လူငယ်နှင့် သတ္တိသုံးမျိုး

                       

=================

တစ်ခါက တောမြို့လေးတစ်မြို့၏ အလယ်တန်ကျောင်း တစ်ကျောင်းတွင် ကိုယ်လုံးကိုယ်ပေါက် တောင့်တင်းပြီး ခွန်အားဗလကောင်းသည့်အတွက် ဗလကြီးဟုခေါ်သော မောင်သန်းရွှေအမည်ရှိ ကျောင်းသားတစ်ယောက်ရှိသည်။ သူသည် ဗလအားကိုးဖြင့် ငယ်ရွယ်သူများကို သာမက အတန်းဖော်များကိုပါ အနိုင်ကျင့်လေ့ရှိသည်။ လက်ရဲဇက်ရဲရှိပြီး အကြောက်အလန့်ကင်းကာ လုပ်ရဲကိုင်ရဲရှိသည့်အတွက် သူ့ကိုယ်သူသတ္တိရှိသည်ဟု ထင်နေရှာသည်။ သူ့အကြောင်းကို သိကြသော အတန်းဖော်များက သူနှင့်ဖက်ပြိုင် ရန်မဖြစ်လိုသည်ကို သူ့အားကြောက်ရွံ့၍ဟုလည်း အလွဲယူဆနေသည်။ ထိုသို့ ယူဆပြီး ကျောင်းခန်းအတွင်းရှိ အများစာသင်သော သင်ပုန်းပေါ်တွင် ညစ်ညမ်းသောရုပ်ပုံကြီး တစ်ပုံရေးဆွဲထားသည်။

အတန်းဖော်များအားလုံးသည် ဤညစ်ညမ်းရုပ်ပုံကို ဗလကြီးရေးဆွဲနေသည်ကို မြင်သော်လည်း ဆိတ်ဆိတ်သာနေကြသည်။ ကျောင်းတက်ချိန်ရောက်၍ အတန်းထဲသို့ ဆရာကြီး ဝင်လာသည်နှင့် သင်ပုန်းပေါ်ရှိ မတော်တရော်ပုံကြီးကို မြင်သွားပြီး ထောင်းခနဲဒေါသထွက်ကာ စိတ်ဆိုးသွားပါတော့သည်။ စည်းကမ်းကြီးသော ဆရာကြီးသည် ယခုလိုပြဿနာရှာသူကို ကျောင်းထုတ်ပစ်မှ အေးမည်ဟုလည်း စဉ်းစားမိသည်။
`` ဒီပုံ ဘယ်သူဆွဲတာလဲ ``

ဗလကြီးငြိမ်နေသည်။ အတန်းဖော်များသည် ဗလကြီးနှင့် ပြဿနာမတက်လို၊ ရန်မဖြစ်လိုသည့်အတွက် နှုတ်ပိတ်နေကြသည်။ မည်သည့်ကျောင်းသား ဆီကမှ အသံမထွက်လာ သည့်အတွက် ဆရာကြီးမှာ သည်းခံနိုင်စွမ်း မရှိတော့ဘဲ ဒေါသ ပေါက်ကွဲတော့သည်။
`` ကဲ လုပ်တဲ့သူကလည်းဝန်မခံ၊ မြင်တဲ့သူကလည်း မပြေဆိုတော့ တစ်တန်းလုံး ရိုက်ရတော်မယ် ``
ဤသို့ ပြောတော့မှ အတန်းထဲတွင် စာတော်ပြီး သူတစ်ပါးကို ကူညီတတ်သော မောင်သန်းစိန်ဆိုသည့် ကျောင်းသားက မတ်တပ်ရပ်လိုက်ပြီး-
`` ကျွန်တော်ရေးတာပါ ဆရာကြီး၊ ဖျက်ပစ်မယ်လို့ပြင်တုန်း ဆရာကြီးရောက်လာတာကြောင့် မဖျက်ပစ်လိုက်ရပါဘူး ``

အတန်းအတွင်းရှိ ကျောင်းသားအားလုံး အံ့သြ မင်တက်မိတက်မိ သွားကြသည်။ မထင်မှတ်ထားသော သူထံမှ ထွက်ပေါ်လာသောအဖြေ ဖြစ်နေသဖြင့် ဆရာကြီးကိုယ်တိုင်လည်း တုန်လှုပ်ချေက်ချားသွားသည်။ သို့သော် စည်းကမ်းမဲ့သော လုပ်ရပ်ဖြစ်နေသည့်အတွက် ရိုက်နှက်ဆုံးမရပါတော့သည်။
`` ဟေ့ကောင် သန်းစိန်၊ ငါလုပ်တဲ့ကိစ္စကို မင်းကဘာဖြစ်လို့ မင်းလုပ်တာပါလို့ ဝန်ခံပြောပြ လိုက်တာလဲ။ ဘာလဲ- မင်းက ငါ့ကို ကြောက်နေလို့လား ``

