စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







တက်တူးရဲ့ရိုးရာ၊ တက်တူးရဲ့သမိုင်း

တက်တူးရဲ့ရိုးရာ၊ တက်တူးရဲ့သမိုင်း

သြဂုတ်လထုတ် Look မဂ္ဂဇင်း "တက်တူးအထူးဆောင်းပါး"အတွက် ရေးပို့ခဲ့တဲ့ တက်တူးပို့စ်ထဲက တစ်ပုဒ်ပါ။ ဘလော့မှာ ပြန်မျှဝေပါတယ်..

×××××××××××××

“ဆေးမင်ကြောင်”ကို အင်္ဂလိပ်အခေါ်အဝေါ်နဲ့ “တက်တူး”လို့လည်း လူအများကခေါ်ကြတယ်။ တက်တူးဆိုတာ အရောင်ပါတဲ့အပ်နဲ့ အရေပြားထဲထိုးထည့်ပြီး အရေပြားပေါ်မှာ ရုပ်ပုံ သို့မဟုတ် စာလုံးတွေကို ရေးထွင်းတာဖြစ်တယ်။ အရေပြားကို ထိုးထွင်းပြီးရေးတာကြောင့် ခန္ဓာကိုယ်ပေါ်မှာ ဘယ်တော့မှ မပျောက်ပျက်နိုင်တဲ့ ရုပ်ပုံတွေကျန်ရစ်ခဲ့ပါတယ်။ ကမ္ဘာ့အရပ်ဒေသ တော်တော်များများကလူတွေ တက်တူးထိုးကြတယ်။ အသားရောင်ရင့်တဲ့လူမျိုးတွေက တက်တူးအထိုးနည်းကြတယ်။ တချို့လူမျိုးစုအများက တက်တူးထိုးတာဟာ ရောဂါဘယတွေကို ကာကွယ်တယ်လို့ ယုံကြည်ကြတယ်။ တချို့လူမျိုးစုက တက်တူးရုပ်ပုံတွေနဲ့ ရာထူး၊ အဆင့်အတန်း၊ အဖွဲ့အစည်းကို ဖော်ပြကြတယ်။ ဒါပေမဲ့ များသောအားဖြင့် တက်တူးကို လူတွေက အလှအပ၊ အနုပညာတစ်ရပ်အဖြစ် ထိုးကြပါတယ်။

Justify Full
ဓလေ့ရိုးရာ

တက်တူးက လူတစ်ယောက်ရဲ့ ပင်ကိုစရိုက်နဲ့ ယုံကြည်ကိုးကွယ်မှုကို ကိုယ်စားပြုတယ်။ ကမ္ဘာ့အရပ်ရပ်က ရှေးလူမျိုးနွယ်စုတွေမှာ တက်တူးထိုးတဲ့ ဓလေ့ထုံးတမ်းတွေ ရှိခဲ့တယ်။ တိရစ္ဆာန်ပုံ၊ ပန်းပုံ၊ ရိုးရာရုပ်ပုံတွေအပြင် ဘာသာရေးနဲ့ ဆက်နွယ်တဲ့ ကျမ်းစာ၊ နတ်စာတွေကိုလည်း ရေးထိုးတတ်ကြတယ်။

(၂ဝ)ရာစု (၆ဝ)ခုနှစ်ပိုင်းက အမေရိကန် မော်တော်ဆိုင်ကယ်မျိုးစု (Motorcycle race)တွေက တက်တူးနဲ့ပိုနီးစပ်တဲ့ အုပ်စုတွေဖြစ်တယ်။ မော်တော်ဆိုင်ကယ်သမားတွေရဲ့ တက်တူးနဲ့ ရုပ်ပုံအဓိပ္ပာယ်တွေက ဓလေ့ထုံးထမ်းတက်တူးတွေနဲ့ ကွဲပြားတယ်။ ဆိုင်ကယ်သမားရဲ့ တက်တူးတွေက များသောအားဖြင့် ဆေးရောင်အမည်းတွေဖြစ်တယ်။ ထိုးကြောင်းက တစ်ကြောင်းထဲဖြစ်ပြီး အနုစိပ်တယ်။ နိုင်ငံကိုချစ်တဲ့၊ စစ်တပ်နဲ့ကင်းရှင်းတဲ့၊ အများနဲ့ဆန့်ကျင်တဲ့ အဓိပ္ပာယ်ကိုဖော်ဆောင်တယ်။

