စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







အိမ်နောက်ဖေးမှာ တဲဆောက်နေပြီး အိမ်ရှင်ကို ကောလိပ် စာမေးပွဲ အောင်ရန် သင်ပေးနိုင်တဲ့ ကျောင်းသား




အသက် ၂၄ နှစ် အရွယ် ကနေဒါ နိုင်ငံသား Evan Eames ဟာ ကနေဒါမှာ တက္ကသိုလ်ပြီးတော့ မန်ချက်စတာမှာ မာစတာ တက်ဖို့ အကြောင်း ပါလာပါတယ်။ မန်ချန်စတာ ဆိုတာ ဗြိတိန်နိုင်ငံက မြို့ကြီး တစ်မြို့ ဖြစ်ပြီး လူသိများတဲ့ ပညာရေး မြို့တစ်ခုပါပဲ။ ငွေကြေးအားဖြင့် သူ့မှာ အခက်အခဲ ရှိပါတယ်။ ဒါကြောင့်မို့ သူဟာ အွန်လိုင်းကနေ အိမ်နောက်ဖေးမှာ တဲဆောက် နေနိုင်မယ့် အိမ်မျိုးကို ရှာဖွေခဲ့ရာ အသက် ၃၄ နှစ်အရွယ် အမျိုးသမီး တစ်ဦးဟာ သူ့ အိမ်နောက်ဖေးမှာ ဆောက်လို့ နေနိုင်ကြောင်း အကြောင်းပြန်ခဲ့ ပါတယ်။

အပေးအယူကတော့ ငွေကြေးဖြင့် မဟုတ်ပဲ အသက် ၃၄ နှစ်အရွယ် အမျိုးသမီး အိမ်ပိုင်ရှင်ကို စာပြန်သင်ပေးရမှာ ဖြစ်ပါတယ်။ အမျိုးသမီး Charley ဟာ ပညာရေးမှာ နောက်နှေးပြီး ကောလိပ် တစ်ခုမှာ GCSE ဖြေရန် ခက်ခဲနေပါတယ်။ အဓိကကတော့ ရူပဗေဒ နဲ့ သင်္ချာမှာ ဖြစ်ပါတယ်။ ဒါကို သိတော့ Charley ဟာ မာစတာတန်း တက်မယ့် Evan ကို အိမ်နောက်ဖေးမှာ နေထိုင်ခွင့် ပေးလိုက်ပြီး ရူပဗေဒနဲ့ သင်္ချာကို ပြန်သင်ပေးစေပါတယ်။ Evan ဟာ ၁၀ လပဲ နေထိုင်မယ့်သူ ဖြစ်ပါတယ်။ သူ နေထိုင်စဉ် အတွင်းမှာလည်း Charley ကို စာပြန်သင်ပေးပြီး Charley ဟာလည်း GCSE ကို ပြန်လည် ဖြေကြား အောင်မြင်ခဲ့ပါတယ်။

Evan ဟာ အိမ်နောက်ဖေးမှာ နေစဉ် သူ့မှာ ချစ်သူလည်း ရှိပြီး သူ့ ချစ်သူကတော့ အိန္ဒိယ နိုင်ငံ ဇာတိ ဖြစ်ပါတယ်။ အမျိုးသမီး တစ်ယောက်ရဲ့ အိမ်ခြံဝိုင်းမှာ နေပေမယ့် သူတို့ရဲ့ Relation ကို မထိခိုက်စေခဲ့ပါ။ အခုတော့ Charley လည်း စာမေးပွဲ ပြီးပြီ Evan လည်း မာစတာတန်း ပြီးသွားပါပြီ။

ဒါကို ကြည့်တော့ ဘာကို သွားသတိရ သလဲဆို ပညာရှာရန် ရန်ကုန်နဲ့ အခြား မြို့ကြီးများပေါ်မှာ ခက်ခက်ခဲခဲ သွားရောက် နေထိုင် ကြတဲ့ မြန်မာ လူငယ်များ၊ ဘုန်းကြီးကျောင်းသားများကို ပြေးမြင်မိပါတယ်။ အဓိကနဲ့ သာမည ခွဲခြားတတ်မှု ဖြစ်ပါတယ်။ ပညာရှာတဲ့ ရည်ရွယ်ချက်က ဘဝ ဝမ်းစာ ပူလုံရန်ကနေ စတာဖြစ်ပေမယ့် မရခင်လေးမှာ ခက်ခဲတဲ့ ဘဝကို ကြံ့ကြံ့ခံကြရမှာပဲ ဖြစ်ပါတယ်။
.
Ref: dailymail
အောင်ခမ်း (ရိုးရာလေး)
https://www.facebook.com/yoyarlaydotcom/posts/927033110673275

No comments:

Post a Comment

Related Posts Plugin for WordPress, Blogger...