မကောင်းသောအမှုကုို ဘာတစ်ခုမှ မပြုကျင့်ဘဲနေရမည်။ (သဗ္ဗပါပဿ အကရဏံ)
၁။ သဗ္ဗပါပဿအရ မကောင်းမှုဆုိုသည်မှာ သတ္တဝါတုို့အား မကောင်းသောလမ်းသုို့ တွန်းပုို့ပစ်ချပေးတတ်သည့် ဒုစရုိုက်တရားများတည်း။
ဒု- မကောင်းသော သူတစ်ပါးတုို့လည်း စက်ဆုပ်တတ်သော၊ စရိတ- အကျင့်များ၊ ဒုစရိတ-မကောင်းအကျင့်ဆုိုး၊ အကျင့်ပျက်၊ အကျင့်မှား ဒုစရုိုက်တရားများ၊ ယင်းဒုစရုိုက် တရားတုို့မှာ ဆယ်မျိုးပင်ပြားချေ၏။
က။ ၄င်းဆယ်မျိုးကား
၁။ သူ့အသက် သတ်ဖြတ်ခြင်း၊
၂။ ပုိုင်ရှင်သည် ကုိုယ်နှုတ်နှစ်ပါး တစ်ပါးပါးဖြင့် ခွင့်မပြုသည်တုို့ကုို ယူငင်ခြင်း၊ ကျော်နင်းခြင်း၊
၃။ အုပ်ထိန်းသူများ၏ သဘောကြည်ဖြူစွာ ခွင့်ပြုချက်မရသူနှင့် ကာမရမ္မက် စပ်ယှက် လွန်ကျူးမိခြင်း။
ဤကား ကုိုယ်ထိလက်ရောက် ပြုမူမိသည့် မကောင်းသောအကျင့်ဆုိုး၊ အကျင့်ပျက်သုံးမျိုးတည်း။
မှတ်ချက်။ ။ အထက်ပါသုံးချက်နှင့် ဆက်သွယ်နေသော ချောင်းမြောင်းလျှက် ခုိုးကြည့်ခြင်း၊ တစ်ဖက်ခွင့်မပြုဘဲ ပြောင်ခုိုးကြည့်ခြင်း၊ နားထောင်ခြင်း၊ နမ်းရှုတ်ခြင်း၊ ကုိုင်တွယ်ခြင်းတုို့မှာလည်း ဘုရားရှင် မေထုန်ငယ်အဖြစ်ဖြင့် ဟောကြားထားသဖြင့် ဤ၌သွင်းယူပါလေ။
ခုိုးမှု၌လည်း နေရာပြောင်းခြင်း၊ စာရင်းလိမ်ခြင်း၊ စာရင်းဖျောက်ခြင်း စသည့် နှစ်ဆယ့်ငါးမျိုး တုို့ကုိုလည်း ဤ၌ပင် သွင်းယူပါလေ။
ခ။ စကားဖြင့် မုိုက်မှားခြင်း
၁။ မမှန်စကား မုသားဆုိုခြင်း။
၂။ တစ်ဦးနှင့်တစ်ဦး အထင်လွဲမှားစေသည့် ကုန်းချောစကား မုသားဆုိုခြင်း။
၃။ ဆဲရေးတုိုင်းထွာမှုဖြင့် မုသားဆုိုခြင်း။
၎။ မဂ်ဖုိုလ်အပြီး အချည်နှီးစကား လောကီအကျိုး လောကုတ်အကျိုး နှစ်မျိုးမပြီး အချည်းအနှီးစကား၊ ရယ်စရာစကား၊ ပုံပြင်စကား ပြောကြားလျက် မုသားဆုိုခြင်း။ ဤကားနှုတ်ဖြင့်ပြုမူသည့် အကျင့်ပျက် လေးမျိုးတည်း။
မှတ်ချက်။ ။ အထက်ပါလေးမျိုးတုို့နှင့် ဆက်နွယ်နေသော မိမိက လိမ်ညာလုိုသော စေတနာ မပါသော်လည်း မိမိတပ်အပ် ထင်ထင်၊ မသိမြင်ပါဘဲလျှက် တစ်ဖက်သား အကျိုးနည်းစေသည့် အလွဲမှားမျိုးပြောဆုိုမိပါကလည်း ဤ၌ပင် သွင်းယူပါလေ။
ဂ။ ကုိုယ်နှုတ်တုို့အား အမိန့်ပေးကြိုးကုိုင်နေသော စိတ်မုိုက်များ
