စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







အပြုံးပန်းတစ်ပွင့်ရဲ့ ယုံကြည်မှု


လူတွေအတွက် ပြုံးပန်းအလှတစ်ပွင့်ဟာ စွင့်စွင့်ကားကား ဖူးပွင့်နေတဲ့ ပန်းတစ်ပွင့်လို လှပလွန်းပါတယ်။ ပြုံးလိုက်ရင် ချစ်စရာလေးဆိုတဲ့ စကားလေးတစ်ခွန်းဟာ ပြုံးပန်းတစ်ပွင့်ရဲ့ တန်ဖိုးတစ်ခုဘဲဖြစ်ပါတယ်။ အစွမ်းကုန်ဖူးပွင့်နေတဲ့ပန်းတစ်ပွင့်ရဲ့အလှတရားဟာ သူ့ရဲ့ပတ်ဝန်းကျင်ကိုအလှဆင်သလို မြင်ရသူရဲ့ရင်ထဲကိုလည်း နှစ်ခြိုက်အေးချမ်းစေပါတယ်။ ဒီလိုပါဘဲ လူတွေအတွက် လန်းဆန်းတဲ့ အပြုံးတစ်ပွင့်ရဲ့တန်ဖိုးတရားဟာ မိမိရှင်သန်ရာပတ်ဝန်းကျင်မှာ များစွာ အထောက်အကူဖြစ်စေပါတယ်။ ဒီလို ဖြူဖြူဖွေးဖွေး ပုလဲစီသွားတန်းလေးနဲ့ လှပတဲ့ အပြုံးတစ်ခုကို ဖန်တီးနိုင်ဖို့လူတိုင်းမှာ အခွင့်အရေးရှိတယ်လို့ထင်ပါသလား။ တစ်ခါတစ်ရံမှာ လူတွေဟာ မိမိမှာ ပြည့်စုံနေတဲ့အခါ အပြုံးတစ်ခု ဘာခက်လို့လဲဆိုတဲ့စကားလေးနဲ့ ပြောစမှတ်ပြုကောင်းပြုနိုင်ပါတယ်။ ဒါပေမယ့် ဒီလို လှပပြည့်စုံတဲ့ အပြုံးတစ်ခုကို ယုံကြည်မှုအပြည့်နဲ့ မပြုံးနိုင်သူတွေအတွက်ကတော့ အပြုံးပန်းတစ်ပွင့်ရှင်သန်နိုင်ရေးဟာ သူတို့အတွက် အင်မတန်ခက်ခဲတဲ့ ပြဿ နာ တစ်ရပ်ဘဲဖြစ်ပါတယ်။

မိမိကိုယ်ကို ယုံကြည်မှုအပြည့်နဲ့ သွားဖြူဖြူ စီစီရီရီလေးတွေကို ဖွင့်လှစ်ပြသကာ ပြုံးရယ်ပြနိုင်ဖို့ဆိုတာ လူတိုင်းအတွက် လွယ်ကူသယောင်နဲ့ ခက်ခဲတဲ့ကိစ္စတစ်ခုလို့ ပြောလို့ရပါတယ်။ ဘာကြောင့်လဲဆိုတော့ အသေအချာစဉ်းစားကြည့်လိုက်ပါ။ မိမိရဲ့သွားတွေဟာ မလှမပနဲ့ မညီမညာ ဝါဝါကျင်ကျင်ဖြစ်နေခဲ့ရင် အများသူငှာရှေ့မှာ ရဲရဲဝံ့ဝံ့ရယ်ပြရဲဖို့ သတ္တရှိနိုင်ပါ့မလား။ မိမိသွားလေးကို မပေါ်အောင် ဖုံးဖိရယ်ပြရင်း ငါ့သွားလေးကို မြင်သွားမှဖြင့်ဆိုတဲ့ခံစားမှုတွေနဲ့ ရပ်တည်ရှင်သန်နေကြရသူတွေရှိကြလိမ့်မယ်လို့ထင်ပါတယ်။ စိတ်ထဲမှာ သူများမြင်သွားမှာစိုးရိမ်စိတ်လေးနဲ့ ယုံကြည်မှုနည်းနေကြရတာတွေဟာ စာနာစရာပါ။ အရာရာကို ဒီအားနည်းချက်လေးနဲ့ မပြောရဲမဆိုရဲ၊ သွားလေးတွေကို မဖော်ရဲဘဲ ပါးစပ်လေးပိတ်ပိတ်ပြီး ပြောနေကြရတာဟာ အပြုံးပန်းတစ်ပွင့်နဲ့ပတ်သက်ပြီး ယုံကြည်မှုပျောက်ကွယ်နေကြရတာလို့ဆိုလို့ရပါတယ်။

