စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ကိုယ်ပိုင်အချိန်လေးတစ်ခုကိုပိုင်ဆိုင်နိုင်ဖို



လူတွေမှာ မိမိကိုယ်ပိုင်အချိန်ဆိုတာကို အရမ်း လိုအပ်ပါတယ်။ ငယ်ရွယ်စဉ် ကလေးဘဝတုန်းက အပူအပင်ကင်းမဲ့စွာနဲ့ မိဘရဲ့ အရိပ်အောက်မှာ နေထိုင်ခဲ့ရချိန်မှာ ကိုယ်ပိုင်အချိန်ဆိုတာ အပေါများဆုံးအရာတစ်ခုပေါ့။ အရွယ်ရောက်ကြီးပြင်းလာလို့ မိသားစုတာဝန်တွေ၊ မိမိရဲ့တိုးတက်ရေးအတွက် လေ့လာဆည်းပူးရမှုတွေ၊ အလုပ်တာဝန်တွေအစရှိတဲ့တာဝန်ဝတ္တရားတွေကိုထမ်းဆောင်လာရတဲ့အချိန်မှာတော့ ကိုယ်ပိုင်အချိန်ဆိုတာ အရမ်းကိုရှားပါးလာတယ်လို့ပြောလို့ရပါတယ်။ ဒါကြောင့် မိမိရဲ့နေ့စဉ်လှုပ်ရှားမှုဘဝလေးထဲမှာ တန်ဖိုးကြီးတဲ့ ကိုယ်ပိုင်အချိန်လေးတစ်ခုကိုဘယ်လို ရယူဖမ်းဆုပ်ကြမလဲ။

အချိန်ဇယားဆွဲပြီးလုပ်ဆောင်ပါ

မိမိရဲ့လုပ်ငန်းဆောင်တာတွေနဲ့ပတ်သက်ပြီး အစီအစဉ်တကျ အချိန်ဇယားနဲ့ လုပ်ဆောင်ခြင်းက ကိုယ်ပိုင်အချိန်လေးတစ်ခု ကိုဆွဲထုတ်ရာမှာ များစွာ အထောက်အကူပြုပါတယ်။ဘယ်အချိန်မှာ ဘာလုပ်ရမယ်၊ ဘယ်ကိုသွားရမယ်၊ ဘယ်အချိန်မှာဖြင့် လုပ်ငန်းတွေကို အပြီးသတ်ပြီး မိသားစုအတွက်၊ မိမိအတွက် ဘယ်လို အပြည့်အဝအသုံးပြုမယ်ဆိုတာ ပါဝင်ရပါမယ်။ တစ်ခါတစ်ရံမှာအလုပ်တွေပိနေတဲ့ မိဘတွေအနေနဲ့ မိမိအတွက်သာမက မိမိရဲ့ကလေးငယ်တို့ကိုပါ အချိန်မပေးနိုင်တဲ့အခါ ကလေးတို့ဘဝ မိဘတွေနဲ့အတူ သွားလာအပန်းဖြေခြင်းတို့ ဆုံးရှုံးရကုန်ကာ စိတ်အားငယ်ဝမ်းနည်းမှုတွေကိုခံစားကြရပါတယ်။ဒါဟာ မိမိမှာ မလုံလောက်နိုင်တဲ့အချိန်တစ်ခုက မိသားစုအပေါ် သက်ရောက်သွားနိုင်မှုတစ်ခုဘဲဖြစ်ပါတယ်။ ဇနီးနဲ့ခင်ပွန်းကြား ၊ မိဘ နဲ့သားသမီးကြား ၊ လိုအပ်တဲ့ လူမှုရေးသိတတ်မှုအစရှိတဲ့ ကဏ္ဍတွေမှာပါ လစ်ဟာမှုဖြစ်လာတဲ့အခါ မိမိကိုယ်မိမိ ယုံကြည်မှုအားနည်းလာကာ မပျော်ရွှင်တဲ့ဘဝတစ်ခုကို ပိုင်ဆိုင်ရသလိုဖြစ်သွားစေပါတယ်။

