စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







"ဖေ့စ်ဘွတ်ခ်ပေါ်မှ အနုကြမ်းစီးမှုများ"

)
                          
ဖေ့စ်ဘွတ်ခ်ပေါ်မှ ခြိမ်းခြောက်၍ တောင်းဆိုထားမှုတစ်ခု
 
ဆယ်ကျော်သက်အရွယ် မိန်းကလေးတစ်ဦးဖြစ်သည့် သီရိတစ်ယောက် သူ၏ ဖေ့စ်ဘွတ်ခ်အကောင့်တွင် တင်ထားသည့် အလှဓာတ်ပုံအချို့ကို ပြန်လည်ကူးယူ၍ မဟုတ်မမှန်စာသားများ ရေးထိုးကာ လိင်ပိုင်းဆိုင်ရာဝက်ဘ်ဆိုက်နှင့် လူမှုကွန်ရက်စာမျက်နှာအချို့ထံ ဖြန့်ဝေပစ်မည်ဟု ခြိမ်းခြောက်ခံနေရသဖြင့် ခြေမကိုင်မိလက်မကိုင်မိဖြစ်နေရသည်။

ခြိမ်းခြောက်လာသူသည် အမျိုးသားတစ်ဦးဖြစ်ပြီး သူနှင့်လည်း မရင်းနှီးပါ။ ဖေ့စ်ဘွတ်ခ် Message Box မှတစ်ဆင့် ထိုသို့ပြုလုပ်မည်ဟု လာရောက်ပြောကြား ခြိမ်းခြောက်ခြင်းဖြစ်ပြီး ၎င်း၏စကားများကို နားမထောင်ပါက အရှက်ကွဲစေရမည်ဟု အကျပ်ကိုင်လာသည်။ သီရိ၏ ဓာတ်ပုံတစ်ပုံပေါ်တွင် ဓာတ်ပုံပညာဖြင့် ‘‘ပြည့်တန်ဆာမလေး’’စသည်ဖြင့် စာတန်းရေးထိုးပြုပြင်ထားသည့် ပုံတချို့ကို နမူနာအဖြစ် ပြသလာသည်။

အဆိုပါဓာတ်ပုံများကို မဖြန့်ဝေစေလိုပါက ပိုက်ဆံပေးရမည်ဟု ခြိမ်းခြောက်လာခြင်းဖြစ်သည်။သီရိတစ်ယောက် မည်သို့လုပ်ရမည်မသိပါ။ သူက မိကောင်းဖခင်သားသမီးတစ်ဦး ဖြစ်ပါသည်။ လူမှုကွန်ရက်တွင် ဟော့ဟော့ရမ်းရမ်း နေထိုင်ပြုမူပြောဆိုခြင်းမျိုးလည်းမရှိ။ ယခုကဲ့သို့ ဖြစ်ရပ်မျိုးလည်း တစ်ခါမှမကြုံဖူးခဲ့။


(ဓာတ်ပုံ − ဂျေမောင်မောင်(အမရပူရ))
မည်သူမှန်းမသိသည့် အမျိုးသားတစ်ဦး၏ ခြိမ်းခြောက်အကျပ်ကိုင်မှုကို လက်ခံမည်လော။ ဒါမှမဟုတ် ၎င်းအကျပ်ကိုင်မှုကို ဂရုမထားဘဲ နေမည်လော။

လူမှုကွန်ရက်ဖေ့စ်ဘွတ်ခ်စာမျက်နှာကို ၀င်ရောက်သုံးစွဲသူ တစ်နေ့တခြား ပိုမိုများပြားလာပါသည်။
တန်ဖိုးနည်းဆင်းမ်ကတ်များ ပေါ်ပေါက်လာပြီး အင်တာနက်လည်း အလွယ်တကူချိတ်ဆက်လာနိုင်ကာ ဖုန်းဟန်းဆက်တိုင်းလိုလိုတွင် ပါဝင်လာသည့် ဖေ့စ်ဘွတ်ခ်အက်ပလီကေးရှင်းက သုံးစွဲသူများကို တိုးပွားလာစေခဲ့သည်။

