စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







“စိတ်ညစ်ရင် အာရုံပြောင်းလိုက်ပါ။”





ဘဝမှာအမြဲတမ်း ပျော်ရွင်တက်ကြွနေဖို့ဆိုတာ အတော်မလွယ်တဲ့ကိစ္စပါ။ တစ်ခါတလေ ပျော်မယ်။
တစ်ခါတစ်လေ စိတ်ညစ်မယ်။ တစ်ခါတစ်လေဆို ဘဝမှာ ဘာမှ အသုံးမဝင်တဲ့တောထဲက သစ်ဆွေးတုံးကြီးလို ခံစားချင်ခံစားရမယ်။ ပျော်ရွှင်နေတဲ့အခါ ဘာလုပ်လုပ် အဆင်ပြေနေတတ်ပေမယ့်၊
မပျော်မရွင်နဲ့ စိတ်ဓာတ်ကျနေတဲ့ အခါမျိုးတွေမှာတော့ ဘာပဲလုပ်လုပ် အဆင်မပြေ ဖြစ်နေတတ်ပါတယ်။

ဒါဘာဖြစ်လို့လဲမေးရင် “အာရုံ”ကြောင့်လို့ ယေဘူယျ ဖြေလို့ရပါတယ်။ ဘဝခရီးတစ်လျှောက်
အာရုံမျိုးစုံနဲ့ တွေ့နေကြရမှာပါ။ အဲဒီ အာရုံမျိုးစုံထဲမှာ နှစ်သက်တဲ့ အာရုံလည်း တွေ့ရမှာဖြစ်သလို မနှစ်သက်တဲ့ အာရုံလည်း တွေ့ရမှာပါ။ တစ်ခါတစ်လေ အာရုံတစ်ခုကြောင့် ကိုယ့်ရဲ့
ဘဝလမ်းကြောင်းတွေ ပျောက်နေတတ်တာတောင် ရှိတတ်ပါတယ်။ ဒါမျိုးက တွေ့ကြုံရသူအတွက်
အလွန်အန္တရာယ် များလှပါတယ်။

ဒီတော့ဘာလုပ်မလဲ?

အာရုံဆိုးတွေနဲ့တွေ့ပြီး စိတ်ညစ်နေတဲ့အခါမျိုးတွေမှာ အာရုံပြောင်းပစ်လိုက်ဖို့ပါပဲ။
ခရီး ထွက်ပစ်တာတို့ ၊ကိုယ်အထုံဝါသနာအပါဆုံး “ကုသိုလ်”မျိုးကို အားရပါးရ ပြုလုပ်ပစ်တာတို့၊
ရိပ်သာမှာ တစ်ပတ်ဆယ်ရက်ဝင်ပစ်တာတို့ စသည့်ဖြင့်ပေါ့။ စာမှာ တိုက်ရိုက်ပြထားတာကတော့
စိတ်ညစ်လာပြီဆိုရင် ကိုယ်ဝါသနာပါတဲ့ “ဝေယျာဝစ္စ ကုသိုလ်”တစ်ခုကို ပြုပြီး ဖျောက်ပစ်ပါတဲ့။

ဒီနေရာမှာ အာရုံပြောင်းဖို့အတွက်သောက်လေ့ မရှိတဲ့ အရက်သွားသောက်တာတို့ ၊
ဗေဒင်သွားမေးတာတို့ကိုတော့ အထူးသတိထားရပါမယ်။ ကိုယ့်အားနည်းချက်ကိုသိပြီး အခွင့်အရေး ယူတတ်တဲ့ဗဒင်ဆရာမျိုးနဲ့များ သွားတွေ့လိုက်လို့ကတော့ ပိုတောင် အန္တရာယ်များသွားနိုင်ပါတယ်။
အဓိကကတော့ “အာရုံပြောင်းလဲမှု” မှန်ဖို့ပါပဲ။

-【ဆရာတော်အရှင်ရာဇိန္ဒ(ရဝေနွယ်-အင်းမ)၏“ကုသိုလ်ဖြစ်အောင်တွေးမယ်”မှ - 】

Dhamma Dãna Source ►
www.facebook.com/youngbuddhistassociation.mm
 

No comments:

Post a Comment

Related Posts Plugin for WordPress, Blogger...