နှစ်ပေါင်းငါးဆယ်တိုင်
ရာဇ၀တ်သားများကို သတ်ဖြတ်ခဲ့ရသော
“တမ္ဗဒါဌိက” သူသတ်ကြီးကို
စိတ်တည်ငြိမ်စွာ တရားနာနိုင်စေရန် အတွက်
“အရှင်သာရိပုတ္တရာ”..က
“ ခိုးသူ တို့ကို သင့်ဆန္ဒနှင့်အညီ သတ်ခဲ့ခြင်းလော” ဟု မေးခဲ့ရာ
“တမ္ဗဒါဌိက”..က
“ဘုရင့်အမိန့်နှင့် သတ်ခဲ့ရခြင်းဖြစ်၍ သူ့မှာ အပြစ်မရှိ..”ဟု
နှစ်လုံးပိုက်ပြီး စိတ်တည်ငြိမ်စွာ တရားနာနိုင်ခဲ့ကြောင်း မှတ်သားခဲ့ရပါသည်။
တစ်ခါကလည်း
“ရာဇ၀တ်သားတစ်ယောက်..”.က
“သာသနာပိုင်ဆရာတော်..”ထံတွင် ခိုလှုံနေစဉ်
“ရဲမက်..”တို့က ၀င်ရောက်ဖမ်းဆီးရာ
“ရာဇ၀တ်သား..”က
“သူသည် သာသနာပိုင် ဆရာတော်ကြီး၏ တူတော်စပ်ကြောင်း”..ပြောခဲ့၏။
ရဲမက်တို့က
ထိုစကား မှန်မမှန် “သာသနာပိုင်ဆရာတော်”အား လျှောက်မေးကြရာ
“ငါ့တူမဟုတ်ဘူးလို့ ဘယ်သူပြောသလဲ” ဟု ပြန်မေးခဲ့သဖြင့်
ရာဇ၀တ်သားကို (ဆရာတော်၏ တူဟု ယူဆပြီး)
အပြစ်ချမ်းသာပေးကြောင်း မှတ်သားရပါသည်။
အရှင်မြတ်တို့သည်
မုသာဝါဒကံကို မကျူးလွန်ကြသော်လည်း
နာကြားရသူတို့က
အမှားကို အမှန်ဟု ထင်ခဲ့ကြသည်ဟု သုံးသပ်မိပါသည်။
ဤနေရာတွင်..အရှင်မြတ်တို့၏
ရည်ရွယ်ချက်…စေတနာကို
သံသယကင်းစွာ ကြည်ညိုနိုင်ရန် အကြောင်းအကျိုး နှင့်..တင်ပြလိုပါသည်..။
မတင်ပြမှီ..
ရှေးဦးစွာ မုသာဝါဒ၏ သဘော…
မုသာဝါဒမြောက်ကြောင်း အင်္ဂါတို့ကို ဖော်ပြပါမည်။
“မုသာဝါဒ”-ဟူသည်ကား
စီးပွားချမ်းသာကို ပျက်စေတတ်သော
“ကာယပယောဂ ၀စီပယောဂ”…သည် “မုသာဝါဒ” မည်၏။
“ချွတ်ယွင်းစေလိုသောအားဖြင့်
သူတစ်ပါးကို ချွတ်ယွင်းစေတတ်သည့်
ကာယပယောဂ ၀စီပယောဂကို ဖြစ်စေတတ်သော စေတနာ”သည်
“မုသာဝါဒ” မည်၏။
တနည်းကား..
“မဟုတ်မမှန်သော ၀တ္ထု..”သည် “မုသာ” မည်၏။
ထို..“မဟုတ်မမှန်သည်ကို
ဟုတ်မှန်သော အားဖြင့်”သိစေသည်ကား “မုသာဝါဒ” မည်၏။
အနက်အားဖြင့်ကား
“မဟုတ်မမှန်သော ၀တ္ထုကို
ဟုတ်မှန်သောအားဖြင့် သိစေတတ်သော စိတ်..”ကို ဖြစ်စေတတ်သော
“စေတနာ”သည် “မုသာဝါဒ” မည်၏။
ထို..“မုသာဝါဒ..”သည်..
