သတိမပြုမိတဲ့ အနီးကပ်ဆုံး အန္တရာယ်

------------------------------------------
လူတွေရဲ့ နေ့စဉ်လှုပ်ရှားမှုတွေထဲမှာ သတိမပြုမိတဲ့ အနီးကပ်ဆုံး အန္တရာယ်ဆိုတာတွေရှိပါတယ်။ တကယ်ပါ..အဲဒါတွေကို အမှတ်တမဲ့နဲ့ ပြုမှုနေကြတယ်ဆိုတာ သတိထားကြည့်ပါ။ ဒါတွေက ဘာမှမဟုတ်လောက်ဘူးလို့ ထင်ပေမယ့် တကယ့်ကို အန္တရာယ်ကြီးတဲ့ ပြုမူမှုတွေပါ။

သတိမမူမိတဲ့ အန္တရာယ်ဆိုတာတွေက ဖုန်းပြောရင်း လမ်းဖြတ်ကူးတာ၊ နားနှစ်ဖက်မှာ နားကြပ်တပ်ပြီး သီချင်းတွေကို အကျယ်ကြီးဖွင့်ထားရင်း လမ်းလျှောက်တာ၊ စက်ဘီးစီးတာတွေ စတာတွေက သတိမမှုပဲ လုပ်နေမိတဲ့ အသက်အန္တရာယ်များပါပဲ။

ဖုန်းပြောရင်းလမ်းဖြတ်ကူး…………..

နေရာ တော်တော်များများမှာ သွားလာနေကြတဲ့ အထူးသဖြင့် လူငယ်တွေမှာ အလုပ်ကိုယ်စီနဲ့အတူ မအားလပ်ကြပါဘူး။ လမ်းသွားရင်းနဲ့ အလုပ်နဲ့ပတ်သက်တာ၊ ကိုယ်ရေးကိုယ်တာနဲ့ သက်ဆိုင်တဲ့ ဖုန်းတွေကကိုယ့်ဆီကို ၀င်လာတတ်စမြဲပါပဲ။ အချိန်နေရာ ဒေသမရွေး ကိုယ့်ရဲ့ လက်ကိုင်ဖုန်းကို ၀င်လာတတ်တာကြောင့် တစ်ခါတစ်လေ လမ်းဖြတ်ကူးနေချိန်မှာ ဖုန်းဝင်လာခဲ့ရင် မကိုင်မိစေဖို့ ပြောချင်ပါတယ်။ လမ်းဖြတ်ကူးတဲ့အချိန်မှာ ဘယ်၊ညာ သွားလာနေတဲ့ ကားတွေကို သတိထား
နေရသေးတာကြောင့် ဖုန်းလာတာကို အာရုံရောက်ပြီး သွားနေတဲ့ ကားဘက်ကို အာရုံလွတ်သွားရင် အန္တရာယ်ဆိုတာကြုံတတ်ပါတယ်။ ကိုယ်ကူးချင်တဲ့ လမ်းတစ်ဘက်ခြမ်းကိုရောက်မှ ဖုန်းကိုဖြေချင်ရင်ဖြေပါ၊ ဒါမှမဟုတ် လမ်းဖြတ်မကူးခင်မှာ ၀င်လာတဲ့ ဖုန်းဆိုရင် လမ်းဖြတ်မကူးသေးပဲ ဖုန်းကိုကိုင်တာမျိုးလုပ်ပါ။ ဒါက ကိုယ့်အတွက် အန္တရာယ်ကင်းစေတဲ့ သတိထားသင့်တဲ့ အချက်တစ်ချက်လို့ ယူဆပါတယ်။ မြန်မာနိုင်ငံက လမ်းတွေမှာ ယာဉ်ထိန်းရဲတွေက အချိန်ပြည့် ရှိနေပေးတာမဟုတ်သလို ကားမောင်းသူအချို့ကလဲ လူကူးမျဉ်းကြားရယ် မကြည့်ပဲ ကားကို အရမ်းမောင်းနှင်တာတွေရှိတဲ့အတွက် ဒီလိုပြုမူတာကို အတတ်နိုင်ဆုံးရှောင်ကြဉ် သင့်ပါတယ်။

နားကြပ်တပ်ပြီး သီချင်းနားထောင်…………..

