စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







2012 နှင့် ယနေ့ ကမ္ဘာကြီး ပြဿနာ စာတမ်း..

2012 နှင့် ကမ္ဘာကြီးပြဿနာ အကြောင်း လူပြောများနေ၍ အကျွန်ုပ်လည်း လက်လှမ်းမှီသလောက် ရှာဖွေ မိသည်..   
မှန်ခြင်း- မှားခြင်း၊     ဖြစ်တန်စွမ်း  ရှိခြင်း-မရှိခြင်း၊     ယုံကြည်မှု ရှိခြင်း-မရှိခြင်း    ကို   အ ငြင်းပွား  စော ဒ  က
မတက်လိုပဲ  2012 နှင့် ပတ်သက်၍ သိပ္ပံနယ်မှ   ပြောဆို ဆွေးနွေးနေကြသည်များ  နှင့်  လက်ရှိ ကမ္ဘာမြေပေါ်မှာ
ဖြစ်ပေါ်နေတဲ့ ပြောင်းလဲမှုတွေကို   သိပ္ပံနည်းကျကျ   ဆန်းစစ်ထားမှုများကို   ဗဟုသုတ ရစေရန်    ရည်ရွယ်ချက်
သက်သက်ဖြင့်သာ ရေးလိုက်ရပါသည်..စာဖတ်သူများအနေဖြင့် ကမ္ဘာကြီး ၏ ဖြစ်ရိုးဖြစ်စဉ် ဖြစ်ရပ်များသာ ဖြစ်ပြီး .
" ပုံပြင်တစ်ပုဒ်"  ဖတ်ရှုလိုက်ရသည်ဟုသာ မှတ်ယူကြပါ ....လက်လှမ်း မှီနိုင်သလောက် စုစည်းထားပါသည်...
ဖြေးဖြေး အေးအေး  ဆေးဆေး ဖတ်ရှုကြပါကုန်....

လက်ရှိနေစကြာဝဠာ၏  အခြေအနေ .....
ကျွန်ုပ်တို့ ၏ ကမ္ဘာသည် နေအား ဗဟိုပြုကီလိုမီတာ သန်း(၁၅၀)-မိုင်အားဖြင့်(၉၃)သန်း အကွာအဝေးမှ   လှည့်ပါတ်နေ
ပါတယ်...   နေ နှင့် အနီးဆုံးဖြစ်သော ဗုဒ္ဓဟူးဂြိုဟ်မှာ နေ နှင့် ကီလိုမီတာ  သန်း(၆၀)ရှိပြီး အဝေးဆုံးဂြိုဟ် နက်ပ်ကျူး
မှာ ကီလိုမီတာ သန်း(၄၅၀၀)အကွာအဝေးတို့မှ    နေအား ဗဟိုပြု၍ လှည့်ပတ်နေကြတာပါ.. နေကို လှည့်ပတ်ကြရာတွင်
ကမ္ဘာသည် (၃၆၅.၂၄၂၂)ရက်တွင် တစ်ပတ် ပတ်မိပြီး ကျန်ဂြိုဟ်များအနက်  အနီးဆုံး ဗုဒ္ဓဟူးဂြိုဟ်မှာ (၈၈)ရက်တွင်
တစ်ပတ်၊    အဝေးဆုံး နက်ကျူးဂြိုဟ်မှာ နှစ်ပေါင်း(၁၆၀)ကြာမှ နေကို တစ်ပတ် ပတ်မိပါတယ်...
လက်ရှိ နေစကြာဝဠာမှာတော့  ကြီးမားပြင်းထန်သော  ပေါက်ကွဲမှုများ ဖြစ်ပေါ်နေပြီး ..  မီးတောက်   မီးလျှံကြီးများ
ဖြစ်နေပါတယ်. ယင်းသို့ ဖြစ်ရခြင်း အကြောင်းအရင်းမှာ ကမ္ဘာအပါအ၀င် နေစကြာဝဠာ  အဖွဲ့အစည်းကြီးသည်
နဂါးငွေ့တန်းဟု  ခေါ်တွင်သော   ဂလက်ဆီကို ဖြတ်သန်းနေချိန် ဖြစ်သောကြောင့်   လက်ရှိ နေစကြာဝဠာတွင်
ကြီးမားပြင်းထန်သော  ပေါက်ကွဲမှုများ ဖြစ်ပေါ်နေရခြင်းဖြစ်သည်ဟု ဆိုသည်...    အခုဆိုရင်လည်း  နာဆာက
2012 to 2013 အတွင်း နေမုန်တိုင်းများဖြစ်ပေါ်လာနိုင်ကြောင်းကို   အမေရိကန် အမျိုးသားအာကာသရေးရာနှင့်
အာကာသသိပ္ပံမှ သုတေသန ပညာရှင်  သောမတ်စ်ဒီဂျာမာလူဒင်က  ဇန်န၀ါရီလ(၈)ရက်နေ့မှာ ထုတ်ဖော်
ပြောကြားခဲ့ပါတယ်...
နာဆာမှ  နေစကြာဝဠာကို စောင့်ကြည့်နေသော  ဂြိုဟ်တုမှ ပေးပို့သောပုံ....(12.2011.မှတ်တမ်း)
နှစ်ပေါင်း (26000) မှာ တစ်ကြိမ်ဖြစ်ပေါ်လေ့ရှိတဲ့   galactic crossing စတင်မှုမှာ  နဂါးငွေ့တန်းကို  လွန်ခဲ့သော
1986 ခုနှစ်က စတင်ချဉ်းကပ်နေခဲ့ပြီး 2016 ခုနှစ်မှာ ပြီးဆုံးမယ်လို့ ဆိုထားပါတယ်..2009 ခုနှစ်ကုန်ပိုင်းမှာတော့
နေပေါ်မှာ နေအမည်းစက်တွေ ၊ မီးတောက် မီးလျှံတွေ ၊ ပေါက်ကွဲမှုတွေ တစ်နှစ်ကျော် ငြိမ်သက်နေရာမှပြန်လည်
လှုပ်ရှားလာတယ်လို့ ဆိုပါတယ်...ယခု လက်ရှိ နေစကြာဝဠာကြီးတွင် တောက်လောင်နေသော မီးလျှံကွင်းကြီး
သည် ကမ္ဘာ နှင့် လ အကွာအဝေး နှစ်ဆနီးပါး မိုင်ပေါင်း (435000)မိုင် ရှိသည်ဟု  ဆိုထားပါတယ်....

နဂါးငွေ့တန်းဟု ခေါ်တွင်သော ဂလက်ဆီကို ဖြတ်ကျော်ခြင်း နှင့်
တိုက်ဆိုင်နေသည့် galactic crossing ......
    ဂလက်ဆီဆိုတာ  အလွန်ထူထပ် သိပ်သည်းသော နယ်ပယ်တစ်ခုဖြစ်ပါတယ်...
နေအပါအ၀င် ဖြစ်သည့် ကမ္ဘာ့နဂါးငွေ့တန်း (milkyway or galaxy) သည် နှစ်ပေါင်း (၆၃)သန်းမှာ တစ်ကြိမ်နှုန်းနဲ့
galatic equatorial zone ကို ဖြတ်တဲ့နေရာမှာ လာမည့်  2012 ခုနှစ် ဒီဇင်ဘာလ (21)ရက်နေ့မှာ  နောက်တစ်ကြိမ်
အဖြစ် စတင်ဖြတ်သန်းမယ်လို့ သိပ္ပံနယ်က ဆိုထားပါတယ်...   ဒီအချိန်မှာ  နေဟာ ဂလက်ဆီ ဗဟိုချက်မှ သုံးဒီဂရီ
အကွာအဝေးအထိ နီးကပ်လာမှာ ဖြစ်ပါတယ်..  ဖြတ်သန်းမယ့် ကာလကတော့ နှစ်ပေါင်း (၉၀၀)လောက်  ကြာမြင့်
မှာဖြစ်ပြီး ဂလက်ဆီရဲ့ ဘဲဥပုံလမ်းကြောင်းကို နေဖြတ်ဖို့ကပဲ (၁၈)နှစ် ကြာပါလိမ့်မယ်.. အဲဒီနောက်  ဂလက်ဆီ ရဲ့
ဗဟိုချက်ရှိရာကို ရောက်ဖို့ နေအဖွဲ့အစည်းဟာ နှစ်ပေါင်း(၂၃၂)နှစ်ကြာ ခရီးဆက်ရပါလိမ့်မယ်...
ဒီတော့ ... ဒီလို ဖြတ်တဲ့နေရာမှာ ဂြိုဟ်ကြီးတွေ တတန်းတည်းကျသွားမဲ့  နေ့ရက်ကလည်း လာမည့်   2012 ခုနှစ်
ဒီဇင်ဘာလ (21)ရက်နေ့ပဲ   ဖြစ်လို့နေပါတယ်..    အဲဒီရက်ဟာ   ကမ္ဘာ့မြောက်ဘက်ခြမ်းရဲ့  ဆောင်းယဉ်စွန်းချိန်
ကာလလည်းဖြစ်ပါတယ်..   စိတ်ဝင်စားဖို့ ကောင်းနေတာက    အဲဒီ    2012 ခုနှစ်၊  ဒီဇင်ဘာလ (21)ရက်နေ့ဟာ
နှစ်ပေါင်းသက်တမ်း (၅၁၂၅)နှစ် ကြာခဲ့တဲ့     မာယန်ပြက္ခဒိန်ရဲ့ အဆုံးသတ်ဖြစ်နေပြီး   လူမှုအဖွဲ့အစည်းကြီး မှာ
ကြီးမားသော    အပြောင်းအလဲကြီး    ဖြစ်လိမ့်မယ်လို့  .....  မာယန် လူမျိုးတွေ    နိမိတ်ဖတ်ထားတဲ့ရက်နဲ့လည်း
တထပ်တည်းကျလို့နေပြန်ပါတယ်....