သို့ဖြစ်ရာ လူပေါင်းစုံ၊ စိတ်နေသဘောထားပေါင်းစုံ၊ အသက်အရွယ်ပေါင်းစုံသည် ဖေ့စ်ဘွတ်ခ်ပေါ်တွင် ပျားပန်းခပ်လာကြတော့သည်။ တစ်ဦးနှင့်တစ်ဦး အလွယ်တကူမိတ်ဆွေဖြစ်နိုင်ခြင်း၊ ကမ္ဘာအနှံ့၊ အနယ်နယ်အရပ်ရပ်မှ သတင်းများ၊ ဖြစ်ပျက်နေသည့် အခြေအနေများကို အချိန်နှင့်တစ်ပြေးညီ သိရှိနိုင်ခြင်း၊ သူငယ်ချင်းမိတ်ဆွေ၊ မိသားစုအချင်းချင်း လွယ်ကူစွာ ဆက်သွယ်ပြောဆိုနိုင်ခြင်းတို့ကြောင့် ဖေ့စ်ဘွတ်ခ်သည် တခြားသော လူမှုကွန်ရက်စာမျက်နှာများထက် ပိုမိုဆွဲဆောင်မှုရှိနေသည်။

လူအများစု ၀င်ရောက်သုံးစွဲလာကြသည်နှင့်အမျှ ပြဿနာပေါင်းစုံကိုလည်း ဖန်တီးလာကြသည်။ အမုန်းပွားစေသည့် အပြောအဆိုအရေးအသားများကို ရေးသားလာကြသည်။ တစ်ဦးတစ်ယောက်ကို သိက္ခာချရန် လွယ်ကူလာသည်။

အလွယ်တကူ နာမည်ကြီးအောင် ဖန်တီးလာကြသည်။ လူအများစု၏ ယုံကြည်လွယ်မှုနှင့် ဆန်းစစ်ပိုင်းခြားနိုင်စွမ်းနည်းပါးမှုအချို့အပေါ် အခွင့်ကောင်းယူ၍ ကောလာဟလများကို အလွယ်တကူပင် ဖန်တီးလာကြသည်။ လူတစ်ဦးလျှင် အကောင့်တစ်ခုသုံးစွဲခြင်းထက် အကောင့်တုများ လွယ်ကူစွာ ဖွင့်လှစ်သုံးစွဲနေခြင်းက ပြဿနာများကို ဖန်တီးလာစေခဲ့သည်။

များသောအားဖြင့် အမုန်းပွားစေသည့် အရေးအသားများရေးသားသူ၊ ကောလာဟလသတင်းတုများ ဖန်တီးသူ၊ တစ်ဦးတစ်ယောက်ကို ရည်ရွယ်ချက်ရှိရှိဖြင့် သိက္ခာချသူ၊ မိန်းကလေးငယ်များကို ခြိမ်းခြောက်အကျပ်ကိုင် ငွေညှစ်လိုသူတို့သည် အကောင့်တုများဖြင့် ပြုလုပ်ကြခြင်းဖြစ်သည်။ အမည်ရင်းမဟုတ်၊ ပရိုဖိုင်ဓာတ်ပုံအစစ်မဟုတ်ဘဲ စုံစမ်းရန် ခက်ခဲသည့် မည်သူမည်ဝါမှန်းမသိနိုင်သည့် အကောင့်တုများက ပေါသထက်ပေါများလာနေသည်။
 ‘‘အခုဆို ဖေ့စ်ဘွတ်ခ်မှာ ကိုယ့်ဓာတ်ပုံတင်ရမှာတောင် လန့်လာတယ်’’ဟု သုံးစွဲသူအမျိုးသမီးတစ်ဦးကပြောသည်။

