လို့မရနိုင်တဲ့ ကုမ္ပဏီတစ်ခုရှိပါတယ်။ Sony Corporation ဆိုတာပဲ
ဖြစ်တယ်။ နည်းပညာလောကမှာ ထရန်စစ္စတာရေဒီယိုတွေနဲ့ စတင်ပြီး အသိအမှတ်ပြုခြင်းခံလာရတယ်။ နောက်ပိုင်း
Walkman, Video Cassette recorder, Trinitron TV ကြီးတွေအထိ အဆင့်ဆင့်တီထွင်နိုင်မှုတွေကြောင့် ကမ္ဘာ့
အကြီးဆုံးနဲ့ အထင်ရှားဆုံး ကုမ္ပဏီကြီးတစ်ခုဖြစ်လာရတယ်။



အမေရိကန်မှာ စတိ ဂျော့ဟာ Apple နဲ့ ခေတ်တစ်ခေတ်ထူထောင် နိုင်ခဲ့သလို၊ ဂျပန်မှာလည်း မိုရီတာကို Sony နဲ့
အီလက်ထရောနစ်ခေတ်တစ်ခေတ်ကို ထူထောင်နိုင်ခဲ့သူလို့ ပြောနိုင်တယ်။



မိုရီတာဟာ ၁၉၄၆ ခုနှစ် မေလမှာ တိုကျို Telecommunication Engineering Corporation ကို စတင် ထူထောင်
ခဲ့တယ်။ အဲဒီအချိန်ဟာ ဂျပန်နိုင်ငံမှာ စစ်ဒဏ်ကို အလူးအလဲပြန်ခံနေရချိန်လို့ပြောရမယ်။



ခရီးဆောင်၊ အိတ်ဆောင် သီချင်းဖွင့်စက်တွေ တီထွင်တဲ့အထဲမှာ ဆိုနီရဲ့ Walkman ဆိုတာ ခေတ်အစောဆုံးလို့
ပြောရမယ်။ iPod တွေကို စတိ ဂျော့က သူ့စိတ်ကူးကိုယူပြီး လိုက်ထုတ်ရာက အောင်မြင်လာတာလို့ ပြောနိုင်တယ်။
ဒီ သီချင်းဖွင့်စက်လေးတွေကိုလည်း မိုရီတာက သူ လေကြောင်းနဲ့ ခရီးရှည်ကြီးတွေထွက်စဉ်မှာ သီချင်းနားထောင်
ချင်တာနဲ့ တီထွင်ခဲ့တာလို့ ဆိုပါတယ်။



မိုရီတာဟာ ဂျပန်မှာတော့ တစ်ခုတည်းသော အီလက်ထရောနစ်ကမ္ဘာနဲ့ စိုးမိုးထားသူလို့ ပြောနိုင်တယ်။ သူ့အလှမ်း
ကျယ်မှုကြောင့် အမေရိကမှာလည်း ဆိုနီရဲ့ ဩဇာတွေ အများကြီးလွှမ်းမိုးထားနိုင်ခဲ့တယ်။



ဒီနေ့ဆိုရင် ဆိုနီကုမ္ပဏီကြီးဟာ Vaio, PlayStation, Cyber-shot, Bravia, Xperia ဆိုတဲ့ အမည်ပေါက် တီထွင်မှုတွေ
နဲ့ လွှမ်းမိုးထားနိုင်ပါပြီ။ ပြောင်မြောက်တဲ့စိတ်ကူး၊ တီထွင်မှုအသစ်အဆန်းတွေနဲ့ အရည်အသွေးတွေ ကြောင့်
ယနေ့တိုင် နာမည်တစ်လုံးနဲ့ ရပ်တည်နိုင်ခဲ့ပါတယ်။





Sir Timothy Berners-Lee
 
တင်မ် ဘာနာလီး တီထွင်ခဲ့တာ ယနေ့လူတိုင်းအတွက် မရှိမဖြစ် အရေးပါနေပေမယ့် သူ့ကိုတော့ လူသိနည်းပါတယ်။
သူ့မူလ အလုပ်က CERN (European Organization for Nuclear Research) မှာ လုပ်ခဲ့တယ်။ သိုသိပ် လျှို့ဝှက်တဲ့
အဖွဲ့လည်းဖြစ်ပြီး၊ သူတီထွင်ခဲ့တာကို အစောပိုင်းမှာ မထုတ်ဖော်ခဲ့တာကြောင့် သူ့ကို လူသိနည်းခဲ့တယ်။



တင်မ်ဟာ ကွန်ပျူတာပရိုဂရမ်တစ်ခုရေးဖို့ စိတ်ကူးရခဲ့တယ်။ အဲဒီ ပရိုဂရမ်က CERN မှာ လုပ်ကိုင်နေတဲ့ လူ ၁၀၀၀၀
လောက် တစ်ပြိုင်တည်း ဆက်သွယ်နိုင်မယ့် နည်းလမ်းဖြစ်တယ်။



၁၉၈၀ ပြည့်နှစ်မှာ တင်မ်ဟာ ENQUIRE ဆိုတဲ့ပရိုဂရမ်ကို စတင်ဖော်ထုတ်နိုင်ခဲ့တယ်။ အဲဒီစနစ်ဟာ ယနေ့ လူသိ
များတဲ့ WWW ((World Wide Web) ရဲ့ ရှေ့ပြေးအစီအစဉ်တစ်ခုဖြစ်တယ်။



နောက် ၁၀ နှစ်အကြာမှာ TCP (Transmission Control Protocol) နဲ့ Domain name စနစ်အတိုင်း ကွန်ပျူတာက
တစ်ဆင့် စာတွေ ပေးပို့ဖြန့်ချိနိုင်တဲ့ (ယနေ့အင်တာနက်ပုံစံ) ကို အောင်မြင်စွာ တီထွင်နိုင်ခဲ့တယ်။ ယနေ့ Web လို့
လူသိ များတယ်။



မူလ CERN ဌာနအတွင်း သုံးနိုင်ဖို့ စနစ်ကနေ ကမ္ဘာသိ၊ ကမ္ဘာသုံး အင်တာနက် စနစ်ကြီးဖြစ်လာပြီး သူကိုလည်း Sir
ဘွဲ့နဲ့ ချီးမြှင့်ခဲ့တယ်။ သူ့ကို ၂၀၀၄ ခုနှစ်မှာ ဘုရင်မကြီး ဒုတိယမြောက် အဲလီဇဘက်ကိုယ်တိုင် သူကောင်းပြုဘွဲ့ကို
ချီးမြှောက်ခဲ့တယ်။ တင်မ်ဟာ အောက်စ်ဖို့ဒ်၊ ကွင်းကောလိပ်က ကျောင်းသားဟောင်းတစ်ယောက် ဖြစ်ပါတယ်။





