အခုတလော နိုင်ငံတကာဗဟုသုတဘက်ကို ပိုအာရုံရောက်နေတာမို့ နောက်ထပ်ဗဟုသုတတစ်ခုကို ရှာဖွေလေ့လာမိပါတယ်။ အဲဒါကတော့ ကျွန်တော်တို့ UKလို့ အတိုကောက်သိထားကြတဲ့ ယူနိုက်တက်ကင်းဒမ်းအကြောင်းပါ။သူ့ရဲ့ အခေါ်အဝေါ်တွေက ရှင်းရှင်းလေးနဲ့ ရှုပ်နေတတ်လို့ပါ။ယူနိုက်တက်ကင်းဒမ်း(United Kingdom)၊ ဂရိတ်ဗြိတိန်(Great Britain)၊ အင်္ဂလန်(England) စတဲ့ အခေါ်အဝေါ်တွေကို ကျွန်တော်တို့အားလုံး သိကြပေမယ့် တခါတလေမှာ ဒီအခေါ်အဝေါ်တွေဟာ နိုင်ငံတစ်ခုတည်းကို ဆိုလိုသလား၊ ဆိုလိုချက်ခြင်း မတူညီဘူးလားဆိုတာ ဝေခွဲမရဖြစ်တတ်ပါတယ်။
တကယ်တော့ ဒီအခေါ်အဝေါ်တွေဟာ သီးခြားစီသာ ဖြစ်ပါတယ်။
ဘောလုံးအကြောင်း စိတ်ဝင်စားတတ်တဲ့သူတွေတော့ သိကြမှာပါ။
ဂရိတ်ဗြိတိန်ဘောလုံးအသင်းနဲ့ အင်္ဂလန်ဘောလုံးအသင်း မတူညီကြဘူး ဆိုတာကိုပေါ့။
အခေါ်အဝေါ်တွေကို အရင်ဆုံး ချရေးကြည့်မယ်ဆိုရင် အောက်ပါအတိုင်း တွေ့ရမှာ ဖြစ်ပါတယ်။
(၁) ယူနိုက်တက်ကင်းဒမ်း(United Kingdom)၊
(၂) ဂရိတ်ဗြိတိန်(Great Britain)၊
(၃) အင်္ဂလန်(England)၊
(၄) စကော့တလန်(Scotland)၊
(၅) ဝေးလ်(ဝေလ)(Wales)နဲ့
(၆) မြောက်အိုင်ယာလန်(Northern Ireland) တို့ပဲ ဖြစ်ပါတယ်။
အင်္ဂလန်၊ စကော့တလန်၊ ဝေးလ်နဲ့ မြောက်အိုင်ယာလန် တို့ဟာ ယူနိုက်တက်ကင်းဒမ်းရဲ့ ပြည်နယ်တွေဖြစ်တဲ့ သဘောမျိုးပါပဲ။
ဂရိတ်ဗြိတိန်ဆိုတာကတော့ ဗြိတိန်ကျွန်းမကြီးပေါ်မှာ ရှိတဲ့ အင်္ဂလန်၊ စကော့တလန်နဲ့ ဝေးလ်ကို ပေါင်းစည်းခေါ်ဝေါ်တာ ဖြစ်ပါတယ်။ မြောက်အိုင်ယာလန် မပါပါဘူး။
ယူနိုက်တက်ကင်းဒမ်းလို့ ခေါ်ဆိုမှသာ အင်္ဂလန်၊ စကော့တလန်၊ ဝေးလ်တို့နဲ့ အတူတကွ မြောက်အိုင်ယာလန်ပါ ပေါင်းစည်းခေါ်ဆိုခြင်းဖြစ်ပါတယ်။
အင်္ဂလန်ဘုရင်မကြီးရဲ့ တိုက်ရိုက်အာဏာစက်အောက်မှာ ရှိတယ်ဆိုတဲ့ သဘောပါပဲ။
(အင်္ဂလန်ဘုရင်မကြီးရဲ့ တိုက်ရိုက်အာဏာစက်အောက်မှာ မရှိပေမယ့် ဘုရင်မကြီးကို နိုင်ငံ့ဥသျှောင်အဖြစ်ထားတဲ့ နိုင်ငံတွေ ရှိပါသေးတယ်။)
လွယ်ကူအောင်ပြောရမယ်ဆိုရင်တော့
ယူနိုက်တက်ကင်းဒမ်း = အင်္ဂလန်+စကော့တလန်+ဝေးလ်+မြောက်အိုင်ယာလန်
ဂရိတ်ဗြိတိန် = အင်္ဂလန်+စကော့တလန်+ဝေးလ် ဖြစ်ပါတယ်။
ကျွန်တော်တို့အလွယ်ခေါ်ခေါ်နေတဲ့ ဗြိတိန်ဝန်ကြီးချုပ်ဟာ တကယ်တော့ UK ၀န်ကြီးချုပ်ဖြစ်ပါတယ်။
ကျန်တဲ့ မြောက်အိုင်ယာလန်၊ စကော့တလန်၊ ဝေးလ်တို့မှာတော့ သက်ဆိုင်ရာ အစိုးရအဖွဲ့အကြီးအကဲများ အသီးသီး ရှိကြပါတယ်။
သူတို့ကိုတော့ Prime Minister (၀န်ကြီးချုပ်)လို့ မခေါ်ကြဘဲ First Minister လို့ပဲ ခေါ်ကြတာ တွေ့ရပါတယ်။
အင်္ဂလန်မှာတော့ သီးခြား First Minister ဆိုတာ မရှိပါဘူး၊ Prime Minister ဟာဘဲ First Minister ဖြစ်တဲ့သဘောလို့ ယူဆပါတယ်။
အောက်မှာတော့ ၄င်းတို့ရဲ့ အလံအသီးသီးကို ဖော်ပြပေးလိုက်ပါတယ်။
ယူနီယံဂျက်(ယူနိုက်တက်ကင်းဒမ်းအလံ၊ ဂရိတ်ဗြိတိန်အလံ)
အင်္ဂလန်အလံ
စကော့တလန်အလံ
ဝေးလ်အလံ
မြောက်အိုင်ယာလန်အလံကိုးကား
- United Kingdom၊ Great Britain၊ England၊ Scotland၊ Wales၊ Northern Ireland -Wikipedia
- Who is the prime minister of Northern Ireland - http://wiki.answers.com
- http://www.scotland.gov.uk
- http://cardiff.usvpp.gov
(ဒီနေရာမှာ ၀န်ခံချင်တာတစ်ခုက ကျွန်တော်ဟာ ဘာသာစကားကျွမ်းကျင်မှုမရှိသလို ကျွန်တော်ရေးတဲ့အချက်အလက်များဟာ ၁၀၀ရာခိုင်နှုန်းပြည့်စုံခြင်း ရှိမှာ မဟုတ်ပါဘူး။ လိုအပ်နေတဲ့၊ မှားယွင်းနေတဲ့ အချက်အလက်များကို ထောက်ပြပေးကြစေလိုပါတယ်။ နောက်ပြီး ဒီအချက်အလက်တွေဟာ ကျွန်တော်သိလိုတာတွေကို ရှာဖွေလေ့လာမိခြင်းပဲ ဖြစ်ပါတယ်။)
အားလုံးကို လေးစားစွာဖြင့်
မင်းအရိပ်
No comments:
Post a Comment