စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ဖမ်းခြင်း နှင့် လွှတ်ခြင်း /ရဝေနွယ်(အင်းမ)

မြတ်စွာဘုရား သာဝတ္တိပြည် ဇေတ၀န်ကျောင်းမှာ သီတင်းသုံးနေစဉ်အခါက ဒကာဒကာမတွေဟာ ဥပုသ်နေ့ရောက်ပြီဆိုရင် မနက်ပိုင်းမှာ အဝတ်ဖြူလေးတွေဝတ်ပြီး ဘုရားကျောင်းကိုသွားလေ့ရှိပါတယ်။ ကျောင်းရောက်တဲ့အခါ ကိုယ်တတ်နိုင်သလောက် ဆွမ်းဒါနပြုပြီး နေ့လည်ပိုင်းမှာ တော့ ကိုယ်နဲ့အကျွမ်းဝင်းရာ ကိုယ်ကြည်ညိုရာ ရဟန်းတွေဆီသွားပြီး ဆည်းကပ်ကြပါတယ်။
ညနေချမ်းရောက်လာရင်တော့ တရားပွဲကျင်းပလေ့ရှိကြပါတယ်။ အလှည့်ကျရဟန်းတော်တွေက တရားဟောကြပါတယ်။ တရားဟော ချိန်ရောက်ပြီဆိုရင်တော့ တရားပွဲရှိရာကို သွားနာကြပါတယ်။
တစ်နေ့ညနေမှာတော့ တရားဟောနေရင်းနဲ့ မှောင်သွားပါတယ်။ မှောင်သွားတာကို သတိထားမိတဲ့ အမျိုးသမီးလေးတစ်ယောက်က “ဒီအချိန်မှာ ဆီမီးထွန်းရမယ့်အချိန်ပဲ”လို့ တွေးလိုက်ပါတယ်။ ဒါကြောင့် အိမ်ကဆီမီးကိုယူပြီး တရားဟောပလ္လင်ရှေ့မှာ ထွန်းပေးထားလိုက်ပါတယ်။
အမျိုးသမီးလေးက လှူထားတဲ့ ဆီမီးလေးကိုကြည့်ပြီး ဝမ်းမြောက်လို့မဆုံးဖြစ်နေပါတယ်။တရားဆုံးတဲ့အခါမှာတော့ ဝမ်းသာကျေနပ်စိတ်နဲ့ပဲ အိမ်ကိုပြန်ခဲ့ပါတယ်။ အမျိုးသမီးလေးက သူလှူလိုက်ရတဲ့ ဆီမီးအလှူလေးကို မေ့လို့မရတော့ပါဘူး။
တစ်နေ့မှာတော့ ရောဂါတစ်ခုနဲ့ပဲ ပြုခဲ့တဲ့ဆီမီးကုသိုလ်လေးကို အာရုံပြုပြီး သေလွန်သွားပါတယ်။ သေလွန်သွားတော့ တာဝတိံသာနတ်ပြည်မှာ ဇောတိရသ နတ်သမီးရယ်လို့ သွားဖြစ်ပါတယ်။ ဇောတိရသနတ်သမီးလေးရဲ့ ကိုယ်ရောင်ကိုယ်ဝါဟာ ဆီမီးလှူရတဲ့ကုသိုလ်ကြောင့် တခြားနတ် တွေထက် ပိုတောက်ပနေတယ်လို့ ဆိုပါတယ်။
တစ်ရက်မှာ အရှင်မဟာမောဂ္ဂလာန် တာဝတိံသာနတ်ပြည်ကိုကြွလာပါတယ်။ အရောင်အဝါတောက်ပမှု သူများထက်သာလွန်နေတဲ့ ဇောတိရသ နတ်သမီးလေးကိုတွေ့ရတော့ “ဘယ်ကုသိုလ်ကြောင့် အရောင်အဝါတွေ တင့်တယ်တောက်ပ နေတာလဲ”လို့မေးပါတယ်။ ဇောတိရသနတ်သမီးလေး က “တရားပွဲတစ်ခုမှာ ဆီမီး လှူရတဲ့ကုသိုလ်ကြောင့် တာဝတိံသာနတ်ပြည်မှာဖြစ်ပြီး အရောင်အဝါတောက်ပ နေရတာပါ”လို့ ပြန်လျှောက်ပြ ပါတယ်။
