သွေးတိုးရောဂါ ဆိုသည်မှာ အပေါ်သွေး ဖိအား ၁၄ဝ နှင့် အထက်၊ အောက်သွေး ဖိအား ၉ဝ နှင့် အထက် ရှိသော သွေးဖိအား အခြေအနေကို ခေါ်သည်။
သွေးတိုးရောဂါသည် နှလုံး၊ ကျောက်ကပ် စသည့် ရောဂါတို့ နှင့်လည်း ဆက်နွှယ် နေသည်။ နှလုံးသွေးတိုး၏ အမြင့်ဆုံး သွေးပေါင်ချိန်မှာ အောက်သွေး ဖိအား ၉ဝ ကျော် ပါက နှလုံး ကြွက်သား ညှစ်ရမှု ပိုမို ဖြစ်လာစေသည်။ သို့သော် တစ်ကြိမ်တစ်ခါ တက်တိုင်း သွေးတိုး မဟုတ်ပါ။ သွေးတိုး ရောဂါသည် သွေးခုန်နှုန်း ပုံမှန် မဟုတ်ဘဲ မြန်ခြင်း၊ မူမမှန်ခြင်း၊ နှေးခြင်းတို့ ဖြစ်စေ နိုင်သည်။ စိတ်ချမ်းသာ နေလျှင် သွေးတိုးမရှိဟု မဆိုနိုင်ဘဲ သုံးရက်ဆက်တိုက် သွေးပေါင်ချိန် တိုင်း၍ သတ်မှတ် ပမာဏထက် မြင့်နေလျှင် နှလုံး သွေးတိုးရောဂါဟု သတ်မှတ်နိုင်သည်။
အချို့ အမျိုးသမီးများသည် ကိုယ်ဝန်ဆောင်စဉ် သွေးတက်ပြီး ကိုယ်ခန္ဓာ ဖောရောင်၍ ဆီးထဲတွင် ပရိုတိန်းခေါ် အသားဓာတ်များ ပါလာသည်။ ယင်းကို ကိုယ်ဝန်ဆိပ် တက်ခြင်းဟု ခေါ်သည်။ ကိုယ်ဝန်ဆောင် ကာလ ငါးလ နောက်ပိုင်း အဖြစ်များသည်။ ထို့ကြောင့် ကိုယ်ဝန် ငါးလ မတိုင်မီ သွေးတိုးရောဂါ ရှိလျှင် စနစ်တကျ ကုသသင့်ပြီး ကလေး မွေးဖွားပြီးလျှင် ကိုယ်ဝန်ဆိပ် တက်ခြင်းသည် အလိုအလျောက် ပျောက် တတ်သည်။ ယင်း ကိုယ်ဝန်သည် သွေးဆိပ်တက်ခြင်းကြောင့် နှလုံးကို မထိခိုက်ပါ။ သွေးတိုး ရောဂါသည် အသက် ၄ဝ နောက်ပိုင်း အထူးသဖြင့် အသက် ၄၅ နှစ်နှင့် ၆၅ နှစ် အကြား အများဆုံး ဖြစ်သည်။
သွေးတိုးရောဂါသည် မျိုးရိုးကြောင့်လည်း ဖြစ်နိုင်သည်။ မိဘနှစ်ပါးက သွေးတိုး လေဖြတ်ပြီး သေဆုံးလျှင် သားသမီးမှာ သွေးတိုးရောဂါနှင့် သေဆုံးရန် များသည်။ အမြွှာ ကလေးများသည် တစ်ဦးတွင် သွေးတိုးရှိလျှင် ကျန် အမြွှာတွင်လည်း ရှိတတ်သည်။ လူတို့ အသက်ကြီးလာသည်နှင့် အမျှ သွေးဖိအား မြင့်တက်ရာတွင် အတက်နှုန်းသည် တစ်ဦးနှင့်တစ်ဦး မတူနိုင်ပါ။ ဝလွန်းသူများ ကိုယ်လက်လှုပ်ရှားမှု နည်းသူများ၊ မိဘနှစ်ပါး သွေးတိုး ရှိသူများမှာ သွေးဖိအား မြင့်တက် တတ်သည်။ အငန်၊ အချိုမှုန့် အစားများလျှင် သွေးလေးပြီး သွေးတက်သည်။
ကျောက်ကပ်ရောဂါ အမျိုးမျိုးရှိသည့် အနက် ကျောက်ကပ်ရောင် ရောဂါ၊ ကျောက်ကပ် ကျောက်တည်ရောဂါ၊ ဆီးချိုရောဂါကြောင့် ဖြစ်သော ကျောက်ကပ် အားနည်းရောဂါမှ ကျောက်ကပ်ပျက်စီး ရောဂါ၊ ကလေးသူငယ် များကျောက်ကပ်ရောင် ရောဂါ၊ သွေးတိုးကြောင့် ဖြစ်သော ကျောက်ကပ် ထိခိုက်ခြင်း ရောဂါတို့ ဖြစ်သည်။
ကျောက်ကပ်မှ စွန့်ထုတ်သော အငန်ဓာတ်ထက် ပိုပြီး စားသုံးမိလျှင် သွေးထဲ အငန်ဓာတ် အောင်းနေပြီး ကိုယ်အလေးချိန် တက်ခြင်း၊ ကိုယ်ခန္ဓာ ဖောရောင်ခြင်း၊ နှလုံး အားနည်းခြင်း၊ ဆီးနည်းခြင်း ဖြစ်လာသည်။
သွေးတိုးသည် ဦးနှောက်ထဲမှ သွေးကြောငယ်များ ထိခိုက်သဖြင့် လေသင်တုန်းဖြတ်ခြင်း ဖြစ်စေသည်။ ဇက်ကြောတက်၊ ခေါင်းကိုက်၊ ခေါင်းမူးမှ အစ သွက်ချာပါဒ လိုက်ပြီး ဦးနှောက်ထဲ သွေးလည်ပတ်မှု ချို့ယွင်းကာ သွက်ချာပါဒ ဖြစ်စေသည်။ သွေးတိုးလျှင် မျက်စိ ထိခိုက်ပြီး သက်ကြီး မျက်စိမှုန်ခြင်း၊ တိမ်စွဲ ရောဂါနှင့် ကိုယ်တစ်ခြမ်း သေခြင်း၊ စကား မပီခြင်းနှင့် ဦးနှောက် ပျက်ခြင်းတို့ ဖြစ်စေသည်။ ။
https://www.facebook.com/mwdmedia/photos/a.280237205426758.63709.24619
No comments:
Post a Comment