ရန်ကုန် တိရိစ္ဆာန်ရိပ်သာ(Yangon Animal Shelter)
တနင်္ဂနွေနေ့က အောင်သပြေလမ်း၊ ဥာဏရပ်ကွက်၊ မင်္ဂလာဒုံမြို့နယ်၊ ပုလဲမြို့သစ် မှာ ဖွင့်လှစ်ထားတဲ့ Yangon Animal Shelter ရန်ကုန်တိရိစ္ဆာန်ရိပ်သာ(Yangon Animal Shelter)ကို ခွေးမလေးတစ်ကောင်သွားပို့ခဲ့ပါတယ်။ နိုင်ငံခြားသူ တည်ထောင်ထားတယ်လို့သိရပါတယ်။
သူ့ကို တောင်ဥကလာက ရပ်ကွက်တစ်ခုမှာ အမှတ်မထင်တွေ့ခဲ့တာပါ။
အရမ်းသနားစရာကောင်းပါတယ်။ ပိုင်ရှင်လည်းမရှိပါဘူး။
သားအိမ်ကအပြင်ကိုထွက်နေပြီး လက်တွေ၊ ခြေထောက်တွေလည်းရောင်နေတာ အကြီးကြီးဖြစ်နေပါတယ်။ ယင်ကောင်တွေကလည်းဝိုင်းနေတာပဲ။
သူ့ကိုမြင်ပြီးစိတ်ထဲမှာ တော်တော်မကောင်းဖြစ်မိပါတယ်။ သူ့အတွက်နောက်ဆုံးအချိန်ရောက်နေပြီဆိုရင်တောင် ခံစားရတာ အသက်သာဆုံးဖြစ်အောင် ကယ်မယ်လို့ဆုံးဖြတ်လိုက်မိတယ်။ သူ့အတွက်အကောင်းဆုံးဘာလုပ်ပေးနိုင်မလဲဆိုပြီး
ကျွန်မတို့သားအမိတွေ စဉ်းစားရင်းနဲ့ Facebook မှာဖတ်မိလိုက်တဲ့ Yangon
Animal Shelter ကိုစဉ်းစားမိတယ်။ အဲဒါနဲ့ page မှာ contact number
တွေကိုရှာပြီးလိုက်ဆက်သွယ်ပါတယ်။
ဒီလိုရောဂါဖြစ်နေတဲ့ခွေးမလေးကို လာပို့လို့ရမလား၊ အလှူငွေလည်းလှူချင်ပါတယ်လို့မေးကြည့်တော့ ရပါတယ်ဆိုတာနဲ့ တနင်္ဂနွေပိတ်ရက်မှာ ကျွန်မတို့သူ့ကိုသွားခေါ်ကြပါတယ်။ အမှတ် (၃)လမ်းမကြီး၊ ရခိုင်ကျောင်းမှတ်တိုင်လမ်းကနေ အထဲကိုတော်တော်ဝင်ရပါတယ်။ ကျွန်မတို့ရောက်သွားတဲ့အချိန်မှာ အဲဒီမှာ စောင့်ရှောက်ထားတဲ့ခွေးလေးတွေကို ဆရာဝန်က ကာကွယ်ဆေးထိုးပေးနေပါတယ်။ အရွယ်အစုံ၊ အရောင်စုံပါပဲ။ နေရာမျိုးစုံကရောက်လာကြတယ်လို့ပြောပါတယ်။ အကောင် (၆၀) (၇၀) နည်းပါးရှိမယ်ထင်တယ်။ ကျွန်မတို့ကိုကြိုလိုက်ကြတာလည်း လူတောင်လဲမကြအောင်မနည်းထိန်းထားရတယ်။ သူတို့နဲ့အတူနေလိုက်တာ အချိန် ၃နာရီက ဘယ်လိုကုန်သွားမှန်းမသိဘူး။
သူတို့ကိုစောင့်ရှောက်ပေးတဲ့တာဝန်ခံတွေကလည်း တကယ်ကိုစေတနာထားပြီးလုပ်ပေးနေတယ်ဆိုတာ ကိုယ်တိုင်မြင်ခဲ့ သိခဲ့ရတယ်။ ကျွေးတာကလည်းတကယ့်ကိုအကောင်းစားတွေပါပဲ။ ခွေးမလေးကို စစ်ဆေးပေးပြီး တစ်ပတ်တစ်ခါ (၆)ပတ်ဆက်တိုက်ဆေးထိုးပေးရင် နေပြန်ကောင်းလာ နိုင်တယ်လို့ပြောပါတယ်။ ကျွန်မတို့မှာဝမ်းသာလိုက်တာ။ ကျွန်မလည်းခွေးမလေးကို သူတို့နဲ့အပ်ခဲ့ပြီး အလှူငွေ 55000 လှူခဲ့ပါတယ်။ ကျွန်မလိုပဲ တိရိစ္ဆာန်လေးတွေကိုချစ်တတ်တဲ့သူငယ်ချင်းတွေကို
ဒီ Group မှာတွေ့ရတာ အရမ်းဝမ်းသာပါတယ်။ ကျွန်မရဲ့အတွေ့အကြုံလေးကို
သူငယ်ချင်းတွေကို Share လုပ်တာပါ။ ခွေးလေးတွေကို အလှူငွေကူညီချင်လည်း
Animal Shelter ကအလှူငွေလက်ခံနေတယ်ဆိုတာပါ သတင်းကောင်းပါးလိုက်ပါတယ်ရှင်….
ဒီနေရာမှ ကူးယူမျှဝေပါသည်။
No comments:
Post a Comment