အချိန်ကိုပါးနပ်စွာ ရယူပါ

ဘယ်အရာကိစ္စမဆို အချိန်ကုန်သွားတယ်၊ အချိန်တွေကုန်ပြီး ပင်ပန်းသွားတယ်၊ အကျိုးမရှိလိုက်ဘူးဆိုတဲ့ စကားတွေဟာ စိတ်အလိုလိုက်ပြီး ပြုလုပ်မိတဲ့အခါ ၊ သူတစ်ပါးကို အားနာလိုက်လျောမိတဲ့အခါဖြစ်ပေါ်လာတဲ့ အကျိုးဆက်တွေဘဲဖြစ်ပါတယ်။ တကယ့်တော့ မိမိမှာပိုင်ဆိုင်ထားတဲ့အချိန်တွေဟာ မိမိအတွက် အရမ်းကိုတန်ဖိုးကြီးကြောင်းနားလည်လက်ခံထားမိရင် ဒီတန်ဖိုးကြီးတဲ့အရာကို လူတိုင်းကို အလွယ်တကူပေးနိုင်ဖို့ဖြစ်နိုင်ပါ့မလား။ ဘယ်သူမဆို မိမိရဲ့တန်ဖိုးကြီး ပစ္စည်းတစ်ခုကို အားနာလို့ပေးလိုက်တာများရှိနိုင်မလား။ ဒီလိုပါဘဲ ကျမတို့ ပိုင်ဆိုင်ထားတဲ့အချိန်တွေဟာ ကျမတို့လက်ထဲမှာရှိနေတဲ့တန်ဖိုးကြီးရတနာတစ်ခုပါဘဲ။ ဒီရတနာကို အလဟဿကုန်ဆုံးမှုက သင့်ရဲ့ စည်းစိမ်ဥစ္စာကို ပြုန်းတီးစေတာမဟုတ်ပါလား။ စည်းစိမ်ဥစ္စာဆိုတာ ရွှေ ၊ငွေ ၊အိုးအိမ်၊ စည်းစိမ်တွေကိုမှဆိုလိုတာမဟုတ်ပါ။ လူ့အရင်းအမြစ်၊တန်ဖိုးကြီးတဲ့မိသားစုဟာလည်း တန်ဖိုးမဖြတ်နိုင်တဲ့စည်းစိမ်တွေဘဲဖြစ်ပါတယ်။ ဒါကြောင့် ကိစ္စ တစ်ခု ကို လိုအပ်မှုလား ၊ မရှိမဖြစ်လား ခွဲခြားစိတ်ဖြာပြီး မှ အချိန်ကိုပေးခြင်းဟာ အချိန်ကို ပါးနပ်စွာ အသုံးပြုခြင်းတစ်မျိုးဘဲဖြစ်ပါတယ်။

စိတ်ကိုထိန်းချုပ်ပါ

လူတွေမှာ စိတ်အလိုလိုက်ခြင်းဟာလည်း အချိန်ကိုပြုန်းတီးစေတဲ့အရာတစ်ခုဖြစ်ပါတယ်။ မလုပ်သင့်တဲ့အရာတွေကို စိတ်အလိုလိုက်ကာ လုပ်မိပြီး အချိန်ကုန်လူပန်းဖြစ်ရကာ အချိန်သာမက လူ့ခွန်အားပါ ဆုံးရှုံးကြရပါတယ်။ အကျိုးမဖြစ်ထွန်းဘဲ အချိန်ကုန်ဆုံးသွားမှုတွေ များပြားလာတဲ့အခါ ရေရှည်မှာ နာတာရှည်ရောဂါလို အချိန်ကာလက ပြန်လည်ဒဏ်ခတ်ခြင်းကို ရင်ဆိုင်ကြရပါတယ်။ဒါကြောင့် အချိန်အကန့်အသတ်တစ်ခုအတွင်းမှာ စိတ်ကိုထိန်းချုပ်ပြီး အလုပ်တွေကို ပြီးမြောက်အောင်လုပ်ဆောင်ခြင်း၊ ပညာရပ်တွေကိုလေ့လာဆည်းပူးခြင်း၊အခြားအကျိုးပြုလုပ်ငန်းတွေကိုဆောင်ရွက်ခြင်းတို့ဟာ စိတ်ကိုကောင်းမွန်စွာ ထိန်းချုပ်ခြင်းဖြင့် အချိန်ကို အသုံးပြုမှုဖြစ်ပါတယ်။စိတ်ကိုထိန်းချုပ်ပြီး လုပ်သင့်တာကို သတ်မှတ်တဲ့အချိန်တစ်ခုမှာ ပြီးစီးသွားအောင်လုပ်ဆောင်သွားနိုင်ခြင်းဟာ မိမိအတွက် တန်ဖိုးရှိတဲ့ကိုယ်ပိုင်အချိန်တွေ ထွက်လာနိုင်တဲ့အချက်တစ်ခုဖြစ်ပါတယ်။

