စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







If Sleepy - အိပ်ငိုက်ရင်


===============
“အခုတလော စာကျက်လို့ မရဘူး။ စာကျက်ရင် အိပ်ငိုက်တယ် အိပ်မငိုက်ရအောင် ဘယ်လို ကျက်ရမလည်း ပြောပြပါ။”

ဘုရားရှင် လက်ထက်တုန်းက ဖြစ်ခဲ့တာလေး တစ်ခုပါ။ အဲဒီထဲက နည်းလမ်းကို သင့်တော်သလို ကျင့်သုံးကြည့်ဖို့ ဖြစ်ပါတယ်။ အဲဒီတုန်းက အရှင်မဟာမောဂ္ဂလာန် ကိုယ်တော်ကြီး အိပ်ငိုက်နေတာကို ဘုရားရှင် တွေ့တော်မူလို့ အိပ်ငိုက်တာ ပြေပျောက်စေတဲ့နည်းလမ်း ညွှန်းကြားတော်မူပါသတဲ့။

“မောဂ္ဂလာန် အိပ်ငိုက်နေတာလား။”
“မှန်လှပါ ဘုရား။”

၁။ အာရုံပြောင်းပါ။
“အိပ်ချင်စရာ ကောင်းတာကို အာရုံမစိုက်ပါနဲ့။ တစ်ခြား အာရုံတစ်ခုခုကို ပြောင်ပြီး အာရုံပြုနေလိုက်ပါ။ အိပ်ချင်ပြေသွားပါလိမ့်မယ်။

၂။ စိတ်ထဲမှာ ရွတ်ဆိုပါ။
“ဒါမှ အိပ်ချင်မပြေသေးရင် ရထားတဲ့ တရားကို စိတ်ထဲမှာ ဆင်ခြင်နေလိုက်ပါ။ အိပ်ချင်ပြေသွားပါလိမ့်မယ်။

၃။ အသံထွက် ရွတ်ဆိုပါ။
“ဒါမှ အိပ်ချင်မပြေသေးရင် ရထားတဲ့ တရားကို အထံထွက်ပြီး ရွတ်လိုက်ပါ။ အိပ်ချင်ပြေသွားပါလိမ့်မယ်။

၎။ နားရွက်ကို ဆွဲပါ။
“ဒါမှ အိပ်ချင်မပြေသေးရင် နားရွက်တွေကို လက်နဲ့ ဆွဲပါ။ ပွတ်သပ်ပါ။ အိပ်ချင်ပြေသွားပါလိမ့်မယ်။

၅။ မျက်နှာသစ်ပါ။
“ဒါမှ အိပ်ချင်မပြေသေးရင် ထပြီး မျက်နှာသစ်လိုက်ပါ။ အိပ်ချင်ပြေသွားပါလိမ့်မယ်။

၆။ အလင်းထဲမှာ နေပါ။
“ဒါမှ အိပ်ချင်မပြေသေးရင် လင်းလင်းချင်းချင်း နေပါ။ မီးထွန်းပါ။ နေ့ခင်းကြောင်တောင်လို လင်းနေပါစေ။ အလင်းကို အာရုံစိုက်ပါ။ အိပ်ချင်ပြေသွားပါလိမ့်မယ်။

၇။ လမ်းလျှောက်ပါ။
“ဒါမှ အိပ်ချင်မပြေသေးရင် ထပြီး လမ်းလျှောက်လိုက်ပါ။ အိပ်ချင်ပြေသွားပါလိမ့်မယ်။

“ဒါမှ အိပ်ချင် မပြေသေးရင်တော့ အိပ်သာ အိပ်လိုက်ပါတော့။ အိပ်တယ် ဆိုပေမယ့် ဘယ်အချိန် ဘယ်အချိန်မှာ ထမယ်ဆိုတဲ့ ရည်ရွယ်ချက်နဲ့ သတိ ၀ီရိယထားပြီး အိပ်ပါ။”
ရှင်အာစာရ

If Sleepy (အိပ်ငိုက်ရင်) by Ashin Acara (ရှင်အာစာရ)


ဒီနေရာမှ ကူးယူမျှဝေပါသည်။ 

No comments:

Post a Comment

Related Posts Plugin for WordPress, Blogger...