‘‘မင်းဓာတ်ပုံကို မကောင်းတဲ့ Page မှာ သွားတင်လိုက်မယ်။ နာမည်မပျက်ချင်ရင် ဖုန်းဘီလ်ငါးထောင်ဖိုး ခုချက်ချင်းထည့်ပေးပါဆိုပြီး ဖုန်းနံပါတ်ပေးပြီး ငွေညှစ်တာကြုံဖူးတယ်’’ဟု အသက်(၂၄)နှစ်အရွယ် ဖေ့စ်ဘွတ်ခ်သုံးစွဲသူ မလင်းလင်းမြတ်က သူ၏အတွေ့အကြုံကို ပြောပြသည်။
ထိုသို့ ခြိမ်းခြောက်ခံရမှုများကို အသက်ငယ်ရွယ်သည့် မိန်းကလေးတို့ အများဆုံးကြုံတွေ့နေကြရခြင်း ဖြစ်သည်။ သူတို့က မိမိရိုက်ကူးထားသည့် အလှဓာတ်ပုံများကို မိမိအကောင့်ထဲရှိ သူငယ်ချင်းမိတ်ဆွေများ ကြည့်ရှုနိုင်ရန် တင်လိုက်ကြသည်။ သို့ရာတွင် ဓာတ်ပုံလှလှတင်၍ နာမည်ကျော်လိုစိတ်ရှိသည့် မိန်းကလေးအချို့မှာ ပုံတင်ရာ၌ ကိုယ့်စာရင်းထဲရှိ မိတ်ဆွေများသာ မြင်နိုင်သည့် Friends Only အဖြစ် မတင်ဘဲ အားလုံးမြင်နိုင်သည့် Public အနေနှင့် တင်ကြရာမှ ခြိမ်းခြောက်အကျပ်ကိုင်လိုသူတို့အဖို့ အကြိုက်တွေ့ကြရသည်။
Friends Only အနေဖြင့် Post နှင့် Photo များကို တင်ပါက မိမိအကောင့်တွင်းရှိ သူငယ်ချင်းမိတ်ဆွေများသာ မြင်တွေ့နိုင်ပြီး Public အနေဖြင့် တင်ပါက ဖေ့စ်ဘွတ်ခ်သုံးစွဲသူ မည်သူမဆို မြင်တွေ့နိုင်ကာ မိမိဓာတ်ပုံကို အလွယ်တကူ ကူးယူသိမ်းဆည်းခွင့်ပေးလိုက်သလို ဖြစ်တတ်သည်။

မိန်းကလေးတချို့ကတော့ မိမိထံ ခြိမ်းခြောက်စာရေးသားပေးပို့လာသူကို ဂရုမစိုက်ဘဲ တောင်းဆိုချက်များကိုလည်း မလိုက်လျောတတ်ကြပေ။ ထိုအခါ အလှရိုက်ကူးထားသည့် ဓာတ်ပုံများမှာ မကောင်းသည့် ညစ်ညမ်းစာမျက်နှာများထက်ဆီ ရောက်ရှိသွားတတ်သည်။
သီရိတစ်ယောက်လည်း သူ့ထံ ခြိမ်းခြောက်အကျပ်ကိုင်လာသူကို ကြောက်ရွံ့ကာ မည်သို့လုပ်ရမှန်းမသိဘဲ ဖေ့စ်ဘွတ်ခ်ရှိ သူငယ်ချင်းမိတ်ဆွေများထံ အကူအညီတောင်းခံခဲ့ရသည်။ ထိုအခါမှ ဖေ့စ်ဘွတ်ခ်သုံးစွဲသူများက တောင်းဆိုမှုများကို မလိုက်လျောရန် အားပေးခဲ့ကြပြီး သီရိ၏ဖြစ်ရပ်ကို ဖြန့်ဝေကာ ခြိမ်းခြောက်စာပို့သူ၏ အကောင့်ကို Report တင်ခြင်း၊ သတိပေးခြင်းများ ပြုလုပ်ခဲ့ကြရာ ထိုသူမှာ နောက်ထပ်ခြိမ်းခြောက်ခြင်း မပြုလုပ်ရဲတော့ဘဲ ငြိမ်သွားခဲ့သည်ဟု သီရိကပြောပြသည်။

