စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ငွေရေးကြေးရေး ကိစ္စ တစ်ဦးနဲ့ တစ်ဦး ပွင့်ပွင့်လင်းလင်း မရှိခြင်းက သင်တို့အချစ်ရေးကို ပျက်စီးသွားစေနိုင်



 
သင်ဟာ သင့်ရဲ့ဒီဇိုင်နာထုတ်အိတ်တွေရဲ့ဈေးနှုန်း၊ တစ်နေ့တာ အသုံးစရိတ်၊ တစ်လ အသုံးစရိတ်စတာတွေကို ဖွင့်မပြောပဲ သင့်ချစ်သူကို လိမ်ညာထားမိမယ်ဆိုရင် ဒါတွေဟာ သင်တို့ရဲ့အချစ်ရေးအတွက် ဆူးညှောင့်ခလုတ်တွေပါပဲ။ MoneySupermarket.com က စစ်တမ်းကောက်ချက်အရ အတွဲ ၁၀တွဲမှာ ၅တွဲသာ ကိုယ့်ချစ်သူကို ကိုယ့်အသုံးစရိတ်တွေကို အမှန်အတိုင်းဖွင့်ပြောလေ့ရှိကြပါတယ်တဲ့။ ဘာလို့များ ကိုယ့်အသုံးစရိတ်ကို အမှန်အတိုင်းမပြောကြပါလိမ့်လို့ သင်တွေးမိလိုက်တယ်မလား။

သူတို့တွေဟာ တစ်ခုခုကို ၀ယ်တော့မယ်ဆိုရင် ကိုယ့်ချစ်သူကို ပြောချင်ပေမယ့် ချစ်သူက ၀ယ်ခွင့်မပြုမှာ၊ ကိုယ့်အသုံးစရိတ်ကြောင့် ကိုယ့်ချစ်သူ စိတ်အနှောင့်အယှက်ဖြစ်မှာ စိုးရိမ်ကြလို့ပါတဲ့။ ဒီလိုကြားလိုက်ရရင် ဒါဟာ အပြစ်ကင်းပါတယ်လို့တော့ ထင်ကြမှာပါပဲ။ ဒါပေမယ့် ဒီအရာတွေက အတွဲတွေ ပြတ်သွားအောင် ဖန်တီးပစ်လိမ့်မယ်လို့တော့ ဘယ်သူမှ ထင်မိကြမှာ မဟုတ်ပါဘူး။

ယုံကြည်မှုဆိုတာ အချစ်ရေးမှာ နံပါတ်တစ် အရေးအကြီးဆုံး အရာပါပဲ။ နှလုံးသားရေးရာ အကြံပေးဖြစ်တဲ့ Terri Orbuch, Ph.D. ကတော့ ယုံကြည်မှုနည်းပါးသွားရင် အချစ်ရေးဟာ သာယာမှုတွေ တဖြည်းဖြည်းလျော့ပါး သွားမှာပါပဲတဲ့။ အထူးသဖြင့် ရေရှည်တွဲလာပြီးဖြစ်တဲ့ အတွဲတွေဟာ ပိုက်ဆံကိစ္စနဲ့ ပတ်သက်ပြီး ဖုံးကွယ်ထားတာကို သိရာကနေ ကွဲသွားတာ များတယ်လို့ ဆိုပါတယ်။

ကိုယ်ဒီနေ့ ဘယ်လောက်သုံးတယ် ဆိုတာမျိုးကို ကိုယ့်ချစ်သူကို စာရင်းတင်ခိုင်းနေတာမျိုး မဟုတ်ပေမယ့် သူမေးတဲ့အခါ သုံးသမျှ ပိုက်ဆံတွေကို စာရင်းဖျောက်ပစ်လိုက်တာမျိုးတွေ မလုပ်ပဲ အမှန်အတိုင်း ဖွင့်ပြောဖို့ပါပဲ။ ကိုယ့်ပိုက်ဆံ ကိုယ်ရှာသုံးတယ်ဆိုပေမယ့် တစ်ဖက်ကလည်း နှစ်ဦးသားရှေ့ရေးကို တွေးရတော့မယ်ဆိုရင် ကိုယ့်အသုံးစရိတ်တွေကိုပါ ထည့်စဉ်းစားတော့မှာပေါ့လေ။

နောက်တစ်ချက်က ကိုယ်တစ်လဘယ်လောက်ရသလဲဆိုတာကို အတိအကျဖွင့်ပြောဖို့ နှစ်ဦးသားတွဲတဲ့အချိန်က နည်းနေသေးတယ်ဆိုရင်တောင် ရေရှည်တွဲတော့မယ် ဆိုတာနဲ့ ဒါတွေကိုပါ ဖွင့်တိုင်ပင်သင့်ပါတယ်။ ဒါဟာ နှစ်ဦးသားရေရှည် လက်တွဲတော့မယ်လို့ ဆုံးဖြတ်တဲ့အခါ အရေးအကြီးဆုံး အချက်ဖြစ်လာလို့ပါပဲ။

TrendMyanmar

No comments:

Post a Comment

Related Posts Plugin for WordPress, Blogger...