အိုဘားမားရဲ့ စားဖိုမှူးကြီးနဲ့ မြန်မာကပြား နာမည်ကျော် ရုပ်သံတင်ဆက်သူ ဇနီးမောင်နှံတို့ မြန်မာပြည်ခရီး

နန်းကြီးသုပ်ကို ကိုယ်တိုင်စီမံပြင်ဆင်နေသော စားဖိုမှူးကြီး ဆမ်ကက်စ် ဓာတ်ပုံ− အမေရိကန်သံရုံး(ရန်ကုန်)

ဆမ်ကက်စ်နှင့် ဇနီးသည် မြန်မာကပြား အဲလက်စ်ဝဂ်နာ

အမေရိကန် ရုပ်သံဌာနတစ်ခု၏ တင်ဆက်သူ မြန်မာကပြား အဲ လက်စ် ဝဂ်နာ နှင့် ခင်ပွန်းဖြစ်သူ အိမ်ဖြူတော်စားဖိုမှူး ဆမ် ကက်စ် တို့ မြန်မာနိုင်ငံသို့ အလည်အပတ် ရောက်ရှိနေကြကြောင်း အမေရိကန်သံရုံး (ရန်ကုန်) မှ သိရသည်။

မြန်မာနိုင်ငံသို့ အလည်အပတ်ရောက် ရှိနေစဉ်အတွင်း ဆမ်ကက်စ်အနေဖြင့် မြန်မာနိုင်ငံ အစားအစာများကို လေ့လာလျက်ရှိပြီး ဗဟန်းဈေးသို့ ဈေးဝယ်ထွက်ခြင်း၊ တိုင်းရင်းသား အစား အစာများ စမ်းသပ်ခြင်းတို့ကို ပြုလုပ်လျက် ရှိသည်။ ၎င်းသည် နန်းကြီးသုပ်ကို ကိုယ်တိုင်ချက်ပြုတ် ပြင်ဆင်ပြခဲ့သကဲ့သို့ အိုဘားမားနှစ်သက်သည့် pesto with chi-cken ကိုလည်း ချက်ပြုတ်ပြီး သူ့လက်ရာကို မြည်းစမ်းခွင့် ပြုခဲ့သည်။

ယင်းအစားအစာကို အရေးကြီး အစည်းအဝေးများနှင့် အခမ်းအနားများတွင် တည်ခင်းရန်အ တွက် အိုဘားမားက ပြောကြားလေ့ရှိသည်ဟု ဆိုသည်။ ထို့အပြင် ၎င်းနှင့် မြန်မာတိုင်းရင်းသား စားဖိုမှူးများ ပူးပေါင်းချက်ပြုတ် ၍ ရန်ကုန်ရှိ ကုမာရာ ရာမကျောင်းတိုက်တွင် မိဘမဲ့ကလေးငယ်များ အတွက် အာဟာရဒါန ပြုလုပ်ခဲ့ သေးသည်။

၂၀၁၄ ခုနှစ် သြဂုတ်လ အ တွင်းကပြုလုပ်ခဲ့သည့် ၎င်းတို့နှစ်ဦး၏ မင်္ဂလာပွဲသို့ အမေရိကန်သမ္မတ အိုဘားမားနှင့် မိသားစု တက်ရောက် အားပေးခဲ့ကြပြီး ၂၀၁၄ ခုနှစ်၏ စုံတွဲအဖြစ် ကမ္ဘာကျော် ဖက်ရှင်မဂ္ဂဇင်းကြီး ဖြစ်သည့် VOGUE ၏ သတ်မှတ်ခံထားရသူများ ဖြစ်သည်။
MSNBC မှ နာမည်ကျော် ရုပ်သံသတင်း တင်ဆက်သူ အဲလက်စ်ဝဂ်နာ၏ မိခင်ဖြစ်သူမှာ ဒေါ်တင်ဆွေသန့် အမည်ရှိ မြန်မာလူမျိုးတစ်ဦး ဖြစ်သည်။ အဲလက်စ်၏ခင်ပွန်း ဆမ်ကက်စ်မှာ အမေရိကန်သမ္မတ အိမ်ဖြူတော်စားဖိုမှူး ဖြစ်သကဲ့သို့ အာဟာရမူဝါဒအတွက် အိမ်ဖြူတော် အကြီးတန်းမူဝါဒ အကြံပေးလည်း ဖြစ်သည်။ ထို့အပြင် သမ္မတ ကတော် မီရှဲလ် အိုဘားမား၏ ကလေးဘ၀  အ၀လွန်မှုဖြေရှင်းရန် ရည်ရွယ်သည့် Let's Move လှုပ်ရှားမှုအစီအစဉ်တွင် အမှုဆောင်အရာရှိအဖြစ် တာဝန်ထမ်းဆောင်ခဲ့သူဖြစ်သည်။