ဂျပန်လူမျိုးတို့ရဲ့ ရိုးရာတက်တူး

ဂျပန်လူမျိုးတို့ရဲ့ ရိုးရာတက်တူးက အေဒီ ၃ဝဝအစောပိုင်းက စခဲ့တာဖြစ်တယ်။ အဲဒီတုန်းက ဂျပန်လူမျိုးတွေဟာ တက်တူးကို မျက်နှာပေါ်မှာပဲ အထိုးများခဲ့ကြတယ်။ ရာဇဝင်ပုံပြင်ထဲက သူရဲကောင်းနဲ့ စစ်သူကြီးတို့ရဲ့ ကိုယ်ပေါ်မှာ ငါးကြင်းပုံ၊ နဂါးနဲ့ ကျားပုံတွေကို တွေ့ရတတ်တယ်။ ဒီရုပ်ပုံတွေရဲ့ဘေးမှာ ရေလှိုင်းပုံ၊ ချယ်ရီပန်း၊ ဂန္ဓာမာပန်းပုံတွေလည်း ထည့်ထိုးထားတတ်ကြပါတယ်။

Chicano လူမျိုးစုတို့ရဲ့ ရိုးရာတက်တူး


Chicano ဆိုတာ အမေရိကန်ဖွား စပိုင်ဘာသာစကားပြောတဲ့ မက်ဆီကန်လူမျိုးစုဖြစ်တယ်။ သူတို့ကိုယ်ပေါ်က တက်တူးရဲ့ အဓိပ္ပာယ်က စည်းလုံးခြင်း၊ မိသားစု၊ မိန်းမနဲ့ ဘုရားသခင်အပေါ် သစ္စာရှိခြင်း၊ ယုံကြည်ကိုးကွယ်ခြင်းကို ကိုယ်စားပြုတယ်။


အနောက်တိုင်း တက်တူးသမိုင်း

ဘီစီနှစ်ထောင်ကျော်မှာ မြှုပ်နှံ့ခဲ့တဲ့ အီဂျစ်မံမီတွေရဲ့ ကိုယ်ပေါ်မှာ တက်တူးထိုးထားတာကို ရှာဖွေတွေ့ရှိခဲ့ဖူးတယ်။ ဂရိလူမျိုး၊ Thracians လူမျိုးစု၊ ရှေး Germans လူမျိုးစုတွေမှာလည်း တက်တူးအကြောင်းနဲ့ပတ်သက်တဲ့ မှတ်တမ်းတွေ ရှိခဲ့တယ်။ ရှေးရောမက တရားခံနဲ့ အစေအပါးတွေရဲ့ကိုယ်ပေါ်မှာ တက်တူးထိုးခဲ့ကြတယ်။ ခရစ်ယာန်ဘာသာတွေ တိုးတက်များပြားလာခဲ့တာနဲ့အမျှ ဥရောပဒေသတွေမှာ တက်တူးထိုးတာကို တားမြစ်ခဲ့ကြတယ်။ ဒါပေမဲ့ အရှေ့အလယ်ပိုင်းနဲ့ တချို့ဒေသတွေမှာ တက်တူးရိုးရာကို ထိန်းသိမ်းထားဆဲဖြစ်တယ်။ အမေရိကားတိုက်က အင်းဒီးယားနားလူမျိုးနဲ့ Polynesianလူမျိုးစုတွေမှာလည်း တက်တူးထိုးတဲ့ဓလေ့ရှိကြောင်း ဥရောပလူမျိုးတွေ ရှာဖွေတွေ့ရှိခဲ့တယ်။ Polynesian နဲ့ ဂျပန်လူမျိုးတွေရဲ့ သက်ရောက်မှုကြောင့် ဥရောပ သဘောင်္သားတချို့တက်တူးတွေ ထိုးခဲ့ကြပြီး ကမ္ဘာ့အရပ်ရပ်က ဆိပ်ကမ်းတချို့မှာလည်း တက်တူးထိုးတဲ့ဆိုင်တွေ အများအပြား ပေါ်ထွက်ခဲ့တယ်။

