အကျဉ်းထောင်တွေထဲမှာ အကျဉ်းကျခံနေတဲ့ သေဒဏ်ကျ အကျဉ်းသားတွေ၊ နှစ် ၃၀ အထက် အကျဉ်းသားတွေ၊ နှစ် ၂၀ ကျ အကျဉ်း သားတွေနဲ့ နှစ် ၂၀ အောက် အကျဉ်းသားတွေကို လျှော့ပေါ့ပြစ်ဒဏ်တွေအဖြစ် ပြောင်းလဲပြီး အမိန့်ကြေညာချက် ထုတ်ပြန်ပါတယ်။
မြန်မာအစိုးရ ဒီကနေ့ ထုတ်ပြန်တဲ့ အမိန့်ကြေငြာချက်ဟာ ရှင်းလင်းမှု မရှိပါဘူး။ သေဒဏ်ကျပြစ်ဒဏ်တွေကို ထောင်ဒဏ် တသက်တကျွန်းနဲ့ နှစ် ၃၀ အထက် ထောင်ဒဏ်တွေကို နှစ် ၃၀ ကို လျှော့ချမှာဖြစ်ပြီး နှစ်၂၀ နဲ့ ၃၀ကြားကို နှစ် ၂၀ လျှော့လိုက်ပါမယ်။ ဒါ့အပြင် နှစ် ၂၀ အောက် ထောင်ဒဏ်တွေကို ၄ ပုံ ၁ ပုံဖြစ်တဲ့ ၅ နှစ်အထိပဲ လျှော့ပေါ့ကာ ပြန်လွှတ်ပေးမယ်လို့ ဆိုပါတယ်။
ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ အေအေပီပီက ကိုအောင်မျိုးသိန်းက အခုလို သမ္မတ ဦးသိန်းစိန်ရဲ့ လျှော့ပေါ့ တဲ့အတွက် ယုံကြည်ချက်ကြောင့် အကျဉ်းကျခံနေတဲ့ နိုင်ငံရေးအကျဉ်းသား ၂၀၀ လောက် ပြန်လွတ်လာပြီး ၁၀၀၀ ကျော် ရှိနေဦးမယ်လို့ ပြောပါတယ်။
“ကျနော်တို့ အေအေပီပီစာရင်းအရဆိုရင် နှစ် ၂၀ အောက်က ၂၀၀ ကျော်လောက် လွတ်လာနိုင်ပါတယ်။ အကျဉ်းထောင်ထဲမှာတော့ အကျဉ်းသား ၁၀၀၀ ကျော် ဆက်လက် ကျန်ရှိနေဦးမှာပါ။ အဲဒီထဲမှာ အဓိက ခေါင်းဆောင်တွေ ဖြစ်တဲ့ ကိုမင်းကိုနိုင်တို့လို ၈၈ မျိုးဆက်တွေ၊ ဦးခွန်ထွန်းဦး တို့လို တိုင်းရင်းသား ခေါင်းဆောင်တွေ ဆက်ပြီး ကျန်ရှိနေဦးမှာ ဖြစ်ပါတယ်။”
နိုင်ငံရေးအမှုတွေကို လိုက်ပါ ဆောင်ရွက်ပေးနေတဲ့ ဥပဒေအကျိူးတော်ဆောင် ဦးကျော်ဟိုးက “ပြောချင်တာတော့ ယုံကြည်ချက်ကြောင့် အကျဉ်းကျနေတာတွေကို လွှတ်ပေးဖို့ပဲ ပြောချင်တာပေါ့။ ဒီရာဇ၀တ်သားတွေ လွတ်တာမလွတ်တာက တပိုင်းပေါ့။ နောက် ဒါတွေက လွတ်ငြိမ်းချမ်းသာခွင့် အစစ်မှ မဟုတ်တာ။ ကန့်သတ်ထားတာဆိုတော့။ လျှော့ပေးတာတော့ ကောင်းတာပေါ့။ ဒါပေမယ့် ကျနော်တို့ လိုချင်တာက ယုံကြည်ချက်ကြောင့် အကျဉ်းကျနေသူတွေကို အားလုံး လွှတ်ပေးဖို့ ဒါကတော့ လိုချင်တာပေါ့။ လျှော့တယ်ဆိုတာလည်း ကောင်းတဲ့ကိစ္စပဲ။”
အကျဉ်းသားများအား ‘လွတ်ငြိမ်းချမ်းသာခွင့်ပြုခြင်း’ ထပ်မံကြေညာ
၆၄ နှစ်မြောက် လွတ်လပ်ရေး နေ့အား ဂုဏ်ပြုသော အားဖြင့် အကျဉ်းသား များအား ‘လွတ်ငြိမ်းချမ်း သာခွင့်’ ပြုကြောင်း သမ္မတ ဦးသိန်းစိန်က အမိန့် အမှတ် ၁/၂၀၁၂ ဖြင့် တနင်္လာနေ့ ညနေက ထုတ်ပြန် လိုက်သည်။
အဆိုပါအမိန့်ကို ၂.၁.၂၀၁၂ ရက်နေ့ ညနေ ၄ နာရီ ၁၅ မိနစ်က နိုင်ငံပိုင် ရုပ်မြင်သံကြားဌာနဖြစ်သော MRTV-4 မှ ထုတ်လွှင့် သွားခြင်း ဖြစ်သည်။
ဤ လွတ်ငြိမ်းချမ်း သာခွင့်တွင် သေဒဏ် ကျခံနေရသော အကျဉ်းသား များအား တသက် တကျွန်း အဖြစ် လည်းကောင်း၊ အနှစ် ၃၀ နှင့်အထက် အကျဉ်းကျခံနေရသူများကို နှစ် ၃၀ သို့ လည်းကောင်း၊ နှစ် ၂၀ နှင့်အထက် နှစ် ၃၀ အထိ အကျဉ်းကျခံနေရသူများကို နှစ် ၂၀ သို့ လည်းကောင်း၊ နှစ် ၂၀ အောက် အကျဉ်းကျခံနေသူများကို ပြစ်ဒဏ်၏ လေးပုံတပုံသို့ လည်းကောင်း ပြစ်ဒဏ် လျှော့ချ လိုက် ကြောင်း ပါရှိသည်။
၂၀၁၂ ခုနှစ် ဇန်န၀ါရီ ၂ ရက် မတိုင်မီ ပြစ်မှုကျူးလွန်ခဲ့သူအားလုံး အကျုံးဝင်သည်ဟုလည်း ပါရှိသည်။
ယင်းလျှော့ပေါ့ပေးမှုကြောင့် လွတ်မြောက်ခွင့်ရလာသူများကို အင်္ဂါနေ့တွင် စတင်လွှတ်ပေးမည်ဖြစ်ကြောင်း သိရသည်။
ဤအစိုးရသစ်လက်ထက်တွင် မေလ ၁၆ ရက်နေ့နှင့် အောက်တိုဘာ ၁၂ ရက်နေ့ တို့တွင်လည်း အလားတူ ပြစ်ဒဏ် လျှော့ ပေါ့ ‘လွတ်ငြိမ်း ချမ်းသာခွင့်’ ပေးခဲ့ဖူးသည်။
http://abbsoluteright.blogspot.com/
No comments:
Post a Comment