Sergey Brin and Larry Page


အလွန်တော်တဲ့ ပရိုဂရမ်မာနှစ်ယောက်ဖြစ်ပါတယ်။ သူတို့နှစ်ယောက် စတန်းဖို့ဒ် တက္ကသိုလ်မှာ ပါရဂူဘွဲ့ အတွက်
တက်ဖို့လာရင်းတွေ့ကြတာ။ အဲဒီကတည်းက search engine လို့ခေါ်တဲ့ အင်တာနက်မှာ မရှိမဖြစ် စနစ် တစ်ခုကို
တည်ဆောက်ဖို့ စိတ်ကူးရခဲ့ကြတယ်။ အင်တာနက်မှာ ပိုပြီးတော့ အထောက်အကူဖြစ်စေနိုင်ပြီး လူတိုင်း အတွက်
အသုံးအတည့်ဆုံးစနစ်တစ်ခုလည်း ဖြစ်လာစေဖို့ သူတို့စတင်ကြံဆောင်ခဲ့ကြတယ်။



ဆာဂေး ဘရင်းက စတန်းဖို့ဒ်တက္ကသိုလ်ရဲ့ ကွန်ပျူတာစနစ်မှာ အကန့်အသတ်တွေကို တွန်းလှန်နေချင်တယ်။
အဲဒီ စိတ်ကူးဟာ Google ဆိုတဲ့ကုမ္ပဏီကြီးကို စတင် အခြေတည်စေခဲ့တဲ့ စိတ်ကူးတစ်ခုဖြစ်ခဲ့တယ်။


သူတို့စိတ်ကူးအတွက် အထောက်အပံ့ ပေးခဲ့တဲ့ ကုမ္ပဏီကြီးကတော့ Sun Microsystem ဖြစ်တယ်။ ဒေါ်လာ တစ်သန်း
မတည်ပေးပြီးတော့ တီထွင်မှုကို အားပေးခဲ့တယ်။



သူတို့နှစ်ယောက်စိတ်ကူးဟာ မကြာခင် ပုံနှိပ်စက်ကိုတီထွင်ခဲ့တဲ့ ဂူတင်ဘတ်ပြီးရင် အရေးအပါဆုံးတီထွင်မှုတစ်ခုဖြစ်
လာခဲ့တယ်။ အင်တာနက်ပေါ်မှာ လိုချင်တာ၊ သိချင်တာကို ရှာဖွေချင်ရင် Google နဲ့ ကင်းနိုင်တာမရှိပါဘူး။ လာရီ
ပေ့ဂ်ျက PageRank ဆိုတာကို တီထွင်တယ်။ Google ကိုရောက်လာတဲ့ အဖျက်အမှောင့်တွေကို စောင့်ကြည့် ဖျက်စီး
ပေးတယ်။ နောက်ပိုင်းတရုတ်ပြည်က ဆင်ဆာကိစ္စတွေများတာကြောင့် အငြင်းပွားပြီး တရုတ်ပြည်အတွက် Google
ကို ရပ်နားခဲ့တဲ့အထိ ဖြစ်ခဲ့တယ်။ နောက်ပိုင်း ဒီမိုကရေစီထောက်ခံရေးလှုပ်ရှားမှုတွေမှာ Google ဟာပိုပြီး
ဂုဏ်တက်လာခဲ့တယ်။






Mark Zuckerberg


သူ့အကြောင်းတွေကို မီဒီယာကနေ အမျိုးမျိုးဖော်ထုတ် ချီးကျူးကြတယ်။ ပရိုဂရမ်မာတွေထဲမှာ စိတ်ကူးကောင်းတဲ့
ပရိုဂရမ်မာတစ်ယောက်လို့ ပြောရမယ်။ လူမှုရေးကွန်ရက်ကြီးတစ်ခုဖြစ်တဲ့ Facebook ဟာ သူ့ကြောင့် ပေါ်ပေါက်
လာတာလို့ ပြောနိုင်တယ်။ ယခုဆိုရင် သူ့ Facebook ကို ကမ္ဘာတစ်ဝန်းလုံးမှာ သုံးစွဲသူပေါင်း ၈၄၅ သန်း
တောင်ရှိနေပါပြီ။



Facebook ဟာ အင်တာနက်လောကကြီးတစ်ခုလုံးက်ို ပြောင်းလဲသွားစေခဲ့တဲ့ လူမှုရေးကွန်ရက်ကြီးတစ်ခုလို့ ပြောနိုင်
တယ်။ အစပိုင်းမှာ ကျောင်းသားတွေ အချင်းချင်း အပြန်အလှန်ပြောဆိုဆွေးနွေးနိုင်မယ့် Forum သဘောကနေ၊
နောက်ပိုင်း အားလုံးဆုံတွေ့ရာ စုရပ်တစ်ခုလိုဖြစ်လာတယ်။



အမှန်တော့ Facebook ဟာ အီးမေးလ်စနစ်ကို တိုက်ဖျက်ပစ်ဖို့ ပေါ်လာတဲ့ ဆက်သွယ်ရေးစနစ်လို့လည်း ခေါ်နိုင်
တယ်။ ယနေ့တိုင် Facebook နဲ့ နောက်ကွယ်ကရှိနေတဲ့ ဇူကာဘတ်ကိုယ်တိုင် ပဟေဠိလိုဖြစ်နေတယ်။ မယုံရဲ ယုံရဲ
နဲ့ပဲ Facebook ကို သုံးစွဲသူတွေကလည်း များလာတယ်။ ဇူကာဘတ်ဆိုတာ ဘာလဲ၊ ဘာတွေဆက်လုပ်မလဲ၊
Facebook ကြောင့် ဘာတွေဖြစ်လာမလဲ ယနေ့တိုင် အဖြေရှာနေကြဆဲပဲ။





Jimmy Wales


ဂျင်မီ ဝေးလ်ဟာ လာရီဆန်းဂါးဆိုသူနဲ့ အတူ ဝီကီပီးဒီးယား (Wikipedia) ကို ထူထောင်ခဲ့တယ်။ ပရောဂျက်တွေကို
ပြီးဆုံးအောင်မလုပ်နိုင်ကြလို့ အခက်တွေ့နေကြတဲ့ ကျောင်းသားတွေအတွက် ကယ်တင်ရှင် site ကြီးတစ်ခုလို့
ပြောရင် မမှားဘူး။ ဝီကီပီးဒီးယားဆိုတာ သုတရတနာသိုက်ကြီးလို့ ပြောရင်လည်း မမှားဘူး။ ယနေ့ခေတ်မှာ စွယ်စုံ
ကျမ်းကြီးတွေကို မျိုးသုဉ်းအောင် လုပ်နိုင်ခဲ့တဲ့ လူတိုင်းအတွက် လွတ်လပ်စွာ အခမဲ့ဖွင့်ပေးထားတဲ့ သုတ
ဘဏ်တိုက်ကြီးလို့လည်း ပြောနိုင်တယ်။ ကမ္ဘာတစ်ဝန်းလုံး ဒီ site ထဲဝင်ပြီးတော့ ဖတ်မှတ်လေ့လာ နေသူပေါင်း
၃၆၅ သန်းလောက်ရှိတယ်။



၁၉၉၀ လောက်ကတည်းက ဝေးလ်ဟာ Bomis ဆိုတာကို စတင်လုပ်နေပြီ။ လူကြီးလူကောင်းတွေဖတ်စာလို့ ခေါ်ရ
မယ့် စာတွေကို အင်တာနက်ပေါ်ကို တင်ထားပေးတယ်။ လူသိနည်းခဲ့တယ်။ ဒါနဲ့ သူ့ရဲ့ search engine ကို
အွန်လိုင်းစွယ်စုံကျမ်းလိုင်းကိုပြောင်းဖို့ စိတ်ကူးရသွားတယ်။