အားနာပြီး သူတစ်ပါးကို မိမိအချိန်မပေးပါနဲ့

တစ်ခါတစ်ရံမှာ အားနာပြီး သူတစ်ပါးအား မိမိအချိန်တွေပေးမိလိုက်ခြင်းဟာလည်း မလိုအပ်ဘဲ မိမိရဲ့ ကိုယ်ပိုင်အချိန်တွေကိုလက်လွတ်ရစေတဲ့အချက်တစ်ခုဖြစ်ပါတယ်။ စဉ်းစားလိုက်ပါ။ နေရာတစ်ခုမှာ မိမိဟာ ဘယ်အချိန်အတိုင်းအတာထိ ပေးသင့်သလဲဆိုတာ ကောင်းစွာဆုံးဖြတ်တတ်ဖို့လိုပါတယ်။ မိမိအနေနဲ့ ပေးသင့်တဲ့အချိန်တစ်ခုလောက်ပေးပြီးတဲ့နောက်မှာ အားနာမှုတစ်ခုနဲ့ အချိန်ကိုထပ်မံပေးစရာမလိုဘဲ မိမိအတွက် ကိုယ်ပိုင်အချိန်တစ်ခုကို မပွန်းပဲ့နိုင်အောင်ထိန်းသိမ်းတတ်ဖို့လိုပါတယ်။ အားနာရင်းပေးလိုက်တဲ့အချိန်တွေဟာ မိမိရဲ့အချိန်တွေသာဖြစ်တာကြောင့် သတိထားစရာအချက်တစ်ခုဖြစ်ပါတယ်။

ဒါဟာ လူမှုဘဝမှာ လူတွေဟာ စိတ်အလိုလိုက်မှုတွေ ၊ အားနာရက်ရောမှုတွေ၊ အစီအစဉ်မကျတဲ့ လုပ်ငန်းဆောင်တာတွေနဲ့ မကုန်သင့်ဘဲကုန်သွားရတဲ့အချိန်တွေများစွာ ရှိတာကြောင့် ကိုယ်ပိုင်အချိန်ဆိုတာကို မဖမ်းဆုပ်မိနိုင်ကြဘဲ ပင်ပန်းမှုတွေနဲ့ ရင်ဆိုင်ကြရခြင်းဘဲဖြစ်ပါတယ်။ဒါပေမယ့်ဒီလိုလိုအပ်မှုတွေကို စနစ်တကျ ပြန်လည်စိစစ်ပြုပြင်သွားခြင်းဖြင့် မိမိအတွက် တန်ဖိုးရှိတဲ့ကိုယ်ပိုင်အချိန်တစ်ခုထွက်ပေါ်လာနိုင်ကြောင်းဖော်ပြပေးလိုက်ပါတယ်။

Yangon Life

https://www.facebook.com/searchmyanmar/photos/a.356889637687313.84429.12061627

No comments:

Post a Comment

Related Posts Plugin for WordPress, Blogger...