ကမ္ဘာ့ပထမဦးဆုံး လျှပ်စစ်တက်တူးထိုးစက်ကို ၁၈၉၁ခုနှစ်မှာ အမေရိကန်က မှတ်ပုံတင်မူပိုင်ခွင့်ရခဲ့တယ်။ အမေရိကန်ဟာ တက်တူးရုပ်ပုံအသစ်တွေကို ထုတ်လုပ်တဲ့နိုင်ငံဖြစ်ခဲ့တယ်။ အထူးသဖြင့် အမေရိကန်လုပ် တက်တူးရုပ်ပုံစက္ကူတွေ နေရာအနှံ့ ပြန့်နှံ့ခဲ့ပြီးနောက် ရွက်လွှင့်တဲ့ဘဝ၊ နိုင်ငံချစ်တဲ့ အတွေးအခေါ်၊ ရိုမန်တစ်ဆန်တဲ့ ခံစားမှုနဲ့ ဘာသာတရားအပေါ် ရိုသေကိုင်းရှိုင်းတဲ့ရုပ်ပုံတွေရဲ့ အဓိကဆိုလိုရင်းကို ကမ္ဘာ့အရပ်ရပ်မှာ စံညွန်းတစ်ခုအဖြစ် သတ်မှတ်ခဲ့ကြတယ်။ ၂ဝရာစုအစပိုင်းမှာ လူမျိုးနွယ်စုနဲ့ ပတ်သက်တဲ့ တက်တူးရုပ်ပုံတွေ တဖြေးဖြေး ပျောက်ကွယ်ခဲ့တယ်။


၁၉ရာစုမှာ အမေရိကန်က တရားခံတွေကို မလွတ်ပေးခင် ကိုယ်ပေါ်မှာ တက်တူးထိုးပေးကြတယ်။ အင်္ဂလန်က စစ်ပြေးတွေရဲ့ကိုယ်ပေါ်မှာ တက်တူးထိုးပေးတယ်။ ၁၉ ရာစုနှောင်းပိုင်းမှာ အင်္ဂလန်က အထက်တန်းစား လူမျိုးစုတွေမှာ တက်တူးထိုးတာ ခေတ်စားခဲ့တယ်။

အာဖရိက နိုင်ဂျီးလီးယားလူမျိုးတွေက မျက်နှာပေါ်မှာ လူမျိုးနွယ်နဲ့သက်ဆိုင်တဲ့ အမှတ်အသားကို တက်တူးထိုးတတ်ကြတယ်။ နှဖူးပေါ်မှာ ဓားရှည်သဏ္ဍာန်တွေ ထိုးထားကြတဲ့အပြင် တချို့က ကန့်လန့်ဖြတ် ဓားရာတွေ ထွင်းထားတတ်ကြတယ်။ တချို့က မျက်နှာပေါ်မှာ ကင်းမြီးကောက်ပုံ ထိုးထားကြပြီး တချို့ကကြက်ဖပုံတွေ ထိုးထားတတ်ကြတယ်။


ပထမကမ္ဘာစစ်ပြီးနောက်ပိုင်းမှာ တက်တူးကို မိန်းကလေးအများထိုးခဲ့ကြတာ တွေ့ရတယ်။ စစ်အတွင်း သေဆုံးသွားကြတဲ့ ချစ်သူရည်းစားတွေကို အထိမ်းအမှတ်အနေနဲ့ ငှက်ပုံ၊ လိပ်ပြာပုံ၊ နှင်းဆီပန်းပုံ ဒါမှမဟုတ် ကိုယ့်ချစ်သူနာမည်ကို ထိုးခဲ့ကြတာဖြစ်တယ်။ အမေရိကန်နိုင်ငံထဲ ဘယ်လိုပုံစံနဲ့ တက်တူး ဝင်ရောက်ခဲ့သလဲဆိုတာကို လူတွေ မသိခဲ့ကြပေမယ့် တက်တူးရဲ့ သမိုင်းက နှစ်ပေါင်း၂ထောင်ကျာ်ရှိခဲ့ပြီလို့ သိရပါတယ်။


တက်တူးနဲ့ ကျန်းမာရေး

တချို့အသားအရေက တက်တူးထိုးဖို့ မသင့်ပါဘူး။ ဒါကြောင့် တက်တူးမထိုးခင် ကိုယ့်ရဲ့အသားအရေဟာ အလွယ်တကူ ယောင်ယမ်းတတ်သလားဆိုတာကို သတိပြုရပါတယ်။ အလွယ်တကူ ယောင်ယမ်းတတ်တဲ့ အသားအရေဟာ အနာကျက်လေ အပ်ရာတွေ ဖောင်းထလာလေဖြစ်တတ်တာမို့ နဂိုတက်တူးရဲ့ရုပ်ပုံနဲ့ သဏ္ဍာန်ကို ပျက်ပြားစေပါတယ်။ အဲဒီအပြင် ဆီးချိုရောဂါရှိသူ၊ Thyroid ရောဂါရှိသူတွေမှာ အနာအလွယ်တကူ မကျက်တတ်တဲ့အတွက်ကြောင့် တက်တူးထိုးဖို့ မသင့်တော်ပါဘူး။