နဂါးငွေ့တန်းဟု ခေါ်တွင်သော ဂလက်ဆီကို ဖြတ်သန်းလျင် ဘာတွေ ဖြစ်နိုင်သလဲ ....?
    နဂါးငွေ့တန်းဟာ   စကြာဝဠာအတွင်းမှာ  ဒြပ်ဝတ္ထုတွေ  အထူထပ်ဆုံး၊ အသိပ်သည်းဆုံးနေရာတွေ
ဖြစ်ပါတယ်..ရုပ်ဝတ္ထုတွေ စုစည်းထားလေတော့ ဒြပ်ဆွဲအားတွေလည်း အများဆုံးဖြစ်ပါတယ်..နဂါးငွေ့တန်းကို
ဖြတ်ကျော်နေတဲ့အချိန်မှာ     နေအပါအ၀င်   ကမ္ဘာကြီးဟာ  တုန်ခါနေလိမ့်မယ်လို့   မှန်းဆ  ထားကြပါတယ်..
အဲဒီလိုတုန်ခါတဲ့နေရာမှာ နေကို ဗဟိုပြုလည်ပတ်နေကြတဲ့ ဂြိုဟ်တွေအားလုံးပါဝင်မှာပါ....
နေစကြာဝဠာနှင့် ဂြိုဟ်များပြပုံ...
အဲ့ဒီအခါမှာ ....ဒြပ်ဝတ္ထု အဖွဲ့အစည်းတွေဖြစ်တဲ့ ဂြိုဟ်တွေ၊ကြယ်တွေ၊ဒြပ်မှုန်နဲ့ အငွေ့တွေ meteon coment
စတာတွေနဲ့လည်း ကြုံတွေ့နိုင်ပြီး တိုက်မိ ခိုက်မိ နိုင်ပါတယ်.. ကမ္ဘာပေါ်မှာ အလွှာကြီးငါးခုဖြစ်တဲ့ လေထု၊ မြေထု၊
ရေထု၊ ရေခဲထု နဲ့ ဇီဝ အလွှာတွေအပေါ် ထိန်းချုပ်ထားတဲ့အားတွေ (binding forces)မှာ  အပြောင်းအလဲတွေ ဖြစ်ပေါ်ပြီး
ကမ္ဘာ့သံလိုက်ဝင်ရိုးစွန်းတွေ ရွှေ့ကုန်မယ်..သံလိုက်စက်ကွင်းတွေ ပြောင်းကုန်မယ်..တုန်ခါသွားတဲ့ နေဟာ အင်အားပြင်းတဲ့
စွမ်းအင်တွေ ထုတ်လွတ်လိုက်တဲ့အတွက် ပြင်းထန်တဲ့ လျှပ်စစ်လှိုင်းတွေဟာ  ကမ္ဘာဆီကို ၀င်ရောက်လာစေနိုင်တယ် ...
နေအလင်းတန်းမှာပါတဲ့ အက်ထရာဗိုင်အိုးလ် ရောင်ခြည်တွေကမ္ဘာမြေပြင်ပေါ်ကို ကျရောက်နိုင်တယ်လို့ ဆိုပါတယ်...
ဒီလိုဝင်ရောက်လာခဲ့မယ်ဆိုရင် .. ကမ္ဘာ့သံလိုက်ဝင်ရိုးစွန်းတွေ၊ သံလိုက်စက်ကွင်းတွေ ပြောင်းလဲသွားနိုင်ပြီး ဆွဲအားတွေ
အတက် အကျ .. အလျော့ အတင်းတွေ ဖြစ်ပေါ်လာမယ်... မြေထုကြီးတွေ ၊ မြေချပ်လွှာတွေ ရွေ့မယ် ...ရွေ့ရင်
ပြင်းအားကြီးတဲ့ ငလျင်တွေလှုပ်မယ်.. မြေလွှာတွေ အစိပ်စိပ် အမွှာမွှာ ကွဲထွက်ပြီး ကျောက်ရည်ပူတွေ ထိုးထွက်လာမယ်..
မီးတောင်တွေ နေရာအနှံပေါက်ကွဲမယ်...ရေအောက်မှာ လှုပ်ခဲ့ရင် ဆူနာမီရေလှိုင်းကြီးတွေဖြစ်မယ်.. လို့ ဆိုပါတယ် ...
ဒေါက်တာ ဦးထွန်းလွင်ကတော့ ...." သည်လို နေပေါ်မှာ ထူးခြားတဲ့ ပေါက်ကွဲမှု(အပူဖြာထွက်မှု)တွေက ၂၀၁၀ပြည့်နှစ်
ကတည်းက စဖြစ်နေတာပါ...၂၀၁၀ ပြည့်နှစ်မှာ နေဖြာထွက်မှုပေါက်ကွဲမှုဖြစ်စဉ်(၅)ကြိမ်လောက်  ဖြစ်ခဲ့တယ်လို့ ဆိုပါတယ်. 
အ ခု  ၂၀၁၁ မှာပါ  ထပ်ဖြစ်နေတော့ ၂၀၁၂ အဆိုနဲ့  သွားကိုက်နေသလိုတောင် ဖြစ်နေကြောင်းဗျာ ...."  လို့
ဆိုခဲ့ပါသေးတယ်...

