“ဒေါသဖြစ်လာရင် ကိုယ့်ကိုယ်ကိုယ် ဆုံးမပုံများ”

                
 
 ဒေါသဖြစ်လာရင် အောက်ပါအဆုံးအမစကားတွေနဲ့ ကိုယ့်ကိုယ်ကိုယ် ဆုံးမသင့်ပါတယ်။

(၁)။ ရန်သူက ဆင်းရဲအောင် ပြုလုပ်ရင် သင်ရဲ့ကိုယ်မှာသာ ပြုလုပ်နိုင်မှာပါ။သင့်ရဲ့ “စိတ်” မှာတော့
မပြုလုပ်နိုင်ပါ။ အဲဒီလိုဖြစ်ပါလျက် သင်က ရန်သူရဲ့အရာမဟုတ်တဲ့ မိမိစိတ်မှာ ဆင်းရဲအောင် ဘာကြောင့်
ပြုလုပ်ချင်ရတာလဲ။ (ရန်သူက မပြုလုပ်နိုင်တဲ့ စိတ်ဆင်းရဲကို ရန်သူ့အကြိုက်ဖြစ်အောင် ဘာကြောင့်ပြုပါသလဲလို့ ဆိုလိုပါတယ်။)

(၂)။ မိမိစောင့်ရှောက်နေတဲ့ သီလတွေရဲ့ အမြစ်အရင်း(အရှက်၊ အကြောက်၊သည်းခံမှု၊မေတ္တာ၊ကရုဏာ)တွေကို ဖြတ်တတ်တဲ့ အမျက်ဒေါသကို သင် အလိုလိုက်လျက်
လက်ခံထားဘိတယ်။ သင့်လိုလူမိုက်ဟာ အဘယ်မှာ ရှိတော့မလဲ။ (ကိုယ့်သီလရဲ့ အပြစ်တွေကို ဖြတ်တတ်တဲ့ ဒေါသကို လက်ခံထားတဲ့ အတွက်
“အမိုက်ဆုံး” ဖြစ်နေတယ်လို့ ဆိုလိုတယ်။

(၃)။ သူတစ်ပါးက ယုတ်မာတဲ့ ပြစ်မှားမှုကို ပြုနေတယ်လို့ သင် အမျက်ထွက်နေတယ်။ အဲဒီလို အမျက်ထွက်နေတဲ့ သင်ဟာ အလားတူပြစ်မှားမှုကို ပြုလုပ်ဖို့ ကြံနေတယ် မဟုတ်လား။

(၄)။ သူတစ်ပါးက သင့်အား မနှစ်သက်ဖွယ်အမှုကို ပြုတာဟာ သင့်မှာ ဒေါသဖြစ်စေရန် ရည်ရွယ်ပြီး
ပြုလုပ်တာ ဖြစ်မယ်။ ဒိလိုဆိုရင် သင်က အမျက်ထွက်နေခြင်းဖြင့် သူတစ်ပါးရဲ့အလိုကို ဖြည့်ပေးရာ
မရောက်ပေဘူးလား။

(၅)။ အမျက်ထွက်နေတဲ့သင်က သင့်ရန်သူအား ဆင်းရဲကို ဖြစ်စေနိုင်လိမ့်မယ် လို့တော့ မသေချာပါ။
မိမိကိုယ်ကိုတော့ အခုပဲ အမျက်ဒေါသဆင်းရဲနဲ့ နှိပ်စက်နေပြီ မဟုတ်ပါလား။

(၆)။ ရန်သူတွေက အမျက်ဒေါသနဲ့ မိုက်ကန်းကြလို့ အကျိုးမဲ့လမ်းကို သွားကြ၊ ပြုလုပ်ကြတယ်ဆိုရင်
သင်ဟာလည်း အမျက်ဒေါသထွက်လျက် အဲဒီရန်သူတွေကို အတုလိုက်ကာ ဘာကြောင့်ပြုကျင့်ပါသလဲ။

