စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







လက်ဖက်ရည်ကြမ်းနှင့် ကျန်းမာရေး


  
    မြန်မာလူမျိုးများ ရှေးအစဉ်အဆက်ကတည်းက သောက်သုံးခဲ့ကြသော လက်ဖက်ရည်ကြမ်းသည် ကျန်းမာရေးကို အားပေးသော ဂုဏ်သတ္တိများမှာ အံ့ချီးမကုန်ဟု ဆိုနိုင်ပါသည်။
လက်ဖက်ပင်သည် (Camettia ciresis) တတိုင်းမွှေး နွယ်ပင်တမျိုး ဖြစ်သည်။ အပင်သည် အမြဲစိမ်းပင် ခပ်အုပ်အုပ် ချုံဖုတ်ပင်မျိုးလည်း ဖြစ်သည်။ လက်ဖက်ရည်ကြမ်း သောက်သုံးခြင်းသည် အထူးသဖြင့် ကင်ဆာရောဂါကို ကာကွယ်ပေးနိုင်သည်ဟု လေ့လာစမ်းသပ်မိခဲ့ကြသည်။

       လက်ဖက်ရည်ကြမ်း မှန်မှန်သောက်ခြင်းအားဖြင့် အစာပြွန်ကင်ဆာ ၆၀-ရာခိုင်နှုန်း လျော့နည်းစေနိုင်ပါသည်။ ဂျပန်နိုင်ငံ၌ လက်ဖက်ရည်ကြမ်း သောက်သုံးသူများအား လေ့လာကြည့်ရာ ကင်ဆာရောဂါဖြစ်ပွားမှု နည်းပါးခဲ့ပါသည်။ လက်ဖက်ရည်ကြမ်းတွင် ကင်ဆာရောဂါကို ကာကွယ်ပေးသော ပေါ်လီဖီနော်ဂစ်ကွန်ပေါင်း ပါဝင်သည်။ ကင်ဆာဆဲလ်များကို မတိုးပွားနိုင်အောင် ဟန့်တားပေးပါသည်။

အီတလီနိုင်ငံတွင် ပြုလုပ်သော သုတေသနလုပ်ငန်းတွင် လက်ဖက်ခြောက် (အချိုခြောက်၊ အကြမ်းခြောက် နှစ်မျိုးစလုံး) လက်ဖက်ရည်ဇွန်း ၃-ဇွန်းကို ရေမတ်ခွက်ကြီးကြီး တခွက်တွင် ရေနွေးဖြင့် ၃-မိနစ်ကြာ နှပ်ထားသည်။ လူတွေကို သောက်ခိုင်းခဲ့သည်။ သွေးတွင် အင်ဒီအောက်ဆီဒင့်ကို စစ်လိုက်သောအခါ ၅၀-ရာခိုင်နှုန်း တိုးလာခဲ့သည်။

အမေရိကန် နှလုံးဖောင်ဒေးရှင်း၏ တွေ့ရှိချက်မှာ ၀က်ပေါင်ခြောက် (ဟင်မ်) တို့လို ပြုပြင်ထားသော အသားများတွင် ပါဝင်သော နိုင်ထြိုဆမင်း (nitrosanning) ဆိုးကျိုးများကို ကင်းစင်စေပါသည်။ ၄င်းအသားများသည် ကင်ဆာရောဂါကို အားပေးသော (ကာစီနိုဂျင်) များ ဖြစ်သည်။ ထို့ကြောင့် အသားစားသော နေရာများတွင် လက်ဖက်ရည်ကြမ်းကို သောက်သုံးသင့်သည်။

( ဝေဒနာအမျိုးမျိုးအတွက် လက်ဖက်ရည်ကြမ်း)
ပင်ပန်းနွမ်းနယ်မှုကြောင့် စိတ်အလိုမကျဖြစ်ခြင်း၊ အမျိုးမျိုးသော နေထိုင်မကောင်းခြင်း၊ ဖျားနာခြင်း ဝေဒနာများကို လက်ဖက်ရည်ကြမ်းသောက်သုံးခြင်းဖြင့် ကုသနိုင်သည်။ ဆေးဖက်ဝင် သစ်သီးသစ်ရွက်များ ပါဝင်သော လက်ဖက်ရည်ကြမ်းသည် သာမန်လက်ဖက်ရည်ကြမ်းထက် ကြီးမားကွဲပြားခြားနားသော အကျိုးသက်ရောက်မှုကို ဖြစ်စေနိုင်ပါသည်။ ၄င်းလက်ဖက်ရည်ကြမ်းတွင် ကဖင်းဓာတ်မပါဝင်ဘဲ ကျန်းမာရေးကို အကျိုးပြုနိုင်ကြောင်း တွေ့ရှိရလိမ့်မည်။

( ပင်စိမ်းဆီ လက်ဖက်ရည်ကြမ်း =Pupparmint Tea)
ပင်စိမ်းမှရသော အဆီ လက်ဖက်ရည်ဇွန်း တ၀က်ခန့်ကို လက်ဖက်ရည်ကြမ်းထဲထည့်၍ နှပ်သောက်သုံးခြင်းအားဖြင့် အစာအိမ်အနာဖြစ်ခြင်းကို သက်သာပျောက်ကင်းစေပါသည်။ အစာချေဖျက်မှုကို အထောက်အကူပြုစေနိုင်ပါသည်။

( ရှောက်သီး လက်ဖက်ရည်ကြမ်း=Lemon Tea)
ရှောက်သီးတစိတ်ကို ရေနွေးဆူဆူထဲ ထည့်ပြီး သောက်သုံးခြင်းဖြင့် အစာခြေအင်္ဂါဖွဲ့စည်းမှုကို သန့်စင်ပေးနိုင်ပါသည်။

( ငရုတ်ကောင်း လက်ဖက်ရည်ကြမ်း=Pepper Tea)
လက်ဖက်ရည်ကြမ်း တဇွန်းစာ ငရုတ်ကောင်းမှုန့်ကို ဖန်ခွက်တခွက်စာ ရေနွေးပူပူထဲ ရောခပ်သောက်သုံးခြင်းဖြင့် နှာခေါင်းသွေးလျှံမှုကို ရပ်တန့်စေပါသည်။

( ဆားခတ်ထားသော လက်ဖက်ရည်ကြမ်း)
လက်ဖက်ရည်ဇွန်း တဇွန်းစာ ပမာဏရှိသောဆားကို ရေနွေးထဲ၌ထည့်ပြီး ပလုပ်ကျင်းခြင်းအားဖြင့် လည်ချောင်းနာစေခြင်၊ သွားကိုက်ခြင်းနှင့် ခံတွင်းပူနာတို့ကို ပျောက်ကင်းသက်သာစေနိုင်ပါသည်။ ထိခိုက်ပွန်းရှမိသော ဒဏ်ရာများကို ဆားပါသောလက်ဖက်ရည်ဖြင့် ဆေးကြောပေးပါက ရောဂါပိုး ၀င်ရောက်ခြင်းမှ ကာကွယ်ပေးပါသည်။

သီဟစိုး


https://www.facebook.com/photo.php?fbid=428139103950593&set=a.351047714993066.7

No comments:

Post a Comment

Related Posts Plugin for WordPress, Blogger...