ဘိက္ခုနီသာသနာ

by Dhammagarden Ashin on Monday, April 30, 2012 at 10:13am ·

      ဘိက္ခုနီသာသနာနှင့် ဘိက္ခုနီမတို့၏ ကျင့်ဝတ်ဝိနည်းများအကြောင်း မေးထားလို့ ရှာဖွေစုဆောင်းပြီး
အကျဉ်းရေးသားတင်ပေးလိုက်ပါတယ်။

မြတ်ဗုဒ္ဓ ဝဇ္ဇီတိုင်း၊ ဝေသာလီပြည် မဟာဝုန်တောအတွင်းရှိ ကုဋာဂါရကျောင်းတိုက်မှာ ပဉ္စမဝါကို ကပ်ဆိုစဉ်
မဟာသက္ကရာဇ် ၁၀၇-ခုနှစ်(ဘီစီ ၅၈၅)မှာ ဘိက္ခုနီသာသနာစတင်ပေါ်ထွန်းခဲ့ပါတယ်။
မိထွေးတော်ဂေါတမီက သာကီဝင်မင်းသမီးများနှင့်အတူ သာသနာ့ဘောင်ဝင်ရောက်ပြီး ရဟန်းပြုရန်
တောင်းပန်သည့်အတွက် ဘုရားရှင် ခွင့်ပြုခဲ့ခြင်းဖြစ်ပါတယ်။

အရှင်အာနန္ဒာမထေရ်ဟာ ဒီဘိက္ခုနီသာသနာဖြစ်ပေါ်လာရဖို့အတွက် အဓိကစွမ်းဆောင်ခဲ့သူပါ။
ဘုရားရှင်ကို အကြိမ်ကြိမ်တောင်းပန်လို့ အမျိုးသမီးများ သာသနာ့ဘောင်ဝင်ရောက်ခွင့်ကို ဘုရားရှင်
ခွင့်ပြုခဲ့ရတာဖြစ်ပါတယ်။

ဒါတောင်မှ မင်းမျိုးမင်းနွယ်ဖြစ်တဲ့ မိထွေးတော်ဂေါတမီကို ဂရုဓမ္မ(၈)ပါးကို လိုက်နာနိုင်မှ သာသနာ့ဘာင်
ဝင်ခွင့်ပေးမယ်။ မလိုက်နာနိုင်ဘူးဆိုရင်တော့ ဝင်ခွင့်မပေးဘူးလို့ မိန့်တော်မူလို့ ဂရုဓမ္မ (၈)ပါးကို
လိုက်နာမည်ဖြစ်ကြောင်း လျှောက်ထားတော့မှ ဘိက္ခုနီဖြစ်ခွင့်ရကြတာပါ။

ဂရုဓမ္မ(၈)ပါး

၁။   ဘိက္ခုနီမသည် သိက္ခာဝါတစ်ရာရစေကာမူ ယနေ့မှ ရဟန်းပြုလာတဲ့ ရဟန်းဘိက္ခုသံဃာကို
      ရှိခိုးခြင်း၊ ခရီးဦးကြိုဆိုခြင်း၊ လက်အုပ်ချီခြင်း၊ ရိုသေခြင်းကို ပြုကျင့်ရမည်။
၂။   ဘိက္ခုနီမသည် ရဟန်းယောက်ျားမရှိသောကျောင်း၌ ဝါမဆိုရ။
၃။   ဘိက္ခုနီမသည် လ-ခွဲတိုင်း (ဆယ်ငါးရက်တစ်ကြိမ်) ဘိက္ခုသံဃာထံမှ ဥပုသ်မေးခြင်း၊ အဆုံးမ
      ခံရန်ချဉ်းကပ်ခြင်းကို လျှောက်ထားရမည်။
၎။   ဝါကျွတ်ပြီးသောအခါ ဘိက္ခုသံဃာ၊ ဘိက္ခုနီသံဃာတို့ရှေ့မှောက်၌ မြင်ခြင်း၊ ကြားခြင်း၊
      ယုံမှား သံသယရှိခြင်းဟူသောအကြောင်းသုံးပါးရှိပါက ပြောကြားနိုင်ပါကြောင်း ဖိတ်ကြားရမည်။
၅။   သံဃာဒိသေသ်အာပတ်သင့်သည်ရှိသော် ဘိက္ခု၊ ဘိက္ခုနီနှစ်ဖက်သံဃာရှေ့မှောက်၌ ပက္ခမာနတ်ကျင့်ရမည်။
၆။   နှစ်နှစ်ပတ်လုံး သိက္ခာပုဒ်ခြောက်ပါးတို့၌ ကျင့်ပြီးသောသိက္ခမာန်အား ဘိက္ခု ဘိက္ခုနီသံဃာတို့
      အထံ၌ ပဉ္စင်းခံခြင်းကို ရှာရမည်။
၇။   ရဟန်းယောက်ျားဘိက္ခုကို မည်သည့်အကြောင်းကြောင့်မျှ မဆဲရေးရ၊ မခြိမ်းခြောက်ရ။
၈။   ရဟန်းယောက်ျားတို့ကို ဆုံးမပြောဆိုခြင်းမပြုရ။