၁။ အတထံ ၀တ္ထု= ချွတ်ယွင်းသော ၀တ္ထုရှိခြင်း။
၂။ ၀ိသံဝါဒနစိတ္တံ = ချွတ်ယွင်းစေလိုသော စိတ်ရှိခြင်း။
၃။ တဇ္ဇော ၀ါယာမော = ထိုနှင့်လျော်သော လုံ့လရှိခြင်း။
၎။ ပရဿ တဒတ္ထ၀ိဇာနနာ= ထိုသိုဆိုတိုင်းကို သူတပါးတို့ သိခြင်း- ဟု
အင်္ဂါလေးပါးစုံသော် “ကမ္မပထ..”မြောက်၏။
အထက်ပါ..ဖြစ်ရပ်များနှင့်
“မုသာဝါဒ၏အင်္ဂါလေးချက်..”ကို တိုက်ဆိုင်ကြည့်လျှင်
“မုသာဝါဒမြောက်၏”ဟု ဆိုရမည်ကဲ့သို့ ဖြစ်၏။
သို့ရာတွင်
“ကမ္မပထမြောက်ကာ အပြစ်ရောက်ပါသလော..” ဟူမူ
“မရောက်..”ဟု ဖြေအပ်၏။
ဤတွင်
“ဘာသာဋီကာဆရာတော်၏ မှတ်ချက်မှာ..”ဤသို့ဖြစ်၏..။
“ကမ္မပထမြောက် မမြောက်။ ။
အင်္ဂါလေးပါးတွင် “တဒတ္ထဇာနန..”ဟူသည်
“လိမ်သည့်အတိုင်း ယုံကြည်ခြင်း..”တည်း။
ထို့ကြောင့်
“လိမ်သော်လည်း သူတစ်ပါးက မယုံလျှင်
“ကမ္မပထ..”မမြောက်။
ယုံလည်းယုံ၊
ယုံ၍ တစ်စုံတစ်ခု ကိစ္စအတွက် အကျိုးစီးပွားလည်း ပျက်မှ
“ကမ္မပထ”မြောက်သည်..။
မင်းလည်း စိတ်ချမ်းသာအောင်
လူတစ်ဖက်သားလည်း ရာဇ၀တ်မှုလွတ်အောင် လိမ်၍ပြောဆိုရာ…
မိမိပစ္စည်းကို တောင်းလာရာ၌ ရှိပါလျက်
မရှိဟု ပြောဆိုရာ..
“သံသုမာရဇာတ်..”၌
“အလောင်းတော်မျောက်..”၏ “မိကျောင်း..”အား လှည့်ပတ်ရာတို့၌
“မုသာဝါဒ..”ဖြစ်သော်လည်း
“သူတစ်ပါး အကျိုးမပျက်..”သောကြောင့်
“ကမ္မပထ..”မမြောက်။ (သင်္ဂြိုဟ်-ဘာဋီ-၃၇၈)
နောက်တစ်ခု သတိပြုရန် ရှိသည်မှာ
“မုသာဝါဒ”ဟူသည် “၀စီဒုစရိုက်” ဖြစ်၏။
ဒုစရိုက်မှုမှန်လျှင်လည်း “အကုသိုလ်”လျှင် အကြောင်းရင်းရှိ၏။
ထို့ကြောင့်
“သင်္ဂီတိသုတ် အဋ္ဌကထာ”တွင် ..
“မုသာဝါဒေါ ဒေါသမောဟ၀သေန ၀ါ
လောဘမောဟ၀သေန ၀ါ တထာ ပိသုဏ၀ါစာ သမ္ဖပ္ပလာပေါ စ။..။
မုသာဝါဒသည် ဒေါသမောဟတို့၏ အစွမ်းကြောင့်လည်းကောင်း၊
လောဘမောဟတို့၏ အစွမ်းကြောင့်လည်းကောင်း ဖြစ်၏။” ဟု ဆိုထားပါသည်။
သို့ရကား
“လောဘဒေါသမောဟ”ဟူသော အကုသိုလ်တရားများလျှင်
အကြောင်းရင်း မရှိသော
အပြုအမူ အပြောအဆိုများ
မုသားအသွင် ရောက်နေစေကာမူ
“မုသာဝါဒ.”မဖြစ်ဟု မှတ်သင့်ပါသည်။
“သမန္တစက္ခုဒီပနီကျမ်း ၁၆၁-ပုစ္ဆာ+၀ိသဇ္ဇနာ”တွင် ..
“မိဘတို့သည်
သားငယ် သမီးငယ်တို့အား မသွားစေလို
မလာစေလိုသော စိတ်ဖြင့်
ဤအရပ်၌ ဆင်ရှိသည်..
ကျားရှိသည် …စသည်တို့ဖြင့် မသွားမလာလေအောင်
ပြောဆိုသော အရာ၌
“မုသာဝါဒ” လွတ်မလွတ်ကို မေးရာတွင်…
ယုံကြည်စေလိုသောစိတ်ရှိသည်..
ထိုစိတ်ဖြင့်ဆိုသည်..