အထက်ပါ ခုနစ်မျိုးတုို့ဖြင့် ဆုိုင်ရာ(တစ်ဖက်ရှိ) ဝတ္ထုအာရုံအပေါ် လွန်ကျူးမှု အထမြောက် အောာင်မြင်သွားစေရန် အတွင်းမနောမှနေ၍
၁။ သွေးထုိုးလှုံ့ဆော်ပေးခြင်း။
၂။ ဦးဆောင်လမ်းပြပေးခြင်း။
၃။ အရသာခံယူကာ မှတ်ချက်ချပေးခြင်း
ထုိုသုံးမျိုးတုို့ဖြင့် ကြိတ်ပုန်းလွန်ကျူးလျက်ရှိသော မနောပြစ်အကျင့်ဆုိုးသည်လည်း သုံးမျိုးပင်ရှိပါချေ၏။ ၄င်းတုို့မှာ
၁။ တစ်ဖက်ရှိ ဝတ္ထုအာရုံတုို့၏ အပေါ်၌ ထုိုတစ်ဖက် ကာယကံရှင်မသိစေဘဲ ဆာလောင်ပြင်းပြစွာ ပြစ်မှားနေသည့် အကြံဆုိုးကတစ်မျိုး။
၂။ ၄င်းဝတ္ထုအာရုံတုို့ကုို ဆုိုင်ရာကုိုယ်နှုတ်များက လွန်ကျူး၍ မပေးမချင်း အလုိုမကျ၊ အားမရစိတ်ဖြင့် ပူဆာနေတတ်သည့် အကြံဆုိုးကတစ်မျိုး။
၃။ ကုိုယ်ကြိုက်က အကောင်းထင်၊ ကုိုယ်မကြိုက်အဆုိုးမြင်ကာ မှောက်မှောက်မှားမှား ပြစ်မှားနေသည့် အကြံဆုိုးကတစ်မျိုးတည်း။ ထုိုသုံးမျိုးတုို့တွင်အဘိဇ္ဖျာခေါ် အလုိုကြီးခြင်း ရမ္မက်ထန်ပြင်းခြင်းသည်ကား တစ်ဖက်သားအား ကုိုယ်နှုတ် နှစ်မျိုး တစ်မျိုးမျိုးဖြင့် ပြစ်မှားပေးရန်အမြဲပင် ပူဆာတတ်ချေ၏။ ထုိုစိတ်ပြစ်မှားမှုကုို တစ်ဖက်သား သိရှိရန်မှာ မလွယ်ကူချေ။ သုို့ကြောင့်လျှင် စိတ်ဖြင့်သာ လွန်ကျူးနေသော မုဒိန်းမှုကုိုလည်းကောင်း၊ စိတ်ဖြင့်သာ လွန်ကျူးနေသောခုိုးမှုကုိုလည်းကောင်း၊ စိတ်ဖြင့်သာ လွန်ကျူးနေသော လူသတ်မှုကုိုလည်းကောင်း၊ မည်သည့်အစုိုးရကမျှ မဖမ်းဆီးနုိုင်ကြပြီ။ မည်သည့်ကာယကံရှင်ကမျှလည်း တုိုင်တန်းရကောင်းမှန်းမသိနုိုင် ကြပြီ။
ထုို့အတူ အလုိုမကျ အားမရလေတုိုင်း ဗျာပါဒစိတ်ဖြင့် စော်ကားနေသော လူသတ်မှု စသည်များကုိုလည်းကောင်း၊ ကုိုယ်နှုတ်မပါ လွဲမှားစွာ မြင်သိမှုတစ်ခုတည်းဖြင့် ဖိနှိပ်ကြိတ်ကြံနေသော တော်လှန်ပုန်ကန်မှု စသည်များကုိုလည်းကောင်း၊ မည်သည့် အစုိုးရမျှလည်း မတတ်နုိုင်ရာပြီ။ မည်သည့်ကာယကံရှင်မျှလည်း မတတ်နုိုင်ရာပြီ။ စင်စစ် တုိုင်ပြည်အုပ်ချုပ်ရသူအစုိုးရသည် ပြည်သူတုို့၏ ကုိုယ်နှုတ်မျှကုိုသာ ပုိုင်ဆုိုင်ကြရာ၏။ စိတ်ကုိုကား ကာယကံရှင်သော်မျှ မပုိုင်ရာပြီ။ ဤကား စိတ်ဖြင့်သာ ပြုမူသည့် အကျင့်ပျက်သုံးမျိုးတည်း။
