ဝန်ဆောင်မှုလုပ်ငန်းတိုင်း သိထားသင့်သည့် အွန်လိုင်းမားကတ်တင်း

ခွန်နေ - Khun Nay

အရင်က idea Contest တစ်ခုမှာဆောင်းပါးတိုအဖြစ် ဝင်ရောက်ရေးသား ဖူးတယ် ။ ကိုယ်တိုင်လည်း Online Marketing နဲ့ပတ်သက်ပြီး လေ့လာလုပ်ကိုင် နေတာရယ် ၊ မြန်မာပြည်ရဲ့  Social Network အသုံးပြုမှု ကြီးထွားလာတာရယ် အကြောင်းပြုပြီးအွန်လိုင်းဝန်ဆောင်မှုနဲ့ပတ်သက်လို့အနည်းငယ်ဆွေးနွေးကြည့်ချင်တယ် ။ စိတ်ဝင်စားသူတိုင်း လိုအပ်တာလေးများရှိရင် ဆွေးနွေးအကြုံပြု
စေလိုပါတယ် ။

Online Marketing လို့ပြောလိုက်ရင် သူ့ရဲ့ ဘာသာရပ်အောက်မှာ ကဏ္ဍငါးမျိုး ကွဲသွားတယ် ။

1. Social Media Marketing
2. SEO/SEM
3. PR – Public Relation
4. Email Marketing
5. Pay per Click ဆိုပြီး သတ်မှတ်လို့ရတယ် ။
-------------------------------------------------------------------
1. Social Media Markeing

လက်ရှိမြန်မာပြည်အနေအထားအရ Social Media အပိုင်းမှာ လုပ်ငန်းရှင်တွေ အနေနဲ့ Marketing လုပ်ဖို့အကောင်းဆုံး Network ကတော့ လူသုံးများ ဖေ့စ်ဘွတ်ခ် စာမျက်နှာပါပဲ ။ မိုဘိုင်းလ်ဖုန်းအသုံးပြုမှု မြင့်တက်လာသလို ဖုန်းသုံးပြီဆိုတာနဲ့ လူတွေရဲ့ အသိမှာ အင်တာနက်(ဖေ့စ်ဘွတ်ခ်) ဆိုတာ တွဲပါနေပြီးသားပါ ။ စာပေ၊ ဗဟုသုတ၊ သတင်းအချက်အလက် ၊ ဟာသ ၊ ရသ ၊ ရင့်ဖွင့်ခံစားချက်တွေကအစ ဖေ့စ်ဘွတ်ခ်စာမျက်နှာတစ်ခုတည်းမှာသာ စုံစုံ လင်လင် မြင်တွေ့ခံစားနိုင်တာမို့ လူတွေဟာ ဖေ့စ်ဘွတ်ခ်ကို စွဲလမ်းနှစ်သက် ကြတာအဆန်းတော့မဟုတ်ပါဘူး ။ ဒါကြောင့် အချို့ သော ဝန်ဆောင်မှု လုပ်ငန်းတွေဟာ လူသုံးများ ဖေ့စ်ဘွတ်ခ်စာမျက်နှာတွေမှာ စတင် ထိုးဖောက်လာပါတယ် ။ ထိရောက်မှုလည်းရှိသလို ၊ အကျိုးသက်ရောက်မှုက တိုက်ရိုက်အချိုးကျတယ် ။ ထိရောက်မှုဘယ်လောက်တောင်ရှိသလဲဆိုရင် ဝါဒဖြန့်ဝေမှု ၊ မန္တလေး ပဋိပက္ခဖြစ်ပွားခဲ့မှုတွေမှာ ဖေ့စ်ဘွတ်ခ်စာမျက်နှာ မှတဆင့် စတင်ခဲ့တယ်ဆိုတာ အကောင်းဆုံးသာဓကပါပဲ ။ အခြားသော Social Network တွေကတော့ Twitter , Linkedin , Google+ , Instgram အပြင် များစွာကျန်ရှိ ပါသေးတယ် ။

