သင်ညဘက်အိပ်တဲ့အခါ ဘယ်လိုပုံစံမျိုးနဲ့ အိပ်စက်လေ့၊ အိပ်ပျော်သွားလေ့ရှိပါသလဲ။ သင်အိပ်စက်တဲ့ပုံစံကိုကြည့်ပြီး သင်ဟာ ဘယ်လိုလူမျိုးဖြစ်တယ်၊ ဘယ်လိုစိတ်ထားရှိတယ်ဆိုတာ ခန့်မှန်းပြောဆိုနိုင်တယ်ဆိုတာ မယုံမရှိပါနဲ့။ ကဲ သင်ဘယ်လိုလူမျိုးဖြစ်တယ်ဆိုတာ တစ်ချက်လောက် ကြည့်ရအောင်။
၁။အတွေးသမား
တကယ်လို့သင်ဟာ လက်နှစ်ဖက်ကို ခေါင်းဦးပေါ်တင်၊ ဒါမှမဟုတ်လည်း ခေါင်းဦးအောက်ထည့်ပြီးဘေးဘက် ကွေးကွေးလေး အိပ်တတ်တဲ့သူဆိုရင် သင်ဟာအတွေးသမားတစ်ယောက်ပါတဲ့။ ဒါ့အပြင်သူပြောထားက ဒီလိုအိပ်တတ်တဲ့သူတွေရဲ့ လက်တစ်ဖက်ဟာ မေးစေ့နားမှာသာရှိနေတတ်တာကိုလည်း ထည့်စဉ်းစားထားပါတယ်။ ဒီလိုလူမျိုးတွေဟာ အပြင်မှာနည်းနည်းကြမ်းတမ်းတဲ့အသွင် ရှိတယ်လို့ဆိုထားပြီး စိတ်ဆတ်ပါတယ်တဲ့။ ဒါပေမယ့် သူတို့တွေဟာ သစ္စာရှိကြတယ်လို့လည်း ဖော်ပြထားပါတယ်။
၂။ဗေဒင်လက္ခဏာကိုယုံကြည်သူ
ဗေဒင်လက္ခဏာယုံကြည်တတ်သူတွေကတော့ အိပ်တဲ့အခါ ပက်လက်အိပ်တတ်ပြီး ခြောက်ထောက်ကိုနည်းနည်းခွဲထားကာ ခေါင်းအောက်မှာလက်ကိုထားပြီး အိပ်တတ်ကြပါတယ်တဲ့။ ဒီလိုလူမျိုးတွေကို သူတို့ရဲ့အပေါင်းအသင်းတွေက လွတ်လွတ်လပ်လပ်၊ ပျော်ပျော်ရွှင်ရွင်နေတတ်ပြီး၊ အလှအပကို ခံစားတတ်တဲ့အပြင် ပေါင်းရသင်းရ ကောင်းလှတဲ့အတွက် ချစ်ခင်နှစ်လိုတတ်ကြပါတယ်တဲ့။ သူတို့စိတ်ကူးမျှော်လင့်ချက်တွေက ကြီးမားတတ်သလို အကောင်အထည်ဖော်နိုင်အောင်လည်း ကြိုးစားတတ်ကြပါတယ်။
၃။ကူညီတတ်တဲ့သူ
သင်အိပ်စက်တဲ့အခါ လက်နှစ်ဘက်ကို ဘေးမှာကား၊ ခြေထောက်ကိုကားပြီး ပက်လက်အိပ်တတ်တဲ့သူမျိုးပါလား။ အိပ်ယာတစ်ခုလုံး သင်တစ်ယောက်တည်းအပြည့်ယူထားသလိုမျိုးလေ။
သင်က ဒီလို အိပ်စက်တတ်သူဆိုရင်တော့ သင်ကတစ်ခြားသူတွေ ပြောသမျှကို
နားထောင်ပေးတတ်တဲ့သူပါ။ တစ်ယောက်ကရင်ဖွင့်ရင် သင်ကနားထောင်ပြီး
အကြံပေးတတ်တဲ့သူဖြစ်တဲ့အပြင် သူငယ်ချင်းတွေကလည်း တစ်ခုခုဆိုတာနဲ့ သင့်ကို ပြေးသတိရတတ်ကြရော။ သင်က ကူညီတတ်ပြီး နည်းနည်းတော့ ရှက်တတ်တဲ့သူမျိုးပါ။
၎။အစွဲကြီးတတ်တဲ့သူ