2012 ပြဿနာအစ မာယန်ပြက္ခဒိန်က ....
    2012 အကြောင်းပြောရင် မာယန်လူမျိုးတို့ရဲ့    မာယန်ပြက္ခဒိန်   အကြောင်းကို   ချန်လှပ်ထားလို့  မရနိုင်ပါဘူး ...
မာယန်ပြက္ခဒိန်ပြပုံ ....
ဘီစီ(2000)မှ အေဒီ(250)အထိ  မာယန်ယဉ်ကျေးမှုခေတ်ကြီး  တစ်ခုထွန်းကားခဲ့ဘူးပါတယ်...    မာယန် နှောင်းခေတ်တစ်ခု
ကတော့  အေဒီ(250) မှ အေဒီ(900)အတွင်းထိ ရှိနေခဲ့တယ်လို့ ဆိုကြပါတယ်.. အဲဒီ  မာယန်ယဉ်ကျေးမှုရဲ့ အင်ပါယာကြီးက 
မက္ကစီကို အလယ်ပိုင်းမှသည်   မြောက်အမေရိကနဲ့   တောင်အမေရိကကို    ဆက်သွယ်ထားတဲ့     ကျွန်းဆွယ်  တစ်ခုလုံးက
ဒီမာယန်ယဉ်ကျေးမှုရဲ့ သြဇာလွမ်းမိုးခဲ့ဘူးပါတယ်... ခေတ်တစ်ခေတ်ရဲ့   ယဉ်ကျေးမှုနဲ့    အဆင့်အတန်းကို တိုင်းတာရာမှာ
ထိုခေတ်ကကျန်ရစ်ခဲ့ကြတဲ့  ရှေးဟောင်း  အနုပညာလက်ရာ ပန်းချီ၊ပန်းပု၊ပန်းတမော့ဗိသုကာလက်ရာများဖြင့်သာ ခေတ်တစ်ခုရဲ့
ယဉ်ကျေးမှုအဆင့်အတန်းကိုတိုင်းတာကြရပါတယ်..သည်လိုတိုင်းတာတဲ့အခါမှာ  မာယန်ယဉ်ကျေးမှု  ထွန်းကားစဉ်ကာလကလည်း   
အီဂျစ်ယဉ်ကျေးမှုလိုဘဲ ကြီးကျယ်ခမ်းနားတဲ့ ပိရိမစ်ကြီးတွေ၊ နန်းတော်ရာကြီးတွေ တည်ဆောက်ထားခဲ့ကြတာအံ့မခန်းလောက်စရာပါ... 
မာယန်လူမျိုးတွေရဲ့ ထူးခြားချက်က သင်္ချာဘာသာရပ်နဲ့ ၊  အာကသ သိပ္ပံပညာရပ်တွေ မှာ ဆန်းပြားနေတာပါ...သူတို့မှာ မူပိုင်
အာကာသ ဝေါဟာရနဲ့ သင်္ချာကိန်းဂဏန်းတွေရှိနေတာက သက်သေခံနေပါတယ်.. အီဂျစ်၊ ရောမ-ဘေဘီလုံ ၊ တရုတ်တို့မှာ သုညကိန်း
မရှိခဲ့ပေမယ် မာယန်တို့ရဲ့ သင်္ချာကိန်းမှာတော့ သုညကိန်းရှိခဲ့ပါတယ်...   မာယန်တို့ရဲ့ထူးခြားတဲ့ အာကာသသိပ္ပံက   ကြီးကျယ် 
ခမ်းနားလှပါတယ်ဆိုတဲ့ အီဂျစ်၊ ရောမတွေထက် တစ်မူထူးခြားနေတယ်ဆိုတာပါ......မာယန်တွေရဲ့  အာကာသ   တွက်ရိုးတွေမှာ 
နေရယ်၊ လရယ်၊ သောကြာဂြိုဟ်တို့ရဲ့ အသွားအလာကိုကြည့်ပြီး သူတို့ရဲ့ပြက္ခဒိန်ကို တွက်နိုင်ခဲ့ပါတယ်...
လွန်ခဲ့တဲ့   နှစ်ပေါင်း(4000)ကျော်လောက်ကတည်းက  တစ်နှစ်မှာ  ရက်ပေါင်း(365)ရက်လို့  သတ်မှတ်ခဲ့တဲ့   မာယန်လူမျိုးတွေရဲ့
တွက်ချက်မှုက    မျက်မှောက်ကာလနဲ့   တစ်ထပ်တည်းကျနေတာက  ဘယ်သူမှ  ငြင်းလို့မရပါဘူး... တကယ်တော့   မာယန်တို့ရဲ့
အာကာသတွက်ရိုးတွေက    ရှေးကျလှပါတယ်ဆိုတဲ့    အီဂျစ်၊ ရောမ-ဘေဘီလုံ၊ တရုတ်တို့ရဲ့   အာကာသတွက်ရိုးတွေထက်
သာနေသလို   ဒီကနေ့ နာဆာ ရဲ့ တွက်ကိန်းတွေနဲ့လဲ သိပ်မကွာလှပါဘူး...    မာယန်တို့  သောကြာဂြိုဟ် ကိုလေ့လာရာမှာလဲ
မျက်မှောက်ခေတ်ကာလမှာ မှန်ကန်အောင် ခန့်မှန်းပေးနိုင်ခဲ့ကြပါတယ်.  သောကြာဂြိုဟ်ပါဝင်နေတဲ့  နေရဲ့အ၀န်းကို ၀န်းထိမျဉ်း
အနေအထားနဲ့ ရောက်ရှိနေတဲ့ကာလကို နှောင်းခေတ်လူတွေအဝေးကြည့်မှန်ပြောင်းတွေ တည်ထွင်ပြီးနောက်ပိုင်း  (6)ကြိမ်သာ
ဖြစ်ခဲ့ဘူးတဲ့  ရှားပါး  ဖြစ်စဉ်တွေပါ...   အဲဒီ(6)ကြိမ်ဟာ 1631- 1639- 1761- 1769- 1874- 1882 ခုနှစ် တို့ဘဲ  ဖြစ်ပါတယ်...
မာယန်တို့ခန့်မှန်းခဲ့တဲ့  ကျန်(2)ကြိမ်ကတော့  မျက်မှောက်ခေတ်ကာလဖြစ်ပြီး (8.6.2004) နဲ့  (6.6.2012)တို့ ဖြစ်ကြပါတယ်..
မျက်မှောက်ကာလ(2004)ခုနှစ်  ဇွန်လ(8)ရက်မှာ ဖြစ်ပေါ်ခဲ့တဲ့ venus transit ကို ဥရောပ၊ အာဖရိက၊ အာရှ၊ အရှေ့အလယ်ပိုင်း
ဒေသတွေက တွေ့မြင်ခဲ့ပြီးဖြစ်ပါတယ်....  ခုဆိုရင်  (2012) ဇွန်လ (6)ရက်သာ  ကျန်ပါတော့တယ်...
အခု ... နာဆာက ကြေငြာထားတာလဲ နောက်လာမယ့်   venus transit  ရက်ကလည်း( 6.6.2012)ရက်ဘဲ ဖြစ်နေပါတယ်....
နာဆာက ကြေငြာထားသည့်  venus transit လမ်းကြောင်းပြမြေပုံ (2011)

