တစ်ခါက ဖားအုပ်ကြီးတစ်ခုဟာ တောတစ်ခုကို ဖြတ်သွားကြတယ်။ နက်နဲတဲ့ တောအုပ်ကြီးတစ်ခုမို့ တောတောင်လျှိုမြောင် အသွယ်သွယ်ကို ဖြတ်ကြရတယ်။ အဲလိုဖြတ်ရင်းက ဖားလေးနှစ်ကောင်ဟာ တော်တော်နက်တဲ့ တွင်းတစ်ခုထဲကို ပြုတ်ကျသွားသတဲ့။ အဲလိုပြုတ်ကျသွားတာလည်း မြင်ရော ကျန်တဲ့ ဖားတွေက အပေါ်ကနေ ၀ိုင်းကြည့်ကြတယ်။ တွင်းက တော်တော်နက်တာလည်း တွေ့ရော အပေါ်ကဖားတွေက အော်ပြောကြတယ်။
-
“မင်းတို့ မလွတ်နိုင်တော့ဘူးကွ
တွင်းက တော်တော်ကို နက်တာပဲ
မင်းတို့ဘ၀တော့ သေပြီ”
ဒါပေမယ့် ဖားနှစ်ကောင်က အပေါ်က ပြောတာကို မကြားကြပါဘူး။ တွင်းကလည်း တော်တော်နက်တာကိုး။ အဲဒီဖားနှစ်ကောင်က အပေါ်ကို ရောက်အောင် ပြန်တက်ဖို့ ကြိုးစားပြီး တက်ကြတယ်။ တက်လိုက်၊ ချော်ကျလိုက်၊ ပြန်တက်လိုက်ပေါ့။ အဲလိုနဲ့ တဖြေးဖြေး အလယ်လောက်ရောက်လာတယ်။ ဖားနှစ်ကောင်ဟာ မောပန်းရုံတင် မကဘူး၊ အားအင်တွေလည်း ကုန်ခန်းလာပြီ။
-
အပေါ်က ဖားတွေကလည်း ၀ိုင်းကြည့်ပြီး အော်ပြောကြတယ်။
“အားကုန်ပါတယ်ကွာ .. မဖြစ်နိုင်ပါဘူး
အောက်မှာ အေးအေးဆေးဆေး သေလိုက်ပါ
တွင်းက ဒီလောက်နက်တာ မင်းတို့ ပြုတ်ကျသေမှာပဲ” လို့ တစ်ယောက်တစ်ခွန်း ၀ိုင်းအော်ပြောကြတယ်။
အဲလို ၀ိုင်းပြောတာ ကြားတော့ ဖားတစ်ကောင်က အားထပ်မထုတ်နိုင်တော့ဘူး။ နောက်တစ်ချက် အခုန်မှာ မခုန်နိုင်တော့ဘဲ ပြုတ်ကျ သေဆုံးသွားတယ်။ ကျန်တဲ့ ဖားတစ်ကောင်ကတော့ အားမလျှော့ဘူး။ မရ၊ ရအောင် တက်တယ်။ အပေါ်က ဖားတွေကလည်း ၀ိုင်းပြောနေကြတုန်းပေါ့။
“မဖြစ်နိုင်ပါဘူးကွာ
မင်းလည်း ဟိုကောင်လို သေမှာပဲ
အေးအေးဆေးဆေး အောက်မှာ သေလိုက်ပါကွာ” လို့ အော်ပြောနေကြတုန်းပါ။
-
ဘယ်လို အော်ပြောပြော ကျန်တဲ့ ဖားတစ်ကောင်က အားမလျှော့ဘဲ တက်ရင်းတက်ရင်းနဲ့ အပေါ်ကို ရောက်ပြီး လွတ်မြောက်သွားပါသတဲ့။ အပေါ်ကို ရောက်လာတဲ့ ဖားကို ကျန်တဲ့ ဖားတွေက ၀ိုင်းမေးကြတယ်။ “မင်းငါတို့ ပြောနေတာ မကြားဘူးလား” တဲ့။
လွတ်မြောက်လာတဲ့ ဖားက ပြန်ပြောတယ်။
“မင်းတို့ ဘာပြောနေတာလဲ
ငါက နားမကောင်းဘူး
ငါတက်လာတဲ့ တစ်လျှောက်လုံး မင်းတို့ ငါ့ကို ၀ိုင်းအားပေးတာ ကျေးဇူးတင်ပါတယ်” တဲ့။
--------------------------
(အီဂျစ်ပုံပြင်လေးတစ်ပုဒ်ပါ
-
ရင်နင့်အောင်
By: ဗိုလ် နင့်
https://www.facebook.com/photo.php?fbid=417233728371340&set=a.32577289418409
No comments:
Post a Comment