ကြားသူ သားမြေး တို့ကလည်း ယုံကြည်သည်..
ကျားဆင် မရှိသည်..
ဤသို့စသည်တို့ဖြင့် အင်္ဂါအများ ညီညွတ်သောကြောင့်
“၀ိနည်းသုတ္တန်”တို့တွင် လာသောနည်းတို့ဖြင့်သာ
“အ၀ီမံသနာကာရ..”ဖြင့် (မစူးစမ်း မဆင်ခြင်ဘဲ) ယူချေသော်
“မုသာဝါဒ ဖြစ်ရာပင်ရောက်၏..”ဟု ဆိုကောင်းပချေ၏။
သို့သော်လည်း
စုံစမ်းဆင်ခြင်ရန် အများပင် ရှိချေသည်။
“၀ိနည်း အဋ္ဌကထာ”တွင်
“အကုသလစိတ္တံ တိဝေဒနံ” ဟု လာသည်။
“မုသာဝါဒ”ဟူသည်ကား “အကုသိုလ်စိတ်”ကြောင့်သာ ဖြစ်သည်ဟု ဆိုသည်။
“မိဘတို့သည်ကား
သားငယ်မြေးငယ်တို့ကို အဝေးအနီး
မရွေးမချယ် သွားလာလေသည်ရှိသော်
တစ်စုံတစ်ခုသော ဘေးရန် ထိခိုက်ရာ၏ဟု
ထိုဒုက္ခမှ ကင်းစေလို၍ ဆိုသည်။
ဒုက္ခဖြစ်ချေတော့မည် ပြောဆိုသော်လည်း
မလိမ္မာသောကြောင့် မရှောင်ရှားရာ။
ကြောက်လန့်ဖွယ်ကို ပြော၍ ခြိမ်းခြောက်မှ
ကြောက်လန့်၍ မသွားမလာ နေရာသည်။
မသွားမလာ နေမှလည်း ဘေးရန် ကင်းရာသည်..”ဟု
“ကရုဏာ..”ပြဋ္ဌာန်းသော “မဟာကုသိုလ်စိတ်”ဖြင့် ဆိုသော စကားဖြစ်၍
“မုသာဝါဒ” မဖြစ်..။
အပြစ်မရှိ..။
မိဘတို့ကသာ ဆိုသင့်သည် မဟုတ်..။
ဤကဲ့သို့ အကျိုးကို မျှော်ထောက်၍
ဆရာသမား ဦးကြီးနောင်မယ်
မိတ်ဆွေခင်ပွန်းတို့ ပြောဆိုသမျှလည်း
“မုသာဝါဒ” မဖြစ်ဟူ၍သာ မှတ်သင့်သည်။
“မဟာသုတဇာတ်..”..၌
“ညောင်စောင့်နတ်”သည်
ရဟန်း အယောင်ဆောင် “ပေါရိသာဒ..”ကိုပြသောကာလ
“သုတသောမမင်း..”ပါမှ ငါပူဇော်ခံရမည်ဆိုသည်။
“အရှင်သာရိပုတ္တရာ..”သည်
“တမ္ဗဒါဌိက”အား
တရားကို တည်တံ့စွာ မနာနိုင်သည်ကိုမြင်၍
“သင်လူကို သတ်ရသည်ကား သင့် အလိုအလျောက်လော..”ဟု မေးရာ၌
“မင်းကခိုင်း၍ သတ်ရပါသည်..”ဆိုလျှင်
“သင့်အလိုအလျောက်မဟုတ်..
မင်းကခိုင်းသည်ရှိသည်သော် သင့်မှာအပြစ်မရှိ..”ဟု
မိန့်တော်မူမှ တရားကိုနာနိုင်သည် ဟူ၏။
“ နန္ဒမထေရ်..”အား
“ ဤမန္တန်ကိုရအောင် ကျက်လော့ နတ်သမီးကို ရလိမ့်မည်”ဟု မိန့်တော်မူသည်။
“ပိလန္ဒ၀စ္ဆ ထေရ်”အား
“ မဟာဂန္ဓာရီ မန္တန်ကို တတ်လိုသော် ရဟန်းပြုလော”့ဟု မိန့်တော်မူသည်။
“ ၀င်္ဂီသထေရ်”အား
“ရဟန္တာ၏ လားရာကိုသိသော မန္တန်ကို တတ်လိုသော် ရဟန်းပြုလော့”ဟု မိန့်တော်မူသည်။
ဤသို့သောအရာတို့၌
“အကုသိုလ် စိတ်” မဟုတ်သောကြောင့် “မုသားမဖြစ်”။(စာ-၆၁၄)
အထက်ပါ
ဆရာမြတ်တို့၏ အဆုံးအဖြတ်ကောက်နှုတ်ချက်တို့ဖြင့်
“မုသာဝါဒ”ဖြစ်..မဖြစ်..