(၇)။ ရန်သူက ဒေါသကိုမှီပြီး သင့်အား မနှစ်သက်ဖွယ်ကို ပြုတယ်ဆိုရင် အဲဒီဒေါသကိုသာ ဖြတ်ပါ။
စိတ်ဆိုးသင့်တဲ့ အရာမဟုတ်တဲ့ လူပုဂ္ဂိုလ်မှာ အမျက်ထွက်ကာ ဘာကြောင့် ပင်ပန်းနေပါသလဲ။
(ဒေါသကခိုင်းလို့ ရန်သူက သင့်အား ပြစ်မှားရရှာတယ်။အဲဒီ ဒေါသကို ပယ်သင့်ပါတယ်။ဒေါသရဲ့ အစေခံပုဂ္ဂိုလ်မှာ အမျက်မထွက်သင့်ပါလို့ ဆိုလိုတယ်။

(၈)။ ရုပ်နာမ်တရားတွေဟာ တစ်ခဏမျှသာ တည်လျက်ပျက်သွားကြတယ်။ သင့်အပေါ် ပြစ်မှားခဲ့တယ်လို့
ထင်ရတဲ့ အဲဒီရုပ်နာမ်တွေဟာ အဲဒီခဏမှာပဲ ချုပ်ပျက်သွားကြပြီ။ ယခုအခါ အဲဒီပြစ်မှားတဲ့ ရုပ်နာမ်တွေ
မရှိတော့ပြီ။ ယခုအခါ သင်က ရန်သူရဲ့သန္တာန်က အဘယ်ရုပ်နာမ်ကို အမျက်ထွက်နေပါသလဲ။
(ပြစ်မှားတဲ့ရုပ်နာမ်တွေက မရှိတော့ပြီ။ ရန်သူလို့ ထင်ရတဲ့ ရုပ်နာမ်အစဉ်ထဲမှာ
ယခုရှိနေတဲ့ ရုပ်နာမ်အသစ်တွေက သင့်အားပြစ်မှားကြတာ မဟုတ်၊ ဒါကြောင့် အဘယ်ရုပ်နာမ်ကို အမျက်ထွက်နေသလဲ။အမျက်ထွက်စရာ ရုပ်နာမ်မရှိတော့ပြီလို့ ဆိုလိုတယ်။)

(၉)။ တစ်စုံတစ်ယောက်က တစ်စုံတစ်ယောက်အား ဆင်းရဲကိုပြုရင် ပြုသူ၊ အပြုခံရသူနှစ်ဦးစလုံးပဲ ဆင်းရဲပြုခြင်းရဲ့ အကြောင်းတွေဖြစ်ကြတယ်။ ဒါကြောင့်မိမိကိုယ်တိုင်လည်း
ဆင်းရဲကို ပြုခြင်းရဲ့အကြောင်းဖြစ်ပါလျက် ပြုသူကို ဘာကြောင့်အမျက်ထွက်နေပါသလဲ။
-【ဝိသုဒ္ဓိမဂ်၊ ပ၊ ၂၉၃】

အဲဒီအတိုင်းဆင်ခြင်ပြီး အမျက်ဒေါသကို ငြိမ်းစေရပါတယ်။ အဲဒီဆင်ခြင်ရပုံ တွေက အလွန်ပဲ နက်နဲလှပါတယ်။

အောက်ပါဥပမာ၊ သြဝါဒစသည်တွေကို နှလုံးသွင်းဆင်ခြင်ပြီး အမျက်ဒေါသကို ငြိမ်းစေရပါတယ်။
ဆင်ခြင်ပုံကတော့ အောက်ပါအတိုင်း ဖြစ်ပါတယ်။

အမျက်ဒေါသထွက်နေတဲ့ အိုလူသား...မြတ်စွာဘုရားက ဒီလိုအဆုံးအမ သြဝါဒပေးတော်မူခဲ့တယ်
မဟုတ်ပါလား။

