ကရင်ပြည်နယ် ဘားအံကနေ ၁၇မိုင်
အကွာလောက်မှာ ကြီးမားဆန်းကြယ်သည့် သဘာဝလှိုဏ်ဂူကြီးတစ်ခုရှိပါတယ်။
ဆဒ္ဒန်လှိုဏ်ဂူဟာ တောင်ကြီးတစ်ခုအောက်မှ အဝင်အထွက် အပေါက်နှစ်ဖက်ပါ
သဘာဝဂူကြီး ဖြစ်ပါတယ်။ ဂူအတွင်းမှာ ဗုဒ္ဓဆင်းတုတော်များ၊ စေတီငယ်များ၊
ကျောက်ခတ်ပန်းဆွဲများ၊ လင်းနို့များ၊ ဆေးဖက်ဝင်ကျောက်သွေးများ နှင့်
အဆန်းတကြယ် သဘာဝအလှတရားများကို တွေ့ရှိနိုင်ပါတယ်။ဂူဟာ အတန်ငယ်ရှည်လျားပြီး ကျယ်ကျယ်ဝန်းဝန်းရှိပြီး မှောင်လွန်းပါတယ်။ ဓာတ်မီးများ ယူဆောင်သွားသင့်သလို ကျောက်သားများအနည်းငယ်ချောပါသဖြင့် သတိထားသွားသင့်ပါတယ်။
ဂူအဆုံးမှာ ရေကန်ကြီးတစ်ကန်နှင့် ရေအောက်တစ်ဝက်မြှပ် လိုဏ်ဂူရှိသည့် တောင်တစ်တောင်လည်း ရှိပါသေးတယ်။
လှေကလေးများရှိပြီး တစ်ဦးလျင် ၁၅၀၀ ကျပ်ဖြင့် ရေအောက်လှိုဏ်ဂူမှတဆင့် ရေကန်တစ်ဖက်သို့ လှေစီးသွားနိုင်ပါတယ်။ ဘဲများနှင့် တောပန်းများကို တွေ့နိုင်ပါတယ်။ ကန်အဆုံးရောက်လျင် တောလမ်းလေးကို လမ်းလျောက်ဖြတ်သန်းကာ ဆဒ္ဒန်ဂူအဝင်ပေါက်ဖက်ကို ပြန်သွားနိုင်ပါတယ်။ ဂူသွားလမ်း၊ တောလမ်း နှင့် ကျောက်တောင်အောက်လှေစီးခြင်း စသည့်အတွေ့အကြုံသုံးမျိုး ခံစားနိုင်ပါတယ်။
စာဖတ်သူတို့ သွားရောက်လေ့လာလိုလျင် နိုဝင်ဘာလမှ ဧပြီလအတွင်းသာ သွားသင့်ကြောင်း အကြံပြုပါရစေ။
Stacy Chan (ရိုးရာလေး)
https://www.facebook.com/yoyarlaydotcom/posts/927844873925432
No comments:
Post a Comment