"ပိုင်ဆိုင်မှုတွေ ချပြရဲလား"

လာမည့် ၂၀၁၆ အမေရိကန် သမ္မတ ရွေးကောက်ပွဲတွင်ပါဝင်ယှဉ်ပြိုင်မည်ဟု ကြေညာထားသည့် ကိုယ်စားလှယ်လောင်းများသည် ယခုရက်ပိုင်းအတွင်း မီဒီယာများကတစ်ဆင့် ၎င်းတို့၏ ပိုင်ဆိုင်မှုများ၊ ၀င်ငွေနှင့် တိုင်းပြည်ကိုမည် မျှ အခွန်ဆောင်ထားသည်ကို အပြိုင်အဆိုင် အသိပေးကြေညာနေကြပါသည်။ အမေရိကန်နိုင်ငံရွေးကောက်ပွဲဥပဒေအရ သမ္မတလောင်းယှဉ်ပြိုင်မည့်သူသည် ယှဉ်ပြိုင်မည်ဟု ကြေညာပြီးသည့် တစ်လအတွင်းဝင်ငွေ။ ပိုင်ဆိုင်မှုနှင့် အခွန်ပေးဆောင်ထားမှုကို လူသိထင်ရှားဖော်ထုတ်တင်ပြရလေ့ရှိသည်။ သင်္ကာမကင်းဖြစ်စရာ ရှိပါကလည်း စစ်ဆေးမှုကို ခံယူရသည်။

ပထမဦးဆုံး ၂၀၁၆အတွက် ဒီမိုကရက်တစ်ပါတီဘက်မှ ထိပ်တန်း သမ္မတလောင်းတစ်ဦးဖြစ် သည့် ဟီလာရီကလင်တန်က မိ သားစု၏ ၀င်ငွေ၊ ပိုင်ဆိုင်မြှုပ်နှံ မှုများ၊ အခွန်ဆောင်မှုများကို လူသိရှင်ကြားထုတ်ဖော်ပြသခဲ့ပါ သည်။ ၎င်း၏ထုတ်ပြန်ချက်အရ ဟီလာရီကလင်တန်နှင့် ခင်ပွန်း သမ္မတဟောင်း ဘီလ်ကလင်တန် တို့သည် ၂၀၁၄ အတွင်း  မိန့်ခွန်းစ ကားပြောကြားရာက ဒေါ်လာ ၂၅ သန်း ၀င်ငွေရခဲ့သည်ဟု ဆိုသည်။

ထို့အပြင်၎င်း၏ Hard Choices စာအုပ်ထုတ်ဝေရောင်းချမှု မှ ဒေါ်လာငါးသန်းရရှိခဲ့သည်ဟု ဆိုသည်။ ၂၀၁၄ အတွင်း သူတို့ ၀င်ငွေမှ ၃၀ ရာခိုင်နှုန်းကို ၀င်ငွေခွန်အဖြစ် ပေးဆောင်ခဲ့သည်ဟု အမေရိကန်နိုင်ငံခြားရေးဝန်ကြီး ဟီလာရီကလင်တန်က အသိပေး ခဲ့ပါသည်။

သူနှင့် အပြိုင်မရှေးမနှောင်း မှာပင် ပြိုင်ဘက်ရီပက်ဘလေ ကန်ပါတီ၏ သမ္မတလောင်းအ ဖြစ် ကြေညာထားသည့် ဂျက်ဘုရ်ှကလည်း ပိုင်ဆိုင်မှုများ၊ ရင်းနှီးမြှုပ်နှံမှုများနှင့် အခွန်ဆောင်မှုများကို ကြေညာခဲ့ပါသည်။ ဂျက်ဘုရ်ှသည် အမေရိကန်နိုင်ငံ၏ ၄၁ ဦးမြောက် သမ္မတဂျော့ခ်ျ အိတ်ခ်ျဒဗလျူဘုရှ်၏သားနှင့် ၄၃ ဦးမြောက် သမ္မတဟောင်းဂျော့ခ်ျဒဗလျူဘုရ်ှ၏ ညီတော်စပ်ပါသည်။ သူကိုယ်တိုင်ကလည်း     ဖလော်ရီဒါပြည်နယ်၏ အုပ်ချုပ်ရေးမှူးဟောင်းဖြစ်ပါ၏။ လက်ရှိမှာ အ တိုင်ပင်ခံ တစ်ဦးအဖြစ်လုပ်ကိုင် နေသော ဂျက်ဘုရ်ှကတစ်နှစ်လျှင် ၀င်ငွေ ဒေါ်လာလေးသန်းရှိပြီး၂၀၁၃ကမူ ဒေါ်လာ ၇ ဒသမ ၄ သန်း ၀င်ငွေရှိကြောင်း ကြေညာခဲ့ပါသည်။