အရှင်မဟာမောဂ္ဂလာန်က ဇောတိရသနတ်သမီးလေးရဲ့ အဖြေစကားဆုံးတော့ ဒါနအကြောင်းကစပြီး တရားဟောပြပေးပါတယ်။ ဟောရင်းနဲ့ နတ်သမီးလေး ကြည်လင်ခိုင်ခံ့တဲ့စိတ် ဖြစ်လာတဲ့အခါမှာတော့ သစ္စာလေးပါးကို ဆက်ဟောပြပေးပါတယ်။ တရားအဆုံးမှာတော့ ဇောတိရသ နတ်သမီးလေးနဲ့အတူ အခြံအရံအားလုံး သောတာပတ္တိဖိုလ် တည်သွားခဲ့ပါတယ်။
(ဝိမာနဝတ္ထုအဋ္ဌကထာ- စာမျက်နှာ-၄၄)
တစ်ခါတလေ ကုသိုလ်တွေက မျှော်လင့်မထားဘဲ ဖြစ်လာတတ်ပါတယ်။ ဇောတိရသနတ်သမီးရဲ့ ကုသိုလ်လေးက မမျှော်လင့်ဘဲရလိုက်တဲ့ ကုသိုလ်လေးပါ။ တကူးတက ဆီမီးလှူဖို့သွားတာလည်းမဟုတ်ပါဘူး။ လိုအပ်နေတဲ့အချိန်လေးမှာ လိုအပ်နေတဲ့အရာလေးကို ပေးလှူလိုက်တာပါ။ ပြီးတော့ ကုသိုလ်လေးက အကြီးကြီးလည်း မဟုတ်ပါဘူး။ သေးသေးလေးပါ။ ဒါပေမယ့် ကိုယ်လုပ်တဲ့ ကုသိုလ်လေးကို မြတ်မြတ်နိုးနိုးနဲ့ တန်ဖိုးထား လုပ်သွားတာပါ။
အခြေခံလူတန်းစားတစ်ယောက်အနေနဲ့ ကုသိုလ်တွေစုံအောင်လုပ်ဖို့, ကုသိုလ် အကြီးကြီးတွေလုပ်ဖို့ဆိုတာ မလွယ်ပါဘူး။ မလွယ်ပေမယ့် ကိုယ်လုပ်တဲ့ ကုသိုလ်လေးတွေကို တန်ဖိုးထားပြီးလုပ်ဖို့ပါပဲ။ ကိုယ့်ကုသိုလ်အပေါ် တန်ဖိုးထားတယ်ပြောလိုက်ရင် လေးစားတာ,ရိုသေတာ, မြတ်နိုးတာ, ဝမ်းမြောက်တာ, ကျေနပ်တာစသည်တွေလည်း ပါနေပါတယ်။ ဒါတွေကို ကိုယ့်ဟာကိုယ်ပဲသိပါတယ်။ သူများမသိပါဘူး၊ သူများသိဖို့က အဓိကလည်းမကျပါဘူး။ သူများသိဖို့ဘက်ကို စိတ်ညွတ်လိုက်ရင် ကိုယ့်ကုသိုလ်အပေါ် စိတ်ညွတ်မှုကလျော့သွားနိုင်ပါတယ်။
ကုသိုလ်ရဲ့သဘောက ပြန်ပြန်တွေးတိုင်း ထပ်ထပ်ကုသိုလ်ရနေတာပါ။ စာလိုပြောရင်တော့ စာဂါနုဿတိကုသိုလ်ပါ။ ဒီတော့ ကိုယ်လုပ်တဲ့ ကုသိုလ်လေးကို ကျေကျေနပ်နပ်နဲ့ မြတ်မြတ်နိုးနိုးလေးလုပ်ထားလိုက်ရင် သတိရတိုင်းကုသိုလ်တွေ ထပ်ပွါးနေတော့မှာ။
တစ်နေ့တစ်နေ့ ကိုယ့်ရှေ့မှာ ကုသိုလ်လေးတွေက ပုံစံမျိုးစုံနဲ့ ရောက်ရောက်နေမှာပါ။ ရောက်လာတဲ့ကုသိုလ်လေးတွေကို ကိုယ်က မိသလောက် ဖမ်းထားလိုက်ဖို့ပါပဲ။