❖“ရဟန်းတို့.. ခိုးသူ၊ ဓားပြ၊ လူဆိုးတွေက လက်၊ ခြေစတဲ့ ကိုယ်အင်္ဂါတွေကိုနှစ်ဖက်အစွန်းမှာ
အရိုးတပ်ထားတဲ့ ငမန်းအစွယ်လွှနဲ့ တိုက်ဖြတ်နှိပ်စက်ကြပေမယ့်အဲဒီနှိပ်စက်သူတွေအပေါ်မှာတောင်မှ အမျက်ထွက်ပြစ်မှားရင် အဲဒီ ရဟန်းဟာ ငါဘုရားရဲ့ အဆုံးအမကို လိုက်နာသူမမည်။”

❖“ပထမ စပြီးအမျက်ထွက်သူကို တုံ့ပြန်ပြီးအမျက်ထွက်ရင် အဲဒီတုံ့ပြန်ပြီး အမျက်ထွက်တာကသာ
ပထမစပြီး အမျက်ထွက်တာထက် ယုတ်မာဆိုးဝါးလှတယ်။ (ဘာကြောင့်လဲဆိုတော့ ပထမအမျက်ထွက်သူရဲ့ အမျက်ထွက်တာကို မကောင်းမှန်းသိပါလျက် မိမိကလည်း အဲဒီမကောင်းတဲ့လမ်းကို လိုက်သွားလို့ပဲ ဆိုလိုပါတယ်။) အမျက်ထွက်နေသူကို အမျက်မထွက်ဘဲ၊
သည်းခံနိုင်သူဟာ အောင်နိုင်ခဲတဲ့ စစ်ပွဲကိုအောင်နိုင်တယ်။”

❖“သူတစ်ပါး အမျက်ထွက်နေတယ်လို့ သိနေရင် သတိရလျက် စိတ်မဆိုးဘဲ စိတ်ငြိမ်းချမ်းစွာ နေနိုင်ပါက
အဲဒီလိုပုဂ္ဂိုလ်ဟာ မိမိရဲ့အကျိုး၊ သူတစ်ပါးရဲ့အကျိုး ၂ မျိုးလုံးအတွက် ကျင့်သူမည်တယ်။

▬▬▬▬▬▬▬▬▬▬▬▬▬▬▬▬▬▬
“ရန်သူက ကြိုက်နှစ်သက်တာ(၇)မျိုး”
▬▬▬▬▬▬▬▬▬▬▬▬▬▬▬▬▬▬
ရန်သူက ကြိုက်နှစ်သက်တာ(၇)မျိုး ရှိပါတယ်။
(၁)။ အမျက်ထွက်သူမှာ မျက်နှာအခြေအနေပျက်ပြီး၊အရုပ်ဆိုးသွားတယ်။ အဲဒါဟာ ရန်သူ့အကြိုက်တစ်ခုပါပဲ။

(၂)။ အမျက်ထွက်နေတဲ့သူဟာ ချမ်းသာစွာ မအိပ်ရဘူး။
အဲဒါလည်း ရန်သူ့အကြိုက်တစ်ခုပါပဲ။

(၃)။ အမျက်ထွက်နေတဲ့သူမှာ အကျိုးစီးပွား ပျက်စီးတတ်တယ်။ အဲဒါလည်း ရန်သူ့အကြိုက်တစ်ခုပဲ။

(၄)။ အမျက်ထွက်နေတဲ့သူမှာ စီးပွားဥစ္စာ မပြည့်စုံဘဲ ရှိတတ်တယ်။ အဲဒါလည်း ရန်သူ့အကြိုက်တစ်ခုပဲ။

(၅)။ အမျက်ဒေါသကြီးသူမှာ အခြွေအရံမပြည့်စုံဘဲ ရှိတတ်တယ်။ အဲဒါလည်း ရန်သူ့အကြိုက်တစ်ခုပဲ။

