မလေးရှား အာဏာပိုင်တွေဟာ နိုင်ငံတောင်ပိုင်း တိရစ္ဆာန်ရုံတစ်ရုံမှာ ဆိုးဆိုးရွားရွား နေထိုင်ခဲ့ရဟန်ရှိတဲ့ အသက် ၂၅ နှစ်အရွယ် လူဝံမကြီး ရှာလေးကို ပြီးခဲ့တဲ့ သီတင်းပတ်က ဖမ်းဆီး ထိန်းသိမ်း ခဲ့ကြတာဖြစ်ပါတယ်။ ဒါပေမယ့် သီတင်းပတ် အနည်းငယ် အတွင်း မှာပဲ ဘော်နီယိုကျွန်းက တောရိုင်း တိရစ္ဆာန် ထိန်းသိမ်းရေးစင်တာ တစ်ခုကို လွှဲပြောင်းအပ်နှံဖွယ် ရှိနေပါတယ်။
ရှာလေးနေခဲ့တဲ့ တိရစ္ဆာန်ဥယျာဉ်ဟာ တိရစ္ဆာန်တွေကို ဂရုမစိုက် ပစ်စလက်ခတ်ထားတာကြောင့် မလေးရှားနိုင်ငံမှာ နာမည်ဆိုးရှိတဲ့ တိရစ္ဆာန်ရုံတစ်ရုံ ဖြစ်ပါတယ်။ ရှာလေးရဲ့ လှောင်အိမ် အပြင်ဖက်မှာ ဆေးလိပ် မသောက်ရဆိုတဲ့ တားမြစ်စာတမ်း ရေးထိုးထားပေမယ့် ဧည့်သည်တွေက ရှာလေး ဆေးလိပ်သောက်တာကိုလည်း တားဆီးခဲ့ကြခြင်း မရှိပါဘူး။ ဒါ့အပြင် ရှာလေးဟာ အစားအစာ ဝ၀လင်လင် မစားခဲ့ရဘဲ လူတွေ ပစ်ပေးတဲ့ အစားအစာထည့် စက္ကူဘူးခွံတွေကိုပဲ ဝါးစားနေခဲ့ရ တယ်လို့ ဆိုပါတယ်။
ဆေးလိပ်သောက်ခြင်းဟာ လူဝံတွေရဲ့ ပုံမှန် အပြုအမူနဲ့ ဆန့်ကျင်နေတာကြောင့် ရှာလေးကို နိုင်ငံတကာ အာဏာပိုင်တွေက ဆေးလိပ်ဖြတ်ပေးဖို့ပြင်ဆင်နေကြခြင်း ဖြစ်ပါတယ်။
ကိုအောင်(မြောက်ဦး)
Source : YoYarLay
No comments:
Post a Comment