ထို့ပြင် သူက အခွန်ကိုနှစ်စဉ် ပုံမှန်ဆောင်ခဲ့သူဖြစ်ကြောင်း ၂၉ နှစ်တာ အခွန်ဆောင်ခဲ့သည့် အ ထောက်အထားဖြတ်ပိုင်းများကို လူသိထင်ရှားတင်ပြခဲ့ပါသည်။
 ယခုကဲ့သို့ သမ္မတလောင်းများပိုင်ဆိုင်မှု အထောက်အထား များကို တင်ပြကြသည်မှာ တိုင်း ပြည်ခေါင်းဆောင်ဖြစ်လာမည့်သူ များအနေဖြင့် အကျင့်ပျက်ခြစား မှုကင်းခြင်း၊ ငွေကြေးကို မတရား နည်းဖြင့် ရထားမှုမရှိခြင်းနှင့် ငွေကြေးနှင့် ပတ်သက်လာလျှင် စာရိတ္တကို မှတ်ကျောက်တင်ခံနိုင်ခြင်းဆိုတို့ကို ရဲရဲဝံ့ဝံ့ပြသခြင်းဖြစ် ပါသည်။

သူတို့တင်မက လွှတ်တော်ကိုယ်စားလှယ်နေရာယှဉ်ပြိုင်ရွေးချယ်ခံမည့် အထက်လွှတ်တော်၊ အောက်လွှတ်တော် အမတ်များ ကလည်း ၎င်းတို့၏ ပိုင်ဆိုင်မှုများ၊ ရင်းနှီးမြှုပ်နှံမှုများနှင့် ၀င်ငွေများ ကို ရွေးကောက်ပွဲမတိုင်မီ ကြေ ညာအသိပေးကြပါသည်။ လိုအပ် လာပါက အဆိုပါပိုင်ဆိုင်မှုများ သည် သမ္မာအာဇီဝဖြင့် ရှာဖွေထားကြောင်း အစစ်ခံကြရသည်။ မပြနိုင်ပါကအရေးယူခံရပါသည်။ ပြည်သူ့ကိုယ်စားလှယ်လုပ်ခွင့်ရှိပါ။

ထို့အတူ လက်ရှိသမ္မတ၊ ဒုတိယသမ္မတများကလည်း သူတို့ ၏ ၀င်ငွေများအခွန်ပေးဆောင်မှု များကိုလည်း နှစ်စဉ်တရားဝင် ထုတ်ပြန်ကြေညာရပါသည်။

မည်သူမဆို လက်ရှိသမ္မတ အိုဘားမားနှင့် ဒုတိယသမ္မတ ဂျိုး ဘစ်ဒန်တို့၏ ၀င်ငွေထွက်ငွေများ၊ အခွန်ဆောင်မှုများကိုသမ္မတအိမ် ဖြူတော်အင်တာနက်စာမျက်နှာ တွင် အချိန်မရွေးကြည့်ရှုနိုင်သည်။
 ဒီမိုကရေစီရွေးကောက်ပွဲ ဖြင့် ဒီမိုကရေစီစနစ်ကို ဦးတည် နေသည့် မြန်မာနိုင်ငံတွင်လည်း လွှတ်တော် ကိုယ်စားလှယ်နှင့် သမ္မတလောင်းများသည် ၎င်းတို့ ၏ ပိုင်ဆိုင်မှုများကို ကြေညာရ မည်ဖြစ်ပါသည်။  လာမည့် နိုဝင် ဘာလတွင် ကျင်းပမည့် ရွေး ကောက်ပွဲ၌ ၀င်ရောက်ယှဉ်ပြိုင် မည့် အတိုက်အခံအမျိုးသားဒီမို ကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်ကအမျိုးသား ဒီမိုကရေစီအဖွဲ့ချုပ်မှ ကိုယ်စားလှယ်လောင်းများအနေဖြင့် ပိုင်ဆိုင်မှုများကို စစ်ဆေးခံရန် အဆင်သင့်ဖြစ်ပြီဟု မကြာသေးမီကပြောကြားခဲ့ပါသည်။

အခြေခံဥပဒေတွင်လည်း ပါ ၀င်သူ လွှတ်တော်ကိုယ်စားလှယ် များအနေဖြင့် ပိုင်ဆိုင်မှုများကို တင်ပြရမည်ဟုပါဝင်ပြီးဖြစ်သည်။ သို့သော်လည်း သည်အထဲမှာ အ လိုအလျောက် ရွေးချယ်တင် မြှောက်ခံရသော စစ်တပ်ကိုယ် စားလှယ်များက ကင်းလွတ်ခွင့်ရ နေပါသည်။
၂၀၁၀ ရွေးကောက်ပွဲတုန်း က ပိုင်ဆိုင်မှုများပြရမည့် လွှတ် တော်ကိုယ်စားလှယ်များက သူ တို့၏ ပိုင်ဆိုင်မှုများကို လွှတ် တော်နှင့် ရွေးကောက်ပွဲကော်မ ရှင်ကိုပဲ တိတ်တဆိတ်ပြရသလား (သို့မဟုတ်) ပိုင်ဆိုင်မှုများကသေ ချာခိုင်မာနေသည့်အတွက်လား။

