နဖူးစာရွာလည် .. ဆိုတာ

ငယ်ငယ်က ကြားဘူးတဲ့ ချစ်စရာကောင်းတဲ့ ပုံပြင်လေး ပြောပြပါမယ် ။
တနေ့မှာ လူပျိုပေါက်လေးတယောက်ဟာ သူ့ချစ်သူ ဘယ်လိုလူမျိုးလည်း ဆိုတာ သိချင်တာနဲ့ ဗေဒင်ဆရာကို မေးပါသတဲ့ ။
ဗေဒင်ဆရာက သူ့ကို အိုးချမ်းကွဲ တခုအပေါ်မှာ အင်းကွက်ကလေး ရေးပေးလိုက်တယ် ။
ဒီအင်းကွက်ကလေးကို လက်ကကိုင်ပြီး ဖူးစာရေ ၊ ဖူးစာရေလို့ အော်ခေါ် ၊ အဲ့ဒီအခါ မင်းရဲ့ ဖူးစာဖက်က “ရှင်” လို့ ထူး လိမ့်မယ်လို့ မှာလိုက်သတဲ့ ။။

လူငယ်လေးလည်း တရွာဝင် တရွာထွက် ဖူးစာရေ ၊ ဖူးစာရေ လို့ ခေါ်ပေမဲ့ ထူးမဲ့သူမရှိတာကြောင့် စိတ်ညစ်လာပါသတဲ့ ။
လက်လျော့မယ် လုပ်ပြီးမှ အားပြန်တင်းပြီး ဆက်ကြိုးစား ခေါ်ကြည့်ပါတယ် ။
ရွာတရွာရဲ့ တနေရာ အရောက် ဖူးစာရေလို့ ခေါ်လိုက်ချိန်မှာ အိမ်တအိမ်ရဲ့ အောက်မှာ ဇယ်ခုပ်ကစားနေတဲ့ အဖွဲ.ထဲက ကောင်မလေး တယောက်က “ဝူး” လို့ ပြန်ထူးသတဲ့ ။
ဒါနဲ့ ကောင်လေးလည်း သူ့ကို ပြောင်ရမလားဆိုပြီး စိတ်တိုနေတာနဲ့ ဝူးလို့ထူးတဲ့ ကောင်မလေးကို အိုးခြမ်းပဲ့နဲ့ ပစ်ပြီး သူ့ရဲ့ ဖူးစာရှင် ရှာတဲ့ခရီးကို စွန့်လွတ်လိုက်သတဲ့ ။

လူငယ်လေးလည်း နောက်တော့ အိမ်ထောင်ကျပါလေရော ၊ အိမ်ထောင်ကျတော့မှ ချစ်သူဘဝက သတိမထားမိတဲ့ သူ့မိန်းမရဲ့ နဖူးက အမာရွတ်သေးသေးလေးကို မြင်တော့ ဘာဖြစ်တာလည်းလို့ မေးလိုက်တယ် ။ ကောင်မလေးကလည်း ငယ်ငယ်က ဇယ်ခုပ် ကစားနေတုန်း လူတယောက်က ဖူးစာရေလို့ ခေါ်တာကို ဝူး လို့ ထူးမိလို အိုးခြမ်းပဲနဲ့ အပေါက်ခံရပြီး အနာရွတ် ဖြစ်ကျန်နေခဲ့တာလို့ ပြောသတဲ့ ။
ဖူးစာဆိုတာ အလွန်ထူးဆန်းကြောင်း ရှေးလူတွေက သူ့ခေတ် သူ့အခါနဲ့ ကိုက်ညီမဲ့ ဇာတ်လမ်းလေးကို ပြောခဲ့ကြတာဖြစ်ပါတယ် ။

………………………………….

