စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ခေါင်းဆောင် တစ်ယောက်အနေနဲ့ သင်ဒီအချက်(၃) ချက်ကို ဖြေရှင်းပေးနိုင်ပြီလား



ခွန်နေ - Khun Nay 

၁ . မိမိလက်အောက်မှာရှိတဲ့ ဝန်ထမ်းတွေကိုသေချာစီမံခန့်ခွဲနိုင်ပြီလား

မိမိတာဝန်ယူထားရတဲ့ လုပ်ငန်းတစ်ခုလုံး အောင်မြင်ဖို့ ဆိုတာ
မိမိအောက်မှာ ရှိတဲ့ ဝန်ထမ်းတွေကို သေချာစီမံခန့်ခွဲ ဦးဆောင်နိုင်ဖို့ဟာ အလွန်ကို အရေးကြီးပါတယ် ။ ဝန်ထမ်းတစ်ယောက်ချင်းစီရဲ့ 
ကိုယ်ရည်ကိုယ်သွေး ၊ အရည်အချင်းတွေကို နားမလည်ပဲ စီမံခန့်ခွဲမှု ညံ့ဖျင်းလွန်းရင်တော့ ခေါင်းဆောင်တစ်ယောက်အနေနဲ့ ဦးစီး
လုပ်ဆောင်နေရတဲ့ လုပ်ငန်းတစ်ခုလုံး ကျရှုံးသွားစေနိုင်ပါတယ် ။

၂ . ဝန်ထမ်းတစ်ယောက်ချင်းစီ အားနည်းချက် ၊ လိုအပ်ချက် အခက်အခဲ များကို အပြည့်အဝကာကွယ်ပေးနိုင်ပြီလား

မိမိဝန်ထမ်းတွေရဲ့ အားနည်းချက် ၊ လိုအပ်ချက်များကို အထက်လူကြီးတွေဆီ မန်နေဂျာ(သို့)ခေါင်းဆောင် တစ်ယောက်အနေနဲ့ ပါးနပ်စွာချဉ်းကပ် တတ်ဖို့ လိုအပ်ပါတယ် ။ ဒီနေရာမှာ ဝန်ထမ်းတွေရဲ့  လုပ်အားပေါ်မူတည်ပြီး ကျောသား ၊ ရင်သား မခွဲခြားပဲလစာ ခံစားခွင့်များအပြင် ၊ လုပ်ငန်းခွင်အတွင်း ဝန်ထမ်းတွေရဲ့  လိုအပ်ချက်တွေကို ခေါင်းဆောင်ကောင်းတစ်ယောက်အနေနဲ့
အပြည့်အဝ ကာကွယ်ပေးနိုင်ဖို့ လွန်စွာအရေးကြီးပါတယ် ။

၃ . အထက်လူကြီးတွေရဲ့  တုံ့ပြန်ပြောဆိုမှုတွေကို နည်းလမ်းကျကျ ဖြေရှင်းပေးနိုင်ပြီလား

ကုမ္ပဏီတစ်ခုမှာ မန်နေဂျာ(သို့)ခေါင်းဆောင်တစ်ယောက် ဖြစ်လာပြီဆိုရင် မိမိမှာ လက်အောက်ငယ်သားတွေရှိသလို အထက်မှာလဲ ကုမ္ပဏီရဲ့ အကြီးအကဲ ၊ MD ၊ လုပ်ငန်းရှင်ဆိုတာ ရှိစမြဲပါ ။ လုပ်ငန်းရှင် လူကြီး တစ်ယောက်အနေနဲ့ ကုမ္ပဏီတစ်ခုလုံးရဲ့  လုပ်ငန်းပိုင်းဆိုင်ရာ စီမံခန့်ခွဲမှု ၊ သက်ဆိုင်ရာ ဌာနအလိုက် ၊ မန်နေဂျာ(သို့)ခေါင်းဆောင်တွေကို အသီးသီး တာဝန်ပေးအပ်တတ်ပါတယ် ။ ဒီနေရာမှာ လုပ်ငန်းအကြောင်းနားလည်တဲ့ လုပ်ငန်းရှင်နဲ့တွေ့လို့
ပြဿနာ မဟုတ်ပေမယ့် ၊ လုပ်ငန်းအကြောင်းနားမလည်တဲ့လုပ်ငန်းရှင်တွေနဲ့ တွေ့တဲ့ အခါ မန်နေဂျာ(သို့)ခေါင်းဆောင် လို့ခေါ်တဲ့သူတွေရဲ့  အရေးပါ အရာရောက်မှု အများကြီး သက်ဆိုင်ပါတယ် ။ လုပ်ငန်းအကြောင်းနားမလည်တဲ့လူကြီးတွေဟာ လိုချင်တာပဲသိတယ် ၊ လိုအပ်မှုဘာတွေရှိလဲဆိုတာကို သူတို့ သဘောမပေါက်ကြပါဘူး ။ ဒါကို မန်နေဂျာ(သို့)ခေါင်းဆောင် တွေကိုခေါ်ယူပြီး သူလိုချင်ရာကို ဇွတ်ပြောလေ့ရှိပါတယ် ။ ဒီအချိန်မှာ မန်နေဂျာ(သို့)ခေါင်းဆောင်တွေ ရဲ့  နည်းလမ်းကျကျ လိုအပ်ချက်များကို ဖြေရှင်းပြောပြနိုင်မှု ဟာ အလွန်ကို အရေးကြီးပါတယ် ။ အကယ်လို့ အထက်လူကြီးတွေရဲ့  လိုချင်မှုတွေကိုပဲ ခေါင်းညိမ့်ပြီး အပေါ်ကထောင်းသမျှ အောက်ကို ဖိနေမယ်ဆိုရင် တော့ အထက်ကပြောခဲ့တဲ့ အချက် - ၂ ချက်ကို သင်ဟာ ခေါင်းဆောင်(သို့)မန်နေဂျာ တစ်ယောက်အနေနဲ့ အပြည့်အဝ အကာအကွယ် မပေးနိုင်ဘူးဆိုတာ မုချ မလွှဲပါပဲ ။

အကြောင်း အရာများအားလုံး ပါးနပ်စွာ ဖြေရှင်းနိုင်ကြပါစေလို့ သတိပေး ဆန္ဒပြုလျက် ။

ခွန်နေ - Khun Nay
https://www.khunnaymedia.com/

https://www.facebook.com/KhunNayTunMedia/photos/a.526946437419777.1073741828.5

No comments:

Post a Comment

Related Posts Plugin for WordPress, Blogger...