ဒါပေမယ့်လောကကြီးမှာ ပြဿ နာရှိရင် အဖြေရှိပါတယ်ဆိုတဲ့ လူသားတို့ရဲ့ တီထွင်ကြံဆမှုတွေက လည်း အံ့မခန်းပါ။ လူတွေအနေနဲ့ မိမိမှာ အားနည်းချက်တစ်စုံတစ်ရာရှိလာပြီဆိုရင် ပြဿ နာ အရင်းအမြစ်ကိုလိုက်ပြီး ဘယ်လိုဖြေရှင်းရင်အဆင်ပြေနိုင်မလဲဆိုတဲ့ ကြံဆမှုက မိမိတို့အတွက် အောင်မြင်မှုကို ဆွတ်ခူးနိုင်ခြင်းရဲ့ အနှစ်သာရဘဲဖြစ်ပါတယ်။မိမိတို့ရဲ့သွားလေးတွေ မလှမပနဲ့ ပြုံးရယ်ပြနိုင်ဖို့ခက်ခဲနေတဲ့အခါ ဒီသွားလေးတွေကို ပုလဲစီသွားလေးတွေဖြစ်လာနိုင်အောင် ကုသစွမ်းဆောင်နိုင်တဲ့နည်းလမ်းလေးတွေရှိပါတယ်။

ပုံမှန်သွားတိုက်ပေးပါ

ဝါကျင်ကျင်ဖြစ်ပြီး အရောင်အသွေးမလှမပဖြစ်နေသူတွေအတွက် သွားလေးတွေကိုဖြူဖွေးတောက်ပြောင်သွားအောင် လေဆာအကူအညီနဲ့ ပြုလုပ်လို့ရပါတယ်။ လေဆာနည်းကိုအသုံးပြုပြီး သွားတွေကိုဖြူဖွေးအောင်ကုသလုပ်ဆောင်ခြင်းဟာ သွားလေးတွေ ဖြူဖွေးတောက်ပြောင်စေဖို့ ထိရောက်တဲ့နည်းလမ်းတစ်ခုလည်းဖြစ်ပါတယ်။တစ်ချို့ကျတော့ ဆေးလိပ်၊ ကော်ဖီ၊ ကိုလာ ၊ဝိုင် ၊ ကွမ်းယာ အစရှိတဲ့ အရာတွေကို သုံးစွဲလွန်းတာကြောင့် သွားရဲ့အရောင်အဆင်းတွေ နဲ့ သွားတွေ ပျက်စီးရတာဖြစ်ပါတယ်။ ဒါတွေကို အလွယ်တကူဖယ်ရှား ကုသလွယ်ပေမယ့် နောက်ထပ် မဖြစ်ပွားရအောင် ဆင်ခြင်ခြင်းဖြင့် လှပတဲ့သွားလေးတွေကို ကာကွယ်စောင့်ရှောက်ရာရောက်စေပါတယ်။ ဒါ့အပြင် မိမိရဲ့သွားလေးတွေ ကောင်းမွန်တိုးတက်စေဖို့ တစ်နေ့ကို မနက်တစ်ကြိမ် ၊ နေ့လည်စာစားပြီးတစ်ကြိမ် နဲ့ ညအိပ်ယာဝင်ခါနီးအချိန်တို့မှာ စနစ်တကျနဲ့ ပုံမှန်သွားတိုက်ပေးသင့်ပါတယ်။