ဒီလိုပါပဲ၊ အကုသိုလ်လေးတွေကလည်း ကိုယ့်ရှေ့ကိုပုံစံမျိုးစုံနဲ့ ရောက်ရောက်လာနေမှာပါ။ ကိုယ်ကအဲဒီအကုသိုလ်တွေကို မဖမ်းမိဖို့ သိပ်အရေးကြီးပါတယ်။ ပုထုဇဉ်အားလျှော်စွာ အကုသိုလ်တွေကိုဖမ်းမိခဲ့ရင်လည်း ချက်ချင်းပြန်လွှတ်ပစ်ရမှာပါ။
ဒါဆိုလူ့ဘဝမှာ ဖမ်းခြင်းနှစ်မျိုးရှိနေပါလိမ့်မယ်။ ကုသိုလ်ဖမ်းတာရယ်၊ အကုသိုလ်ဖမ်းတာရယ်ပါ။ ကုသိုလ်တွေကတော့ ရသလောက် ဖမ်းထားရမှာပါပဲ။ ဒါပေမယ့် ကုသိုလ်နဲ့ အကုသိုလ်မှာတော့ ကုသိုလ်ဖမ်းဖို့ထက် အကုသိုလ်မဖမ်းမိဖို့က ပိုအရေးကြီးပါတယ်။ ကုသိုလ်မဖမ်းရင် ကုသိုလ်မဖြစ်ရုံဘဲရှိပါတယ်။ အကုသိုလ်တွေ ဖမ်းမိရင်တော့ အကုသိုလ်ရဲ့အကျိုးအပြစ်ကို ခံရတော့မှာပါ။ တကယ်လို့ အကုသိုလ်တွေ ဖမ်းမိရင်လည်း ချက်ချင်းပြန်လွှတ်နိုင်ရပါမယ်။ သတိရှိတဲ့လူတွေကျတော့ အကုသိုလ်တွေဖမ်းမိရင် ချက်ချင်းပြန်လွှတ်လေ့ရှိပါတယ်။ အကြာကြီး ဖမ်းမထားပါဘူး။ အကြာကြီးဖမ်းထားရင် သံသရာမှာ အတိုးနဲ့ပြန်ဆပ်နေရမှာပါ။
နေ့စဉ် ကိုယ့်ရှေ့မှာ ကုသိုလ်လေးတွေရော အကုသိုလ်လေးတွေရော လာလာရပ်နေမှာပါပဲ။ ရပ်ရုံတင်မကပါဘူး၊ ကုသိုလ်လေးတွေက “ကျွန်တော့်ကိုဖမ်းပါနော်၊ ကျွန်တော့်ကိုဖမ်းပါနော်” ပြောနေမှာပါ။ ဉာဏ်နားနဲ့နားထောင်ရင် သူတို့ပြောတဲ့အသံကို ကြားရပါတယ်။ အကုသိုလ်လေး တွေကလည်း အားကျမခံ “ကျွန်တော့်ကိုဖမ်းပါနော်၊ ကျွန်တော့်ကိုဖမ်းပါနော်”လို့ ပြောပြောနေပါတယ်။
သတိရှိတဲ့သူကတော့ ကုသိုလ်ကိုဖမ်းပြီး သတိမရှိတဲ့သူကတော့ အကုသိုလ်ကို ဖမ်းတော့တာပါ။ အကုသိုလ်ဖမ်းမိလို့ အပါယ်လေးပါး ရောက်သွားရင် လူ့ဘဝတော်တော်နဲ့ပြန်မရောက်နိုင်တော့ပါဘူး။ အပါယ်လေးပါးကလွတ်ပြီး လူ့ဘဝကိုပြန်ရောက်ဦးတော့ အကုသိုလ်အကြွေး မကုန်သေးရင် ထပ်ဆပ်နေရဦးမှာပါ။
တချို့က ကုသိုလ်ဖမ်းရတာဝါသနာပါတယ်။ မြင်သမျှတွေ့သမျှကုသိုလ် ဖမ်းတော့တာပါ။ တချို့ကျတော့ အကုသိုလ်ဖမ်းရတာ ဝါသနာပါပါတယ်။ ဝါသနာစွဲသွားရင် နောက်ဘဝအထိ အထုံလိုက်သွားတတ်ပါတယ်။