ဒီဂရုဓမ္မ(၈)ပါးကို အလေးမြတ်လိုက်နာနိုင်မှ ဘိက္ခုနီပြုခွင့်ပေးမည်ဟု ကတိတောင်းခံပြီးမှ ဘိက္ခုနီ
သာသနာကို ဘုရားရှင်ခွင့်ပြုခဲ့ခြင်းဖြစ်ပါတယ်။

ဘိက္ခုနီတို့အတွက် ပညတ်သောသိက္ခာပုဒ်(၃၁၁)

ဘိက္ခုနီမတို့အတွက် ဘုရားရှင်က အခါအားလျော်စွာ ပညတ်တဲ့သိက္ခာပုဒ်က (၃၁၁)ပုဒ်ရှိပါတယ်။

၁။    ကျူးလွန်မိလျှင် ရဟန်းဘဝ၌ ဆက်လက်ရပ်တည်နိုင်ခွင့်မရှိ။ လူဝတ်လဲရသည်အထိအပြစ်ကြီး
       လေးသောပါရာဇိကသိက္ခာပုဒ်(၈)ပုဒ်
၂။    ကျူးလွန်မိလျှင် ဘိက္ခု၊ ဘိက္ခုနီ နှစ်ဖက်သောသံဃာရှေ့မှောက်၌ ကျင့်ရသည့် ဒုတိယအပြစ်
       ကြီးဆုံးဖြစ်သော သံဃာဒိသေသ်သိက္ခာပုဒ်(၁၇)ပုဒ်
၃။    လက်ခံယူဆောင်သိမ်းဆည်းထားသည့်ပစ္စည်းကို စွန့်ပစ်ရသည်အထိ
       ဖြစ်သော နိဿဂ္ဂိယပါစိတ်သိက္ခာပုဒ်(၃၀)ပုဒ်
၎။    ပစ္စည်းစွန့်ရမှုမပါ။ ဒေသနာကြားရုံမျှဖြင့် ပြေပျောက်နိုင်သော ပါစိတ်သိက္ခာပုဒ် (၁၆၆)ပုဒ်
၅။    သီးခြားဒေသနာပြောကြားရသော ပါဋိဒေသနီယသိက္ခာပုဒ်(၈)ပါး။
၆။    လိုက်နာကျင့်သုံးထိုက်သော သေခိယသိက္ခာပုဒ်(၇၅)ပါး
၇။    အဓိကရုဏ်းဖြစ်လျှင် ငြိ်မ်းစေနိုင်သောအဓိကရဏသမထ(၇)ပါး

       စုစုပေါင်း ဘိက္ခုနီမများကျင့်ရသည့် သိက္ခာပုဒ် (၃၁၁)ပါးရှိသည်။
       ထို(၃၁၁)တွင် အပြစ်ကြီးဆုံး သိက္ခာပုဒ်ကား (၈)ပုဒ်ရှိသည်။

