လူတိုင်းသိထားရမည့် ဆီးအိမ်ကင်ဆာအကြောင်း

---------------------------------------------------------

ခန္ဓာကိုယ်၏ မလိုလားအပ်သော အရည်များသည် ဆီးအဖြစ်ပြောင်းလဲသွားကာ၊ ထိုအရည်များကို ဆီးအိမ်တွင် ခေတ္တသိုလှောင် ထားလေ့ရှိသဖြင့် ဆီးအိမ်သည် သက်ရှိသတ္တ၀ါများအတွက် မရှိမဖြစ်လိုအပ်သော ခန္ဓာကိုယ်အစိပ်အပိုင်း တစ်ခုဖြစ် ပါသည်။

ဆီးအိမ်ကင်ဆာ၏ ၉၅% မှာ ဆီ်းအိမ်အတွင်းနံရံတစ်ရှုးများထဲရှိ ဆဲလ်များမှ ကင်ဆာဖြစ်လေ့ရှိပြီး၊ ကျန် ၅% သည် ဆီးအိမ် တွင်း/ပြင် နာကျင်ရောင်ကိုင်းခြင်းမှ အစပျိုးခြင်းဖြစ်သည်။ ဆီးအိမ်ကင်ဆာလက္ခဏာများမှာ၊ ဆီးထဲတွင်သွေးပါခြင်း၊ ဆီးသွားစဉ် နာကျင် ကိုက်ခဲခြင်း၊ မကြာခဏဆီးသွားခြင်း (သို့ မဟုတ်) ဆီးသွားရန်ခက်ခဲခြင်းတို့ ဖြစ်သည်။ အခြားကင်ဆာရောဂါများ နှင့်နှိုင်းယှဉ်ပါက၊ ဆီးအိမ်ကင်ဆာသည် အစောပိုင်းအဆင့်တွင် ကုသရန်လွယ်ကူပြီးပျောက်ကင်း သွားသော အတွေ့ အကြုံများ လည်းရှိ်သလို၊ ရောဂါဆက်လက်မပြန့် ပွားတော့သည့် လူနာများ၏ ၉၀% သည် နောက်ထပ် အနဲဆုံး ၅-နှစ်ကျော်မျှ ဆက်လက် အသက် ရှင်နေထိုင်ပါသည်။ သို့ သော် အမြစ်မပြတ်ဘဲ ရောဂါပြန်ပေါ်တတ်ကြရာ မပေါ့လျော့ဘဲ မှန်မှန်ဆေးစစ်ခံဘို့  လိုအပ် ပါသည်။

ဆီးအိမ်ကင်ဆာကို အဆင့်(၄)ဆင့် သတ်မှတ်ထားပြီး၊ အစောပိုင်းအဆင့်ကို TA၊ ဆီးအိမ်ကြွက်သားအတွင်းနံရံတစ်ခုလုံးပျံ့ နှံ့  ခြင်းကို အဆင့်(၂)၊ အပြင်ကြွက်သား တစ်ရှုးများထိပျံ့ နှံ့ ခြင်းကို အဆင့်(၃)၊ ခန္ဓာကိုယ်တွင်းအခြားအစိပ်အပိုင်းများနှင့် အရိုးထိပျံ့  နှံ့ ခြင်းကို အဆင့်(၄) ခေါ်ပါသည်။ ရောဂါအတိမ်အနက်ပေါ်မူတည်၍ chemotherapy (ခေါ်) ကင်ဆာဆဲလ်များသေစေရန် ဆေး သွင်းကုသနည်း၊ telescope ဖြင့်လည်းကောင်း၊ ဆီးအိမ်တစိပ် တဒေသကိုဖယ်ရှား၍ (သို့့မဟုတ်) ဆီးအိမ်တစ်ခုလုံးကို ဖယ်ရှား၍ ခွဲစိပ်ကုသနည်း၊ radiation therapy (ခေါ်) ဓာတ်ရောင် ခြည်ဖြင့်ကုသနည်းတို့ ဖြင့် ကုသမှုခံယူရပါမည်။