ဝါသနာဒုပ္ပမုဉ္စာဝ ၊ အလေ့အကျင့်ဝါသနာကို ဖြေဖြတ်ဖို့ခဲယဉ်းလှပါတယ်တဲ့။
ဘ၀ါဘ၀ံနုဂစ္ဆရေ၊ ဘ၀အဆက်ဆက် ဘ၀ကြီးဘ၀ငယ်ကိုလည်း အစဉ်လိုက်တတ်ပါတယ်တဲ့။
ဒီတော့ ၀ါသနာတစ်ခုဟာ စွဲနေရင် ဖြတ်တောက်ဖို့ ခဲယဉ်းပါတယ်။ ဒါတင်မကပါဘူး၊ အဲဒီဝါသနာဟာ နောက်ဘ၀တွေအထိ လိုက်တော့တာပါ။
ကုသိုလ်ဖမ်းတဲ့ ၀ါသနာလေးတွေစွဲနေရင် ကုသိုလ်မြင်တိုင်းမြင်တိုင်း ဖမ်းဖမ်းနေတော့မှာပါ။ ဒီလိုပါပဲ၊ အကုသိုလ်ဖမ်းတာလေးတွေစွဲနေရင်လည်း အကုသိုလ်မြင်တိုင်း ဖမ်းဖမ်းနေတော့မှာပါ။ ၀ါသနာရဲ့ အစွဲလေးတွေကို အာရုံပြုပြီး ကုသိုလ်ဖမ်းတဲ့ဝါသနာလေးတွေ စွဲနေအောင် လုပ်ထားဖို့ပါ။
ဒုတိယရွှေကျင်သာသနာပိုင် ဒီပဲယင်းဆရာတော်ဘုရားကြီး မိမိ ဒီပဲယင်းအရပ်ကို ကြွရောက်တဲ့အခါ လူကြီးတွေက “အရှင်ဘုရား.. ခေတ်ကြီး အခါကြီး ဘယ်တော့များ ကောင်းပါဦးမလဲ”လို့ လျှောက်ကြတော့ ဒီပဲယင်းဆရာတော်ဘုရားကြီးက “ဗုဒ္ဓဗေဒင်အရဆိုရင် ယခုအချိန် ယခုအခါဟာ အကောင်းဆုံးပဲဒကာတို့၊ ဒါတောင်မှ ငါတို့ထိုင်နေတဲ့ အခိုက်အတန့်ကာလဟာ သာပြီးအကောင်းဆုံးပဲ”လို့ မိန့်ပြပါတယ်။ ဒီပဲယင်း ဆရာတော်ကြီး ခေတ်ဟာ အင်္ဂလိပ်ခေတ်ပါ။
အခုလည်း ကုသိုလ်ဖမ်းဖို့အတွက်, အကုသိုလ်လွှတ်ဖို့အတွက် ဘယ်အချိန် အကောင်းဆုံးလဲဆိုရင် အခုအချိန်ဟာ အကောင်းဆုံးပါပဲ။ ကုသိုလ်ဆိုတာ မသေခင်လေး လုပ်ကြရတာပါ။ သေသွားရင် လုပ်လို့မရတော့ပါဘူး။
ဒီပဲယင်းဆရာတော်ဘုရားကြီး မိန့်တဲ့အတိုင်း အခုထိုင်နေတဲ့ အချိန်လေးဟာ အကောင်းဆုံးပါပဲ။ ဥပမာ ရုံးမှာထိုင်နေရင်လည်း ၀င်လေထွက်လေ ပဲဖြစ်ဖြစ်၊ ဖောင်းတယ်ပိန်တယ်ပဲဖြစ်ဖြစ် မှတ်နေလို့ရသလို တင်ပါးနဲ့ထိုင်ခုံနဲ့ ထိနေတဲ့ သဘောလေးကို အာရုံပြုပြီး ‘ထိတယ်ထိတယ်’လို့ မှတ်နေလို့ရတာပါပဲ။
ဒါမှမဟုတ် အရဟံဂုဏ်တော်လေးပွါးနေလို့လည်းရတာပါပဲ။ ဒါမှမဟုတ် ရုံးသူရုံးသားတွေကို မေတ္တာပွါးနေလို့လည်းရတာပါပဲ။ နောက်ဆုံးအိမ်သာဝင်တဲ့အခါမှာလည်းဖမ်းရမှာပါပဲ။ ’စွန့်ချင်တယ်’ ‘စွန့်တယ်’စသည်ဖြင့်မှတ်ရမှာပါ။ဒါလည်း ထိုင်နေတဲ့အချိန်ကောင်းလေးမှာ ကုသိုလ်လေးတွေ ဖမ်းနေလိုက်တာပါ။
