ရှေးတုန်းက ပညာရှိတစ်ယောက်ရှိတယ်။
တစ်နေ့တော့ အဲဒီပညာရှိ ဆရာကြီးကမီးတိုင်အောက်မှာ တစ်ခုခုကို လိုက်ရှာနေတယ်။
ခေါက်တုန့်ခေါက်ပြန် ရှာတယ်။
တပည့်တွေက တို့ဆရာကြီးဘာပျောက်လို့ ရှာနေတာလဲ မသိဘူးဆိုပြီး
ဆရာကြီးကို မေးတယ် ။“ဆရာကြီးဘာရှာနေတာလဲ” ၊
“ သော့ပျောက်လို့ရှာနေတာ ”တဲ့။အဲဒါနဲ့ တပည့်တွေကလည်း မီးတိုင်အောက်မှာ
“သော့”ကိုရှာကြတယ်။ တော်တော်ကြာကြာ
နှံ့နှံ့စပ်စပ် ရှာပေမဲ့မတွေ့ဘူး။
ဒါနဲ့တပည့်တွေက“ဒီနေရာမှာကျပျောက်တာမှဟုတ်
လို့တွေးမိပြီးတော့ ဆရာကြီးကို“ဘယ်နေရာမှာ ကျပျောက်တာလဲ”
လို့မေးကြတယ်။ဆရာကြီးက “အိပ်ခန်းထဲ မှာကျပျောက်တာ”
လို့ဖြေတော့ တပည့်တွေက“ဟာ ဆရာကြီးကလည်း … အိပ်ခန်းထဲမှာ
ကျပျောက်တဲ့သော့ကို ဒီမီးတိုင်အောက်မှာလာရှာလို့ဘယ်တွေ့နိုင်မှာလဲ
ဝိုင်းပြောကြတယ်။
■ အဲဒီတော့ ဆရာကြီးက“မင်းတို့လည်း စိတ်ချမ်းသာမှုကို မတွေ့နိုင်တဲ့နေရာမှာ
ရှာနေကြတယ်။ လူတွေမြင်တဲ့နေရာမှာ ရှာနေကြတယ်။စိတ်ချမ်းသာမှုဆိုတာ စိတ်ထဲမှာပဲရှိတယ်။
ရှာတဲ့နေရာမှားနေလို့ မင်းတို့ခုထိ မတွေ့တာပေါ့” လို့ပြောပြီး ဆုံးမသတဲ့။
တစ်ခုခုကိုတွေ့ချင်လို့ ရှာတယ်ဆိုရင်
“ရှာတဲ့နေရာ” မှန်ဖို့လိုပါတယ်။စိတ်ချမ်းသာမှုကို ဘယ်နေရာမှာ ရှာမလဲ။
နေရာမှားနေရင် တွေ့မှာမဟုတ်ဘူး။နေရာမှန်က ဘယ်မှာလဲ။ “စိတ်ထဲမှာ” ။
အဲဒီနေရာမှာ မတွေ့ရင်တခြားဘယ်နေရာမှာမှ မတွေ့နိုင်ဘူး ။
【ဆရာတော် ဦးဇောတိက၏
“စိတ်ချမ်းသာမှုဟာ ဘဝနေနည်းပါ” နှာ၉၀မှ-】
No comments:
Post a Comment