ပုံ(၆)
http://api.ning.com/files/F0gAVERX5nkjxyTUcBYZFYtw-UB-DJycjeg5ptJS8A224Z7LFsEj6hc1CCVmGbUBmOhowt6mYqrNBEzezTPbQgPreMhxLs3B/P6.jpg
နောက်   မာယန်တို့ဟာ   လကိုလေ့လာရာမှာလဲလဟာ  ကမ္ဘာကို  တစ်ပတ်ပတ်မိရန် နွေရာသီမှာ ရက်ပေါင်း(29)ရက်ကြာတတ်ပြီး
ကျန်ရာသီမှာတော့ ရက်ပေါင်း(30)ကြာတတ်တယ်လို့ တွက်ထားတဲ့ မာယန်တွေရဲ့ တွက်ရိုးက ဒီကနေ့ နာဆာက တွက်ချက်ထားတဲ့
(29.5)ရက်နဲ့ ဆို တထပ်ထဲကျနေပြန်ပါတယ်. .(ဒါတောင် မာယန်တို့လက်ထက်မှာ ဒသမကိန်းမရှိလို့ နေမှာ)
             အာကာသကြည့်မှန်ပြောင်း မပေါ်ခင်ကတည်းက ခေတ်နဲ့မတန် ၊ မယုံကြည်နိုင်လောက်အောင် အာကာသနဲ့ ပတ်သက်တဲ့
လေ့လာစူးစမ်းမှုတွေက နှစ်ပေါင်းရာချီလို့ ကြိုတွက်ထားနိုင်ခဲ့ကြသလို စကြာဝဠာပြင်ပ နဂါးငွေ့တန်းတွေ၊ဂြိုဟ်တွေရဲ့အသွားအလာတွေ၊
နေကြတ်၊ လကြတ်တာတွေရဲ့တွက်ချက်မှုတွေက နာဆာကပင် လက်ဖျားခါခဲ့ရပါတယ်..မာယန်တွေခေတ်မှာ ဆောက်လုပ်ထားခဲ့ကြတဲ့
နန်းတော်ရာတွေ၊ ဘုရားကျောင်းတွေ၊ ပိရမစ်ကြီးတွေ၊ထင်ရှားတဲ့ ဆောက်အဦးအားလုံးကို တောင်လဒ်တီတွဒ်တွင်သာ တည်ဆောက်
ထားတာ၊   နေဟာ  တစ်နှစ်မှာ နှစ်ကြိမ် သူတို့ရဲ့  မွန်းတည့်မျဉ်းများပေါ် ဖြတ်သန်းတဲ့ပုံစံတွေနဲ့  တည်ဆောက်ထားတာက မာယန်တို့မှာ
လွန်ခဲ့တဲ့  နှစ်ထောင်ပေါင်းများစွာကတည်းက  လဒ်တီတွဒ်မျဉ်းတွေ  ရှိနေခဲ့တယ်ဆိုတာ ထင်ရှားနေပါတယ်...
ဒါအပြင် နဂါးငွေ့တန်း Micky Way ရဲ့ အလယ်ဗဟို အီကွေတာနဲ့ သူရိယနေမင်း တစ်တန်းတည်းကျရောက်မယ့် နေ့ရက်၊ လ၊ ခုနှစ်ကိုပင် အတိအကျ တွက်ချက်ထားနိုင်ခဲ့ကြပါတယ်...
                 ဒီကနေ့   သိပ်ရေပန်းစားနေတဲ့ မာယန်တို့ရဲ့ မဟာပြက္ခဒိန်ဆိုတာ ကျောက်သားပကတိအပေါ် ပန်းပုရုပ်တွေနဲ့ မာယန်တို့ရဲ့
သင်္ချာကိန်းဂဏန်းတွေနဲ့ ကျောက်ထက်အက္ခရာ ကဗ္မည်းတင်ထားတဲ့ Architecture Stone Calendarကြီးပင် ဖြစ်ပါတယ်...
အဲဒီပြက္ခဒိန်ဟာ ခွေးသွားစိပ်များနဲ့ ဖော်ပြထားတဲ့ ကြီးစဉ်ငယ်လိုက် ကျောက်စက်ဝိုင်းကွင်း သုံးကွင်းကိုထပ်ထားပြီး လည်းကောင်းတို့ရဲ့
အပေါ် ကိန်းဂဏန်းများ ၊ ရုပ်ပုံများဖြင့် ဖော်ပြထားကြပြီး အဲ့ဒီပြက္ခဒိန်မှာဘဲ  စကြာဝဠာအစ နှင့် အဆုံးသတ်မှတ်ပေးထားပါသေးတယ်...
ဆုံးမှတ်ရက်ကတော့    နဂါးငွေ့တန်း   Micky Way ရဲ့    အလယ်ဗဟို  အီကွေတာ   နဲ့   သူရိယနေမင်း တစ်တန်းတည်းကျရောက်မယ့်
(2012)ခုနှစ်၊  ဒီဇင်ဘာ(21)ရက်ပါ.............
                မာယန်တို့ရဲ့ Tzolkin Calendar ပြက္ခဒိန်ဟာ (3125)ရက် ပတ်လည်နဲ့တွက်ချက်ထားပြီးဒီပြက္ခဒိန်ဟာဘီစီ(3144)မှာစပြီး
အေဒီ(2012)မှာ အဆုံးသတ်ထားပါတယ်..အခုအချိန်ထိ  သမိုင်းစဉ်တစ်လျှောက်  မာယန်တို့ရဲ့ ပြက္ခဒိန် ဒိုင်ယာရီမှာဖော်ပြထားခဲ့သမျှ
(ကြိုတင် နိမိတ်ဖတ်ခဲ့သမျှ)တွေဟာ  အမှားအယွင်း  မရှိခဲ့ဘူးလို့တောင်  ဆိုနေကြပြန်ပါတယ်...
မာယန်တို့ရဲ့ ပြက္ခဒိန်အရ   မာယန်  ပြက္ခဒိန်နှစ်    နှစ်ပေါင်း(5200) မှာ    ကုန် ဆုံးတော့မယ့်    (21.12.2012) မှာ    လူသားများရဲ့
လူ့ဘောင်လောကဟာ   ခေတ်ဟောင်း   မှ ခေတ်သစ်တစ်ခုကို  ထာဝရ ကူးပြောင်းသွားလိမ့်မယ်...  လက်ရှိ   သုံးဖက်မြင်လောကမှ
လေးဖက်မြင်လောကကို ကူးပြောင်းသွားမယ်...တခါ ငါးဖက်မြင်လောကကိုရောက်သွား လိမ့်မယ်လို့ဆိုပါတယ်...
(သာမန်အားဖြင့် သုံးဖက်မြင်ဆိုတာ အရှေ-အနောက်၊ တောင်-မြောက်၊ အထက်-အောက် တို့ဖြစ်ကြပြီး လေးဖက်မြင်အဖြစ်တိုးလာမှာက
အချိန် လို့ ဆိုပါတယ်)  မာယန်တို့က ကမ္ဘာကြီး ပျက်သုဉ်း ပြီးဆုံးသွားမယ်လို့ ဟောကိန်းထုတ်ထားတာမဟုတ်ပဲ ..
ကမ္ဘာကြီး မှာ ကြီးမားတဲ့ ပြောင်းလဲမှုကြီး ဖြစ်လိမ့်မယ်လို့ ဆိုထားတာပါ...
ပုံ(၇)
http://api.ning.com/files/Fqq8zUJqSC8GHmDjhewhpIUWjRmp-VQCeN1Ic0Gp5WE0xWeIUr-XT39QUy7TFkkmAe0aqHJVp58WfnqEB*G4slZW-aijNenj/P7.jpg
မာယန်တို့ရဲ့ ထင်မြင်မှုတွေနဲ့ ပတ်သက်ပြီး .....

မာယန်တို့၏ ပတ်လည်စနစ်ဖြစ်စဉ် တစ်ခု၏ အဆုံး(ပြက္ခဒိန်တစ်ခု၏ အဆုံး)တွင်
ကြီးကျယ်သော ပွဲတော်အခမ်းအနားများရှိသည်။ ထူးခြားလေးနက်မှုများရှိသည်။
သို့ဖြစ်၍ 2012 ဒီဇင်ဘာအချိန်ကာလတွင် လုံးဝထူးခြားသော ပြောင်းလဲခြင်းများရှိပြီး
ယင်းဖြစ်စဉ်တွင် လူအမြောက်အများ ပါဝင်သွားမည်။
                       (Sadana Noble –Mesonameria Research Organization)
                                                            အမှုဆောင် ဒါရိုက်တာ

မာယန်တို့ ဆိုလိုချင်တာက နောက်ဆုံးမှာ မဟာကပ်ဆိုး ကြမ္မာဆိုးကြီးကအကျင့်ပျက်
ယို့ယွင်းလာတဲ့လူတွေနဲ့ ဖန်တီးထားမှုအားလုံးကို တိုက်စားဖျက်ဆီးပစ်လိမ့်မယ်....
                                                        (Michael D.Coe 1966)

 မာယန်တို့သည် သူတို့၏ ပြက္ခဒိန်ကို 2012 ဆောင်ယဉ်စွန်းချိန် (Winter Solstice)တွင်
အဆုံးသတ်ထားသည်။ ထိုနေ့မှာ (21.12.2012)ဖြစ်ပြီး  ဖြစ်တောင့်ဖြစ်ခဲ နဂါးငွေ့တန်း
မျဉ်းဖြောင့် (Galatic Alignment) ကျရောက်သောနေ့နှင့် တိုက်ဆိုင်နေသည်။
                                                  (စာရေးဆရာ John Major Jenkin -1990)

မကြာခင် ဖြစ်ပေါ်လာနိုင်သည့် ၀င်ရိုးစွန်း ပြောင်းပြန်ဖြစ်စဉ်  (Polar Reversal)သည်
ကျွန်ုပ်တို့၏ ကွန်ပျူတာမှတ်ဥာဏ် (Hard Drives)များအား ဖျက်ဆီးပစ်လိမ့်မည်….
                                                            (Daniel Pinchbeck)

ကျွန်ုပ်တို့ နေစနစ်တွင် ဖြစ်တောင့်ဖြစ်ခဲဖြစ်သော  နေ ၊ ကမ္ဘာ နှင့် နဂါးငွေ့တန်း ဗဟိုတို့
တစ်တန်းတည်းကျရောက်သည့် ကောင်းကင်မျဉ်းဖြောက် (Celestial Alignment)သည်
2012 တွင်ဖြစ်ပေလိမ့်မည်..ယင်းဖြစ်စဉ်သည် နောင်နှစ်ပေါင်း 26000 ထိထပ်ဖြစ်မည် မဟုတ်ပါ…
                                                 (Gregg Braden)

အလွန်ကြာရှည်သောကာလ (၅၁၂၅နှစ်) ပြီးဆုံးခြင်း အပြောင်းအလဲသည်  မာယန်တို့အတွက်
အမြင့်ဆုံး ထူးခြားဆန်းပြားမှု ဖြစ်သည်။
                           မာယန်ဗေဒ နက္ခတ်ပညာရှင် Maud Worcester Makemson 1957…

မာယန်တို့ရဲ့ အယူအဆတွေနဲ့ ပတ်သက်ပြီး သက်ရှိ ပုဂ္ဂိုလ်နှစ်ဦးရှိပါသေးတယ်..
သူတို့ကတော့ (1922)ခုနှစ်ဖွား လန်ဒန် တက္ကသိုလ် စီးပွားရေးဌာနက အသက်(၈၈)နှစ်ရှိပြီဖြစ်တဲ့ ပါမောက္ခ Zecharia Sitchin နဲ့
ဘယ်ဂျီယံနိုင်ငံသား စာရေးဆရာ Patrick Geryl ဆိုတို့ဖြစ်ပါတယ်.. Patrick Geryl ဆိုသူကလည်း ခေသူတော့ မဟုတ်ပါဘူး ..
သိပံ္ပပညာရှင် အိုင်းစတိုင်းရဲ့ relativity theory ကို စိန်ခေါ်ထားသူတစ်ဦးဖြစ်ပါတယ်...

လက်ရှိ ကမ္ဘာမြေပေါ်မှာ ဖြစ်ပေါ်နေတဲ့ ပြောင်းလဲမှုတွေကို သိပ္ပံနည်းကျကျ ဆန်းစစ် စိစစ်ကြည့်ခြင်း ......