မှတ်ချက်။ ။ အထက်ပါ အကျင့်ပျက်ဆယ်မျိုးတုို့နှင့် ယှက်နွယ်နေကြသော
က။ မိမိသူတစ်ပါး နှစ်ဦးသားတုို့ စိတ်ဆင်းရဲ ကုိုယ်ဆင်းရဲစေပြီး လောကုတ်လောကီ နှစ်လီသောအကျိုးလည်းဆုတ်ယုတ်စေ၊
ခ။ မိမိသူတစ်ပါး နှစ်ဦးသားလုံးပင် ပစ္စုပ္ဗန်သံသရာ ထုိုနှစ်ဖြာတုို့၌ အတုံ့အလှည့်လည်း ဖြစ်ပေါ်စေ။ ဤအချက်နှစ်ချက်နှင့်ပြည့်စုံခုိုင်လုံနေသည့် ကုိုယ်ပြစ် နှုတ်ပြစ် စိတ်ပြစ်အားလုံးကုိုလည်း ဤဒုစရုိုက်အုပ်စုတုို့အတွင်း၌သာ သွင်းယူကြပါလေ။
မကောင်းမှုအသက်ဝင် မကောင်းသော အသက်ရှင်ခြင်းပင်
ထုိုဆယ်မျိုးတုို့သည် အကုသလကမ္မပထဟူ၍လည်း အမည်တွင်ပါချေ၏။ အကုသလ ကမ္မပထဟူသည် အကုသုိုလ်ကံ အကြံအောင်၍ အထမြောက်သွားသည်ကုို ဆုို၏။ ထုိုသုို့အထမြောက်လေသောအခါ
က။ ပြစ်မှုအားလျော်စွာ အစွဲစိတ်က မိမိနောက်သုို့ ခြေရာခံလျက်က လုိုက်နေခြင်း။
ခ။ ပြစ်မှုအားလျော်စွာ မကောင်းကျိုးများကလည်း ကြံပြော လှုပ်တုိုင်း အငုတ်မှ အတက်ပေါက်လာခြင်း။
ဤအင်္ဂ`ါနှစ်ပါးစုံ အကုန်ဝင်လာရချေတော့သည်သာ။ ထုိုအင်္ဂ`ါနှစ်ပါးစုံဖြင့် ကြံစည်ခြင်း၊ ပြောဆုိုခြင်း၊ လှုပ်ရှားခြင်း ကံသုံးမျိုးတုို့ကုိုကား ဒုရာဇီဝ အမည်ရ၏။
ဒု- မကောင်းကံစု မကောင်းမှုဖြင့်။
အာဇီဝ- အသက်မွေးဝမ်းကျောင်းခြင်း။
ဒုရာဇီဝ- မကောင်းသော အကျင့်ဆုိုး အကျင့်ပျက်များဖြင့် အသက်မွေးခြင်း။ ထုိုသုို့ စွဲစိတ်ခုိုင်းရာ ကုိုယ်လုိုက်ပါလျက်ကကုိုယ်ကလည်းလှုပ်၊ နှုတ်မှလည်း ဖွင့်၊ စိတ်ဖြင့်လည်း ကြံစည်လျက်က အသက်ရှင်နေသူကား မကောင်းသော အသက်ရှင်ခြင်းပင်။ အဘယ့်ကြောင့်ဟူမူ သူတစ်ပါးများထံမှ ဝဋ်တုံ့ဝဋ်လှည့်များစွာကုို အကြွေးယူစားနေသောကြောင့်တည်း။ ထုိုအကုသလကမ္မပထတုို့၏ လက်သည်တရားခံကား မသိမှု အဝိဇ္ဖာပင် ဖြစ်ချေတော့သည်။
ကုိုးကား။ ။ ဝနဝါသီဥေယျဓမ္မသာမိထေရ်၏ ဓမ္မောဝါဒကထာ။
ဓမ္မမိတ်ဆွေများအားလုံး သက်ရှည်ကျန်းမာ စိတ်ချမ်းသာ၍ လုိုရာဆန္ဒများ တစ်လုံးတစ်ဝတည်း ပြည့်ဝကြပါစေ။
အရှင်ဝိမလဝံသ(နာလန္ဒာတက္ကသုိုလ်)
ဝီရဓမ္မ
https://www.facebook.com/photo.php?fbid=709427922431182&set=a.572785052762137.
No comments:
Post a Comment