1. Search Engine Optimization (SEO/SEM)

အွန်လိုင်းမှာပြုလုပ်ထားတဲ့ မိမိရဲ့ ဝန်ဆောင်မှုကို Google Search Engine မှာ User တစ်ယောက်က သိချင်တဲ့အကြောင်းအရာတွေကို ရှာဖွာရာမှာ မိမိနှင့် သက်ဆိုင်တဲ့ လုပ်ငန်းဆိုဒ်ဟာ Google Search မှာထိပ်ဆုံးရောက်ရှိအောင် ပြုလုပ်ရခြင်းဖြစ်ပါတယ် ။ Search Engine Opimization လို့ခေါ်ပါတယ် ။ မိမိ လုပ်ငန်းဆိုဒ်ရဲ့  သတ်မှတ်ထားတဲ့ အရည်အသွေး ၊ အခြားသော ပြိုင်ဘက်ဆိုဒ်များထက် SEM(Search Engine Marketing) ပြုလုပ်ထားနိုင်မှု ၊ မိမိရဲ့ ဝက်ဆိုဒ်လိပ်စာ အခြား နာမည်ကြီးသော သတင်းဆိုဒ်တွေမှာ လင့်ခ်ကူးဖော်ပြခံရမှု တို့အပေါ်မူတည်ပါတယ် ။ Online Marketing တွေထဲမှာရေရှည်လုပ်ကိုင်ရမယ့် အခိုင်မာဆုံး ၊ ရင်းနှီးမြုပ်နှံမှု ရေရှည်လုပ်ကိုင်ရခြင်း ဖြစ်ပါတယ် ။ Website တစ်ခုဖန်တီးတဲ့အခါ ဝက်ဆိုဒ်တစ်ခုအောင်မြင်ဖို့အတွက် အခြေခံအကျဆုံး Channel ဖြစ်ပါတယ်။ SEO သဘောတရားကို ဆက်ပြီးရှင်းပြရင် အများကြီးရှည်သွားမှာ ဖြစ်တဲ့အတွက်နောက်မှဆက်လက်ရှင်းပြပါဦးမယ်။

3.Pay Per Click

အောင်မြင်သောအခြားဝက်ဆိုဒ်မှာ မိမိရဲ့ ကုန်ပစ္စည်းတွေကို ကြော်ငြာတာဖြစ်ပြီးတိုက်ရိုက်တုံ့ပြန်လာတဲ့ ရလဒ်အပေါ် ဝက်ဆိုဒ်ပိုင်ရှင် တွေကို အခကြေးငွေပေးပြီး ကြော်ငြာတဲ့ သဘောပါ ။ ဒီအပိုင်းမှာ အနီးစပ်ဆုံးရှင်းပြရရင် အခုပြည်တွင်းကုမ္ပဏီအချို့  အသုံးပြုနေတဲ့ ဥပမာ www.ihomeonlinshopping.com မှာ ကြော်ငြာကို ကြည့်တာနဲ့ Point ရတာမျိုးတွေ ၊ အဆိုပါပွိုင့်ကို User တွေကရတာဖြစ်ပြီး ၊ သက်ဆိုင်သည့် ကြော်ငြာကို ကြည့်ရှုသူများလေလေ လုပ်ငန်းရှင်က ဆိုဒ်ပိုင်ရှင်ကို ပိုက်ဆံပေးရ လေလေပါပဲ ။ အကုန်အကျများတဲ့ Online Marketing Channel တစ်ခုလို့ ဆိုနိုင် ပါတယ် ။

4.Public Relation(PR)