ဒီလိုနဲ့ Nupedia ဆိုတာကို စတင်မွေးဖွားခဲ့တယ်။ လာရီ ဆန်းဂါးက ဝေးလ်ဖြစ်ချင်တဲ့ စိတ်ကူးကို လူတိုင်းပါဝင်၊
လူတိုင်းဝင်ရေး၊ လူတိုင်း ဖတ်နိုင်တဲ့ အနေအထား ရောက်အောင် အကောင်အထည်ဖော်ပေးခဲ့တယ်။ ဒီလိုနဲ့
ဝီကီပီးဒီးယားဆိုတာ ဖြစ်လာခဲ့တယ်။ လူတိုင်းအခမဲ့ သိချင်တာရှာ၊ ယူချင်တာယူ၊ ပေးချင်တာပေးနိုင်တဲ့ site တစ်ခု
အဖြစ် အောင်မြင်နေပါတယ်။





Linus Torvalds
 
ကမ္ဘာပေါ်မှာ အဓိက ငြခမသျသ်အ နဲ့ ဗစစူန ရဲ့ ဆော့ဖ်ဝဲတွေကပဲ လက်ဝါးကြီးအုပ် စိုးမိုးနေချိန်မှာ ဖင်လန်-
အမေရိကန်ဆော့ဖ်ဝဲ အင်ဂျင်နီယာတစ်ယောက်ဖြစ်တဲ့ လိုင်းနပ်စ် တော်ဗဲလ်ဆိုသူတစ်ယောက်က ပြုပြင်ပြောင်းလဲမှု
တစ်ခုကို လုပ်လိုက်ပါတယ်။ သူတီထွင် လိုက်တဲ့ Linux ဆိုတဲ့ ဆော့ဖ်ဝဲဟာ အခမဲ့လည်းရ၊ အသုံးလည်းတည့်၊
စိတ်ချလုံခြုံမှုလည်း အပြည့်ရှိတဲ့ လေးစားစရာ open source ဆော့ဖ်ဝဲတစ်ခုဖြစ်လာပါတယ်။



Linux ကို လူတိုင်းအသုံးတည့်လာပေမယ့် တော်ဗဲလ်ကတော့ ဒီဆော့ဖ်ဝဲကို မတော်တဆ တွေ့ရှိခဲ့တယ်လို့ ပြော
တယ်။ သူ့ Linux မှာ BitKeeper ကို ထိန်းချုပ်ဖို့အတွက် အသုံးပြုထားကြောင်း စွပ်စွဲချက်တွေထွက်လာတယ်။ ဒါနဲ့
တော်ဗဲလ်လည်း Git ဆိုတာကိုတီထွင်ပြီးသူ့ open source ကို ခိုင်မာအောင်လုပ်တယ်။



Open source ဆိုတာ အခမဲ့လည်းရ တီထွင်သူပရိုဂရမ်မာတွေအတွက်လည်း အသုံးတည့်၊ လုပ်ငန်းကြီးတွေ
အတွက်ပါ အနှောင်အဖွဲ့ကင်းရှင်းစွာ သုံးနိုင်ကြလို့ စိတ်ဝင်စားပြီး အထွဋ်အထိပ်ကိုရောက်လာခဲ့တယ်။
ယနေ့ Linux ကို စူပါကွန်ပျူတာကြီးတွေမှာတောင် စိတ်ချရတယ်ဆိုပြီး သုံးစွဲနေကြတယ်။ ဆဲလ်ဖုန်းတွေမှာကအစ
open source ဆိုတာ နှစ်သက်စရာဖြစ်လာစေတယ်။






Jeffery Bezos


ဂျက်ဖ် ဘီဇို့စ်ဟာ ကမ္ဘာ့စီးပွားပျက်ကပ်ဆိုက်နေချိန်မှာ Amazon.com ဆိုတဲ့ အင်တာနက်ကနေ ဈေးဝယ်စနစ်ကို
စတင်ဖော်ဆောင်နိုင်ခဲ့သူဖြစ်ပါတယ်။ ဘီဇို့စ်ဟာ ကွန်ပျူတာသိပ္ပံနဲ့ အီလက်ထရောနစ် အင်ဂျင်နီယာ ကျောင်းသား
တစ်ယောက်ဖြစ်ခဲ့တယ်။ ပရင့်စ်တန်တက္ကသိုလ်ကျောင်းထွက်ပါ။



သူဟာ နိုင်ငံတကာကုန်သွယ်မှုမှာလည်း ကျွမ်းကျင်တာကြောင့် Amazon.com ကို စိတ်ကူးရခဲ့တာဖြစ်တယ်။ မူလက
အွန်လိုင်းကနေ စာအုပ်တွေရောင်းဖို့ စိတ်ကူးခဲ့ပေမယ့် နောက်ပိုင်း သီချင်း၊ အီလက်ထရောနစ်ပစ္စည်း၊ ဆော့ဖ်ဝဲ၊
ဗီဒီယိုဂိမ်း၊ အဝတ်အထည်၊ အိမ်တွင်းအဆင်အပြင်၊ အစားအစာနဲ့ ကစားစရာတွေအထိ တစ်လိုင်းထဲမှာ အစုံ ဝယ်ယူ
လေ့လာနိုင်တဲ့ site ကြီးဖြစ်သွားတယ်။ မိုက်ခရိုမန်နေဂျာလေးကနေ သမိုင်းဝင်မန်နေဂျာကြီးဖြစ်သွားခဲ့တယ်။





Shigeru Miyamoto


မီယာမိုတိုဟာ ဗီဒီယိုဂိမ်းတီထွင်သူတစ်ယောက်အနေနဲ့ အောင်မြင်ကျော်ကြားသူလည်းဖြစ်တယ်။ သူတီထွင်ခဲ့တဲ့
Mario, Donkey Kong, The Legend of Zelda, Star Fox, F-Zero, Pikmin ဆိုတဲ့ဂိမ်းတွေဟာ ကမ္ဘာကျော် တွေလို့
ပြောနိုင်တယ်။



သူဟာ ကလေးဘ၀ကတည်းက ကျိုတိုမြို့ ဆင်ခြေဖုံး ဆိုနိုဘီရပ်ကွက်မှာ ကြီးပြင်းခဲ့ရတယ်။ သူ့ ဂိမ်းဇာတ်
ကောင်လေးတွေဟာ ဒစ်စနေးကာတွန်းဇာတ်ကောင်လေးတွေလို ဖန်တီးထားတာများတယ်။ ဥပမာ မာရီယိုဆိုတဲ့
ဇာတ်ကောင်ဆိုရင် ကျေးလက်သူရဲကောင်းတစ်ယောက်ပါ။ မင်းသမီးကို သွားကယ်ရတယ်။ ဂိမ်းကစား သူတိုင်းကို
ဆွဲဆောင်စေခဲ့တယ်။