ပြုပြင်ကုသမှုတွေရယူပါ

အခုခေတ်ကာလမှာ နည်းပညာတွေတိုးတက်လွန်းလှရာနယ်ပယ်ကဏ္ဍအသီးသီးမှာ ကျွမ်းကျင်သူပညာရှင်တွေလည်း ထွန်းကားလှပါတယ်။မိမိရဲ့သွားလေးတွေ မညီမညာဖြစ်ပြီး ကြည့်ရဆိုးနေခဲ့ရင်လည်းတစ်ကိုယ်တည်း ဝမ်းနည်းကြေကွဲနေဖို့မလိုပါဘူး။ မညီညာတဲ့သွားလေးတွေကို ညီညီညာညာ နဲ့ ပုလဲစီသွားတန်းလေးတွေဖြစ်သွားအောင်ပြုပြင်ကုသလို့ရတယ်ဆိုတာ မမေ့သင့်ပါ။အများသူငှာလို မိမိရဲ့သွားကိုကျန်းမာလှပအောင် ဂရုစိုက်ပေးခြင်းဖြင့် လူမှုအသိုင်းအဝိုင်းမှာ ယုံကြည်အပြည့်နဲ့ ရှင်သန်နိုင်မှာဖြစ်ပါတယ်။

ကျန်းမာရေးနဲ့သက်ရောက်မှု

တကယ်တော့ လူတွေမှာ သွားပျက်စီးမှု၊ အရောင်အဆင်းမကောင်းမှု၊ပုံပန်းပျက်နေတဲ့သွားတွေဟာ လူရဲ့ စိတ်ပိုင်းယုံကြည်မှုကိုသာမက ရုပ်ပိုင်းဆိုင်ရာကျန်းမာရေးကို ပါများစွာသက်ရောက်စေပါတယ်။ သွားမကောင်းတဲ့အခါ အစာကိုကောင်းစွာ ကြေအောင်မဝါးနိုင်ဘဲ အစာအိမ်ကိုထိခိုက်စေကာ အစာအိမ်ရောဂါဖြစ်ပွားစေပါတယ်။ စိတ်ဓာတ်ယုံကြည်မှုအနေနဲ့လည်း မိမိမှာသွားမလှမပတဲ့အတွက် အများသူတွေရှေ့မှာ ပွင့်ပွင့်လင်းလင်း မပြုံးမရယ်ရဲဘဲ အရာရာကိုတွန့်ဆုတ်နေကာ မိမိကိုယ်ကိုတန်ဖိုးထားမှုအရရော၊ ယုံကြည်မှုအရရော အားနည်းစေပါတယ်။

လူတစ်ယောက်အတွက် လှပစီရီတဲ့သွားကောင်းကောင်းလေးတစ်စုံပိုင်ဆိုင်ရမှုဟာ ကျန်းမာရေးအတွက်ရော၊ လူမှုပတ်ဝန်းကျင်မှာ ရှင်သန်ရာမှာ ယုံကြည်မှု တစ်ခုအနေနဲ့ရောများစွာ အင်အားဖြစ်စေတဲ့အရာတစ်ခုဖြစ်ပါတယ်။ ဒါကြောင့် မိမိတို့ရဲ့သွားလေးတွေကိုမပျက်မစီးရအောင်အလေးထားဂရုစိုက်ပေးခြင်း ၊ ပျက်စီးမှုတွေရှိလာခဲ့ရင်လည်း ပြန်လည်ပြုပြင်ထိန်းသိမ်းခြင်းဖြင့် ပြုံးအလှတစ်ပွင့်နဲ့ မိမိတို့ရဲ့ယုံကြည်မှုကို ရယူနိုင်ကြစေဖို့ ဖော်ပြပေးလိုက်ပါတယ်။

Yangon Life

https://www.facebook.com/searchmyanmar/photos/a.356889637687313.84429.120

No comments:

Post a Comment

Related Posts Plugin for WordPress, Blogger...