`` မကြောက်ပါဘူးကွာ၊ ဆရာကြီးမျက်နှာကြည့်ရတာ တော်တော်ဒေါသ ဖြစ်နေတာကွ။ ဘယ်သူ့ကိုမှ မေးလို့မရရင် တစ်တန်းလုံးကို ရိုက်မယ်လို့ပြောနေတာကွ။ ဒီပုံကို မင်းဆွဲတာပါလို့ ပြောလိုက်ရင် မင်းကို ပြင်းပြင်းထန်ထန် ရိုက်မယ့်အပြင် ကျောင်းထုတ်ပစ်ရင် ထုတ်ပစ်မှာ။ အဲဒီလို တွေးမိတာကြောင့် ဆရာကြီးလည်း ဒေါသပြေသွားပြီး မင်းလည်းကျောင်းထုတ်မခံရအောင်၊ ငါ့လုပ်တာပါလို့ ညာပြီးပြောလိုက်တာကွ ``
သန်းစိန်စကားဆုံးသည်နှင့် ဗလကြီးခေါင်း ငိုက်စိုက်ကျသွားသည်။ ခဏကြာတော့ တုန်ယင်လှိုက်လှဲစွာဖြင့် သူ့နှုတ်ဖျားမှ ထွက်လာသည့်စကားများက -

`` အေးကွာ၊ ငါက ငါ့ကိုယ်ငါ သတ္တိရှိတယ်လို့ ထင်နေတာ။ တကယ်တော့ ငါက မိုက်ရူးရဲ့ဆန်နေတာပဲ။ ငါးစိမ်းတန်းက ငါးသားခုတ်တဲ့လူလို လက်ရဲဇတ်ရဲ စိတ်ဓာတ်ကို သတ္တိလို့ထင်နေတာကွ။ မင်းလို စိတ်ဓာတ်မျိုးရှိမှ တကယ့်သတ္တိရှိတယ်လို့ ပြေရမယ်။ မင်းဟာ တကယ့်သတ္တိရှိပြီး ကိုယ်ကျိုးစွန့် အနစ်နာခံနိုင်တဲ့ သတ္တိရှင်ပါကွာ ``

ထိုနေ့မှစပြီး ဗလကြီးနှင့်သန်းစိန်သည် သူငယ်ချင်းဖြစ်သွားပါတော့သည်။ ဤသို့ဖြင့် တစ်လခန့်အကြာတွင် ဗလကြီးနှင့်သန်းစိန်တို့ ကျောင်းဆင်း၍ အိမ်ပြန်လာကြရာ ရပ်ကွက်လမ်းဆုံ တစ်နေရာအရောက်၌ အောင်ကြည်ဟုခေါ်သော ကျောင်းသားနှင့်အတူ ငါးထောင်ကျပ်တန် ပိုက်ဆံအထပ်လိုက်ကို အိတ်ထဲတွင်တွေ့လိုက်ရသည်။ များပြားလှသော ငွေများကို တစ်ချက်ကြည့်ပြီး 

 

ဗလကြီးက -
`` ဟာ ပွတာပဲ၊ ပိုက်ဆံတွေ အများကြီးပဲ ``
`` တို့သုံးယောက် ခွဲဝေယူရအောင် `` ဟု သန်းစိန်ကပြောသည်။ မှိုတွေ့ရသော မျက်နှာမျိုးဖြစ်နေသော ဗလကြီးနှင့် သန်းစိန်ကို ကြည့်ရင်း အောင်ကြည်ပြောလိုက်သည်က -
`` ဟာ ဘယ်ဖြစ်မလဲ၊ ဒီအိတ်မှာ ပိုင်ရှင်ရှိမယ် သွားရင်းလာရင်းနဲ့ ဒီနားကျ ကျန်ခဲ့တာ ဖြစ်နိုင်တယ်။ ပိုင်ရှင်ဟာ ဝန်ထမ်းတစ်ယောက်ဖြစ်ခဲ့ပြီး သူ့အလုပ်ဌာနပိုင် ငွေတွေဖြစ်နေရင် အဲဒီလူ ဘဝပျက်ပြီ။ ငါတို့ ဆရာကြီးဆီဖြစ်ဖြစ်၊ ရပ်ကွက်ရုံးမှာဖြစ်ဖြစ် သွားအပ်ရအောင် `` ခေတ္တစကာဖြတ်ပြီး အောင်ကြည်က ဆက်ပြေပြန်သည်။
`` မင်းတို့မိသားစုတွေနဲ့ယှဉ်ရင် ငါတို့မိသားစုက ဆင်းရဲပါတယ်ကွာ၊ ဒါပေမယ့် ဒီငွေတွေကို ငါမယူဘူး။ ပိုင်ရှင်ကို ပြန်ပေးရမယ် ``