အိပ်စက်တဲ့အခါ ၀မ်းလျားမှောက်လျှက်အနေအထားနဲ့
အိပ်တတ်သူတွေဟာ လူတွေနဲ့ ဆက်ဆံတဲ့အခါ နည်းနည်းတည်တည်တင်းတင်းနဲ့
ခက်ခဲသလိုဖြစ်နေပေမယ့် သူတို့ဟာ စိတ်ထားကောင်းတဲ့သူတွေပါ။ ဒါပေမယ့်
တစ်စုံတစ်ခုအတွက် အမြဲတမ်းကြိုးစားနေတတ်သူဖြစ်ပြီး သူတို့စိတ်ထဲက လူတွေလက်မခံနိုင်တဲ့အရာတွေကို အမြဲကြိုးစားထိန်းချုပ်နေရတဲ့ပုံစံမျိုးပါ။ ဒါ့အပြင် ဒီလိုလူမျိုးတွေဟာ အစွဲကြီးတတ်ကြပါတယ်တဲ့။
၅။စိတ်ခံစားလွယ်တဲ့သူ
သင်ဟာ ပက်လက်အနေအထားအိပ်တတ်ပြီး လက်နှစ်ဘက်ကိုဘေးမှာ ထားကာ ခြေထောက်ကိုလည်းဆန့်တန်းပြီး အိပ်တတ်တဲ့သူဆိုရင်တော့ သင်ကအပြင်မှာ အေးချမ်းတည်ငြိမ်တဲ့အသွင်ဘယ်လောက်ရှိရှိ၊ သင့်စိတ်ထဲမှာတော့ စိတ်ခံစား၊ စိတ်လှုပ်ရှားလွယ်တဲ့သူပါတဲ့။ ကိုယ့်ကိုယ်ကိုယ် ထိန်းချုပ်ထားမယ်၊ အစီအစဉ်တွေနဲ့ ပြုမူနေထိုင်တတ်သူဖြစ်သလို တွေးတတ်ခေါ်တတ်တဲ့သူဆိုရင်လည်း မမှားပါဘူး။
၆။ခေါင်းမာတဲ့သူ
သင်ဟာ အိပ်စက်တဲ့အခါ ဘေးစောင်းအိပ်စက်တတ်ပေမယ့် ခြေထောက်လေးနည်းနည်းကွေးထားတာကလွဲပြီး
ခါးကျောစတာတွေကို တစ်ဖြောင့်တည်းတန်းနေအောင် အိပ်တတ်သူဆိုရင်တော့
ခင်မင်တတ်တဲ့သူ၊ သင့်စိတ်ထဲမှာရှိတဲ့ ယုံကြည်မှုတစ်ခုအတွက်
ရုန်းကန်လှုပ်ရှားတတ်သူဖြစ်သလို ခေါင်းနည်းနည်းမာတဲ့သူပါတဲ့။ ဒါပေမယ့် သင်နဲ့ပတ်သက်တဲ့သူတွေအပေါ်တော့ သစ္စာရှိသူပါ။
၇။လူမှုဆက်ဆံရေးအထူးကောင်းမွန်သူ
အိပ်စက်တဲ့အခါ လက်တွေရော၊ ခြေထောက်တွေပါ တစ်ဖြောင့်တည်းပုံစံ
ဆန့်တန်းထားပြီး ဘေးက ဖက်လုံးကို မျက်နှာမူ တည့်တည့်အနေအထား
အိပ်တတ်တဲ့သူတွေဟာ အာရုံထဲရှုပ်ရှုပ်ထွေးထွေးမနေတတ်တဲ့သူ၊ ဂရုစိုက်နေရတာမျိုး မကြိုက်တဲ့သူ ဖြစ်ပေမယ့် လူမှုဆက်ဆံရေးပိုင်းမှာတော့ အားလုံးရဲ့ကြားရေပန်းစားတတ်တဲ့သူပါ။ ဒီလိုအိပ်စက်ခြင်းအားဖြင့် သူဟာ သူ့ဘာသာသူ သက်တောင့်သက်သာ အဆင်ပြေပြေအိပ်စက်လိုက်တာမျိုးဖြစ်ပြီး လူတွေကို သူယုံကြည်သလို သူလည်း အေးအေးချမ်းချမ်းအိပ်စက်နိုင်မယ်ဆိုတဲ့ သဘောပါတဲ့။
Trend Myanmar
No comments:
Post a Comment