မိဘတွေဟာ သားသမီးတွေ အပေါ် စုန်ရေပဲ ရှိတယ်၊ ဆန်ရေကို ဘယ်တော့မှ မမျှော်လင့်ဘူးဆိုပြီး ပြောကြတယ်။ တကယ်တော့ မိဘတွေရဲ့ စိတ်ထဲမှာ သားသမီးတွေ အပေါ် မျှော်လင့်ချက် တစ်စုံ အမြဲတမ်း ကိန်းအောင်းနေပြီးသား ဖြစ်ပါတယ်။ သားသမီးတွေ စိတ်မကောင်းမှာ ဆိုးလို့သာ ဘာမှ မဖြစ်တဲ့ ပုံစံမျိုးတွေ ပြသနေတာ ဖြစ်ပါတယ်။
ငယ်စဉ်ကတည်းက ကျွေးမွေး စောင့်ရှောက်ထားတဲ့ မိမိ သားသမီးဆီက ဘာမှ မမျှော်လင့်ဘူးဆိုတာ ဘယ်ရှိပါ့မလဲ။ မိမိတောင် ပန်းပင်လေး တစ်ပင် စိုက်လိုက်တဲ့ အခါ ၄င်း ပန်းပင်လေးကို အခြား ပန်းပင်တွေရဲ့ အလယ်မှာ တင့်တယ် လှပစေချင်ကြတယ်။ ဒီလိုပဲလေ မိဘတွေကလည်း ကိုယ့် သားသမီတွေကို လူပုံ အလယ်မှာ အောင်မြင်စေချင်ကြတယ်။ တင့်တင့်တယ်တယ် နေထိုင်စေချင်ကြတယ်။
ဒါတင်မကသေးပဲ မိမိဟာ သစ်ပင် တစ်ပင်ကို စိုက်လိုက်တယ် ဆိုပါစို့ ဒီသစ်ပင်ကို စိုက်ရခြင်း ရည်ရွယ်ချက်က တစ်နေ့ မိမိ အတွက် အရိပ်ကောင်းကောင်း တစ်ခု ဖြစ်စေဖို့၊ အသီးကောင်းကောင်းတွေ စားချင်လို့ ဆိုတဲ့ ရည်ရွယ်ချက်နဲ့ စိုက်ပျိုးကြခြင်း ဖြစ်ပါတယ်။ အလားတူပဲ မိဘတွေဟာလည်း သူတို့ အသက်ရွယ် အိုမင်းသွားတဲ့ အခါ သားသမီးတွေက သူတို့ အပေါ် ပြန်လည် အလုပ်အကျွေး ပြုခြင်းတွေ ကို မျှော်လင့်ကြတာပါပဲ။ ဒီလို မျှော်လင့်ချက်တွေနဲ့ မိဘတွေဟာ အိုမင်း ရင့်ရော်ခြင်းဆိုတဲ့ သင်္ခါရ တရားကြီးဆီကို တစ်ဖြည်းဖြည်း လျှောက်လှမ်းလာကြပါတယ်။
နောက်ဆုံးတော့ သူတို့ရဲ့ မျှော်လင့်ခြင်း ပန်းပင်လေးတွေ ဖြစ်တဲ့ သားသမီးတွေဟာ သူတို့ မျှော်လင့်ထားတဲ့ အတိုင်း လှပ ဝေဆာတဲ့ ပန်းလေးတွေ ပွင့်ဖူးပြီး လူအများ အလယ်မှာ လှချင်တိုင်းလှနေကြပါပြီ။ ဒါ့အပြင် အရိပ်ကောင်းတဲ့ သစ်ပင်ကြီး တစ်ပင် အဖြစ်ကိုလည်း ရောက်ရှိနေပါပြီ။ ဒါပေမဲ့ ဒီ တင့်တယ် လှပမှုတွေ၊ အရိပ်ကောင်း ရမှုတွေဟာ မူလပိုင်ရှင် မိဘတို့ အတွက် မဟုတ်ပဲ အခြား တစ်စုံတစ်ယောက် အတွက်ဖြစ်နေလေရဲ့။ ဒီအခါမှာတော့ မိဘတို့ရဲ့ မျှော်လင့်ချက်တွေဟာ ရေစုန်မျှောရပါတော့တယ်။ သခါင်္ရ တရားကြီးဆီကို လျှောက်လှမ်းနေတဲ့ မိဘတွေ အတွက် ဒီအချိန်မှာ ဘယ်မှာများ ခိုကိုးရာရှိပါတော့မလဲ။
Ref : အရှင်ဆေကိန္ဒ
Aung Ko Htet (ရိုးရာလေး)
No comments:
Post a Comment