အောင်ကြည်၏ စကားကြောင့် ဗလကြီးနှင်းသန်းစိန် ခေါင်းစိုက်သွားကြသည်။ ထိုနေ့က အဆင့်မြင့် စာရိတ္တသတ္တိပိုင်ရှင် မောင်အောင်ကြည်ဆိုသူ တစ်ယောက် ပေါ်ထွက်လာခဲ့လေသည်။
ကျွန်တော်တို့နိုင်ငံသည် စာရိတ္တအားနည်းသူများ များပြားသည့်အတွက် ဖွံ့ဖြိုးဆဲနိုင်ငံများတွင် ဖွံ့ဖြိုးမှု နောက်အကျဆုံး နိုင်ငံဖြစ်ခဲ့သည်။ ထို့ကြောင့် မောင်အောင်ကြည် ကဲ့သို့သော စာရိတ္တသတ္တိရှင် လူငယ်များပေါ်ထွက်ရန် အလွန်လိုအပ်နေပါသည်။ မိဘနှင့်ဆရာသမားများက ဆုပေး ဒဏ်ပေးစနစ်ကို တိကျစွာ လိုက်နာကျင့်သုံးပြီး စာရိတ္တသတ္တိရှင်များ မွေးထုတ်ပေးမည်ဆိုလျှင် နိုင်ငံအကျိုးပြု မျိုးဆက်သစ် စာရိတ္တသတ္တိရှင်များ အများအပြား ပေါ်ထွက်လာမည်ဖြစ်ပါသည်။

ဤတွင် ဆုပေးဒဏ်ပေးစနစ်ကို လက်ကိုင်ထားပြီး တပည့်များမလိမ်မညာစေရန် ဆုံမတတ်သော ကျောင်းဆရာကြီးတစ်ဦး အကြောင်း ဖော်ပြလိုပါသည်။
တစ်နေ့သ၌ ကိုးတန်းကျောင်းသားနှစ်ဦးဖြစ်ကြသော မောင်ဇော်နှင့် သန့်ဇင်တို့သည် စာသင်ချိန်အတွင်း ခုံပေါ်တွင် ခေါင်းစိုက်အိပ်ငိုက်နေကြသည်။ ဒါကိုမြင်သွားသော ဆရာကြီးသည် သူတို့အနီးသို့ ရောက်လာပြီး -
 

`` ဟေ့ကောင်တွေ၊ စာသင်ချိန်မှာ မင်းတို့ အိပ်ငိုက်နေလား `` ဆရာကြီး၏အသံကြောင့် ကျောင်းသားနှစ်ယောက် လန့်နိုးသွားပြီး…
`` ဟုတ်ကဲ့ ဆရာကြီး၊ ကျွန်တော် ညကညဥ့် နက်မှ အိပ်ရလို့ ငိုက်သွားမိတာပါခင်ဗျာ `` ဟု သန့်ဇင်က ဖြေလိုက်သည်။
 

မောင်ဇော်ကမူ
`` ကျွန်တော် စာငုံ့ကြည့်နေတာပါ ဆရာကြီး `` ဟု ပြန်ဖြေသည်။ မောင်ဇော်၏ အဖြေကြောင့်..
`` မောင်ဇော် ငါ့နောက်လိုက်ခဲ့``ဟု ပြောပြီး ဆရာကြီးက သူ့နေရာသူပြန်သွားသည်။ ဆရာကြီး နောက်မှပါသွားသော မောင်ဇော် ဆရာကြီးစာပွဲရှေ့ ရောက်သည်နှင့် ဆရာကြီးသည် မောင်ဇော်ကို ကြိမ်လုံးနှင့် ရိုက်တော့သည်။
``ဖျန်း၊ ဖျန်း၊ ဖျန်း``
``ဆရာ မင်းကိုရိုက်တာ လိမ်လို့ရိုက်တာ။ ငိုက်တာ အပြစ်မရှိဘူး။ နောက်မငိုက်နဲ့လို့ပဲ ဆရာပြောမှာပေါ့။ သန့်ဇင်က မလိမ်ဘဲ အမှန်အတိုင်းပြောလို့ မရိုက်တာ။ နောက် ဘယ်တော့မှ မလိမ်နဲ့၊ မြဲမြဲမှတ်ထား။ သွားတော့``
 