‘‘မိန်းကလေးတွေက နာမည်ကြီးချင်လို့ ကိုယ့်ပုံကို Public လုပ်ပြီး လူတကာမြင်အောင်ပြတာပဲဖြစ်ဖြစ်၊ မသိလို့ လုပ်မိတာပဲဖြစ်ဖြစ် အဲဒီလိုမျိုးမိန်းကလေးတွေမှာ ပိုပြီးဖြစ်နိုင်ဖို့ အလားအလာပိုများပါတယ်။ ဖေ့စ်ဘွတ်ခ်ပေါ်မှာ တချို့မိန်းကလေးတွေက ဒီလိုမျိုးခြိမ်းခြောက်ခံရကြောင်းကို Screen-shot တွေနဲ့ ခဏခဏပြတာကို မကြာမကြာတွေ့နေရတယ်။ ဒါကြောင့် ဒီလိုမျိုးကိစ္စတွေ အရင်ကထက် များလာတယ်လို့ ယူဆလို့ရပါတယ်’’ဟု BLINK Digital Agency မှ Head of Social Media ကိုပြည့်ဖြိုးနိုင်ကပြောသည်။

မြန်မာနိုင်ငံရဲတပ်ဖွဲ့မှ ရဲအုပ်အောင်ဘုန်းမြင့်ကလည်း ‘‘ခုနောက်ပိုင်း ကလေးမတွေက ဆယ်လ်ဖီရိုက်ကြတယ်။ ပြီးတော့တင်တယ်။ မိမိကို Add Friend လာလုပ်တဲ့သူကို စိစစ်ပြီး လက်မခံဘူး။ Like တွေ များများရချင်တော့ လက်ခံတယ်။ မသမာတဲ့သူ၊ ဒါမှမဟုတ် အကြောင်းမျိုးမျိုးကြောင့် ကလေးမတွေရဲ့ ပုံတွေကိုယူပြီး လုပ်စားတာတွေ၊ ခြိမ်းခြောက်တာတွေ ဖြစ်လာတယ်’’ဟု ဆိုပါသည်။

ငိုအားထက် ရယ်အားသန်ဟု ပြောရမလို အဖြစ်တစ်ခုလည်းရှိခဲ့သည်။ ခြိမ်းခြောက်အကျပ်ကိုင်သူတစ်ဦးက မိန်းမလျာတစ်ဦးကို မိန်းကလေးဟု ထင်မှတ်ကာ ခြိမ်းခြောက်ခဲ့ခြင်းဖြစ်ပြီး တောင်းဆိုမှုများကို မလိုက်လျောသည့်အတွက် အဆိုပါမိန်းမလျာ၏ဓာတ်ပုံကို ညစ်ညမ်းစာမျက်နှာတစ်ခုတွင် တင်လိုက်ကာ ပြည့်တန်ဆာဟု စွပ်စွဲသည့်သဘောဖြင့် စာသားများလည်း ရေးသားခဲ့သည်။ အဆိုပါမိန်းမလျာက ၎င်းကို မိန်းကလေးဟု ထင်မှတ်ပြီး အရှက်ခွဲသူကို ပြန်လည်လှောင်ပြောင်ခဲ့လေသည်။

လူမှုကွန်ရက်ဖေ့စ်ဘွတ်ခ်စာမျက်နှာ ခေတ်မစားမီကတည်းကရှိခဲ့ပြီး ယခုလည်း ဖြစ်ပွားနေဆဲကိစ္စတစ်ခုမှာ အမျိုးသမီးတို့၏ မဖွယ်မရာဓာတ်ပုံများကို ဖြန့်ဝေခြင်းပင် ဖြစ်ပါသည်။ အဆိုးရွားဆုံးမှာ လိင်ကိစ္စပြုလုပ်နေသည့် ဗီဒီယိုဖိုင်များကို ဖြန့်ဝေခံရခြင်းဖြစ်ပြီး အဆိုပါလုပ်ရပ်ကို ကာယကံရှင်အမျိုးသားဘက်မှ အများဆုံးပြုလုပ်တတ်ကြသည်။ ချစ်သူရည်းစားနှစ်ဦး ဆိတ်ကွယ်ရာတွင် အပျော်သဘော ရိုက်ကူးထားသည့် နမ်းရှုပ်နေသည့် ဓာတ်ပုံများ၊ မဖွယ်မရာဓာတ်ပုံများ၊ မိန်းကလေးမသိအောင် ယောက်ျားလေးက ခိုးရိုက်ထားသည့် ဗီဒီယိုဖိုင်များက ညစ်ညမ်းဝက်ဘ်ဆိုက်များပေါ်သို့ ရောက်ရှိပျံ့နှံ့ခြင်းဖြစ်သည်။