လက်ရှိ ကမ္ဘာပေါ်ရှိ သံလိုက်စက်ကွင်း အနေအထားများ
                      ကမ္ဘာသံလိုက်စက်ကွင်း   ၀င်ရိုးစွန်းများမှာ   လွန်ခဲ့သော (1831)ခုနှစ် မှ (2001) ခုနှစ်  အထိ
နှစ်ပေါင်း(170)အတွင်း   (7)နေရာပြောင်းခဲ့ပြီးဖြစ်ပါတယ်။   လက်ရှိ   နေရာဖြစ်သော   ကနေဒါနိုင်ငံ resolute
ပင်လယ်ဒေသအတွင်း canada's Ellesmere Island  အနီးမှ တစ်နှစ် (10)ကီလိုမီတာနှုန်းနှင့်  မြောက်ဘက်သို့
ရွှေ့နေရာက ယခုဆိုလျင်  မြန်လာပြီး တစ်နှစ် (40)ကီလို မီတာနှုန်းနှင့်   အရှေ့ဘက်ကို   ရွှေ့လာနေပါတယ်...
နောက်ဆယ်စုနှစ် အနည်းငယ်အတွင်း လက်ရှိ မြောက်အမေရိကတိုက်ဒေသက ထွက်ခွါသွားပြီး ဆိုက်ဘေးရီယား
ဒေသကို ရောက်လိမ့်မည်ဟု  ခန့်မှန်းထားကြပါတယ် ... (19)ရာစုနှစ်ကတည်းကစပြီး ကမ္ဘာသံလိုက်စက်ကွင်း
ပြင်းအားသည်(၁၀)ရာခိုင်းနှုန်းလျော့ကျ လာနေသည်ဟု ဆိုကုန်ကြပါတယ်... မှတ်တမ်းများအရ ...
အာဖရိကမှာဆိုလျင် သံလိုက်ဝင်ရိုးစွန်း အိမ်မြောင်သည် (၁၀)နှစ်ကို တစ်ဒီကရီနှုန်းနဲ့မျောပါ ပြောင်းလဲနေပါတယ်...
ပင်လယ်အောက်  မီးတောင်ချော်ရည်များကို  လေ့လာရာတွင်လည်း   ကမ္ဘာ သံလိုက်ဝင်ရိုးစွန်းများသည်   နှစ်ပေါင်း
သုံးသိန်းမှာ တစ်ကြိမ်နှုန်းနှင့်  အပြောင်းအလဲများဖြစ်ခဲ့သည်ကို တွေ့ရှိခဲ့ရပါတယ်.. သို့ရာတွင် နောက်ဆုံးအကြိမ်က
(ခုနှစ်သိန်းရှစ်သောင်း)ကြာကဖြစ်ခဲ့သည်ဖြစ်၍ ပြောင်းလဲမှုဖြစ်စဉ်အရ ကြည့်မည်ဆိုလျှင်  ပြောင်းလဲဖို့ အချိန်သည်
လွန်တောင် လွန်နေပြီဟု သိပ္ပံပညာရှင်များက သုံးသပ်ထားကြပါတယ်..
ရှေးဟောင်း ကျောက်ဖြစ် ရုပ်ကြွင်း ကျောက်များကလည်း  ယခင်ကပြသနေခဲ့သည့် သံလိုက်ဝင်ရိုးစွန်းအိမ်မြောင်၏
ဦးတည်လားရာဘက်အတိုင်း လက်ရှိမှာ မပြသတော့ဘူး ဟု ဆိုပါတယ်... ကမ္ဘာကြီး၏  အတိတ်သမိုင်းကြောင်း ကို
ပြန်ကြည့်ရာတွင်လည်း  သံလိုက်ဝင်ရိုးစွန်းများ  ရွှေ့လျားခဲ့သည့် သမိုင်းအထောက်များ ရှိခဲ့ပါတယ်...
ဒါမျိုးဖြစ်စဉ်တွေဟာ လွန်ခဲ့တဲ့  နှစ်ပေါင်း  (30000)လောက်ကလည်း  ဖြစ်ခဲ့ဖူးတယ် ဆိုတာကို  ရေအောက်မှာ  အေးခဲ
နေကြတဲ့ မီးတောင်ချော်ရည်တွေမှာ သံလိုက်အားလမ်းများအတိုင်း တင်ကျန်ရစ်ခဲ့တဲ့ သံလိုက်အစင်းကြောင်းကြီးတွေက
သက်သေထူနေပြန်ပါတယ်.....
ကမ္ဘာ့ သံလိုက်ဝင်ရိုးစွန်းတွေ နေရာပြောင်းခဲ့ပုံ ...
ပုံ(၈)
http://api.ning.com/files/ZAVdPp4VsZhCBEcP3CULii6detempLaTesVqbYFowCXtCKQoTn7dGR7kmLB6MG2mooJOIHOcKrwMWnqwkMcVBvJYvP4imCeW/p8.jpg
ကမ္ဘာ့သံလိုက် မြောက်ဝင်ရိုးစွန်းသည်  လက်ရှိ ကနေဒါနိုင်ငံ၏  BeffinBay ထဲတွင်  ရှိနေသော်လည်း  လက်ရှိရွှေ့လျား
နှုန်းအတိုင်းသာ ရွှေ့လာမည် ဆိုပါက  တစ်နေ့   ပစိဖိတ်  သမုဒ္ဒရာ၏   အလယ်    အီကွေတာရပ်ဝန်းတွင် ရှိနေသော
ဖီဂျီကျွန်းသို့   ရောက်လာမှာ ဖြစ်ပါတယ်...   ဤအချိန်တွင်  မြောက်နဲ့တောင် သံလိုက်ဝင်ရိုးစွန်းများ ရှုပ်ထွေးကုန်ပြီး
ထိပ်တိုက်  ဆန့်ကျင် လားရာတွေ  ဖြစ်ခဲ့ပါက  ကမ္ဘာသံလိုက်စက်ကွင်းပြင်အားသည်   သုည  ဖြစ်သွားမည်  ဖြစ်ပြီး ...
ထိုသို့ သာ ဖြစ်ပေါ်ခဲ့ပါက  ဂြိုလ်တု ဆက်သွယ်ရေးစနစ်၊  လေယဉ်ပျံသန်းမှု ၊ အင်တာနက်စနစ် ကွန်ယက်များ
ပျက်စီး  ကုန်မည်ဖြစ်သည် ဟု   သိပ္ပံနယ်က  ဆိုထားပါတယ်...
အသစ်ဖြစ်ပေါ်လာမည့် သံလိုက် အီကွေတာပြပုံ ...
ပုံ(၉)
http://api.ning.com/files/kfU-5hLEuTaUDsadTlLrVdtLaCtcgNMmDa4vg8WQWuAKOUPQgML3N9xDWvGTWTrubkM8Cz9uD0nObD8ndGPcZdKN30bnuLjU/P9.jpg
ကမ္ဘာ့ ရေခဲလွှာ အနေအထားများ ...
             မြောက်ဝင်ရိုးစွန်းဒေသတွင်ရှိသော ရေခဲပြင်များ  အရည်ပျော်လာနေပါတယ်...  ဒါ့အပြင်  2011 နှစ်ကုန်
ပိုင်းမှာ  သိပ္ပံနယ်က လူတွေ အံ့သြလောက်တဲ့  မိသိန်းဓာတ်ငွေ့တွေ   အများအပြား ထွက်လို့  လာနေပါတယ်..
ဒါပေမဲ့ .. တောင်ဝင်ရိုးစွန်းဒေသတွင်ရှိ  ရေခဲပြင်တွေမှာတော့   အံ့သြစရာ ကောင်းလောက်အောင် အများမထင်မှတ်
ထားသောပြောင်းလဲမှုများ နှင့်  ရေခဲပြင်ထု ပိုမို ထူထပ်လာသည်ကို တွေ့ရှိနေရပါတယ်...
ထို့ပြင်... မြောက်ဝင်ရိုးစွန်းဒေသတွင် မြေဆွဲအားများ တဖြည်းဖြည်း လျော့နဲလာနေပြီး တောင်ဝင်ရိုးစွန်း ဒေသများ
တွင်မူ မြေဆွဲအားများ  တိုးလို့ လာနေပါတယ်... အလ္လစကာဒေသတွင်  အောက်ခံမြေသားများ  ကြွတက်လာနေပြီး
ကုန်းမြေသစ်များပင်  ပေါ်ထွန်လို့ လာနေပါတယ်..