ခုထိ Nintendo ကုမ္ပဏီမှာ မန်နေဂျင်းဒါရိုက်တာ တစ်ယောက်အနေနဲ့ တာဝန်ထမ်းဆောင်နေ တယ်။ ဒီဂိမ်းတွေဟာ
သူ့ရဲ့ စိတ်ရောကိုယ်ပါ စွမ်းဆောင်ချက်တွေကြောင့် ပေါ်ပေါက်လာတာလို့ပြောနိုင်တယ်။





Michael Dell


ပွဲတွေကို ရှောင်လေ့ရှိတဲ့ မိုက်ကယ် ဒဲလ်ဟာ သေးသေးလေးနဲ့ ဘ၀ကို စတင်ခဲ့တယ်။ ကွန်ပျူတာပစ္စည်းလေးတွေ
ကို စတင်ရောင်းရာကနေ အလုပ်စလုပ်ခဲ့တယ်။ သူ့ အသက် ၁၅ နှစ်သားမှာ ပထမဦးဆုံး ကွန်ပျူတာထုတ်ဖို့ စိတ်ကူး
ရခဲ့တယ်။



ဒါကြောင့် ကွန်ပျူတာတစ်လုံးကို အစအဆုံး ပြန်ပြီးဖျက်ကြည့်တယ်။ ကွန်ပျူတာကို အဲဒီအချိန်က ရောင်းကြတာ
ကြားခံအရောင်းသမားတွေကတစ်ဆင့်ဖြစ်နေတယ်။ ဒါကြောင့် သူက ကုမ္ပဏီမှာ ကွန်ပျူတာကို တိုက်ရိုက်ဝယ်ယူနိုင်
တဲ့စနစ်ကို စတင်တီထွင်ခဲ့တယ်။



၁၉၈၄ ခုနှစ်မှာ သူ့စိတ်ကူးကို အကောင်အထည်ဖော်တဲ့အနေနဲ့ Dell Computer Corporation ကိုစတင်ထူထောင်
နိုင်ခဲ့တယ်။ သူ့ကုမ္ပဏီဟာ Fortune 500 မှာ ပါဝင်လာခဲ့တယ်။ အသက် ၂၇ နှစ်မှာ လူငယ် CEO တစ်ယောက်ဖြစ်
လာတယ်။ ၁၉၉၉ ခုနှစ်မှာ Michael and Susan Dell ဖောင်ဒေးရှင်းကို ထူထောင်ခဲ့တယ်။ ကလေး တွေအတွက်
ဘ၀ဖူလုံရေး အထောက်အပံ့ အများဆုံးပေးနေတဲ့ ဖောင်ဒေးရှင်းကြီးတစ်ခုလည်းဖြစ်တယ်။






Lawrence Ellison


လာရီလို့ လူသိများတဲ့ လောရင့်စ် အယ်လီဆန်ဟာ Oracle Corporation ကို ထူထောင်သူနဲ့ CEO တစ်ယောက်ဖြစ်
ပါတယ်။ သူ့ကိုယ်သူ ကွန်ပျူတာဒီဇိုင်းပညာရှင်လို့ပြောတဲ့ ချီကာဂိုတက္ကသိုလ် ကျောင်းထွက် တစ်ယောက်ဖြစ်တယ်။
Ampex Corporation မှာ စတင်အလုပ်လုပ်တယ်။ စီအိုင်အေအဖွဲ့ အတွက် “Oracle” လို့ခေါ်တဲ့ database စနစ်
တစ်ခုကို စတင်လုပ်ဆောင်ခဲ့တယ်။ စီးပွားရေးလုပ်ငန်းသုံးစနစ်တွေကိုလည်း အများကြီး တီထွင်ခဲ့တယ်။



၁၉၈၀ ပြည့်နှစ်မှာ IBM က သူ့ Oracle ကို မိန်းဖရိန်ကွန်ပျူတာကြီးတွေမှာ စတင်သုံးခဲ့တာကအစ သူ့ကို လူသိများ
လာတယ်။ သူလည်း Oracle ဆိုတဲ့ ကုမ္ပဏီကြီးကို ထူထောင်နိုင်ခဲ့တဲ့အထိ အောင်မြင်ခဲ့တယ်။ Oracle စနစ်ကို
ကုမ္ပဏီကြီးတွေနဲ့ လုပ်ငန်းကြီးတွေမှာ သုံးကြတယ်။ ချမ်းသာပြီး ကိုယ်ပိုင်လေယာဉ်ပျံ၊ အကောင်းဆုံး ဇိမ်ခံကားတွေ
စီးတတ်တာကြောင့် နာမည်ကျော်တယ်။



အခုပြောခဲ့တဲ့ ထင်ရှားသူတွေ အားလုံးမှာ တူညီတာတစ်ခုက ဘာလုပ်လုပ် “စိတ်အားထက်သန်စွာလုပ်” ဆိုတာပါ။
သေးသေးလေးပဲလုပ်လုပ် အားနဲ့ မာန်နဲ့ လုပ်တတ်ကြတာဟာ သူတို့ဘ၀အတွက် အောင်မြင်မှုတွေရရှိစေခဲ့ပါတယ်။
သူတို့မှာ ပညာတစ်ပိုင်းတစ်စနဲ့ ကျောင်းတွေထွက်ပြီး လုပ်ငန်းတွေ လုပ်ဆောင်ကြပေမယ့် အောင်မြင်ခဲ့တာကြောင့်
အစဉ်အလာ ပညာရေးဆိုတာ သူတို့အတွက် အဓိကမကျဘူးဆိုတာလည်း သက်သေပြနေတယ်။



ဘာပြောပြော သူတို့ရဲ့ တော်လှန်ပြီး ပြုပြင်ပြောင်းလဲချင်တဲ့စိတ်ဓာတ်တွေက အစဉ်အလာကမ္ဘာကြီးကို ပြန်လည်ဖန်တီး
နိုင်ခဲ့ တယ်ဆိုတာတော့ ထင်ရှားတယ်။

လူထုကျန်းမာရေး (((လေဖြတ်မည့် ရှေ့ပြေးလက္ခဏာ - ၁၁ချက်)


၁။ ဦးခေါင်းနောက်စေ့တွင် ခေါင်းကိုက်ခြင်း၊ မကြာခဏ မူးဝေခြင်း။
(Sub occipital headache)



၂။ ခြေ,လက်တို့တွင် မကြာခဏ ကျဉ်ခြင်း၊ကိုယ်လက် လေးလံ ထိုင်းမှိုင်းခြင်း။

(Tingling sensation of limbs)



၃။ မျက်ခွံနှင့် မျက်နှာကြွက်သားတို့ ဆတ်ခနဲလှုပ်ခြင်း၊ အသားကွက်၍ တဆတ်ဆတ်လှုပ်ခြင်း။
(Fluttering or Tic of eyelids and facial muscles)



၎။ မကြာခဏ ဝမ်းချုပ်ပြီး ဗိုက်တွင်လေပွနေခြင်း။
(Occassional constipation and fluctuation)



၅။ ညအိပ်ချိန် ကျဉ်ထုံခြင်း လန့်နိုးခြင်း။
(Tingling and numbress of limbs during sleep)



