စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ပန်းနာရင်ကျပ် ရောဂါနှင့် ကဖင်းဓာတ်



     ကော်ဖီ၊ လက်ဖက်ရည်၊ ကိုလာ စတာတွေထဲမှာ ကဖင်းဓာတ်ကို တွေ့ရပါတယ်။ ကဖင်းဆိုတာ သီအိုဖိုင်လင်းနဲ့ အလွန်ဆင်တူတဲ့ ဆေးဝါးတစ်လက်ပါ။ သီအိုဖိုင်လင်းက အဆုတ်ရှိ အသက်ရှူလမ်းကြောင်းတွေကို ပွင့်စေတဲ့ ဆေးဖြစ်ပြီး ချောင်းဆိုးတာ၊ အသက်ရှူမဝတာနဲ့ အသက်ရှူရာမှာ သလိပ်သံပါတာ စတဲ့ ပန်းနာရင်ကျပ် လက္ခဏာတွေကို သက်သာစေပါတယ်။ ကဖင်းဓာတ်ဟာ သီအိုဖိုင်လင်းလိုပဲ အဆုတ်မှာ တူညီတဲ့ အကျိုးသက်ရောက်မှု ရှိစေကြောင်း သိပ္ပံပညာရှင်တွေက တွေ့ရှိခဲ့ပါတယ်။ ကဖင်းဓာတ်ဟာ အသက်ရှူလမ်းကြောင်းကို ကျယ်စေတဲ့အရာဆိုရင် နံပါတ်တစ်သိသင့်တဲ့ အကြောင်းက ပန်းနာရင်ကျပ် ရောဂါလက္ခဏာ သက်သာစေဖို့ ကဖင်းဓာတ်ကို မှီဝဲနိုင်သလားဆိုတာ ဖြစ်ပြီး ဒုတိယ သိသင့်တဲ့အချက်က ကဖင်းကို မှီဝဲတာကြောင့် ပန်းနာရင်ကျပ်ရောဂါ ဘယ်လောက်အထိ ဆိုးရွားနေသလဲ ဆိုတာကို ဆန်းစစ်နိုင်တဲ့ အရေးပါတဲ့ စစ်ဆေးနည်းတွေရဲ့ ရလဒ်အပေါ် သက်ရောက်မှု ရှိစေသလားဆိုတာပဲ ဖြစ်ပါတယ်။

      ကဖင်းဟာ အသက်ရှူလမ်းကြောင်းတွေကို ကျယ်စေတာကြောင့် အဆုတ်ရဲ့ လုပ်ငန်းဆောင်တာကို စမ်းသပ်မှုမလုပ်ခင် ကဖင်းမှီဝဲထားတဲ့ လူနာတွေက ကဖင်းမမှီဝဲထားသူတွေထက် ရလဒ်ပိုကောင်းတာကို တွေ့ရှိခဲ့ရပါတယ်။ ဒါပေမဲ့ ပန်းနာရင်ကျပ် ကုသဆေးကို လိုအပ်တာထက် လျော့ပြီး ပေးတာမျိုး ဖြစ်နေနိုင်ပါတယ်။ ဒါကြောင့် ကဖင်းပမာဏ အနည်းငယ်ဟာ အဆုတ်ရဲ့ လုပ်ငန်းဆောင်တာတွေကို လေးနာရီကျော်ကြာ ကောင်းမွန်စေနိုင်ပေမယ့် အဆုတ်လုပ်ငန်း စစ်ဆေးမှုမလုပ်ခင် ကဖင်းဓာတ်ကို ရှောင်သင့်ပါတယ်။ ကဖင်းဓာတ်ကို မှီဝဲရင် ပန်းနာရင်ကျပ် ရောဂါလက္ခဏာတွေကို သက်သာစေနိုင်တယ် ဆိုပေမယ့် အများကြီးမှီဝဲရင် ဆေးဝါးအတွက် ဘေးထွက်ဆိုးကျိုး ဖြစ်စေနိုင်သလားဆိုတာ သိနိုင်ဖို့ လေ့လာမှုတွေ ထပ်လုပ်ဖို့ လိုအပ်နေပါသေးတယ်။

ZKO (Cochrange.org)
By Good Health

https://www.facebook.com/photo.php?fbid=428196533944850&set=a.351047714993066.7

No comments:

Post a Comment

Related Posts Plugin for WordPress, Blogger...