ဒါကတော့ မိမိကုန်ပစ္စည်း ၊ မိမိထုတ်ကုန် ၊ ထုတ်ကုန်အသစ် ၊ ပရိုးမိုးရှင်း နှင့် ပွဲလမ်းသဘင် အစရှိတာတွေ ကို မီဒီယာ ၊ သတင်စာ ရှင်းလင်းပွဲတွေပြုလုပ်ပေး ရတာဖြစ်ပြီး မိမိရဲ့ အဖွဲ့အစည်းကိုအပြုသဘောဆောင် လူသိများလာအောင် လုပ်ပေးရဖြင်းဖြစ်ပါတယ် ။ Offline တစ်ဝက် Online တစ်ဝက်လို့ဆိုနိုင်ပြီး မီဒီယာလောကမှာ PR လုပ်ဆောင်သူတစ်ယောက် ရဲ့ အရေးပါအရော ရောက်မှုအပေါ်အများကြီးမူတည် ပါတယ် ။ အရေးပါအရာ ရောက်မှု တွေဆိုတာကတော့ စာစောင်တွေထဲမှာ မိမိလုပ်ငန်းနဲ့သက်ဆိုိင်တဲ့
သတင်းအချက်အလက်တွေ ဖော်ပြခံရအောင်လုပ်ဆောင်နိုင်မှု ၊ မိမိရဲ့  ထုတ်ကုန်နဲ့ ပတ်သက်လို့ အင်တာဗျူးအစီအစဉ်တွေကို ရုပ်သံမှာဖော်ပြခံရမှု
အစရှိတဲ့ အချက်တွေပေါ်မှာ အများကြီးမူတည်ပါတယ် ။

5.Email Marketing

မိမိရဲ့  ဝက်ဆိုဒ်တွေဆီကိုလာရောက်လည်ပတ်ပြီး Email တွေနဲ့
Subscribe လုပ်ထားတဲ့သူတွေဆီကို Electronic Direct Mailing ပြုလုပ်
ခြင်းပါပဲ ၊ Email ပေါင်းများစွာကို Newsletter နဲ့တစ်ကြိမ်ထဲ email ပေါင်း သိန်းဂဏန်း၊ သန်းဂဏန်းထိ ဖြန့်ဝေပြီး လုပ်ဆောင်ခြင်းဖြစ်ပါတယ်။ အချို့  သောသတင်းဆိုဒ်တွေမှာ သတင်းလွှာများရရယူရန် ဆိုပြီး မိမိရဲ့ အီးမေးလ် ကို ရိုက်ထည့်ပေးလိုက်တာနဲ့ တင်သမျှသတင်းအသစ်တွေ မိမိရဲ့ အီးမေးလ်ဆီ
ရောက်နေတာမျိုးကို အကြမ်းဖျင်း ပြောလို့ရပါတယ် ။ အလုပ်အကိုင်ဝန်ဆောင် မှုဝက်ဆိုဒ်နှင့် အွန်လိုင်းရှော့ပင်ဆိုဒ်တွေမှာ အများဆုံးအသုံးပြုတဲ့ Online Marketing Channel တစ်ခုလို့ဆိုင်နိုင်ပါတယ်။

အထက်က ကျွန်တော်ရှင်းပြခဲ့တဲ့ အချက်တွေကတော့ သဘောတရားအရ သိထားသင့်တဲ့ အကြောင်းအရာတွေဖြစ်ပြီး Channel တစ်ခုချင်းစီအလုိုိက်
လုပ်ဆောင်မှုက အများကြီးကျယ်ပြန့်ပါသေးတယ် ။ စိတ်ဝင်စားမယ်ဆိုရင်
နောက်မှ တစ်ခုချင်းစီရဲ့ ထိရောက်မှုများအပြင် လုပ်ဆောင်ပုံများကိုပါ ရေးသား တင်ဆက်ပေးသွားဦးမယ် ။ လိုအပ်မှုများရှိပါကလည်း အကြံပြုဆွေးနွေးပေး
ကြပါလို့ မေတ္တာရပ်ခံ နိဂုံးချုပ်လိုက်ရပါတယ် ။

ခွန်နေ - Khun Nay

 

https://www.facebook.com/KhunNayTunMedia/photos/a.526946437419777.10737418