ပတ်ဝန်းကျင်ပြောင်းလဲမှု အနေအထားများ ...
    ပတ်ဝန်းကျင်ပြောင်းလဲမှုနှင့် ပတ်သက်၍လည်း  အပူပိုင်းဒေသအသီအနှံများကို  ၀င်ရိုးစွန်းဒေသများတွင်  တွေ့လာနေရပြီး
ဝင်ရိုးစွန်းရေခဲမြစ်တွေကိုတော့ အပူပိုင်းဒေသတွေမှာ တွေ့လာနေရပြန်ပါတယ်...နယူးဖော်လန်ဒေသတွေ မှာ သန္တာကျောက်တန်းတွေ ၊
အလပ်စ္စကာမှာ ဆင်တွေ ၊    ဂရင်းလန်းကျွန်း မြောက်ပိုင်းမှာ    သဖန်းပင်ကြီးတွေ  တွေ့လာနေရပါတယ်....
တောင်ဝင်ရိုးစွန်းတွင်သစ်တောစိမ်းကြီးတွေ၊ ဖန်းပင်တွေ၊ သစ်ရုပ်ကြွင်းလောင်စာဖြစ်နေတဲ့ သစ်ငုတ်တိုတွေ၊ ကျောက်မီးသွေးတွေကိုပင်
တွေ့လာ နေရပါတယ်.. Spitzbergen ဒေသတွင် (၁၂)ပေ ရှည်လျားသော ကြာပန်းများ ၊ ရုပ်ကြွင်းလောင်စာဖြစ်နေသော အုန်းပင်များ ၊
ထန်းပင် အရွက်ကြီးများကို တွေ့လာနေရပါတယ်.... မြောက်ဝင်ရိုးစွန်းနှင့် မိုင်(၅၀၀)လောက်အတွင်းတွင်မူ  နွံတောများတွင်မှာသာ
ပေါက်လေ့ရှိသော ကျောက်ပန်းပင် ရုပ်ကြွင်းများ ၊ ဆိုက်ဘီးရီယားဒေသမှာ အပူပိုင်း အမြဲစိမ်း သစ်တော မြက်ကြွင်း အကျန်များကို 
မည်သည့်  သက်ရှိ သတ္တ၀ါများ ၏ ရုပ်ကြွင်းများနှင့်မှ  မဆက်စပ်ဘဲ တွေ့လာနေရပါတယ်... ယင်း ဖြစ်စဉ်များ Pole Shift ဖြစ်ခဲ့ခြင်းသည်
အလျင်အမြန် ကျရောက်ဖူးသော ရေခဲခေတ်များ၏ သင်္ကေတတွေပင် ဖြစ်တယ်လို့ ဆိုပါတယ်..
ဆိုလိုသည့် သဘောကတော့  လက်ရှိ မြောက်ဝင်ရိုးစွန်းသည် ကမ္ဘာကြီး တည်စကတည်းက တည်ရှိသော ထာဝရ မြောက်ဝင်ရိုးစွန်း
မဟုတ်နိုင်ဘူးဆိုတဲ့ သဘော ...သာဓက ... သက်သေတွေပဲ ဖြစ်ပါတယ်....

သဘာဝဘေးအန္တရာယ် ဖြစ်ပေါ်မှုများ
              အားလုံးသိရှိပြီးဖြစ်သည့်အတိုင်း အိန္ဒိယသမုဒ္ဒရာ ဆူနာမီ (2006 ခုနှစ် 240000သေဆုံး)၊ တရုတ်စီချွင်မြေငလျင်
(2008ခုနှစ် 69000သေဆုံး)၊ မြန်မာနိုင်ငံ နာဂစ်ဆိုင်ကလုံး(2008-ခုနှစ် သေဆုံး 140000)စတာတွေ ဆက်တိုက်ဖြစ်ခဲ့ပြီးပါပြီ...
ဒါအပြင် ဘင်္ဂလားဒေ့ရှ် ဆိုင်ကလုန်း   (1991-ခုနှစ် 136000 သေဆုံး) ၊  ကက်ထရီနာ ၊ ရီတာ   စတာတွေ  ဖြစ်ပေါ်ခဲ့ပြီးပါပြီ.
မြေငလျင်နဲ့ ပတ်သက်လို့လဲ ပညာရှင်တွေက နှစ်တစ်နှစ်အတွင်း အားကောင်းသော ငလျင်အများအပြားလှုပ်ခြင်းမှာကြုံရခဲလှတယ်
ဟု ဆိုသော်ငြားလည်း  2010ခုနှစ်ကို အားကောင်းသော ငလျင်များနှစ်အဖြစ် သတ်မှတ်ခဲ့ကြပါတယ်...
ပြီးဆုံးသွားတဲ့  (2011)မှာလည်း ...လူအများအပြား သေဆုံးခဲ့ရသည့် အားပြင်းသည့် ငလျင်များကို ဂျပန်၊ စပိန်၊ မြန်မာ၊ တရုတ်၊
မက္ကဆီကို ၊ နယူးဇီလန် စသည့် နိုင်ငံတွေမှာ လှုပ်ခဲ့ပြီးပါပြီ ...   ဖျက်စွမ်းအား  ပြင်းထန်လှတဲ့  ဆူနာမီရေလှိုင်းတွေ .. မုန်တိုင်းတွေ
ရေလွှမ်းမိုးမှုတွေကြောင့် လူအသက်ပေါင်း မြောက်များစွာကိုလည်းဆုံးရှုံးခဲ့ရပါပြီ...
ယခု  2012 နှစ်ဦးရက်မှာပဲ ...  1.1.2012 ရက်နေ့မှာ ဂျပန်နိုင်ငံ မှာ ပြင်းအား(၇)အဆင့်ရှိတဲ့ ငလျင်ကြီး နဲ့ စတင်လို့ နေပါပြီ...
တိုကျိုမြို့ တစ်မြို့လုံး ရိမ်းထိုး လှုပ်ခတ်သွားတယ်လို့ ဆိုပါတယ်... အိမ်နီးချင်း ထိုင်းနိုင်ငံ၊ ပြည်နယ်ကြီး(၃)ခုမှာလည်း  ရေတွေ
ထပ်ကြီးလို့  2.1.2012 ရက်နေ့မှာပဲ  အနီရောင် အဆင့် သတ်မှတ်လို့ ရေကြီးတဲ့ဒဏ်ကိုစတင်ပြန်လည် ခံစားနေရပြန်ပါပြီ...
နောက်ဆက်ပြီး ဘယ်နေရာ ဘယ်ဒေသတွေ မှာ ဘာတွေ ဆက်ဖြစ်လာမလဲ ဆိုတာ  ... စိတ်ဝင်စားစရာ ကောင်းပါတယ်....