(၆)။ အမျက်ဒေါသကြီးသူမှာ မိတ်ဆွေနည်းပါးတတ်တယ်။အဲဒါလည်း ရန်သူ့ အကြိုက်တစ်ခုပဲ။

(၇)။ အမျက်ဒေါသကြီးသူဟာ သေသွားရင် ဘဝကောင်းမှာ မဖြစ်နိုင်ဘူး။ အဲဒါလည်း ရန်သူ့အကြိုက်တစ်ခုပဲ။

အဲဒီအဆုံးအမတွေကတော့ ရန်သူ့အကြိုက် မဖြစ်ရအောင်၊အမျက်မထွက်ဘဲ သည်းခံရမယ်လို့ ညွှန်ကြားတာပါပဲ။

“လူသေကောင်ဖုတ်တဲ့ ထင်းကုလားတုံးပိုင်း(အစဘက် နဲ့ အဆုံးဘက်မှာ မီးလောင်ထားပြီး
အလယ်ပိုင်းမှာ ကျင်ကြီးပေနေတဲ့ ထင်းတုံးပိုင်း) ဟာမြို့ရွာမှာလည်း အသုံးမကျ၊ တောအရပ်မှာလည်း
အသုံးမကျသလိုပဲ။ လိုချင်မက်မောခြင်း၊စိတ်ဆိုးပြစ်မှားခြင်း ရှိနေတဲ့ ရဟန်းမှာ ကာမဂုဏ်
ခံစားရခြင်းနဲ့ အကျင့်ပြည့်စုံခြင်း ဆိုတဲ့ အကျိုး ၂ ပါးလုံးကို မရလို့ မြို့ရွာမှာလည်း အသုံးမကျ။
ရဟန်းအဖြစ်မှာလည်း အသုံးမကျ။”

“အခုအခါ သင်ဟာ ဒီလိုအမျက်ထွက် စိတ်ဆိုးနေရင် ဘုရားအဆုံးအမကို မလိုက်နာသူလည်း ဖြစ်လိမ့်မယ်။ တုံ့ပြန်ပြီး အမျက်ထွက်နေရင် ပထမစပြီး
အမျက်ထွက်သူအောက် ယုတ်မာသူဖြစ်ကာ အောင်နိုင်ခဲတဲ့စစ်ပွဲကို မအောင်နိုင်သူလည်း ဖြစ်လိမ့်မယ်။
ရန်သူကပြုရမယ့် ရန်သူ့အကြိုက်တွေကို မိမိကိုယ်တိုင် ပြုရာလည်း ရောက်လိမ့်မယ်။ ထင်းကုလားတုံးပိုင်းလို ဘယ်မှာမှ အသုံးမကျသူလည်း ဖြစ်လိမ့်မယ်။”

ဒီလို မိမိကိုယ်ကို ဆုံးမပြီး အမျက်ဒေါသကို ငြိမ်းစေရပါတယ်။
-【ဝိသုဒ္ဓိမဂ်၊ ပ၊ ၂၉၀】
▬▬▬▬▬▬▬▬▬▬▬▬▬
“ဒေါသသမားရဲ့ ဆိုးကျိုးများ”
▬▬▬▬▬▬▬▬▬▬▬▬▬
(၁)။ကိုယ့်ရဲ့ရန်သူက ကိုယ်ရုပ်လှတာကို သဘောမကျ။ရုပ်မလှရင်ကောင်းမှာပဲလို့ ရန်သူက တောင့်တတယ်။ဒေါသဖြစ်လာရင် ကောင်းကောင်းရေချိုး၊ကောင်းကောင်းဝတ်ဆင်၊ဆံမုတ်ဆိတ်ရိတ်၊အဝတ်ဖြူဝတ်ထားပေမယ့် ရုပ်ဆိုးနေတာပဲ။

(၂)။ကိုယ့်ရန်သူက ကိုယ်ချမ်းချမ်းသာသာ အိပ်ရတာကိုသဘောမကျ။ဆင်းဆင်းရဲရဲအိပ်ရပါစေလို့
ရန်သူက တောင့်တတယ်။ဒေါသဖြစ်လာရင်အလွန်ကောင်းတဲ့ ကြီးကျယ်ခမ်းနားတဲ့ အိပ်ရာတွေမှာ
အိပ်ရပေမယ့် ဆင်းဆင်းရဲရဲပဲ အိပ်ရတယ်။