သံသယများ ကင်းစင်လောက်ပြီးဟုယူဆပါသည်။
အချို့သောဆရာများကလည်း
ဇာတကလာ ဘ၀ဖြစ်စဉ်အချို့တွင်
ဘုရားလောင်း၏ အပြုအမူ အပြောအဆိုအချို့နှင့် ပတ်သက်၍
မုသာဝါဒမြောက်ကြောင်း ပြောဆိုရေးသားကြ၏။
မုသာဝါဒမြောက်ကြောင်း အင်္ဂါလေးပါးအရ
ပြောသည့်အတိုင်း မဟုတ်မမှန်သဖြင့် မုသာဝါဒ မည်နိုင်သော်လည်း -
“ ဘုရားလောင်းအား အချို့သော (ဘ၀)ဌာနတို့၌
ပါဏာတိပါတ သည်လည်းကောင်း၊
အဒိန္နာဒါနသည် လည်းကောင်း၊
ကာမေသုမိစ္ဆာစာရသည်လည်းကောင်း၊
သုရာမေရယမဇ္ဇပါနသည်လည်းကောင်း ဖြစ်သည်သာ။
သူတစ်ပါး အကျိုး စီးပွား ပျက်စေနိုင်လောက်သော
ချွတ်ယွင်းမှုကို ရှေ့သွားပြု၍ မုသားပြောဆိုခြင်းမည်သည်ကား မရှိ။”
(ဇာ၊ဋ္ဌ၊၃၊ ၄၇၅) ဟူသော အဋ္ဌကထာမှတ်ချက်အရ
“အတ္ထဘေဒက”ဟု ဆိုအပ်သော
“သူတစ်ပါးအကျိုးစီးပွား ပျက်စီးရာ ပျက်စီးကြောင်း
“မုသားစကားကိုကား မည်သည့်အခါ (မည်သည့်ဘ၀) ကမျှ မပြောခဲ့”ဟု
မှတ်ယူသင့်ပါသည်။
ထို့ကြောင့် မိမိတို့လည်း“ရာဟုလာ ဤဥပမာအတူသာလျှင်
မုသား (သိလျက် ချွတ်ယွင်းသော) စကားကို ပြောဆိုရာ၌
အရှက်မရှိသော မည်သည့်ရဟန်းအားမဆို
မပြုလုပ်ဝံ့သော အကုသိုလ် မကောင်းမှုသည်လည်း
တစ်စုံတစ်ခုမျှ မရှိပြီ ဟူ၍ ငါဟော၏၊
ရာဟုလာ ထို့ကြောင့် ဤမုသာဝါဒ၌
`ရယ်ရွှင် မြူးထူးလို၍မျှလည်း ချွတ်ယွင်းသော စကားကို မဆိုအံ့” ဟု
ဤသို့လျှင် သင်သည် ကျင့်ရမည်။”
(မဇ္ဈိပဏ္ဏာသပါဠိတော်၊ အမ္ဗလဋ္ဌိကရာဟုလောဝါဒသုတ်)
“အကုသိုလ်တရားတို့တွင်
မုသာဝါဒသည် ကြီးလေးသကဲ့သို့၊
ဤအတူ ကုသိုလ်တရားတို့တွင် သစ္စ၀ါစာသည် ကြီးလေး၏။”
(သီ၊ဋီ၊သစ်၊ ၁။၂၂၂)
“သစ္စာတရား တစ်ခုကို လွန်၍ မုသားစကားကို ဆိုလေ့ရှိသော
နောင်ဘ၀အတွက် ဆင်ခြင်စဉ်းစားခြင်း အလျင်းမရှိသောသူအား
မပြုနိုင်မည့် မကောင်းမှု အကုသိုလ်မည်သည် မရှိ။”
(ဓမ္မပဒဂါထာ၊ ၁၇၆) …ဟူသော
ဒေသနာ တို့ကို ကြည်ညိုလေးစားသော စိတ်ထားဖြင့်
အတ္ထဘေဒကအဆင့်မရောက်အောင် စကားပြောဆိုရာတွင်
သတိထားကာရှောင်ကြဉ်ကြရမည် ဖြစ်ပါသည်။
(အရှင်ကောဝိဒ (ယော) အားဤစာစုဖြင်ကန့်တော့ပါ၏)
ချမ်းသာကြပါစေ..အေးငြိမ်းကြပါစေ..
သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလာ..
(ည.ည.တ)
No comments:
Post a Comment