စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ပါရမီဖြည့်တယ်ဆိုတာ

               
ပါရမီဖြည့်တယ်ဆိုတာ ဘယ်လိုဟာမျိုးလဲ မေးရင်။ ကိုယ်ကြုံနေရသမျှတွေအပေါ်မှာ ကိုယ့်ရဲ့ စိတ်ကောင်းကလေး ထားတတ်ရင် ပါရမီဖြည့်တယ်။

ခင်ပွန်းသည် ယောက်ျား၊ အိမ်သူသက်ထား ဇနီးမယား သားသမီး၊ ဆွေမျိုးသားချင်းတွေအတွက် ကြီးပွားရေး၊ စီးပွားရေး၊ လူမှုရေး၊ လောကအရေးတွေ ကြုံတွေ့ကြရပါတယ်။ အဲဒီ ကြုံတာတွေ အားလုံးကို စိတ်ကောင်းလေး ထားလိုက်ပါ။ စိတ်ကောင်းလေး ထားလိုက်ရင် ပါရမီ ဖြစ်ပါပြီ။ ပါရမီ ဆိုတာ သီးခြား မဟုတ်ပါ။ သို့သော်သူ့ဟာသူ အလိုလိုမပြည့်ပါ။ စိတ်ကောင်းတွေထားပြီး ပြုပြောကြံစည်ရင် ပါရမီဖြည့်တယ်ခေါ်ပါတယ်။ စိတ်ကောင်းထားနိုင်ရင် ပါရမီ ပြည့်တယ်။ စိတ်ကောင်း မထားနိုင်ရင် ပါရမီ မပြည်ပါ။

စိတ်ကောင်းဆိုတာ ဗုဒ္ဓဘာသာဝင်တွေသာ ထားလို့ရတာ မဟုတ်ပါ။ လူမျိုးမရွေး၊ ဘာသာမရွေး အားလုံး စိတ်ကောင်းထားလို့ ရပါတယ်။ တကယ်ပြောရင် စိတ်ကောင်းထားရင် ပါရမီဖြည့်လို့ ပါရမီပြည့်ပါတယ်။ စိတ်ကောင်းထားရင် ကြီးကျယ်မြင့်မြတ်တဲ့လူ ဖြစ်လာပါတယ်။ 


မိမိ မိသားစုထဲမှာတင် လေ့လာကြည့်ရှုနိုင်ပါတယ်။ ဘယ် မိသားစုဝင်က ကြီးပွားသွားသလဲ၊ ဘယ်သူက မြင့်မြတ်တဲ့ ပုဂ္ဂိုလ်လဲ။ သားမို့လို့ အထင်မသေးနဲ့၊ သားကို မိဘတွေက လေးစားရတာ တစ်ပုံကြီးပါ။ သမီးမို့လို့အထင်မသေးပါနဲ့၊ သမီးကို မိဘတွေက လေးစားရတာတွေ တစ်ပုံကြီး အများကြီးပါ။ မိဘကို သားသမီးက လေးစားတယ်။ သားသမီးကို မိဘက လေးစားတယ်။ ဘာလို့ လေးစားတာလဲ ဆိုရင် သူက ကြီးကျယ်မြင့်မြတ်တဲ့ သူမို့လို့ပါ။ ဘာလို့ ကြီးကျယ်မြင့်မြတ်တာလဲ ဆိုရင် သူတော်ကောင်း စိတ်ဓာတ်နဲ့ ကြီးကျယ်မြင့်မြတ်နေလို့ပါပဲ။ ဘုန်းတော်ကြီး မြတ်စွာဘုရား ပါရမီဖြည့်တာကိုပဲ ပြောကြပါစို့။ အဲဒါကို ကိုယ့်အိမ်မှာ ကိုယ်လုပ်နေတာနဲ့ ပြန်ယှဉ်ကြည့်လို့ ရပါတယ်။

တစ်အိမ်လုံးမှာ စိတ်ကောင်းလေးမွေးတဲ့ ပုဂ္ဂိုလ်ရှိရင် – အဲဒီ ပုဂ္ဂိုလ် ကြီးကျယ်မြင့်မြတ်လာမယ်။ မိဘဆိုရင် ကိုယ် မွေးထားတဲ့ ကိုယ့်သားသမီးတွေကို ကြည့်ရင် သိနိုင်ပါတယ်။ ဘယ်သူ စိတ်ကောင်းထားလို့ ကြီးကျယ်မြင့်မြတ်လာသလဲဆိုတာ မြင်တွေ့နိုင်ပါတယ်။


 ဒါမှ မဟုတ်ရင် မိမိ ညီအစ်ကို မောင်နှမတွေကို ကြည့်နိုင်ပါတယ်။ အခု အသက် ၃၀၊ ၄၀၊ ၅၀၊ ၆၀ ရှိပြီး ငယ်ငယ်တုန်းက သူလိုကိုယ်လို နေခဲ့တဲ့ ညီအစ်ကို မောင်နှမတွေထဲမှာ ဘယ်သူကြီးကျယ်မြင့်မြတ်လို့ အဆင့်အတန်းမြင့်မြင့် နေနိုင်သလဲ၊ လောကမှာ ဒါတွေ ကြည့်ရင် ကိုယ် ဘာတွေ ကျင့်ရမလဲဆိုတာ သိလာနိုင်ပါတယ်။ သဗ္ဗညုတဉာဏ်၊ အရဟတ္တမဂ်ဉာဏ်ကိုရရင် ရောက်ရင် ဘာလို့ ရရတာ၊ ရောက်ရတာလဲဆိုရင် ပါရမီဖြည့်ခဲ့လို့ ဖြစ်ပါတယ်။ ဒါကြောင့် ပါရမီ ၁၀ ပါးထဲက ဒါန အကြောင်းကို ပြောချင်ပါတယ်။ ဆက်ရန်. . . ဓမ္မဒူတဆရာတော်၏ “လိုရာခရီးရောက်ဖို့” စာအုပ်မှ ကူးယူဖော်ပြသည်။

Tun Tun Naing

https://www.facebook.com/searchmyanmar/photos/a.356889637687313.84429.12061627

No comments:

Post a Comment

Related Posts Plugin for WordPress, Blogger...