စိတ်ဝင်စားစရာ ကောင်းသည့် အတိတ်က ဇာတ်လမ်း ...
    ကမ္ဘာပေါ်တွင် ဒိုင်နိုဆောသတ္တ၀ါကြီးများမှာ တချိန်တုန်းဆီက  ရှင်သန်   ကျက်စားခဲ့ကြကြောင်းကို ယင်းတို့၏
ကျောက်ဖြစ်ရုပ်ကြွင်းများကသက်သေခံလျက်  ရှိနေပါတယ်... ကျောက်ဖြစ်  ရုပ်ကြွင်းများ၏  သက်တမ်းမှာ  လွန်ခဲ့သော 
နှစ်သန်း (၁၂၀) က ဟုဆိုပါတယ်... သို့ဆိုလျှင် ဤသတ္တ၀ါကြီးများ အဘယ်ကြောင့် ကမ္ဘာမြေပေါ်တွင် မျိုးသုန်းပျောက်ကွယ်
ကုန်ကြသနည်း....ဟု မေးခွန်းထုတ်စရာ လိုလာပါတယ်....
၁၉၇၀ပြည့်နှစ်က ဘူမိဗေဒပညာရှင်   ဝေါလ်တာအဲလ်ဗာရက်ဇ်ဆိုသူ   ခေါင်းဆောင်သောအဖွဲ့  မှ အီတလီနိုင်ငံ ဂူပီရိုအရပ်
တွင်  ကျောက်လွှာများကို တူးဖော်လေ့လာရာမှ လွန်ခဲ့သောနှစ် ၆၃သန်းအကြာက အနည်ကျခဲ့သော ကျောက်လွှာများကြားတွင်
တွေ့ရှိခဲ့သည့် ကျောက်ဖြစ်ရုပ်ကြွင်းအပိုင်းအစများနှင့် ယင်းအလွှာမြေအချို့မှာမြေသားများ၏ ထူးခြားမှုများကို တွေ့ရှိသတိထားမိ
ခဲ့ကြပါတယ်..  ယင်းမြေသား   နမူနာများကို    ရူပဗေဒပညာရှင်   လူးစစ်အယ်လဗာရက်ဇ်  နျူကလိယပ် ၊  ဓာတုပညာရှင်များ
ဖြစ်ကြသော   ဟယ်လင်မိချယ်  နှင့် ဖရန့်ခ်အာဆာရို တို့၏    စမ်းသပ်ချက်များအရ  အီရီဒီယမ်(Iridium)ဒြပ်စင်များအဆမတန်
များပြားနေကြောင်းတွေ့ရှိခဲ့ကြတယ်လို့ ဆိုပါတယ်...   မြေကမ္ဘာ မှာ အဲဒီ ဒြပ်စင်ပါဝင်မှု   နည်းပါးပေမဲ့    ဂြိုဟ်ပဲ့များ၊ ကြယ်တံခွန်
များမှာတော့   ယင်းဒြပ်စင်ပါဝင်မှု  များပြားပါတယ်..     ဒါကြောင့်   ကေတီနယ်ကြားရှိ   နက်မှောင်သော မြေသားများသည်
ဥက္ကာပျံများ၊ဂြိုဟ်ပဲ့များ၊ ကြယ်တံခွန်များ၏  အမှုန်အမွှားများ  ကျရောက်ခဲ့ခြင်းဖြစ်နိုင်သည်ဟု ယူဆခဲ့ကြပါတယ်...
ဒါကြောင့်ပဲ ..   လွန်ခဲ့သော နှစ်ပေါင်း(၆၃)သန်းက အလွန်ကြီးမားသော   ဂြိုဟ်ပဲ့ကြီးတစ်ခုသည် ကမ္ဘာမြေပေါ်သို့  ကျရောက်
ခဲ့မှုကြောင့်   ယင်းသတ္တ၀ါကြီးများ ပျောက်ကွယ်သွားကြသည်ဟု ကောက်ယူခဲ့ကြပါတယ်...
အထောက်အထားအဖြစ် ကမ္ဘာပေါ်တွင် ကျောက်ဖြစ်ရုပ်ကြွင်း  များသာတွေ့ရှိရပြီး အကောင်အထည်အနေနှင့် တစ်ကောင်
တစ်မြီးမှ မတွေ့ရှိနိုင်တော့သော ကမ္ဘာဦးသတ္တ၀ါကြီးတို့၏  ရုပ်ကြွင်းများက သက်သေခံနေပါတော့တယ်... ဒီနေရာမှာ လွန်ခဲ့သော
နှစ်ပေါင်း(၆၃)သန်းက မျိုးသုဉ်း ပျက်ဆီးကုန်ကြတဲ့ ဒိုင်နိုဆော ရုပ်ကြွင်းတွေရဲ့ အချိန်ကာလနဲ့   နေအပါအ၀င် ဖြစ်သည့်
ကမ္ဘာ့နဂါးငွေ့တန်း (milkyway or galaxy) သည် နှစ်ပေါင်း (၆၃)သန်းမှာ တစ်ကြိမ်နှုန်းနဲ့    galatic equatorial zone ကို
ဖြတ်တဲ့နေရာမှာ လာမည့် 2012 ခုနှစ်မှာ နောက်တစ်ကြိမ်  အဖြစ် ဖြတ်သန်းမယ်လို့ သိပ္ပံနယ်က ဆိုထားတဲ့ အဆို နဲ့ သွားကိုက်လို့
နေပြန်ပါတယ်... ဘာဖြစ်လို့လဲဆိုတော့ ..ကမ္ဘာ့နဂါးငွေ့တန်း (milkyway or galaxy) ဟာ galatic equatorial zone ကိုဖြတ်ရင်
ပြင်းထန်တဲ့ တုန်ခါမှုကြောင့် ဂြိုဟ်တွေ အချင်းချင်း တိုက်နိုင်လို့ပါပဲ....
ဒီဖြစ်စဉ်ကြောင့်ပဲ... ဒိုင်နိုဆောသတ္တ၀ါတွေ မျိုးသုဉ်း ပျောက်ဆုံးကုန်တာများလား?

2011 ခုနှစ် အာကာသ သိပ္ပံရပ်ဝန်း၏  ထူးခြား ဆန်းပြားမှုများ ......
    နာဆာက အာကာသသိပ္ပံပညာရှင်များ ထုတ်ပြန်တဲ့ 29.7.2011 news.. သတင်းတွေထဲမှာ  ကမ္ဘာဂြိုဟ်နှင့်မဝေးလှသော
ဂြိုဟ်ပတ်လမ်းကြောင်းအတွင်း ကမ္ဘာဂြိုဟ်နှင့် အတူ နေကိုလှည့်ပတ်နေသော ဂြိုဟ်သိမ်တစ်ခုကို တွေ့ရှိခဲ့ကြောင်း  အင်တာနက်
သတင်းတစ်ရပ်တွင်ဖော်ပြထားပါတယ်....လေယဉ်နဲ့တောင် သွားလို့ရနိုင်တဲ့ အထိအောင် နီးတယ်လို့ ဆိုထားပါတယ်....
 ဒါပြင်... ဂြိုဟ်သစ်ပေါင်း မြောက်များစွာကိုလည်း  ကမ္ဘာဂြိုဟ် အနီးအနားဝန်ကျင်မှာ တွေ့နေရတာ....
နေ စကြာပဠာ နဲ့ ပုံစံ တူတဲ့ နောက်ထပ် နေနှစ်စင်းကိုလည်း တွေ့နေရတာ... အဲဒီနေ နှစ်စင်းကို ဗဟိုပြုပြီး ဂြိုဟ်တွေ လည်ပတ်
နေတာတွေဟာ  ..  2011 ခုနှစ် အာကာသ သိပ္ပံရပ်ဝန်းရဲ့  ထူးခြား ဆန်းပြားတဲ့ တွေ့မြင်ရမှုတွေပါ...

ကျွန်ုပ်တို့ ကမ္ဘာကြီး အမှန်တကယ်ပဲ ပြီးဆုံးတော့မှာလား ....

ကမ္ဘာကြီးပြီး ဆုံးခြင်း ကို ၀ါဒပေါင်းစုံနှင့်စမ်းစစ်ခြင်း ...
ဗုဒ္ဓဘာသာတွင် မီးဖျက်၍ ပြီးဆုံးခြင်း၊ ရေဖျက်၍ ပြီးဆုံးခြင်း၊   လေဖျက်၍ ပြီးဆုံးခြင်းဟူ၍ (၃)မျိုးရှိပြီးမီးဖျက်၍
ကမ္ဘာကြီး ပြီးဆုံးရာ၌    နေ(၂)စင်းတို့သည်   တစ်စင်းပြီးတစ်စင်း   ထွက်လာ၍ မြစ်ချောင်း၊ အင်းအိုင်၊ ပင်လယ်
သမုဒ္ဒရာတို့မှ ရေများ ခမ်းခြောက်ကာ လူ့ဘုံ ၊ နတ်ဘုံ ၊ ပထမဈာန်သုံးဘုံ နှင့်  ဗြဟ္မပြည်သို့တိုင်အောင်  မီးလောင်ကျွမ်း
ပျက်စီးသွားပြီး  ကောင်းကင်ပြင်တစ်ခုလုံးသည် တစ်စပ်တည်းဖြစ်လျှက် ကမ္ဘာပြုမိုးရွာသွန်းသည့်အချိန်ထိ သံဝဋဌာယီကပ်
တစ်ခုလုံး အမှောင်တိုက်ကြီးဖြစ်၍ တည်နေလေသည်ဟု ဖော်ပြထားပါတယ်...

ကမ္ဘာကြီးအား ရေလွှမ်းမိုးခြင်းနှင့်ပတ်သက်၍ .....
သမိုင်းမှတ်တမ်းများ နှင့် ဘာသာရေးကျမ်းစာများတွင် အများအပြားတွေ့ရှိရပါလိမ့်မယ်...
ဥပမာ- ခရစ်ယာန် ဘာသာကျမ်းစာတွင် ခရစ်မပေါ်မီ (၂၃၇၀-၂၃၆၉)(BC 2370-2369) အချိန်ခန့်က ကမ္ဘာကြီးတစ်ခုလုံး
ရေလွှမ်းမိုးခဲ့ဘူးပြီး ရေကြီးချိန်မှာ တစ်နှစ်ခန့်ပင် ကြာမြင်ခဲ့ ပြီး  ကြိုတင်သိရှိသော နောဧ (Noah)က မိသားစုနှင့်
တိရိစ္ဆာန်မျိုးစုံကို သင်္ဘောကြီးတစ်စင်းတွင်တင်၍ အသက်အန္တရာယ်မှ ရှောင်ရှားနိုင်ခဲ့သည်ဟု ဆိုထားပါတယ်...
ဟိန္ဒူဘာသာတွင်လည်း ကမ္ဘာကြီး ရေလွှမ်းမိုးခြင်းနှင့်ပတ်သက်၍ ပထမဆုံးမှတ်တမ်းတင်ထားသော သကပသာ ထာဝရ
ဘုရားကျမ်းစာတွင်မူ   ယင်းကျမ်းစာ အလိုအရ   ရေကြီးခဲ့သောအချိန်မှာ ခရစ်မပေါ်မီ   ၃၁၀၀ (BC3100)ခန့်ကဟု
မှန်းဆထားပြီး     ကြိုတင်သိရှိသော မနုဝိပါသတက သင်္ဘောတစ်စီးတည်ဆောက်၍ မြောက်ဘက်ကုန်းမြင့်ပိုင်းသို့
ရှောင်ရှားနိုင်ခဲ့ပြီး နတ်ပြည်(၃)ထပ်စလုံးရေထဲပါသွားကာ မနုဝိပါသက တစ်ဦးတည်းသာ အသက်ရှင်ကျန်ရစ်သည်ဟု ဆိုပါသည်။