ယခုထက်ထိတော့ မြန်မာ့လွှတ် တော်ကိုယ်စားလှယ်များ၏ ပိုင် ဆိုင်မှုနှင့်ပတ်သက်ပြီးဘာမှလူသိထင်ရှားမရှိခဲ့ပါ။
  ယခုကဲ့သို့ ၂၀၁၅ ရွေး ကောက်ပွဲနီးကပ်လာသည့် အချိန် တွင် ဒေါ်အောင်ဆန်းစုကြည်နှင့် သူ၏ ပါတီကိုယ်စားလှယ်များကလွဲလျှင် ကျန်သည့် ကိုယ်စားလှယ်များကတော့ ပိုင်ဆိုင်မှုများ နှင့် ပတ်သက်လျှင် ဆိတ်ဆိတ်သာနေကြ၏။

‘‘သိချင်တယ်ဗျ။ ပြည်ခိုင်ဖြိုး ကိုယ်စားလှယ်တွေထဲမှာ အရမ်း ချမ်းသာတဲ့ ၀န်ကြီးဟောင်းတွေနဲ့ ခရိုနီတချို့လည်းပါတော့ သူတို့တွေရဲ့ ပိုင်ဆိုင်မှုတွေ ဘယ်လောက်လဲ၊ ဘယ်နည်းလမ်းတွေနဲ့ သည်လောက်ချမ်းသာနေကြသလဲ သိရရင်ကောင်းမယ်’’ဟု အမေရိကန်နိုင်ငံ အာရီဇိုးနားပြည်နယ်ကတက္ကသိုလ်တစ်ခုမှာ နိုင်ငံရေးသိပ္ပံဘာသာရပ်ကို လေ့လာနေသူမြန်မာကျောင်းသားကို ကေလင်းက ပြောပါသည်။
အထူးသဖြင့် မြန်မာနိုင်ငံလို အကျင့်ပျက်ခြစားမှု နိုင်ငံတကာ စံနှုန်း၏ အောက်ဆုံးရောက်နေ သော နိုင်ငံတွင် လွှတ်တော်ကိုယ် စားလှယ်များ၏ ပိုင်ဆိုင်မှုများကို ရှင်းရှင်းလင်းလင်းသိရလျှင် ပို စိတ်ဝင်စားစရာကောင်းမည်ဟု ၎င်းကဆိုပါသည်။ ထို့ပြင် မြန်မာ ပြည်က ၀န်ကြီးဟောင်းများ၊ စစ်ဗိုလ်ချုပ်များ၏ ပိုင်ဆိုင်ကြွယ်ဝ နေမှုများနှင့်ပတ်သက်၍ သတင်း တွေက ဖုံးမရဖိမရ ထွက်နေသည့်အတွက်လည်း လူတွေ၏ မယုံသင်္ကာမှုတွေကို ပပျောက်စေချင်ပါက ဂျက်ဘုရ်ှတို့လို ပွင့်ပွင့်လင်းလင်း ကြေညာရုံသာဖြစ်ပါသည်။

‘‘လွှတ်တော်ကိုယ်စားလှယ်တိုင်း ချမ်းသာရုံနဲ့တော့ အလွဲသုံးစားလုပ်တယ်လို့ ပြောလို့မရဘူး။ အခုဟီလာရီဆိုလည်း သူ့ဘာသာ သန်းကြွယ်သူဌေးပဲ။ သမ္မတမဖြစ်မီကတည်းက ၀င်ငွေကို ချပြထားတော့ လူတွေက သံသယကင်းတာပေါ့။ မြန်မာမှာလည်း လူတွေက အဲဒီလိုကိုယ့်ပိုင်ဆိုင်မှုကို သံသယကင်းစေချင်ရင် တရားဝင်ချပြလိုက်ပေါ့’’ဟု ကိုကေလင်းက ပြောပါသည်။
ယခုဆိုလျှင်၂၀၁၅ဇူလိုင်လထဲ ရောက်ရှိနေပြီဖြစ်သဖြင့်မြန်မာပြည်တွင် ရွေးကောက်ပွဲကြီးရောက်ရှိရန် သုံးလေးလ သာလိုပါတော့သည်။ ဟီလာရီကလင်တန်နှင့် ဂျက်ဘုရ်ှတို့လို ဘယ်အချိန်မှာ မည်သည့်ကိုယ်စားလှယ်လောင်းများက အထောက်အထားများနှင့် ပိုင်ဆိုင်မှုများကို ပွင့်ပွင့်လင်းလင်း တင်ပြလာမလဲ။ စောင့်မျှော်ကြည့်ဖို့သာ လိုပါသည်။။

http://www.7daydaily.com/story/40973