အဆိုပါကိစ္စရပ်များက ယခုနောက်ပိုင်းတွင် ပျံ့နှံ့မှုအားကောင်းသည့် လူမှုကွန်ရက်ဖေ့စ်ဘွတ်ခ်ပေါ်သို့ ရောက်ရှိလာပါက ကာယကံရှင်မိန်းကလေးမှာ မျက်နှာမဖော်ရဲအောင်ပင် အရှက်တကွဲဖြစ်ရလေ့ရှိသည်။ သမီးရည်းစားနှစ်ဦး ချစ်ကြိုက်ရာမှ အကြောင်းအမျိုးမျိုးကြောင့် လမ်းခွဲပြီးနောက် မကျေနပ်၍ဖြစ်စေ၊ အကြောင်းတစ်ခုခုကြောင့်ဖြစ်စေ အမျိုးသားဘက်က အဆိုပါဓာတ်ပုံနှင့် ဗီဒီယိုများကို ရည်ရွယ်ချက်ရှိရှိဖြင့် ဖြန့်ဝေရာမှ ပျံ့နှံ့ခြင်းဖြစ်ပါသည်။

‘‘ကောင်လေးတစ်ယောက်က သူ့ကောင်မလေးနဲ့ ပြတ်သွားပြီးတဲ့နောက်မှာ ဖုန်းကနေ မကြာခဏ SMS ပေးပို့ပြီး ဆဲဆိုခြိမ်းခြောက်တာမျိုး၊ သမီးရည်းစားဘ၀က နှစ်ကိုယ်ကြား မလုံ့တလုံပုံတွေ အွန်လိုင်းပေါ်တင်ပစ်မယ်လို့ ခြိမ်းခြောက်တာမျိုးကို ကျွန်တော့်သူငယ်ချင်း ကောင်မလေးတစ်ယောက် မကြာမကြာခံရတာကို တွေ့ရတယ်။ ပြတ်စဲပြီးတာ နှစ်ချီနေပေမယ့် အခုထိ ခြိမ်းခြောက်နေတုန်းပေါ့။ ဒါမျိုးက Cyber Bullying ပေါ့။ အွန်လိုင်းပေါ်ကနေတစ်ဆင့် လူတစ်ဖက်သား စိတ်အနှောင့်အယှက်ဖြစ်အောင် ပြုလုပ်တာမျိုးပေါ့’’ဟု BLINK Digital Agency မှ Head of Soical Media ကိုပြည့်ဖြိုးနိုင်က ပြောပြသည်။

‘‘ကောင်လေးက ကောင်မလေးနဲ့ပြတ်ပြီးမှ အတူတူအိပ်ခဲ့တဲ့ ပုံတွေကို မကျေနပ်လို့ပဲဖြစ်ဖြစ် အကျပ်ကိုင်ချင်လို့ပဲဖြစ်ဖြစ် ဖြန့်တင်တာ၊ မြန်မာအပြာ website တွေ page တွေမှာ တွေ့ရတတ်ပါတယ်။ အင်မတန်အောက်တန်းကျတဲ့ လုပ်ရပ်ပါ။ ဘယ်လိုပဲဖြစ်ဖြစ် ယောက်ျားတစ်ယောက်ရဲ့ တာဝန်ယူစိတ်လေးတစ်ခုထားပြီး ဒီလိုလုံးဝမလုပ်သင့်ပါဘူး’’ဟု ဖေ့စ်ဘွတ်ခ်သုံးစွဲသူ ကိုမဲခေါင်ကျော်စွာကဆိုသည်။