နှလုံးရောဂါရှိသူ၊ အရေပြားရောဂါရှိသူ၊ ဝက်ရူးပြန်ရောဂါရှိသူတွေလည်း တက်တူးကို မထိုးသင့်ပါဘူး။ မိန်းကလေး ဓမ္မတာလာချိန်မှာလည်း တက်တူးထိုးဖို့ မသင့်ပါဘူး။ တက်တူးနဲ့ အနာဒဏ်ရာတွေကို ဖုံးကွယ်ချင်တယ်ဆိုရင် နဂိုဒဏ်ရာကျက်မှ တက်တူးထိုးသင့်ပါတယ်။

တက်တူးထိုးတဲ့အခါမှာလည်း သန့်ရှင်းရေးကို ဦးစားပေးရပါတယ်။ တစ်ခါသုံး ဆေးထိုးအပ်၊ လက်အိတ်တွေကို အသုံးပြုသင့်ပါတယ်။ ဆေးထိုးစက်တွေကို အမြင့်ဆုံးအပူချိန်တွေနဲ့ ပိုးသတ်ထားသင့်ပါတယ်။

တက်တူးထိုးပြီး သတိပြုရမည့်အချက်


တက်တူးထိုးပြီး ၅နာရီက ၇နာရီအကြာမှ ကိုယ်ပေါ်က အဝတ်စ ဒါမှမဟုတ် ဖုံးအုပ်ထားတဲ့အရာကို ဖယ်ရှားသင့်ပါတယ်။ တက်တူးထိုးပြီး ၁ရက် ၂ရက်ကြာတဲ့အထိ ဒဏ်ရာက သွေးထွက်၊ နီရဲနေတတ်ပါတယ်။ ဒဏ်ရာကို ဆေးတွေလျှောက်မလိမ်းမိဖို့၊ လက်နဲ့တိုက်ရိုက်မထိတွေ့ဖို့ သတိပြုရပါတယ်။ တက်တူးအတွက် သီးသန့်ထုတ်လုပ်ထားတဲ့ဆေးကိုပဲ လိမ်းသင့်ပါတယ်။

တက်တူးထိုးပြီးနောက် ထိုးထားတဲ့နေရာကို ရေနွေးနဲ့ ဆေးကြောရပါတယ်။ ထိုးထားတဲ့နေရာ အမြဲခြောက်သွေ့နေဖို့ လိုအပ်ပါတယ်။ ဒီလိုမှမဟုတ်ရင် ကူးစက်ရောဂါတွေ အလွယ်တကူ ဝင်ရောက်ပြီး အရေပြားကို ထိခိုက်စေနိုင်ပါတယ်။

တက်တူးထိုးထားတဲ့နေရာကို အရက်ပျံ ဒါမှဟုတ် ဆေးရည်နီတွေနဲ့ မလိမ်းသင့်ပါဘူး။ အရက်ပျံက အနာကို ပိုနာကျင်စေနိုင်သလို ဆေးရည်နီက တက်တူးရဲ့နဂိုအရောင်ကို ပျက်စီးစေပါတယ်။

တက်တူးထိုးပြီး ရက်အနည်းငယ်အကြာမှာ ထိုးထားတဲ့နေရာ ယားယံခဲ့ရင်၊ အရေခွံတွေကွာခဲ့ရင် အရမ်းမကုတ်ခြစ်မိဖို့ သတိပြုရပါတယ်။ အဝတ်အစားဖုံးကွယ်တဲ့နေရာမှာ တက်တူးထိုးခဲ့ရင် ချောင်ချိတဲ့ အဝတ်အစားတွေကိုပဲ ရွေးဝတ်သင့်ပါတယ်။


တက်တူးထိုးထိုးပြီးချင်း အများရေကူးကန်မှာ ရေမကူးသင့်ပါဘူး။ အနာမကျက်ခင် အစပ်တွေ မစားသင့်ပါဘူး။


ကမ္ဘာ့စံချိန်ချိုးခဲ့တဲ့ တက်တူးအမျိုးသမီး

အမေရိကန် ကယ်ရီဖိုးနီးယားက Julia Gnuse ဆိုတဲ့ အမျိုးသမီးဟာ ၂ဝ၁ဝခုနှစ် မေလ ၂၆ရက်နေ့မှာ ကမ္ဘာ့တက်တူးအများဆုံးထိုးခဲ့သူအဖြစ် ဂရင်းနစ်စံချိန်ကို ချိုးသွားခဲ့ပါတယ်။ အကြောင်းက သူ့ရဲ့ခန္ဓာကိုယ် ၉၅%ဟာ ထိုးထားတဲ့တက်တူးတွေနဲ့ ပြည့်နှက်နေခဲ့လို့ဖြစ်တယ်။