သို့ဖြစ်၍ ကမ္ဘာကြီးတွင် ရေလွှမ်းမိုးသောဖြစ်စဉ်များ ဖြစ်ပွားခဲ့ဘူးနိုင်သည်ဟု ကောက်ချက်ပြုနိုင်ပါတယ်....
သက်သေအထောက်အထားအဖြစ် သဘာဝဘေးအန္တရာယ် တွေကြောင့် ပင်လယ်ရေအောက်ရောက်နေကြတဲ့ အတိတ်ကာလဆီက
ရှေးဟောင်းမြို့ပြများက  သက်သေခံလို့နေပါတယ်...

သို့သော် ဗုဒ္ဓဘာသာတွင် သာသနာနှစ် အနှစ်(၅၀၀၀) တည်တံ့မည်ဟူ၍၎င်း၊
(2012 ရောက်သည့်ကာလတွင် ဗုဒ္ဓသာသနာနှစ်မှာ နှစ်ပေါင်း(၂၅၅၆)နှစ်ဟု ဆိုကြကုန်၏ ....
စိတ်ဝင်စားစရာကောင်းသည်က ဘုရားရှင် လက်ထက်တော်က အသုံးပြုခဲ့ကြသည့် ပြက္ခဒိန်ပင်ဖြစ်တော့၏ )
ယခု ကျွန်ုပ်တို့၏ ကမ္ဘာ ဘဒ္ဒကမ္ဘာ မှာ ဘုရားငါးဆူပွင့်မည်ဖြစ်၍ ဘုရား(၁)ဆူပွင့်ရန်ပင် ကျန်ရှိနေသေးသည့် အတွက်
ကျွန်ုပ်တို့၏ ဗုဒ္ဓဘာသာ ယုံကြည်ချက်အရ ကမ္ဘာကြီးပြီးဆုံးရန် ကာလများစွာ လိုနေဦးမှာပါ ...

ကျွန်ုပ်တို့ ကမ္ဘာကြီး မပြီးဆုံးသေးသော်လည်း အခြားကပ်ဆိုးများဖြစ်သည့်
(ငလျင်လှုပ်ခြင်း၊ မီးတောင်ပေါက်ကွဲခြင်း၊ ဖျက်အားပြင်း မုန်တိုင်း၊ ဆူနာမီ၊ အအေးလှိုင်း၊ အပှုလှိုင်း) အစရှိသည့်
သဘာဝဘေးအန္တရာယ်များကတော့ ကမ္ဘာတစ်လွှားမှာ  ယခုအချိန်ကပင် စတင်ကြုံတွေ့နေရပြီဖြစ်ပါတယ်...

လောက၌ မဖြစ်နိုင်ဆိုသောအရာ မရှိနိုင်ပါ။ မဖြစ်သေးတာဘဲ ရှိပါလိမ့်မယ်...
ထိုသို့  မဖြစ်သေးသည့် အကြောင်းအရာတစ်ခုကို ကြိုတင်မှန်းဆတွက်ချက်မှုဖြင့် သေချာပေါက်အမှန်
ဧကန်ဖြစ်ရမည်ဟု ဆန်းစစ်ဆုံးဖြတ်ရန်မှာ ခက်ခဲလှပါတယ်.....  သို့ရာတွင် ...ယခင်ခေတ်အခါများက
မဖြစ်နိုင်ဟု  ထင်ခဲ့ရသော အရာများက  ယနေ့ခေတ် အခါတွင် မျက်ဝါးထင်ထင် မျက်မြင်တွေ့နေရပြန်ပါတယ်...

ကျွန်ုပ်တို့ ကမ္ဘာကြီး ပြီးဆုံးသည်  ဖြစ်စေ.... မပြီးဆုံးသည်ဖြစ်စေ .......
သတိရှိသူ ၊ ကြိုတင်ပြင်ဆင် စီမံတတ်သူ၊ စေ့စပ်သေချာသူများကတော့  အဆုံးအရှုံး၊ အထိအခိုက်နည်းစွာ အောင်မြင်စွာ
ကျော်ဖြတ်နိုင်မှာပါ... နေရာဒေသကွက်၍ ဖြစ်ပေါ်လာနိုင်မည့် သဘာဝဘေး အန္တရာယ်များကို   ကြိုတင်မှန်းဆနိုင်လျှင်
ရှောင်ရှားနိုင်သည့် အခွင့်အလမ်းရှိပါတယ်... ဥပမာ- မုန်တိုင်းမှန်းဆချက် ထွက်ပေါ်လာသည်နှင့် ပင်လယ်ကမ်းခြေမှ
လွတ်ကင်းသည့်နေရာဒေသများသို့ကြိုတင် ရွှေ့ပြောင်းနေထိုင်ခြင်းမျိုးကို ဆိုလိုပါတယ်...

အချိန်တွေကတော့  တရွှေ့ရွှေ့ကုန်ဆုံးနေပါလိမ့်မယ်...
နောက်  တစ်ရက်  ရောက်ဘို့  (၂၄)နာရီ စောင့်ရပါဦးမယ်....
နောက် ဘ၀ ဆိုသည်ကတော့ ဆန့်တဲ့လက် မကွေးမှီ ၊ ကွေးတဲ့လက် မဆန့်မှီမှာဘဲ ရောက်သွားနိုင်ပါတယ်...
သို့ဆိုလျှင် ... နောက်ဘ၀ ဆိုတာ အနီးလေး....နောက်တစ်ရက်ဆိုတာ အဝေးကြီးပါ ......
ကျွန်ုပ်တို့ ... မိမိအကျိုး၊ အများအကျိုး၊ ကောင်းမှုလုပ်ငန်းများကို ဆောင်ရွက်ရင်း  သံသရာခရီးအတွက် ခရီးဆက်ကြရမှာပါ...

မည်သို့ပင် ဆိုစေကာမူ  .. ဖြစ် .. ပျက် ..ရဲ့သဘောအရ ...
ဒါတွေဟာ  မိခင်   သဘာဝ တရားကြီးရဲ့ အပြောင်းအလဲတစ်ခုပဲ ဖြစ်ပေလိမ့်မည်....
ကမ္ဘာကြီးကတော့ အဆုံးသတ်သွားမှာ မဟုတ်ပါဘူး .... ကမ္ဘာကြီးရဲ့သက်တမ်းဟာ နှစ်သန်းပေါင်း(4500)ကျော်ပြီဖြစ်လို့
ဒီလိုဖြစ်ပျက်မှုတွေကို  တွေ့ကြုံကျော်ဖြတ်ပြီးသားဖြစ်မှာပါ...
တရားသဘောအရကြည့်ရင်တော့  ... အားလုံးဟာ .... သင်္ခါရ တရားတွေပါ . .....
ဒါပေမယ့် ...
အမိကမ္ဘာမြေကြီးဟာ အတွေ့အကြုံ ရင့်ကျက်တဲ့ ဖိုးကံကောင်းကြီးပါ..
တကယ်လို့များ ဒီလို အဖြစ်အပျက်တွေနဲ့ ကြုံလာခဲ့မယ် ဆိုရင်တောင် အသာအယာ ကျော်ဖြတ်နိုင်မှာ..အသေအချာပါ....

                                    ကမ္ဘာသူ ကမ္ဘာသား အားလုံး ကျန်းမာ ချမ်းသာပါစေကြောင်း ဆုမွန်ချွေလျက်......

ref:     BBC News....
          http://www.crystalinks.com/mayan.html
          http://www.ancientscripts.com/mayan.html
          http://www.authenticmaya.com/maya cosmology.htm
          The Inter Planets (English On Line website)
          The Solar System (Science-resources CO.UK ewbsite)
          dr . U Tun Lwin say The Myanmar Post  journal..
           The Analysis of 2012 probulem -Naing Aung
Our solar system is the green circle in the middle of the Milky Way galaxy.

No comments:

Post a Comment

Related Posts Plugin for WordPress, Blogger...