အပြစ်ကြီးလေးသောသိက္ခာပုဒ်(၈)ပုဒ်မှာ-

၁။    မေထုန်မှီဝဲမှု
၂။    သူတစ်ပါးပစ္စည်းခိုးမှု
၃။    လူသတ်မှု
၎။    ဈာန်မဂ်ဖိုလ်မရဘဲ ရသည်ဟု  လိမ်ညာပြောဆိုမှု
       (ရဟန်းယောက်ျားများမှာ ဤလေးပုဒ်သာရှိသည်)

၅။    ယောက်ျားများ (ပခုံးညှပ်ရိုးအောက် ပုဆစ်ဒူးဝန်းအထက်ပိုင်း၌ )ကိုင်တွယ်သုံးသပ်သည်ကို သာယာမှု။
၆။    ပါရာဇိကအာပတ်ကျနေသည့်ဘိက္ခုနီကို ကာကွယ်ပေးလို၍ အပြစ်ကို မပြောဘဲ ဖုံးလွှမ်းထားမှု
၇။    သံဃာက နှင်ထုတ်ထားသောရဟန်း၏နောက်လိုက်လုပ်မှု
၈။    (က)ယောက်ျားက လက်ဆွဲသည်ကို သာယာမှု
       (ခ) မိမိဝတ်ထားသောသင်္ကန်းကို ကိုင်သည်ကို သာယာမှု
       (ဂ) ယောက်ျား၏အနီး၌ ရပ်မှုကို သာယာမှု
       (ဃ) ယောက်ျားနှင့်နီးနီးကပ်ကပ်နေ၍ စကားပြောမှုကို သာယာမှု
       (င) ယောက်ျားချိန်းဆိုသောနေရာသို့ သွားမှု
       (စ) မိမိထံသို့ ယောက်ျားလာသည်ကို သာယာမှု
       (ဆ) ကိုယ်လက်နှီးနှောလိုသဖြင့် အမိုးအကာ ဖုံးကွယ်ရာသို့ ဝင်နေမှု
       (ဇ) ကိုယ်လက်နှီးနှောလိုသဖြင့် မိမိကိုယ်ကို ယောက်ျားအနီးသို့ တိုးပေးမှု

မှတ်ချက်။ (က)မှ (ဇ)အထိကို တစ်ပေါင်းတည်းဖြစ်စေ၊ တစ်ခုခြင်းဖြစ်စေ၊ ရှစ်ခုလုံးပြည့်အောင်ဖြစ်စေ
             ကျူးလွန်လျှင်ပါရာဇိကအာပတ်သင့်၏။ တစ်မျိုးမျိုးကိုသာ ကျူးလွန်လျှင် ထုလ္လစ္စဉ်းအာပတ်သင့်၏။

ဘိက္ခုနီအတွက် သင်္ကန်း(၁၀)ထည်

၁။       သင်းပိုင်(ခါးဝတ်သင်္ကန်း)
၂။       ဧကသီ(ကိုယ်ရုံသင်္ကန်း)
၃။       ဒုကုဋ်(နှစ်ထပ်သင်္ကန်းကြီး)
၎။       ရေသနုတ်(ရေချိုးသင်းပိုင်)
၅။       ရင်လွှမ်းတဘတ်(ရင်စီးသင်္ကန်း)
၆။       ဥတုနှီးသင်္ကန်း(ရာသီလာသည့်အခါ သုံးသည့်သင်္ကန်း)
၇။       အိပ်ရာခင်း
၈။       မျက်နှာသုတ်ပုဝါ
၉။       ပရိက္ခာရစောဠ(ပိတ်တိုဖျင်စ၊ သုံးဆောင်စရာအဝတ်စ)
၁၀။     အမာလွှမ်းသင်္ကန်း
         (အနာရောဂါဖြစ်သည့်အခါ ပြည်သွေးချွေးတို့ ပေသဖြင့်သုံးသည့်သင်္ကန်း)