၎င်းတို့ဇနီးမောင်နှံသည် မြန်မာနိုင်ငံ အလည်အပတ် ခရီးစဉ်အဖြစ် ဒီဇင်ဘာ နောက်ဆုံးပတ်က တည်းက ရောက်ရှိနေခြင်း ဖြစ်သည်။ သို့သော် ခရီးစဉ်အစီအစဉ်များနှင့်ပတ်သက်၍ အသေးစိတ် ထုတ်ဖော်ပြောကြားမှု မရှိဘဲ မီဒီယာများနှင့်လည်း တွေ့ဆုံမှု မရှိပေ။ အဲလက်စ် အနေဖြင့် မြန်မာနိုင်ငံသို့ ရောက်နေစဉ်အ တွင်း ၎င်း၏မိခင်ဘက်မှ တော်စပ်သည့် အဘွားဖြစ်သူထံ အလည်အပတ် သွားရောက်ခဲ့ကြောင်း အမေရိကန်သံရုံးက စီစဉ်သည့် ကျောင်းသားများနှင့် တွေ့ဆုံပွဲတွင် ပြောကြားခဲ့သည်။ အဘွားမှာအသက် (၉၀) ကျော် အရွယ်ဖြစ်ကြောင်းသာ ပြောခဲ့ပြီး ၎င်းးမိသားစုဆွေမျိုးများနှင့် ဆိုင်သည့် မေးခွန်းများကို ဆက်လက်ဖြေကြားမှု မပြုဘဲ ရှောင်လွှဲခဲ့ကြောင်း သိရသည်။

အဲလက်စ် ဝဂ်နာကို ရန်ကုန်မှနေ၍ အမေရိကန်သို့ ရွှေ့ပြောင်းနေထိုင်ခဲ့သူ မြန်မာလူမျိုး ဒေါ်တင်ဆွေသန့်နှင့် အမေရိကန် ပြည်ထောင်စု အိုင်အိုဝါတွင် နေထိုင်သူ ဂျာမန်-အိုင်းရစ် ကပြားကားလ်ဝဂ်နာတို့မှ မွေးဖွားခဲ့သည်။ အဲလက်စ်၏ ဖခင်မှာ ဘီလ်ကလင်တန်၏ မဲဆွယ်စည်းရုံးရေးပွဲများတွင် ပူးတွဲသဘာပတိအဖြစ် ထမ်းဆောင်ခဲ့သူ၊ ဒီမိုကရက်တစ်ပါတီ၏ ထင်ရှားကျော်ကြားသည့် နိုင်ငံရေး အတိုင်ပင်ခံ ပုဂ္ဂိုလ်တစ်ဦး ဖြစ်သည်။ ဝါရှင်တန်ဒီစီတွင် မွေးဖွားကြီးပြင်းခဲ့သူ အဲလက်စ်မှာ ယခုအခါ MSNBC ၏ Now with Alex Wagner အမည်ရှိ အစီအစဉ်၌ အစီအစဉ် တင်ဆက်သူ ဖြစ်သည်။

အဲလက်စ်နှင့် သမ္မတ အိုဘားမား၏ စားဖိုမှူးဖြစ်သူ ဆမ်ကက်စ်တို့သည့် ၂၀၁၄ သြဂုတ်က လက်ထပ်ခဲ့ကြ၏။ ဆမ်သည်အိုဘားမား မိသားစုနှင့် အိမ်ဖြူတော်သို့မရောက်မီ ချီကာဂိုတွင် နေထိုင်စဉ်ကတည်းက မိတ်ဆွေများဖြစ်ခဲ့ကြသည်။ ထို့အတွက်ပင် ဆမ်နှင့် အဲလက်စ်၏ မင်္ဂလာပွဲသို့ အိုဘားမား၊ မီရှဲလ်နှင့် သမီးများဖြစ်သူ မာလီယာနှင့် ဆာရှာတို့ တစ်မိသားစုလုံး တက်ရောက်ခဲ့ကြသည်။

ဆမ်ကက်စ် အနေဖြင့် အဲလက်စ်နှင့် လက်ထပ်ပြီးနောက် တွင် အဲလက်စ်နေထိုင်ရာ နယူးယောက်၌ အတူနေထိုင်ရန်အတွက် သူခြောက်နှစ်ကျော်ကြာ ထမ်းဆောင်ခဲ့သော အိမ်ဖြူတော်စားဖိုမှူး အလုပ်မှ ထွက်ခွာတော့မည်ဖြစ်ကြောင်း မကြာမီက ကြေညာခဲ့သည်။

 ‘‘ဒီနိုင်ငံအနှံ့မှာ  မိသားစုတွေနဲ့ ကလေးတွေ ပိုကျန်းမာတဲ့ဘဝတွေနဲ့ နေထိုင်သွားကြဖို့အ တွက် လှုံ့ဆော်လုပ်ဆောင်ခဲ့တာ တွေနဲ့ဆိုရင် ဆမ်ဟာ ကျွန်တော်တို့ရဲ့ နောက်မျိုးဆက်အတွက် တကယ့်ခြားနားချက် တစ်ခုကို ပြုလုပ်ခဲ့ပါပြီ။ ဒီနှစ် အတောအတွင်းမှာ ဆမ်ဟာ ရင်းနှီးတဲ့မိတ် ဆွေတစ်ယောက် အဖြစ်ကနေ ကျွန်တော့်အဖွဲ့ရဲ့ အရေးကြီးအဖွဲ့ဝင်တစ်ယောက် ဖြစ်လာခဲ့ပါတယ်’’ဟု ပြီးခဲ့သည့်လ နှောင်းပိုင်းအိမ်ဖြူတော်က ထုတ်ပြန်ခဲ့သည့် ကြေညာချက်တွင် သမ္မတ အိုဘားမားက ပြောကြားခဲ့သည်။

 .http://7daydaily.com/story/28482