လိမ်ညာသည်ကို ဆရာကြီးမကြိုက်ကြောင်း မောင်ဇော်သိသွားသည်။ တစ်နေ့သော် စာသင်ချိန်အတွင်း မောင်ဇော်တစ်ယောက် ပြတင်းပေါက်မှတစ်ဆင့် အပြင်သို့ ငေးနေမိပြန်သည်။ ဤသည်ကို မြင်သွားသော ဆရာကြီးက
``မောင်ဇော်၊ မင်း စာကိုစိတ်မ၀င်စားပဲ ဘာ ငေးနေတာလဲ``
သည်တစ်ခါ မောင်ဇော်က မလိမ်မညာဘဲ အမှန်အတိုင်း ဖြေလိုက်သည်။
``သြော် အပြင်မှာ အတော်လှတဲ့ မိန်းကလေး တစ်ယောက် ဖြတ်သွားတာတွေ့လိုက်လို့ ငေးနေမိတာပါ 

 

ဆရာကြီး``
မောင်ဇော်၏ အမှန်အတိုင်းဖြေမှုကို ဆရာကြီးက သဘောကျကျေနပ်သွားပြီး…
``အေး၊ ဒီလိုအမှန်အတိုင်းပြောတာ ကြိုက်တယ်။ မင်းမလိမ်တဲ့အတွက် ဆုချတဲ့အနေနဲ့ အဲဒီကောင်မလေးကို မင်းလိုက်ကြည့်ခွင့်ပေးတယ်။ သွားသွား၊ မြန်မြန်ကြည့်``
ဆရာကြီးအပြောကြောင့် ကျောင်းသားအားလုံး သဘောကျသွားကြသည်။ ထိုနေ့မှစ၍ မောင်ဇော် မလိမ်တတ် တော့သည်အပြင် နောင်အခါ သူ၏ သားသမီးများကိုပင် မလိမ်မညာတတ်ရန် ဆုံးမနိုင်ခဲ့ပါသည်။
တစ်ခါတွင် လူတွေ့စစ်ဆေးသော အင်တာဗျူး တစ်ခုတွင် အလုပ်ရှင်က မေးခွန်းများမေးသည်။
 

``မင်းအရက်သောက်တတ်သလား``
``မသောက်တတ်ပါဘူး``
``လောင်းကစား ၀ါသနာပါလား၊ နှစ်လုံးသုံးလုံး ထိုးလား``
``မပါပါဘူး၊ မထိုးပါဘူး``
``ပွဲလမ်းသဘင်တွေ ဘာတွေကော``
``မကြိုက်ပါဘူး``
``ငါးပါးသီလထဲမှာ ဘယ်သီလကို ဖျက်မိတတ်လဲ``
``မုသာဝါဒကံကို ဖောက်ဖျက်မိတတ်ပါတယ်``
 

ဤအဖြေစကားကြောင့် ရှေ့တွင် သူဖြေခဲ့သမျှ သဲထဲရေသွန်သည့်ပမာ ဖြစ်ခဲ့ရသည်။ သူ့တွင် သူဖြေခဲ့သည်များကို ယုံစရာမရှိတော့။ ထို့ကြောင့် လိမ်ညာတတ်သူသည် ကျန်သည့် အကုသိုလ်များကို အလွယ်တကူ ကျူးလွန်သည်ဟု ပညာရှိများက မိန့်ဆို ကြပါသည်။ မြတ်စွာဘုရားရှင်ကလည်း သားတော် ရာဟုရာလာကို ယခုလိုမိန့်ကြား ဆုံးမတော်မူခဲ့ပါသည်။

``ချစ်သားရာဟုလာ၊ မုသားဆိုလျှင် ရယ်စရာတောင် မပြောလေနှင့်``
ထို့ကြောင့်သတ္တိအစစ်အမှန်ဆိုသည်မှာ မလိမ်မညာဘဲ ရိုးဖြောင့်သူများတွင်ရှိသည့် သတ္တိသည်သာ အဆင့်အတန်းမြင့် သတ္တိဖြစ်ကြောင်း တင်ပြလိုက်ပါသည်။
``ကိုယ်စွမ်းကိုယ်စက သင့်အား ထိပ်ဆုံးကို ရောက်ရှိစေနိုင်၏။ သို့ရာတွင် အကျင့်စာရိတ္တကသာလျှင် သင့်အား ထိပ်ဆုံး၌ ဆက်လက်တည်မြဲစေနိုင်၏။ ``

(ဂျွန်ရင်ဒင် - အမေရိကန်ဘတ်စကက်ဘောနည်းပြ)

ညီမေတ္တာ။

ဇီဝိတဒါန လူလွှတ်ပွဲ နှင့် လုံးလှ ရသစာစုများ စာအုပ်မှ ကူးယူဖော်ပြပါသည်။
Admin,

 

https://www.facebook.com/259891950874104/photos/a.260178777512088.1073741829