ယနေ့ခေတ် သီလရှင်တို့၏ အသုံးအဆောင်များ

၁။       ဂိုက်တို(ချွေးခံ) (တစ်တောင်နှင့်တစ်မိုက်)
၂။       အင်္ကျီ (နှစ်တောင့်ထွာ)
၃။       ကိုက်ရှည် (နှစ်တောင်သုံးမိုက်)
၎။       ကိုယ်ရုံ(ငါးတောင်ထွာ)
၅။       ခါးဝတ်(ထဘီ)(ငါးတောင်)
၆။       ပခုံတင်ပင်နီ(ခြောက်တောင်)

ဘိက္ခုနီသာသနာကွယ်ပျောက်ရခြင်းအကြောင်းများ

၁။       ရဟန်းယောက်ျားတို့၏ အားပေးချီးမြှောက်မှု နည်းပါးခြင်း
၂။       ရဟန်းယောက်ျားတို့သည် မိန်းမသားတို့၏ သာသနာ့ဘောင်ဝင်ရောက်မှုကို
          မလိုလားခြင်း။
၃။       သင်္ဂါယနာတင်ပွဲကြီးများတွင် ဘိက္ခုနီများ ပါဝင်ခွင့်မရခြင်း။
၎။       လူဒါယကာတို့၏ အားပေးချီးမြှောက်မှုနည်းခြင်း
၅။       သိက္ခာပုဒ်များ တင်းတင်းကျပ်ကျပ် ပညတ်ထားခြင်း
၆။       ခေတ်ဆိုးခေတ်ပျက်တို့နှင့်အကြိမ်ကြိမ်တွေ့ကြုံခဲ့ရခြင်း။
၇။       သဒ္ဓါ၊ ပညာ နည်းပါးလာခြင်း။
၈။       ပရိဗိုဇ်ရဟန်းမအသွင်ဖြင့် အစားထိုးလိုက်ခြင်းတို့ကြောင့် ဘိက္ခုနီသာသနာ
          ကွယ်ပျောက် ခဲ့ခြင်းဖြစ်တယ်လို့ သုံးသပ်ရပါတယ်။

သာသနာနှစ်(၄၅၀)(ဘီစီ-၉၄) ၀ဋ္ဋဂါမဏိမင်းကြီးလက်ထက် စတုတ္ထသင်္ဂါယနာတင်ပြီးနောက်
သာသနာနှစ်(၁၀၀၀)ကျော် (အေဒီ(၄၅၆)ခန့်တွင် ဘိက္ခုနီသာသနာကွယ်ခဲ့တယ်လို့ခန့်မှန်းရပါတယ်။

သာသနာနှစ်တစ်ထောင်ခန့်တွင် အမျိုးသမီးများဟာ ကျပ်တည်းလှသော ဘိက္ခုနီအဖြစ်မှ
အဝတ်ဖြူကို ဝတ်သော ပရိဗိုဇ်ရဟန်းမအသွင်သို့ ပြောင်းလဲပြီး သာသနာ့အရိပ်ကို ခိုလုံခဲ့ကြတယ်။
ဒါပေမယ့် ဘိက္ခုနီတို့လို့ စနစ်တကျ သိမ်ဝင်၍ ရဟန်းဖြစ်ခဲ့ကြသူများမဟုတ်တော့ဘူး။
(ဂ)ပါးသီလကို အမြဲနိစ္စ စောင့်ထိန်းကြတဲ့ သူတော်စင်များသာဖြစ်တော့တယ်။

ရှေးခေတ် သီလရှင်များ၏အဝတ်အရောင်နှင့်ပတ်သက်လို့ လေ့လာကြည့်တော့-
မင်းတုန်းမင်းခေတ် သီလရှင်တို့၏ အဝတ်အစားအရောင်နှင့်ပတ်သက်ပြီး
ဗန်းမော်ဆရာတော်၏စာချိုးတစ်ခုကို တွေ့ရပါတယ်။