၆။ ဆီး အနီရောင်သွားခြင်း။
(Redness discolouration of urine)



၇။ ပစ္စည်းများကိုင်လျှင် မမြဲခြင်း၊ မကြာခဏ လွတ်ကျတတ်ခြင်း။
(Freguent fall down of objects when bandling)



၈။ ဘယ်ဘက်လက် ကိုက်ခဲပြီး လက်မတွင် ထုံခြင်း၊ ဘယ်ခြေဆွဲခြင်း။
(Tingling and aching sensation of left upper limbs, thumb and lower limbs)



၉။ အမျိုးသားများ အသက် ၄၅-နှစ်ကျော်လျှင် ရက်ရှည် ခြေ,လက် ထုံကျဉ်ခြင်း။
(Male over 45yrs,numbers sensation longtime) အမျိုးသမီးများ သွေးဆုံးချိန်တွင် ခြေ,လက်များ
ထုံကျဉ်ခြင်း။ လက်ညှိုး၊ လက်ခလယ် ကွေးရာမှ ချက်ချင်းဆန့်မရခြင်း။
(Numbness sensation during menolpasuse)



၁၁။ ရေချိုးပြီးလျှင် မျက်စိများ ကြာမြင့်စွာ နီရဲခြင်း။
(Redness of eye after bath (or) Conjunctivities after bath)



ကြိုတင်သိရှိပြီး လူသားများအားလုံး လေဖြတ်ခြင်းမှ ကာကွယ်နိုင်ကြပါစေ.....



နောက်ဆုံးတစ်ချက်က အရေးကြီးလို့.............



၁၁။ မျက်စိနှစ်ဖက်လုံးမှောင်အတိ ကျသွားပြီး ... ခန့်မှန်း ၁၅ စက္ကန့်လောက်ပြန်မမြင်လောက်အောင်
ပိန်းပိတ်သွားရင် လေဖြတ်ရန်နာရီပိုင်းသာလိုတော့သည့် အနီးဆုံးအခြေအနေပါ။




ကျန်းမာရေးဂျာနယ် မှ ကူးယူတင်ပြခြင်းဖြစ်သည်....

သဘာဝနည်းဖြင့် သည်းခြေကျောက်ကို ဖယ်ရှားနိုင်


သည်းခြေ၌ ကျောက်တည်သော ရောဂါလက္ခဏာတစ်ခုမှာ အစာများများ စားပြီးနောက် ဝမ်းဗိုက်ပြည့်အင့်
ဖောင်းကားလာကာ အစာမကြေသလို ခံစားရမည်။ ရောဂါပြင်းထန်ပါက အသည်းတစ်ဝိုက်တွင် နာကျင်မှုကို ခံစားရ
မည်ဖြစ်ကြောင်း သိရသည်။



သဘာဝနည်းဖြင့် သည်းခြေကျောက် ဖယ်ရှားနည်းမှာ .........
ပထမငါးရက်တွင် နေ့စဉ် ပန်းသီးဖျော်ရည် (Apple Juice) လေးခွက်သောက်ပါ။
သို့မဟုတ် ပန်းသီး လေး-ငါးလုံး စားပါ။ (ပန်းသီးဖျော်ရည် သို့မဟုတ် ပန်းသီး မိမိနှစ်သက်ရာ စားသောက်နိုင်သည်။)



ပန်းသီးဖျော်ရည်သည် သည်းခြေကျောက်ကို ပျော့စေနိုင်သည်။
ထို ငါးရက်အတွင်း အစား အစာကိုလည်း ပုံမှန်စားသုံးရန် ဖြစ်သည်။ ခြောက်ရက်မြောက်နေ့တွင် ညစာမစားဘဲ
ထိုနေ့ညနေ ၆ နာရီတွင်မှ ဆားခါးတစ်ဇွန်းကို ရေနွေးတစ်ဖန်ခွက်နှင့် သောက်ပါ။



ည ၈ နာရီတွင် ဆားခါးတစ်ဇွန်း ထပ်သောက်ပါ။
ဆားခါးသည် သည်းခြေ အိတ်ပြွန်များကို ပွင့်စေပါသည်။ ည ၁၀ နာရီတွင် သံလွင်ဆီ(သို့မဟုတ်) နှမ်းဆီပန်ကန်လုံး
တစ်ဝက်ကို လတ်ဆတ်သော သံပရာရည်ဖြင့် ရော၍ သောက်ပါ။သေချာစွာ ရောမွှေပြီးမှ သောက်ပါ။ ဆီသည်
သည်းခြေကျောက်များကို ချောမွေ့စွာ ထွက်နိုင်စေသည်။ နောက်တစ်နေ့ ဝမ်းသွားသောအခါတွင် ဝမ်းထဲ၌ အစိမ်း
ရောင် ကျောက်တုံးကလေးများကို တွေ့ရမည်။



ပန်းသီးသည် ဆေးဖက်ဝင် သဘာဝဓာတ်စာဖြစ်ပြီး ဘေးထွက်ဆိုးကျိုးများကိုလည်း မဖြစ်ပေါ်စေနိုင်ကြောင်းသိရသည်။



ကြေးမုံသတင်းစာ မှ ကူးယူတင်ပြခြင်းဖြစ်သည်...

Windows on/off မှာ မိမိနှစ်သက်ရာ သီချင်းလေးတွေနဲ့ ဖွင့်ချင် ပိတ်ချင်ရင်

Windows on/off မှာ မိမိနှစ်သက်ရာ သီချင်းလေးတွေနဲ့ ဖွင့်ချင် ပိတ်ချင်ရင်

           Windows 7 On Off မှာ မိမိတို့ နေ့စဉ်ကြားနေကျ အသံလေးတွေ ရိုးအီနေပြီလား။ ဒါဆိုရင်တော့ မိမိကြိုက်နှစ်သက်ရာ သီချင်းသံတွေနဲ့ အစားထိုး ပြောင်းလဲလို့ရပါတယ်။ ပြောင်းပုံ ပြောင်းနည်းလေးကလည်း လွယ်ပါတယ်။ လုပ်ကြည့်ကြရအောင် …

၁။       Run Box (windows + R) ကိုဖွင့်ပါ။
၂။       Run Box ထဲမှာ mmsys.cpl ကို ရိုက်ထည့်ပြီး OK သို့မဟုတ် Enter ခေါက်ပါ။
 
၃။       ကျလာတဲ့ Box ထဲက Sounds ကို ကလစ်ပါ။

၎။       ထို Box ထဲကမှ Sound Scheme: အောက်မှာ Windows Default ကို ရွေးပါ။
၅။       တစ်ဆက်တည်း Program Events: အောက်မှာ Windows Logon / Windows Logoff ကို ရွေးချယ် (Select) ပေးပါ။ (ဒီနေရာမှာ မိမိ ပြင်ဆင်လိုသော အခြားအသံပိုင်းဆိုင်ရာများကိုလည်း ရွေးချယ်နိုင်ပါတယ်)
 
၆။       Browse နေရာကနေ မိမိပြောင်းလဲလိုသော သီချင်း သံစဉ်များကို ထည့်ပါ။ (မိမိအသုံးပြုသောသီချင်း မှန်မမှန် Play Buttom (Test) နေရာကို ကလစ်၍ ပြန်လည် စစ်ဆေးနိုင်ပါတယ်)
 