နဖူးစာဆိုတဲ့ စကားက ဘယ်ကလာသလဲဆိုတော့ အိန္ဒိယက လာပါသတဲ့ ။
အိန္ဒိယ ရှေးခေတ်လူတွေဟာ သူတို့ရဲ့ သားသမီးတွေကို ငယ်စဉ်ကတည်းကပဲ အိမ်ထောင်ဘက် ရွေးချယ်ပေးကြပါသတဲ့ ။
ပြဿနာက ဇာတ်နိမ့် ဇာတ်မြင့် ခွဲခြားတဲ့ ပြဿနာပါ ။ ဇာတ်မြင့်လို့ သူတို့ကိုယ် သူတို့ သတ်မှတ်သူတွေဟာ သူတို့ သားသမီးတွေ ကြီးလာရင် ၊ ဇာတ်နိမ့်မျိုးရိုးတွေနဲ့ ချစ်ကြိုက်ပြီး အိမ်ထောင်ကျသွားမှာကို မလိုလားတာကြောင့် ငယ်စဉ်ကတည်းက စေ့စပ်ကြောင်းလမ်းကြပါသတဲ့ ။

ဒီလို စေ့စပ်ပြီးတာနဲ့ ကလေးတွေရဲ့ နဖူးမှာ သူတို့ ကြင်ဖက်ရဲ့ နာမည်ကို ဆေးမှင်နဲ့ ရေးထိုးလိုက်ပါတယ် ။ သဘောက ပိုင်ရှင်ရှိပြီးသား ဆိုတဲ့သဘောပါ ။
ဒီလို နဖူးမှာ နာမည်ပါသူတွေဆိုရင်လည်း အခြားသူတွေက မချစ်မကြိုက်ကြတော့ဘူးတဲ့ ။
အသက်အရွယ်ရလာတဲ့ အခါ ငယ်စဉ်က မိဘတွေ စေ့စပ်ပေးခဲ့တဲ့သူတွေနဲ့ပဲ လက်ထပ်လေ့ရှိကြပါသတဲ့ ။
ဒီကနေ နဖူးစာ ဆိုတဲ့ စကားထွန်းကားလာပါသတဲ့ ။

တချို.ကြတော့လည်း အရွယ်မရောက်ခင် တရပ်တကျေး ပြောင်းရွေ.ကြတဲ့အခါ ၊ ကြီးလာတော့ သူတို့ နာမည်ရေးထားတဲ့ ဖူးစာရှင်ကို လိုက်ရှာကြရပါသတဲ့ ။
ဒါကြောင့် နဖူးစာ ရွာလည်တယ် ဆိုတဲ့ စကားလည်း ပေါ်လာတယ်လို့ ဆိုပါတယ် ။

ချစ်သူတွေဟာလည်း သူတို့ ချစ်သူတွေကို နမ်းတဲ့အခါ သူတို့ နာမည်ပါတဲ့ နဖူးလေးကိုပဲ မြတ်မြတ်နိုးနိုး နမ်းတတ်ကြတဲ့ ဓလေ့လည်း ထိုခေတ်ကတည်းက ထွန်းကားခဲ့ပါသတဲ့ ။

ယနေ့ခေတ်အယူအဆတွေကတော့ နဖူးကိုနမ်းတဲ့ အနမ်းဟာ အနူးညံ့ အချိုမြိန်ဆုံး အနမ်းဖြစ်တယ်လို့ ပြောကြပါတယ် ။ နဖူးကို နမ်းခြင်းဟာ နုတ်ခမ်းကို အကြိမ်တထောင် နမ်းခြင်းထက်ကို ပိုပြီးမြတ်နိုးကြတယ်လို့ ချစ်သူတွေက ယူဆကြပါတယ် ။ နဖူးကို တခါ အနမ်းခံဘူးရင်လည်း အဲ့ဒီ အနမ်းကို မေ့ပြစ်ဖို့ မလွယ်ဘူးလို့လည်း ဆိုပါတယ် ။

Credit: ရဲသူရိန်မင်း
7day daily
.https://www.facebook.com/searchmyanmar/photos/a.356889637687313.84429.12061