• မကျွမ်းတဲ့မကျင်
• ဇရပ်ပေါ် ကြက်ဖြူမ(မယ်သီလ)ကို
• ခွန်းစလိုက်ချင်။

• အသွေးငယ်ယဉ်
• အသွင်က ပျော့ပျောင်း
• သူဝတ်လေ ဖြူဆွတ်ကယ်လျော်တေပ
• တောင်ခြေမှာ ကျင့်တရားငယ်နှင့်
• ဖွားသီလကျောင်း။

ဒီစာချိုးလေးအတိုင်းဆိုရင်တော့ မင်းတုန်းမင်းလက်ထက် သီလရှင်တို့ရဲ့ အဝတ်အရောင်မှာ အဖြူရောင်
ဖြစ်တယ်လို့ သီလရှင်ရဲ့ ဖြူဆွတ်တဲ့အသွင်ကို ကြက်ဖြူမလို့ ဆိုထားပြီး ပိုပြီးထင်ရှာစေဖို့ သူဝတ်လေ
ဖြူဆွတ်ကယ် လျော်တေပ-လို့ ဆက်လက်စပ်ဆိုထားတဲ့အတွက် အဝတ်အရောင်ဟာ အဖြူရောင်လို့
တစ်ထစ်ချ မှတ်သားနိုင်ပါတယ်။

သံချိုဆရာကြီး ဦးကျော်လှရေးတဲ့ ဦးသူတော်အမည်ရှိ ကဗျာမှာလည်း အဝတ်မှာ အဖြူရောင်
ဖြစ်တယ်ဆိုတာကို သိရပြန်တယ်။

• ကျပ်တစ်လုံးငယ်နှင့်
• ရပ်သုံးဆယ် နဂရံက
• အတန်တန် ဆန်ခံလို့ရတော့
• သီလရင် ဖြူဖြူလတ်ကဲ့သို့
• ဇရပ်မှာ အကြံပြုပါလို့
• အဝတ်ဖြူ ဇွတ်ယူလို့ လုသည့်နှယ်
• အရွယ်တူ မယ်သူမညူရစ်ပါနှင့်
• ဖိုးသူကဗြဲ။

ဒီသံချိုကဗျာမှာ သီလရင် ဖြူဖြူလတ်ဆိုတဲ့စကားနဲ့ အဝတ်ဖြူ ဇွတ်ယူလို့ လုသည့်နှယ်
စာသားများက သီလရှင်တို့ရဲ့ အဝတ်ဟာ အဖြူရောင်ဖြစ်တယ်ဆိုတာကို ပေါ်လွင်ထင်ရှား
စေပြန်ပါတယ်။ ဒါ့ကြောင့် ရှေးခေတ်သီလရှင်တို့ရဲ့ အဝတ်အရောင်ဟာ အဖြူရောင်ဖြစ်တယ်
ဆိုတာကို သိသာထင်ရှားစေပါတယ်။

တိုက်တွန်းချက်

အကျယ်သိလိုပါက အရှင်ပညာဝံသ(မဟာဓမ္မာစရိယM.A) ရေးသားသည့် မိထွေးတော်ဂေါတမီနှင့်
ဘိက္ခုနီသာသနာစာအုပ်ကို ဝယ်၍ဖတ်ရှုနိုင်ပါတယ်။ ရွှေတိဂုံစောင်းတန်းတွင် ရရှိနိုင်ပါတယ်။
သိက္ခာပုဒ်အကျယ်များကို သိလိုပါက ဝိနည်းငယ်လေးစောင်တွင် ပါသဖြင့် လေ့လာသင်ယူနိုင်ပါတယ်။

ဘိက္ခုနီသာသနာအကြောင်းကို မေးမြန်းထားသည့်အတွက် အကျဉ်းရေးပြီး အများသိရှိနိုင်အောင်
ရေးသားတင်ပြလိုက်ပါတယ်။ အားလုံး ကျန်းမာချမ်းသာစွာဖြင့် ဘာသာသာသနာကို စောင့်ရှောက်
နိုင်ကြပါစေ။

Dhamma Garden Ashin