၇။       Apply – Ok လုပ်ပါ။

၈။       ပြီးစီးပြီဆိုရင် Restart ချကြည့်လိုက်ပါ။ Windows Off သို့မဟုတ် Windows On တွင် သင်အသုံးပြုလိုက်သော သီချင်းသံလေး ကြားရပါလိမ့်မယ်။

           ပုံလေးတွေတစ်ကွ တင်ပေးထားတဲ့အတွက် လုပ်ရတာ လွယ်ကူမှာပါ။ တစ်ခုတော့ ရှိပါတယ်။ ကိုယ်အသုံးပြုတဲ့ သီချင်းဟာ wav Format ဖြစ်ရပါမယ်။ MP3 , AAC , AMR , MMf , M4A , M4R စတဲ့ အသံဖိုင်တွေတော့ အသုံးပြုလို့ ရမှာမဟုတ်ပါဘူး။ ကိုယ့်မှာ wav အသံဖိုင်မရှိဘူးဆိုရင် Format Factory လို Converter တစ်ခုခုနဲ့ ပြောင်းလဲနိုင်ပါတယ်။

           ကဲ … ကလိတာမှ ဝါသနာပါတယ်ဆိုတဲ့သူတွေ ကလိကြရအောင်လားဗျာ …

           ကြိုးစားပါဦးမည်
      ဥယျာဉ်မှူးလေး

ကမ္ဘာ့အဆိပ်အပြင်းဆုံး သစ်ပင်



       ကမ္ဘာ့အဆိပ်အပြင်းဆုံး သစ်ပင်လို့ အသတ်ခံထားရတဲ့ အပင်ကတော့ Manchineel အမည်ရ သစ်ပင်ပဲ ဖြစ်ပါတယ်။၁၅ မီတာအထိ ရှည်နိုင်တဲ့ အပင်မျိုး ဖြစ်ပြီး အမေရိကန်နိုင်ငံ အရှေ့ တောင်ပိုင်း
ဖလော်ရီဒါပြည်နယ်မှာ အတွေ့များပါတယ်။ ပင်လယ် ကမ်းခြေတွေမှာ ပေါက်တတ်ပြီး ရေတိုက်စားခြင်းကို အဓိက ကာကွယ်ပေး တဲ့ အပင်များ လည်း ဖြစ်ပါတယ်။ အဆိပ် ကလည်း တော်တော်ပြင်းပါတယ်။
သူ့မှာ ပေါက်တဲ့ အသီးဟာ ပန်းသီး ပုံသဏ္ဍန်နဲ့ နီးစပ်ပြီး Manchineel Apple လို့လည်း လူသိများပါတယ်။

      ယင်းပန်းသီး တစ်လုံးဟာ လူ အယောက် ၂၀ ကို သေစေနိုင်ပါတယ်။ မိုးရွာနေတဲ့အချိန် ယင်း အပင်အောက် သွားမခိုဖို့ တားမြစ်ထားပါတယ်။ မိုးရွာချိန်သွာခိုမိရင် ခန္ဓာကိုယ် အရေအပြားမှာ မီးလောင်ဒဏ်ရာလို အရေကြည်ဖု များ ပေါက် မှာ ဖြစ်ပါတယ်။ အပင်ကနေ နို့ရည် အရောင် အဆင်းရှိတဲ့ အရည်များ ကျဆင်းလို
ဖြစ်ပါတယ်။ ပင်စည်ကိုလည်း သွားမကိုင်ဖို့ တားထားပါတယ်။ ပင်စည်ကိုကိုင်မိရင် လက်မှာလည်း အရည်ကြည်ဖု ထပါတယ်။

        အပင်ကို မီးရှို့  ရင် ယင်းအပင်က အငွေ့ တစ်မျိုးထွက်ပြီး ယင်းအငွေ့က မျက်စိကန်းစေပါတယ်။ ရှုရှိုက်မိရင်လည်း မူးမေ့ပြီး အချိန်မှီ ဆေး မပေးနိုင်ရင် သေပါတယ်။ ဒါကြောင့် လူတိုင်းကြောက်တဲ့ သစ်ပင်လည်း ဖြစ်ပါတယ်။ ယင်း Manchineel (မန်ချင်းနီးလ်) သစ်ပင်များ ပေါက်ရောက်ရာ တောများသို့ မသွားရောက်ရန်လည်း တားမြစ် ထားပါတယ်။
မြေဆီလွှာအား ရေတိုက်စားခြင်းကို အဓိကကာကွယ်ပေးတဲ့ လုပ်ငန်း တစ်ခုကြောင့်လည်း ယင်းအပင် များကို မရှင်းလင်းပါဘူး။ ရှင်းလင်းရန်လည်း ခက်ခဲ အန္တရာယ်ကြီးတဲ့ အပင်များ ဖြစ်ပါတယ်။ သဘာဝ အတိုင်း ပေါက်ရောက်တာ ဖြစ်တဲ့အတွက်လည်း မပျက်ဆီးစေဖို့ စောင့်ရှောင့်ထားပါတယ်။
ဒါကြောင့် Manchineel (မန်ချင်းနီးလ်) သစ်ပင်နဲ့ ပန်းသီးကို ခေတ်သစ် ဧဒင် သစ်ပင် နဲ့ ပန်းသီးလို့ တင်စားခေါ်ဝေါ်ကြကြောင်း သိရပါတယ်။
ရွှေနိုင်ငံ

ပလပ်စတစ်အိမ်တွင်မွေး၍ ပလပ်စတစ်အိမ်တွင် သေခဲ့ရသူ


ပလပ်စတစ်အိမ်တွင်မွေး၍ ပလပ်စတစ်အိမ်တွင် သေခဲ့ရသူ


၁၉၇၁ ခုနှစ် စက်တင်ဘာလ ၂၁ ရက်နေ့မှာ မွေးဖွားပြီး မွေးရာ ပါ ရောဂါဖြစ်တဲ့ SCID နဲ့အတူ လောကထဲ ရောက်ရှိလာပါတယ်။ တစ်ကမ္ဘာမှာ နှစ်ယောက်တောင် တွေ့ဖို့ခဲတဲ့ ရောဂါ ဖြစ်ပြီး David Vetter (ဒေးဗတ်တာ) ကတော့ သေဖို့ ကြိမ်းသေနေပါတယ်။