အချို့ဖြစ်ရပ်များတွင် ကာယကံရှင်စုံတွဲပင် မသိလိုက်ဘဲ သူငယ်ချင်းအပေါင်းအသင်းများကဖြစ်စေ၊ တည်းခိုရာဟိုတယ်၊  တည်းခိုခန်းမှာဖြစ်စေ၊ ကင်မရာအသေးစား (သို့မဟုတ်) စီစီတီဗီကင်မရာတို့ဖြင့် ခိုးယူရိုက်ကူးထားသည့် ဗီဒီယိုဖိုင်များကို နှမသားချင်း၊ သားသမီးချင်းစာနာထောက်ထားမှုမရှိဘဲ ဖြန့်ဝေမှုများလည်းရှိသည်။ မြန်မာနိုင်ငံတွင် နည်းပညာပိုင်းနှင့် ဥပဒေပိုင်းအရထိုသို့ ပြုလုပ်သူများကို ဖော်ထုတ်အရေးယူရန် အခက်အခဲအချို့ရှိနေသေးသည်။

ပြုလုပ်သူကို တိတိကျကျသိပါက ဥပဒေကြောင်းအရ ဖော်ထုတ်အရေးယူရန် လွယ်ကူနိုင်သော်လည်း အကောင့်တုများ ပေါလာသည့်ခေတ်တွင် မည်သူပြုလုပ်မှန်းမသိဘဲ အရှက်တကွဲအကျိုးနည်းဖြစ်ရသည်က များသည်။ ထို့ကြောင့် မိန်းကလေးများကိုယ်တိုင်က မိမိကိုယ်ကိုယ် တန်ဖိုးထားတတ်မှုဖြင့် ကာကွယ်ရန်သာ လိုအပ်ကြောင်း အွန်လိုင်းသုံးစွဲသူများက မှတ်ချက်ပေးကြပါသည်။
‘‘နည်းပညာတိုးတက်မှုရဲ့ နောက်ဆက်တွဲ ပြဿနာတွေပါ။ ဒီဟာတွေ လျော့ကျလာဖို့က ကျွန်တော့်ဆီမှာ Cyber Police လိုလာပြီဆိုတာပဲ။ မြန်မာနိုင်ငံမှာ Cyber Police ဆိုတာ ရှိကိုမရှိသေးဘူး’’ ဟု သတင်းထောက် ကိုမြတ်သူအောင်က ပြောသည်။

ဖက်ရှင်မော်ဒယ် လဲ့ယမင်းကလည်း ‘‘မိန်းကလေးတစ်ယောက်ကတော့ သူ့သိက္ခာသူထိန်းရမှာပါ။ ဒီလိုအဖြစ်မျိုးမဖြစ်အောင် မဖြစ်ခင်ကတည်းက ကိုယ့်ကိုယ်ကိုယ်တန်ဖိုးထားရင် ဒီလိုကိစ္စတွေဖြစ်လာစရာ အကြောင်းမရှိဘူးလေ’’ဟုဆိုသည်။

အင်တာနက်ဝက်ဘ်ဆိုက်များပေါ်တွင် လူတစ်ဦးတစ်ယောက် (သို့မဟုတ်) အဖွဲ့အစည်းတစ်ခုခုကို အသရေပျက်စေသော၊ ဂုဏ်သိက္ခာကျဆင်းစေသော ပြုလုပ်မှုများကို ဥပဒေအရ တားမြစ်ထားပါသည်။ အီလက်ထရွန်နစ်ဆက်သွယ်ရေးဥပဒေပုဒ်မ ၃၄ (ဃ)အရ ပြစ်မှုထင်ရှားပါက ထောင်ဒဏ်ငါးနှစ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်စလုံးဖြစ်စေ အပြစ်ပေးနိုင်ကာ ရာဇသတ်ကြီး ဥပဒေပုဒ်မ ၄၉၉ အရလည်း အရေးယူအပြစ်ပေးနိုင်သည်။

သို့ရာတွင် အင်တာနက် Online အသရေဖျက်မှုများကိုလည်း Cyber Crime အဖြစ် သတ်မှတ်ထားသော်လည်း အင်တာနက်၏ စိန်ခေါ်မှုများအရ ပြစ်မှုကျူးလွန်သူသည် မည်သည့်နေရာမှ ပြုလုပ်သည်၊ မည်သူမည်ဝါက ပြုလုပ်သည်ကို သိရှိနိုင်ရန် အခက်အခဲနှင့်လည်း ရင်ဆိုင်ရဦးမည်ဖြစ်ကြောင်း တရားလွှတ်တော်ရှေ့နေ ဦးမောင်မောင်ဝင်းက ဆောင်းပါးတစ်ပုဒ်တွင် ဖော်ပြထားသည်။