(၃)။ကိုယ့်ရန်သူက ကိုယ့်အကျိုးစီးပွါးများပြားတာကိုသဘောမကျ။အကျိုးစီးပွါး မများပြားပါစေနဲ့လို့
ရန်သူက တောင့်တတယ်။ဒေါသဖြစ်လာရင် အကျိုးမဲ့ကိုယူထားပေမယ့် “အကျိုးကိုယူထားတယ်”လို့ထင်တယ်။အကျိုးကိုယူထားပေမယ့်လည်း “အကျိုးမဲ့ကိုယူထားတယ်” လို့ထင်တယ်။အဲဒီ ဆန့်ကျင်ဘက်
ယူထားတဲ့အရာတွေဟာ အချိန်ကြာမြင့်စွာစီးပွါးမဲ့ဖို့ ဆင်းရဲဖို့ဖြစ်လာတယ်။

(၄)။ကိုယ့်ရန်သူက ကိုယ်ဥစ္စာရှိတာကို သဘောမကျ။ဥစ္စာမရှိပါစေနဲ့လို့ ရန်သူက တောင့်တတယ်။
ဒေါသဖြစ်လာရင် ကိုယ်ကြိုးကြိုးစားစားတရားသဖြင့်ရှာဖွေထားတဲ့ ဥစ္စာတွေဟာ ရှင်ဘုရင်ရဲ့ ဘဏ္ဍာတိုက်ထဲရောက်ကုန်တယ်။

(၅)။ကိုယ့်ရန်သူက ကိုယ်အခြွေအရံရှိတာကို သဘောမကျ။အခြွေအရံ မရှိပါစေနဲ့လို့ ရန်သူက တောင့်တတယ်။ဒေါသဖြစ်လာရင် မမေ့မလျော့ ရထားတဲ့ အခြွေအရံတွေဟာ ပျောက်ပျက်ကုန်တယ်။

(၆)။ကိုယ့်ရန်သူက ကိုယ်မိတ်ဆွေရှိတာကို သဘောမကျ။မိတ်ဆွေမရှိပါစေနဲ့လို့ ရန်သူက တောင့်တတယ်။
ဒေါသဖြစ်လာရင် မိတ်ဆွေအပေါင်းအသင်း၊ဆွေမျိုး ၊ သွေးသားတော်စပ်သူတွေတောင် ဝေးဝေးက
ရှောင်ကြတယ်။

(၇)။ကိုယ့်ရန်သူက ကိုယ်နောက်ဘဝ ကောင်းရာရောက်မှာကိုသဘောမကျ။ သေရင် ငရဲရောက်ပါစေလို့ ရန်သူကတောင့်တတယ်။ဒေါသဖြစ်လာရင် အပြုမှား၊အပြောမှား၊စိတ်ထားမှားတွေကို ထားတော့တယ်။အမှားတွေလုပ်ပြီးသေတဲ့အခါ ငရဲရောက်တယ်။
-【အံ၊ပါဠိ၊ဒု၊၄၆၉】

-【စာရိုက်ပူဇော်သူ - Admin Team ofYoung Buddhist Association】
ကိုယ့်အကျိုးစီးပွါးကို လိုလားတတ်သူဟာ ရန်သူဝမ်းသာစရာ မဖြစ်အောင် ပြုဖို့၊ပြောဖို့၊စိတ်ထားဖို့ လိုပါတယ်။
-【သာမဏေကျော်ဆရာတော်ဦးဓမ္မိကာလင်္ကာရာဘိဝံသ-သာမဏေကျော် မဟာဂန္ဓာရုံကျောင်းတိုက်】
Posted by►
https://www.facebook.com/youngbuddhistassociation.mm/photos/a.322278357782183.936