အမေရိကန်နိုင်ငံ၊ တက္ကဆက်ပြည်နယ်၊ Montgomery မြို့ မှာ ဖြစ်ပြီး မွေးပြီး လပိုင်းနဲ့တင် တက္ကဆက် ကလေးဆေးရံကို ပြောင်းရွှေ့ နေထိုင် ရပါတယ်။
SCID အမည်ရ ရောဂါတစ်မျိုးဟာ ခုခံအား လုံးဝ ထုတ်မပေးနိုင် တဲ့ ရောဂါ ဖြစ်ပါတယ်။ ဒါကြောင့် သဘာဝပတ်ဝန်းကျင် လေထုအခြေအနေ၊ အစားအသောက်များနဲ့ လုံးဝထိတွေ့လို့ မရပါဘူး။ အပြင်လေထုနဲ့ ထိတွေ့လိုက်ရင် မိနစ်ပိုင်းအတွင်း သေရလောက်အောင် အင်မတန် ကြောက်စရာ ကောင်းပါတယ်။ သာမန်လူတစ်ယောက် အာကာသ အပြင်ဘက်ကို ဘာမှ မပါပဲ ထွက်တာနဲ့ အတူတူပဲလို့ ဆိုပါတယ်။ သူ့ရဲ့ ရိုးတွင်းခြင်ဆီ က သွေးဖြူဥ၊ သွေးနီဥ ထုတ်လုပ်ဖို့ အလုပ်လုပ်နိုင်မှ သာ သာမန်လူ တစ်ယောက် ဖြစ်လာမှာ ဖြစ်ပါတယ်။ ဒါကြောင့် အလှူရှင်ပေါ် နိုးနိုး နဲ့ စောင့်ဆိုင်းပါတယ်။ အမျိုးအစားတူတဲ့ ရိုးတွင်းခြင်ဆီ တွေ့ဖို့က စိန်ရှာတာထက်ကို ခဲယဉ်းပါတယ်။

ဒါကြောင့် သူ့အတွက် ဆေးရုံမှာတင် ပလပ်စတစ် အိမ်ငယ် ကလေး ပြုလုပ်ပေးပါတယ်။ အမေရိကန် နာဆာ မှလည်း သူ့အတွက် အပြင်လေထုနဲ့လုံးဝ မထိတွေ့နိုင်တဲ့ ဝတ်ဆုံတစ်မျိုး ဖန်တီး ပေးပါတယ်။ ဒီအတွက် အမေရိက်ဒေါ်လာ ၅ သောင်း သုံးစွဲ ခဲ့ရပါတယ်။ ၂၀၁၂ ငွေကြေး တန်ဖိုးနဲ့ တွက်ချက်ရင် ဒေါ်လာ ၂ သိန်း နီးပါး ဖြစ်ပါတယ်။ အပြင် အနည်းငယ်ထွက်မိတဲ့ အတွေ့အကြုံကြောင့် ကြောက်လန့် စိတ်ဝင်နေ တဲ့ ဒေးဗစ်ဟာ အပြင်ထွက်ဖို့ ငြင်းဆန်ခဲ့ ပါတယ်။

ဒီလိုနဲ့ အသက် ၁၂ နှစ်ဝန်းကျင်ချိန်ထိ နေလာတော့ ဒေးဗစ်ဟာ စိတ်ပုံမှန် မရှိတော့ပါဘူး။ သူ့အတွက် ပညာသင်ကြားမှု၊ ဖျော်ဖြေရေးတို့ကို အတတ်နိုင်ဆုံး ပြုလုပ်ပေးပေမယ့် အလွယ်တကူ ဒေါသ ထွက်လွယ် လာပါတယ်။ အပေါင်းအသင်းမရှိ၊ အထီးကျန်ဘဝ၊ လောင်အိမ် ထဲက အခြေအနေတစ်ခုကြောင့် စိတ်ရောဂါလိုလို ဖြစ်လာပါတယ်။ ဒါကြောင့် ဆေးပညာရှင်များဟာ ရိုးတွင်းခြင်ဆီ မတူလည်း အသက်ရှင်ရန် ဖြစ်နိုင်တယ်လုိ့ ယူဆပြီး အစားထိုးပေးခဲ့ပါတယ်။ မိဘများ လည်း သဘောတူပြီး စစချင်းမှာ ကောင်းလာမယ့်လို့ ယုံကြည်ကြပါတယ်။

ထင်သလို ဖြစ်မလာပါဘူး။ ရက်အနည်းငယ်အတွင်း အဖျားတက်လာခြင်း၊ ဝမ်းပျက်ဝမ်းလျှောဖြစ်လာခြင်း၊ သွေးထွက်လွန်ခြင်းတို့ ဖြစ်ပြီး အသက်သေ ဆုံးသွားပါတော့တယ်။ ပြန်လည် စစ်ဆေးကြည့်လိုက်မိချိန် မှာတော့ အဓိက မှားယွင်းချက်က အမျိုအစား မတူတဲ့ ရိုးတွင်းခြင်ဆီကို အစားထိုးပေး လိုက်မှုကြောင့် ဖြစ်ပါတယ်။ ကမ္ဘာပေါ်နဲ့ သူနဲ့ ရိုးတွင်းခြင်ဆီ တူတဲ့ လူတွေ့ဖို့ဆိုတာကလည်း ရှာမှရှားပဲ ဖြစ်ပါတယ်။ ဒါကြောင့် ဒေးဗစ် တစ်ယောက်ဟာ လှောင်အိမ်မှာနေ၊လှောင်အိမ်မှာ အသက်ကုန်ဆုံးသွားရပါတယ်။

အသက် ၁၂ နှစ်သား (၁၉၈၄၊ ဖေဖော်ဝါရီ ၂၂) မှာ သေဆုံးပြီး Bubble boy ဟာ ကမ္ဘာကျော်တစ်ဦးဖြစ်ခဲ့ပါတယ်။ သူနဲ့ အလားတူ ရောဂါဝေဒနာ ခံစားရသူ နောက်ထပ် ကလေးတစ်ဦးလည်း ရှိပါသေးတယ်။ သုိ့ပေမယ့် ရောဂါအမျိုးအစားက မတူပါဘူး။ Aplastic anemia လို့ခေါ်ပြီး သူလည်း ပလပ်စတစ် အိမ်မှာသာ နေလို့ရတဲ့ ရောဂါဖြစ်ပါတယ်။ သူလည်း ပလပ်စတစ်အိမ်ထဲ ၈ နှစ်ကျော်ကြာနေထိုင်ပြီး အသက်သေဆုံးသွား ရသူ ဖြစ်ပါတယ်။

ဒေးဗစ်က လူပိုသိများပါတယ်။ သူ့အတွက်နဲ့တင် အမေရိကန်အစိုးရက အမေရိကန်ဒေါ်လာ ၁.၃ သန်း အသုံးပြုခဲ့ရပါတယ်။ ယနေ့ငွေကြေး တန်ဖိုးနဲ့ တွက်ချက်ရင် ဒေါ်လာ ၅ သန်း မကပါဘူး။ ဒီလောက် ရင်းနှီးခဲ့တာတောင် SCID ကို ကုသနိုင်မယ့် နည်းလမ်း မတွေ့ရှိခဲ့ပါဘူး။ Bubble Boy အမည်နဲ့ ရိုက်ကူးခဲ့တဲ့ ရုပ်ရှင်လည်း ကမ္ဘာကျော်သွားရပါတယ်။

ပိုးသတ်ပြီး သဘာဝလေထုနဲ့ပိုင်းခြားထားတဲ့ ပလပ်စတစ်အိမ်မှာနေပြီး ယင်း ပလပ်စတစ်အိမ်မှာပဲ ကံကုန်သွားရတဲ့ ဒေးဗစ်ရဲ့  ဇာတ်လမ်းကတော့ ဝမ်းနည်း စရာ တစ်ခုအဖြစ် ကျန်ရှိခဲ့ပါတယ်။
--
Ref: wiki
http://www.innewsmyanmar.com/2012/11/blog-post_6393.html
http://www.house.com.mm/
--
 