များသောအားဖြင့် ကာယကံရှင်အမျိုးသမီးများသည် အသရေဖျက်မှုတစ်ခုခုနှင့် ကြုံတွေ့ရသော်လည်း ထပ်မံ၍ ပိုမိုအကျယ်အကျယ် မဖြစ်စေလိုသဖြင့်လည်းကောင်း၊ အရှက်အကြောက်ကြီးမားသဖြင့်လည်းကောင်း သက်ဆိုင်ရာသို့ တိုင်ကြားရန် ခက်ခဲလေ့ရှိကြသည်။
အီလက်ထရွန်နစ် ဆက်သွယ်ရေးဥပဒေ ရှိသော်လည်း တိုင်ကြားမှုရှိလာပါက သက်ဆိုင်ရာက ဆောင်ရွက်ပေးကောင်းပေးလိမ့်မည်ဖြစ်သော်လည်း မြန်မာနိုင်ငံတွင် နည်းပညာပိုင်းအရသော်လည်းကောင်း ပြစ်မှုကျူးလွန်သူကို ဖော်ထုတ်ရန် ခက်ခဲနေဆဲဖြစ်သည်။

‘‘အရင်က ဖြစ်စဉ်တွေရှိတယ်။ တိုင်ဖူးတာတွေလည်းရှိတယ်။ အရေးလည်းယူပေးတယ်။ အခုချိန်မှာတော့ တိုင်တာမရှိဘူး။ ဖြစ်စဉ်တွေတော့ တွေ့တယ်။ မတိုင်ကြဘူး။ တစ်ခုခုဖြစ်ခဲ့ရင် စခန်းမှာ အရင်ဆုံးတိုင်ပါ။ ကြီးကြီးမားမား အမှုမျိုးတော့မရှိပါဘူး။ ဆိုက်ဘာလောနဲ့ ပတ်သက်ပြီး ထွက်လာတဲ့နေ့ကျရင်တော့ ကိုင်တွယ်ကြတော့မှာပါ’’ဟု ရဲအုပ်အောင်ဘုန်းမြင့်ကပြောသည်။

မြန်မာနိုင်ငံတွင် ခြိမ်းခြောက်အကျပ်ကိုင်ခံရမှုနှင့် ပတ်သက်၍တော့ ကြီးကြီးမားမား ဖြစ်စဉ်မျိုး မရှိသေးသော်လည်း အသေးအမွှားဖြစ်ရပ်များက ခပ်စိပ်စိပ်ဖြစ်လာနေသည်။ ညစ်ညမ်းဝက်ဘ်ဆိုက်များပေါ်တွင် လိင်ပိုင်းဆိုင်ရာ ဗီဒီယိုဖိုင်များ၊ ဓာတ်ပုံများ ပျံ့နှံ့မှုများကတော့ ရှိနေဆဲပင်ဖြစ်ပါသည်။ လူမှုကွန်ရက်ဖေ့စ်ဘွတ်ခ်သုံးစွဲသူများထဲတွင် ဆယ်ကျော်သက်အမျိုးသမီးငယ်တို့က ပစ်မှတ်ထားစရာတစ်ခုဖြစ်လာနေသည်။

ထို့ကြောင့် အမျိုးသမီးငယ်များအနေဖြင့် မလုံမလဲပုံများကို အများမြင်ရသည့် ဖေ့စ်ဘွတ်ခ်တွင် တင်တော့မည်ဆိုလျှင် သေချာစဉ်းစားဖို့ လိုအပ်လာသည်ဆိုသည်မှာ မေးခွန်းထုတ်စရာမလိုတော့ပေ။

http://7daydaily.com/story/37579

No comments:

Post a Comment

Related Posts Plugin for WordPress, Blogger...