မှတ်တမ်းအရ Julia မှာ porphyriaဆိုတဲ့ အရေပြားရောဂါတစ်မျိုးဖြစ်ခဲ့တယ်။ အဲဒီရောဂါကြောင့် သူရဲ့ခြေထောက်တွေ နေရောင်ပြလို့ မရခဲ့ဘူး။ နေရောင်နဲ့ထိရင် အသားအရေတွေ စပ်တာကြောင့် Julia ဟာ နေရောင်ကာကွယ်ဖို့ ပေါင်တန်နှစ်ဖက်မှာ တက်တူးကို စထိုးခဲ့ပါတယ်။ ဒါပေမဲ့ ကံမကောင်းစွာနဲ့ အဲဒီရောဂါဟာ တဖြေးဖြေး Julia ရဲ့လက်ပေါ်၊ ဗိုက်ပေါ်အထိ ပြန့်နှံ့ခဲ့တယ်။ အဲဒီကစ တက်တူးတွေကို တစ်ကိုယ်လုံး သူထိုးခဲ့မိတယ်။ အခုတော့ သူ့ခန္ဓာကိုယ် ၉၅ % ဟာ တက်တူးတွေနဲ့ ဖုံးလွှမ်းထားပါတယ်။ သူ့ကိုယ်ပေါ်က ရုပ်ပုံတွေနဲ့ တက်တူးရဲ့အနုပညာရသကို ဖော်ဆောင်ထားပါတယ်။


အရင်ခေတ်တုန်းက တက်တူးထိုးတဲ့လူတွေဟာ လူအများရဲ့ ပစ်ပယ်တာခံခဲ့ရသလို၊ အဓိပ္ပာယ်တလွဲကောက်ယူတာတွေ ရှိခဲ့ပါတယ်။ တက်တူးထိုးထားတဲ့လူကို တွေ့ရင် လူဆိုးဂိုဏ်းက၊ မကောင်းတာနဲ့ အသက်မွေးဝမ်းကြောင်းပြုသူဆိုပြီး လူတွေထင်မြင်ခဲ့ကြတယ်။ တရုတ်နိုင်ငံအပါအဝင် နိုင်ငံတချို့၊ ဒေသတချို့မှာ ခန္ဓာကိုယ်ပေါ် တက်တူးထိုးထားရင် စစ်ထဲဝင်ခွင့်၊ အစိုးရဝန်ထမ်းဖြေခွင့် မပေးပါဘူး။

ဒီကနေ့ခေတ်မှာ တက်တူးကို ဖက်ရှင်အဖြစ်၊ ပေါ်ပြူလာအဖြစ် ထိုးနေကြပါပြီ။ အဲဒီအပြင် ခန္ဓာကိုယ် အနုပညာတစ်ရပ်အဖြစ်လည်း သတ်မှတ်လာခဲ့ကြသလို ချစ်သူရည်းစားတွေအတွက် အထိမ်းအမှတ် အမှတ်တံဆိပ်အဖြစ်လည်း သတ်မှတ်လာခဲ့ပါတယ်။ နိုင်ငံကျော်ဘောလုံးသမား ဒေးဗစ်ဘက်ခ်ဟမ်းက သူ့ဇနီး ဗီတိုးရီးယားရဲ့နာမည်ကို အိန္ဒိယဘာသာနဲ့ ဘယ်ဖက်လက်မောင်းမှာ ရေးထိုးခဲ့ပါတယ်။

ယနေ့ခေတ်လူငယ်တွေက တက်တူးထိုးခြင်းနဲ့ မိမိပင်ကိုယ်စရိုက်ကို ပြသကြတယ်။ မိမိကိုယ်ကို ထုတ်ဖော်ကြတယ်။ မိမိကိုယ်ကို တန်ဆာဆင်တဲ့ အနုပညာတစ်ရပ်အဖြစ် သုံးစွဲလာနေကြပါတယ်။



ကိုးကား-- http://baike.baidu.com/view/4502.htm

နိုင်းနိုင်းစနေ

No comments:

Post a Comment

Related Posts Plugin for WordPress, Blogger...