 
စာပေဝေမျှသူ(မော်နီကာ)

တောင်ငူမြို့မြို့တည်၊နန်းတည် ၅၀၂ နှစ်ပြည့် အထိမ်းအမှတ်ပွဲတော်

 တောင်ငူမြို့မြို့တည်၊နန်းတည် ၅၀၂ နှစ်ပြည့်အထိမ်းအမှတ် ကိုရင် (၅၀၂)ပါး ရှင်ပြုခဲ့ကြသည်။

ဓာတ်ပုံ - ဥက္ကာကိုကို

 
   
 တော်ဝင်ကေတုမတီဟိုတယ်အတွင်း ဘုဉ်းပေးနေကြသော ကိုရင်ငယ်များကို တွေ့ရစဉ်။

နိုင်ဝင်ဘာ ၂၆ရက်ည နှစ်ကျိပ်ရှစ်ဆူဘုရားပွဲ လှည့်လည်သည့် မြင်ကွင်းတစ်ခုဖြစ်သည်
 
  
တောင်ငူမြို့တည်၊ နန်းတည် (၅၀၂) နှစ်ပြည့် ပွဲတော်ကို ယခုလ ၂၆ ရက်မှ ၂၈ ရက်အထိ တောင်ငူမြို့အ၀ှန်း စည်ကားသိုက်မြို့စွာ ကျင်းပနေရာ နိုဝင်ဘာ၂၇ ရက်နံနက် နွားပြိုင်ပွဲ
ဓာတ်ပုံ - ဥက္ကာကိုကို

             တောင်ငူမြို့တည်နန်းတည် ၅၀၂ နှစ်ပြည့်ပွဲတော်ကြီးကို နိုဝင်ဘာ ၂၆ ရက်မှ ၂၈ ရက်အထိ မြို့လုံးကျွတ် စည်ကားသိုက်မြိုက်စွာကျင်းပလျှက်ရှိရာ နောက်ဆုံးနေ့ဖြစ်သည့် ၂၈ ရက်နေ့တွင် ၀င်းခင်သဘင်ပွဲတော်ကြီးကို တောင်ငူခေတ်ရိုးရာပုံစံအတိုင်း ဆင်ယင်ကျင်းပပြုလုပ
်ခဲ့သည်။ တောင်ငူမြို့တည်ဘုရင် မဟာသီရိဇေယျသူမင်းကြီးညိုနှင့် မိဖုရားခေါင်ကြီးအဖြစ် အကယ်ဒမီရဲအောင်နှင့် အကယ်ဒမီမို့မို့မြင့်အောင်တို့က ပါဝင်ပေးခဲ့ပြီး အိမ်ရှေ့စံမင်းသားနှင့်ကြင်ယာတော်အဖြစ် သရုပ်ဆောင် ဇေယျ၊ မေကဗျာ၊ အိမ်ရှေ့မင်းသမီးများအဖြစ် အကယ်ဒမီစိုးပြည့်သဇင်၊ မေသက်ခိုင်တို့က ဆောင်ရွက်ပေးခဲ့ကြသည်။ 
 
              ၀င်းခင်းသဘင်တော်ကြီးကို တောင်ငူမြို့အရှေ့ဖက်အောင်နန်းတံခါးမှ စတင်ကာ ဗိုလ်မှူးဖိုးကွန်းလမ်းအတိုင်း ကန်တော်ကြီးအထိ လမ်းတလျှောက်ထွက်ရှိခဲ့ကြပြီး မြို့လုံးကျွတ် လာရောက်အားပေးခဲ့ကြသည်။ တောင်ငူမြို့တည်နန်းတည်ပွဲတော်ကြီးကို နှစ် ၅၀၀ ပြည့်မှစတင်ကာ ကျင်းပပြုလုပ်လာခဲ့ခြင်းဖြစ်သည်။
 
 အရှေ့ဖက်အောင်နန်းတံခါးမှ စတင်ထွက်ခွာလာကြစဉ်။
 
 
 စီးတော်ဆင်ယာဉ် ရုတ်တရက်ထရပ်သဖြင့် လန့်သွားကြသည့် မင်းသားမင်းသမီး။
ဓာတ်ပုံ - ဥက္ကာကိုကို
 


 အိမ်ရှေ့စံမင်းသမီးအဖြစ်ဆောင်ရွက်သော အကယ်ဒမီိစိုးပြည့်သဇင်။


 ဗိုလ်မှူးဖိုးကွန်းလမ်းမှ ရောက်ရှိလာသော ၀င်းခင်းသဘင်။
 

ဗိုလ်မှူးဖိုးကွန်းလမ်းမှ ရောက်ရှိလာသော ၀င်းခင်းသဘင်။


အကယ်ဒမီရဲအောင်နှင့် အကယ်ဒမီမို့မို့မြင့်အောင်။
 

 မင်းသမီး မေသက်ခိုင်ကို ၀ိုင်းနုတ်ဆက်ကြသော မြို့ခံများ။
 
 တောင်ငူမြို့တည်၊ နန်းတည် ၅၀၂ နှစ်ပြည့်ပွဲတော်ကြီးကို ယခုလ ၂၆ ရက်မှ ၂၈ ရက်အထိ မြို့လုံးကျွတ်စည်ကားသိုက်မြိုက်စွာကျင်းပလျှက်ရှိရာ
၂၇ ရက်နေ့ညတွင် မိုင်ဒါအားကစားကွင်းအတွင်း ဖျော်ဖြေနေသော တောင်ငူသားအဆိုတော် အောင်လ

 

 မိုင်ဒါအားကစားကွင်းအတွင်း ဖျော်ဖြေနေသော တောင်ငူသူ သရုပ်ဆောင် စိုးပြည့်သဇင်


 တောင်ငူမြို့တည်၊ နန်းတည် ၅၀၂ နှစ်ပြည့်ပွဲတော်ကြီးကို ယခုလ ၂၆ ရက်မှ ၂၈ ရက်အထိ မြို့လုံးကျွတ်စည်ကားသိုက်မြိုက်စွာကျင်းပလျှက်ရှိရာ
၂၇ ရက်နေ့ညတွင် မိုင်ဒါအားကစားကွင်းအတွင်းမှ တောင်ငူပရိသတ် 

ဓာတ်ပုံ - ဥက္ကာကိုကို
 
မူရင်း=တောင်ငူမြို့တည်နန်းတည် ၅၀၂ နှစ်ပြည့်ပွဲတော်

    စာဖတ်သူနှင့်တကွ ရွှေမြန်မာ အားလုံး အမျိုး ၊ဘာသာ ၊သာသနာ နှင့် အမိမြန်မာနိုင်ငံတော်ကြီးအား
မြတ်နိုး ၊ ချစ်ခင် ၊ပျော်ရွှင် စည်းလုံးစွာ စောင့်ရှောက်နိုင်ကြပါစေ......။
                                                                     လေးစားစွာဖြင့်    ....    မောင်မြင့်

Related Posts Plugin for WordPress, Blogger...