လူတိုင်းမှာ စိတ်ခံစားချက် အမျိုးမျိုးရှိပါတယ်။ ဘယ်အချိန်မှာ ဘယ်လိုခံစားနေရမယ်ဆိုတာ တသမတ်တည်းမရှိပါဘူး။ စိတ်လက်ပေါ့ပါးစွာနဲ့ သီချင်းတွေကို နားထောင်ရတာကို ကြိုက်တဲ့အချိန်တွေ ဆိုတာတွေလဲရှိမှာပါ။ ဒီနေ့အချိန်မှာတော့ သီချင်းနားထောင်တယ်ဆို ကက်ဆက်ဖွင့်ပြီးမှ နားထောင်နိုင်တဲ့ အခြေအနေမျိုးမဟုတ်တော့ပါဘူး။ ကိုယ့်ရဲ့ ဖုန်းတွေထဲမှာ Mp 3 သီချင်းများစွာကိုထည့်ပြီး နားကြပ်လေးတွေနဲ့ အချိန်မရွေး နေရာမရွေးနားထောင်လို့ ရနေပါပြီ။ ဒီနေ့ခေတ် လူငယ်တော်တော်များများကို ကြည့်လိုက်ရင် သူတို့တွေရဲ့ နားနှစ်ဖက်မှာ နားကြပ်ကို အမြဲလိုလို တပ်ထားတတ်ကြတယ်လေ။ အိမ်မှာနားနေတဲ့အချိန်ပဲဖြစ်ဖြစ် ဆိုင်တစ်ဆိုင်မှာ ထိုင်နေတဲ့ အချိန်ပဲဖြစ်ဖြစ် သီချင်းတွေကို အကျယ်ကြီးဖွင့်ပြီး နားကြပ်တပ်နားထောင်တာမျိုးက ဘာမှမဖြစ်လောက်ပေမယ့် ကားလမ်းမပေါ်မှာ လမ်းလျှောက်ရင်း အဲဒီလိုတွေလုပ်တာက အသက်အန္တရာယ်အတွက် စိုးရိမ်ရပါတယ်။ ကားလာရာဘက်ကို မျက်နှာမူပြီးလျှောက်နေရင် ကားလာတာကို မြင်ပေမယ့် ကားလာရာကို ကျောပေးလျှောက်နေတာမျိုးဆိုရင်တော့ နားကြပ်တပ်ထားရင် သီချင်းအကျယ်ကြီးဖွင့်ထားရင် နောက်ကကားက ကိုယ့်ကိုမရှောင်ပဲ ဖြတ်တိုက်သွားနိုင်ပါတယ်။

လမ်းလျှောက်ရင်း အင်တာနက်ကြည့်………………

တချို့လူငယ်တွေရှိပါသေးတယ်။ ဖုန်းပြောတာအပြင် လမ်းလျှောက်ရင်း Facebook ကြည့်တာ၊ အင်တာနက်သုံးတွေ တွေ့ရပါသေးတယ်။ မြန်မာနိုင်ငံက ပလက်ဖေါင်းတွေမှာ ကွန်ကရစ်အပြည့်ခင်းထားတာ၊ ချောမွေ့တဲ့လမ်းဆိုတာ ရှားနေပါသေးတယ်။ ချိုင့်ခွက်တွေ၊ ပလက်ဖောင်းပေါက်တွေရှိတာကြောင့် အင်တာနက်ကို အာရုံရောက်သွားရင် လမ်းပေါ်ကိုမကြည့်မိတော့ပဲ အပေါက်ကျွံသွားတာတွေ၊ ခလုတ်တိုက်ချော်လဲတာတွေ ဖြစ်နိုင်ပါတယ်။ လူတိုင်းက အလုပ်ကိုယ်စီနဲ့ အားတဲ့အချိန်ဆိုတာ ရှားပေမယ့် ဒီလိုသွားလာနေတဲ့ အချိန်မှာ အချိန်ကိုအသုံးချတာဆိုပေမယ့် ကောင်းသောအသုံးချမှုမျိုးနဲ့ အသုံးချနိုင်ပါစေ။

ဒါတွေက လူတွေနေ့စဉ်လုပ်မိနေတတ်တဲ့ အရာတွေဖြစ်ပြီး အန္တရာယ်ဖြစ်နိုင်တဲ့ အချက်လေးတွေပဲဖြစ်ပါတယ်။ တချို့ရပ်ကွက်တွေထဲမှာ လူငယ်တွေ စက်ဘီးစီးတဲ့အခါ နားကြပ်ကိုနားမှာတပ်ပြီးစီးကြတာ တွေ့ရပါတယ်။ ကားအရမ်းမရှုပ်ဘူးဆိုပြီး အရမ်းမောင်းတဲ့ ကားတွေနဲ့တွေ့တဲ့အခါ နောက်ကနေကိုယ့်ကို ၀င်တိုက်တာမျိုးတွေ ဖြစ်နိုင်ပါတယ်။ ဒီအချက်တွေက မဖြစ်သေးရင်တော့ ဘာမှမဖြစ်ဘူး။ ဖြစ်ရင်တော့ အသက်အန္တရာယ်ပါ ထိခိုက်နိုင်တဲ့အတွက် သတိပြုရှောင်နိုင်ရင် အကောင်းဆုံးပါပဲ။
.
ခင်လေးမြင့် @ Emily

https://www.facebook.com/searchmyanmar/photos/a.356889637687313.84429.1206162