သူကတော့...တရုတ်နိုင်ငံ၊ Guizhou ခရိုင် Liuchang ရွာကလေးက ၆ နှစ်သားအရွယ်ရှိ "လီလီ" ဆိုတဲ့ ထူးဆန်း မိန်းကလေးငယ် တစ်ယောက်ပဲဖြစ်ပါတယ်...ဒီကလေးငယ်ရဲ့ ဘယ်ဘက်မျက်နှာပြင်တခြမ်းလုံးမှာ အမွေးအမျှင်တွေပါတဲ့ အမဲရောင်အစက်အပြောက်ကြီးတခု ဖုံးလွှမ်းထားပြီး...ခန္ဒာကိုယ်တပြင်လုံးပေါ်မှာ လည်း အရွယ်စုံ အမဲအစက်အပြောက်တွေနဲ့ ပြည့်နေပါတယ်...
လီလီရဲ့ဘ၀မှာ ကံမကောင်းခြင်းတွေနဲ့ ပြည့်နှက်နေပါတယ်... မိခင်ဖြစ်သူဟာ သူမအသက် (၂)နှစ်သားအရွယ်က အိမ်ကနေထွက်သွားပြီး ပြန်မလာတော့ဘူးလို့ ဆိုပါတယ်...အဲဒီနောက် ဖခင်ဖြစ်သူဟာလည်း လီလီ ကို ကလေးထိန်းဌာနကို ပို့လိုက်ပြီးနောက် သူလည်း ပျောက်ချင်းမလှ ပျောက်သွားခဲ့ပါတယ်... ကြင်နာတတ်တဲ့ ဆွေးမျိုးတစ်ဦးကြောင့်သာ သူမနေထိုင်တဲ့ ရွာကို ပြန်ရောက်ခဲ့တာ ဖြစ်တယ်လို့ ဆိုပါတယ်...
အခုဆိုရင် လီလီ ဟာ ကျောင်းစတက်ရတော့မယ့် အရွယ်ကို ရောက်နေပါပြီ... စာသင်ကျောင်းဟာ အိမ်ရှေ့နားလေးတင် ရှိနေပေမဲ့... သူမအနေနဲ့ ကျောင်းတက်ဖို့အတွက် အခက်အခဲ တစ်စုံတရာ ရှိနေပါတယ်...
ခန္ဒာကိုယ်တပြင်လုံးပေါ်မှာ မွေးရာပါ အမည်းအစက်အပျောက်ကြီးတွေ ပါလာတဲ့ လီလီ ဟာ... အဲဒီအတွက် မိဘနှစ်ပါးက စွန့်ပစ်ထွက်ခွာသွားတာကို ခံခဲ့ရပြီးပြီ... ဖခင်ဖြစ်သူ ပို့လိုက်တဲ့ ကလေးထိန်းဌာနမှာ နှစ်ဝက်လောက် နေစဉ်ကာလတုန်းကလည်း... အခြားကလေးတွေ ကြောက်လှန့်တာတွေဖြစ်လို့ ဌာနတာဝန်ခံဖြစ်သူက လီလီ ကို လာပြန်ခေါ်ရန် မိဘဖြစ်သူတွေကို သတင်းစာထဲမှာ ကြော်ငြာပြီး အကြောင်းကြားခဲ့တယ်လို့ ဆိုပါတယ်...
ဒီအမည်းအစက်ကြီးတွေဟာ ယားယံပြီး နာကျင်မှုတော့ မရှိဘူးလို့ လီလီ က ဆိုပါတယ်... အမည်းစက်ကြီးတွေပေါ်မှာ အမွေးအမျှင်တွေလည်း ထွက်နေပါတယ်... သူမရဲ့ ခန္ဒာကိုယ် ၆၀ ရာခိုင်းနှုန်ကျော်မှာ အဲဒီအမည်းအစက်တွေနဲ့ ပြည့်နေပါတယ်...
ကမ္ဘာလောကကြီးအကြောင်း... လူတွေအကြောင်း... ဘာမှမသိသေးတဲ့ လီလီ ကတော့ အမြဲတမ်းပဲ လန်းဆန်းတက်ကြွနေပြီး... ရယ်မောရတာကို နှစ်သက်တယ်လို့ ဆိုပါတယ်... ကစားဖော်တွေကို ရှာဖွေကစားပြီး... အချို့ကလေးငယ်တွေကတော့ လီလီ ကို ကြောက်လှန့်ပြီး ထွက်ပြေးကြတယ်လို့ ဆိုပါတယ်...
လီလီ ရဲ့အိမ်ရှေ့ အကွာအဝေးမီတာ (၁၀၀)လောက်မှာ ကျေးရွာမူလတန်းကျောင်း ရှိပါတယ်...ဒါပေမဲ့ ကျောင်းထဲကို သူတခါမှ မသွားဖူးပါဘူး...ဘာဖြစ်လို့လဲဆိုတော့ သူ့ရဲ့မိသားစုတွေက ဆင်းရဲချို့တဲ့ကြသလို... အခြားကလေးငယ်တွေက သူ့ကိုမြင်ရင် "မျောက်မလေး" လို့ လှောင်ပြောင် ခေါ်ဝေါ်ကြတာကို သေမလောက်ကြောက်ကြတဲ့အတွက်ကြောင့် ဖြစ်တယ်လို့ ဆိုပါတယ်...
ဒီလိုဆိုရင် လီလီ ရဲ့ဘ၀ရှေ့ရေးဟာ မသေချာမရေရာမှုတွေနဲ့...........။
By:ChinaSmack/internet
No comments:
Post a Comment