ကုသိုလ်ဖမ်းမိရင် လက်ငင်းအကျိုးက စိတ်ချမ်းသာရတာပါပဲ။ ဒါလည်း ကိုယ်တွေ့သိနေကြတာပါပဲ။ ကုသိုလ်ဖမ်းလို့ စိတ်ဆင်းရဲရတယ်ဆိုတာ မရှိပါဘူး။ အကုသိုလ်ဖမ်းလို့ပဲ စိတ်ဆင်းရဲကြရတာပါ။
သတိရှိနေရင် ကုသိုလ်နဲ့ အကုသိုလ်ကို ခွဲခွဲပြီး သိနေတာများပါတယ်။ ဒီတော့ သတိရှိနေတဲ့သူက ကုသိုလ်တွေပဲ ဖမ်းဖမ်းနေတော့တာပါ။ သတိလွတ်ပြီး အကုသိုလ်ကို ဖမ်းမိဦးတော့ ချက်ချင်းပြန်လွှတ်ပစ်ပါတယ်။
ဇောတိရသနတ်သမီးကတော့ ကုသိုလ်လေးတစ်ခုဖမ်းပြီး နတ်ပြည်လည်းရောက် သောတာပတ္တိဖိုလ်လည်း ရသွားတာပါ။ တကယ့်ချစ်စရာ ကောင်းတဲ့ ဇာတ်လမ်းလေးပါပဲ။ ပြုလိုက်တဲ့ကုသိုလ်လေးတွေက လောကီကောင်းကျိုးတင် မကပါဘူး၊ လောကုတ္တရာကောင်းကျိုးအထိ ပေးသွားတာပါ။
ဒါလေးတွေကိုထောက်ပြီး ကိုယ်ပြုတဲ့ကုသိုလ်တွေဟာ လောကီကောင်းကျိုးတင် မကဘဲ မဂ်ဖိုလ်နိဗ္ဗာန်အထိ အထောက်အပံ့တွေ ပေးနေတာပါ။ လိုရင်းကတော့ ကိုယ်ပြုတဲ့ကုသိုလ်အပေါ် ကြီးကြီး,ငယ်ငယ် တန်ဖိုးထားပြီး မြတ်မြတ်နိုးနိုးနဲ့ လုပ်ဖို့ပါပဲ။
တကယ်တော့ လူ့ဘ၀ဆိုတာ တကယ့်ခဏလေးပါပဲ။ ခဏလေးအခိုက်မှာ သာသနာနဲ့ ကြုံနေရတာပါ။ သာသနာနဲ့ကြုံခိုက်မှာ သာသနာ ရဲ့အနှစ်ဖြစ်တဲ့ သီလ၊ သမာဓိ၊ ပညာ သိက္ခာသုံးပါးကို ရအောင်ယူထားရမှာပါ။ ဒါတောင် ဘာမှမသိတဲ့ ကလေးဘ၀၊ အိပ်ချိန်၊ စားချိန်၊ သောက်ချိန်၊ လိုင်းကားစောင့်ချိန်၊ လူကြီးစောင့်ချိန်တွေ နှုတ်လိုက်ရင် ဘာမှမကျန်တော့ပါဘူး။
ဘာပဲပြောပြော အခုပစ္စုပ္ပန်အခိုက်အတန့်လေးမှာ ကိုယ့်ရှေ့ရောက်လာတဲ့ ကုသိုလ်လေးတွေကို ရသလောက်,မိသလောက်လေး ဖမ်းထားလိုက် ဖို့ပါပဲလေ။
ရဝေနွယ် (အင်းမ)
ကျမ်းကိုး
ဝိမာန၀တ္ထုတော်ကြီး၊
မြို့မိဆရာတော်။
မှတ်ချက်။ ။ Dhammaransi Group dhammaransi3@gmail.com မှ Mail ထဲ လာပို့ ထားသည် ကို ပြန်တင်ပြ ခြင်းဖြစ်ပါသည်။

No comments:

Post a Comment

Related Posts Plugin for WordPress, Blogger...