စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







နယ်ချဲ့ဝါဒကို ဆန့်ကျင်သည့် အနေဖြင့် မြောက်ကိုရီးယား၏ အချိန်ဇုန် ပြောင်းလဲသတ်မှတ်

နယ်ချဲ့ဝါဒကို ဆန့်ကျင်သည့် လုပ်ဆောင်မှု တစ်ရပ်ဟု ကြေညာကာ မြောက်ကိုရီးယားက ၎င်းတို့၏ အချိန်ဇုန်ကို ပြောင်းလဲ သတ်မှတ်လိုက်ကြောင်း သိရသည်။

မြောက်ကိုရီးယားသည် ဒုတိယ ကမ္ဘာစစ် အပြီးတွင် ဂျပန်လက်အောက်မှ လွတ်လပ်ရေး ရရှိလာခြင်းဖြစ်ပြီး ဂျပန်တို့ကို ယနေ့တိုင် နယ်ချဲ့များအဖြစ် စွပ်စွဲနေဆဲ ဖြစ်သည်။ တစ်ကမ္ဘာလုံး အသိအမှတ် ပြုထားသည့် သတ်မှတ်ချက်အရ မြောက်ကိုရီးယားသည် ဂျပန်၊ တောင်ကိုရီးယားတို့နှင့် အချိန်ဇုန် တူညီပြီး ဂရင်းနစ်စံတော်ချိန်ထက် ၉ နာရီ ပိုစောသည်။

သို့သော်လည်း ပြုံယမ်းမြို့တော်၏ အချိန်ဇုန် သတ်မှတ်ချက်သည် +၈.၅ ဖြစ်လာပြီး ဩဂုတ် ၁၅ ရက်မှ စတင်ကာ လက်ရှိ +၉ သတ်မှတ်ချက်မှ မိနစ် ၃၀ နောက်ဆုတ်သွားမည်ဖြစ်ကြောင်း မြောက်ကိုရီးယား အစိုးရ သတင်းဌာန KCNAက ကြေညာခဲ့သည်။ ၎င်းတို့သည် နယ်ချဲ့ဝါဒီ ဂျပန်တို့နှင့် အချိန်ဇုန် သတ်မှတ်ချက် တူညီနေခြင်းကို လက်မခံဘဲ ကိုယ်ပိုင် စံတော်ချိန် သတ်မှတ်ချက်ကိုသာ ကျင့်သုံးမည်ဟုလည်း KCNAက ဆိုသည်။ အဆိုပါ ပြုံယမ်းစံတော်ချိန် ပြောင်းလဲမှုကို မြောက်ကိုရီးယား လွှတ်တော်ကို ဩဂုတ် ၆ ရက်တွင် အတည်ပြု သဘောတူပေးခဲ့သည်။

KCNAက ၁၉၁၀ ပြည့်နှစ်တွင် ကိုရီးယား ကျွန်းဆွယ်ကို ဂျပန်တို့ မသိမ်းပိုက်မီက ကျွန်းဆွယ်၏ အချိန်ဇုန်သည် ဂရင်းနစ် စံတော်ချိန်ထက် ၈ နာရီခွဲ ပိုစောသည့် သတ်မှတ်ချက်မျိုး ဖြစ်ခဲ့ပြီး ဂျပန်က သိမ်းယူလိုက်သည့်နောက် အချိန်ဇုန် ပြောင်းလဲသွားခြင်းဟုလည်း ဖော်ပြထားသည်။ ဂျပန် မသိမ်းပိုက်မီက ကိုရီးယား ကျွန်းဆွယ်သည် တောင်မြောက် မကွဲဘဲ နိုင်ငံတစ်ခုတည်းအဖြစ် ရပ်တည်ခဲ့သည်။
နိုင်ငံတစ်ခုစီ၏ အချိန်ဇုန် သတ်မှတ်ချက်ကို တရားဝင် အတည်ပြုပေးသည့် နိုင်ငံတကာ အဖွဲ့အစည်းမျိုး မရှိဘဲ နိုင်ငံအလိုက် စံတော်ချိန်ကို သတ်မှတ်ကြခြင်း ဖြစ်သည်။ ၂၀၁၁ ခုနှစ်က ဆာမိုအာသည် ၎င်းတို့၏ အချိန်ဇုန်ကို ကမ္ဘာတစ်ဖက်ခြမ်း စံနှုန်းဖြင့် ပြောင်းလဲ သတ်မှတ်လိုက်ပြီး ရလဒ်အနေဖြင့် ပြက္ခဒိန် တစ်ရက်စာ နောက်ကျသွားသော်လည်း အိမ်နီးချင်း ဩစတြေးလျ၊ နယူးဇီလန်တို့နှင့် ဆက်သွယ်မှု ပိုမိုလွယ်ကူ အဆင်ပြေသွားခဲ့သည်။

၂၀၀၇ ခုနှစ်ကလည်း ဗင်နီဇွဲလားသည် သမ္မတ ဟူဂိုချားဗက်ဇ်က နိုင်ငံသားများအတွက် နေရောင်ခြည် ပိုမိုခံယူ ရရှိစေရန် ရည်ရွယ်ကြောင်း ကြေညာချက်နှင့်အတူ အချိန်ဇုန်ကို တစ်နာရီခွဲ နောက်ကျအောင် ပြောင်းလဲ သတ်မှတ်ခဲ့သည်။ ထို့ကြောင့် ယခုအခါ ဗင်နီဇွဲလား၏ အချိန်ဇုန်သည် ဂရင်းနစ် စံတော်ချိန်ထက် ၄ နာရီခွဲ နောက်ကျနေကြောင်း သိရသည်။
Ref: Al Jazeera

http://7daydaily.com/story/43602

No comments:

Post a Comment

Related Posts Plugin for WordPress, Blogger...