ဆီးအိမ်ကင်ဆာဖြစ်ပေါ်စေနိုင်သည့် အကြောင်းရင်းများမှာ-
(၁) မိမိကိုယ်တိုင်ဆေးလိပ်သောက်ခြင်း နှင့် သူတပါးသောက်သုံးသော စီးကရက်မီးခိုးငွေ့ များ ရှုရှိုက်နေရခြင်း။
(၂) အသားအကြွတ်ကြော်များနှင့် တိရိစ္ဆာန်အဆီစားသုံးခြင်း။
(၃) အသက် ၆၅ နှစ်နှင့်အထက်ရှိသူများ။
(၄) အထူးသဖြင့် တိုးတက်ပြီးနိုင်ငံများတွင်တွေ့ ရသော Schistosoma haematobium (ခေါ်) ကပ်ပါးပိုးများ အန္တရာယ်။
(၅) ဆီးအိမ်ကျောက်တည်သူများ၊ ဆီးလမ်းကြောင်းပိုးဝင်ခြင်း နှင့် ဆီးရောဂါသည်များ၊ catheters (ခေါ်) ဆီးပိုက်သွင်းထား ရသောဝေဒနာရှင်များ။
(၆) မွေးရာပါ ဆီးအိမ်ရောဂါရှိသူများ။
(၇) ဓာတုဓာတ်ပေါင်းဖြစ်သော စိန်ဓာတ်ပါသည့်အဆိပ်ရနံ့ များဖြစ်ကြသည့် ရာဘာ၊ ချည်ယက်ထည်၊ ဆိုးဆေး၊ ပလပ် စတစ်၊ သုပ်ဆေးအမျိုးမျိုး၊ လယ်သာပေါလစ် စသည်တို့ နှင့် နေ့ စဉ်ကိုင်တွယ်လုပ်ကိုင်ရခြင်း၊ ရနံ့ များကို ရှုရှိုက်မိခြင်း။
(၇) မကြာခဏဆီးအိမ်ရောင်ရမ်းလေ့ရှိခြင်း။
(၈) သားအိမ်လည်တိုင်ရောဂါများအတွက် မကြာခဏဓာတ်ရောင်ခြည်ပစ်ကုသ ခံနေရသူအမျိုးသမီးများ။
(၉) သုက်ရည်ဂလင်းကင်ဆာအတွက် ဓာတ်ရောင်ခြည်ကုသခံ အမျိုးသားများ။
(၁၀) chemotherapy drugs(ခေါ်)ကင်ဆာရောဂါဓာတုဆေးဝါးဖြင့် ကုသခံ လူနာများ။

အမေရိကန်ရှိ National Cancer Institute ၏ စစ်တမ်းများအရ၊ မျိုးရိုးဗီဇအရ အမျိုး သားများသည် အမျိုးသမီးများထက် ဆီးအိမ်ကင်ဆာဖြစ်နှုန်း ၃-ဆမျှ ပိုကြောင်း၊ ကမ္ဘာပေါ်တွင် လူဖြူများသည် လူမဲများထက် ဆီးအိမ်ကင်ဆာဖြစ်နိုင်ခြေ ပို များ ကြောင်း လေ့လာသိရှိရပါသည်။ ဆီးအိမ်ကင်ဆာဖြစ်ပွားသူဦးရေ၏ ထက်ဝက် ခန့် မှာ ဆေးလိပ်သောက်ခြင်း ကြောင့်ဖြစ်၍ အင်္ဂလန်နိုင်ငံရှိ The National Health Service (NHS) မှ “ဆီးအိမ်ကင်ဆာအစ၊ ဆေးလိပ်သောက်ခြင်း က” ဟု ဖော်ပြ ထားသည့်အတွက် “မိမိအိတ်ကပ်ထဲမှ ပိုက်ဆံကိုမီးရှုံ့ ရုံသာမက၊ ဝေဒနာကိုငွေပေး ၀ယ်” ပြီး၊ ဆိုးကျိုးများသာဖြစ်စေသော ဆေးလိပ်သောက်သုံးခြင်း မှ ရှောင်ကျဉ်ကြ ပါ ရန် တိုက်တွန်းလိုက်ရပါသည်။

(ဆောင်းပါးရှင်..ပေါက်ပေါက်.. မျှဝေသည်)
promise.pauk

 

https://www.facebook.com/364484143692148/photos/a.364489287024967.1073741828.