စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ဤပုဂ္ဂိုလ်များအား ဤနေရာမှ ဂုဏ်ပြုပါသည်

          ယခုလ ၂၉ ရက်နေ့ ရန်ကုန်တိုင်း မင်္ဂလာတောင်ညွန့် မြို့နယ် မီးလောင်မှုမှာ မီးငြိမ်းသတ်ရင်း အသက်စွန့်သွားကြတဲ့ တာမွေနှင့် စမ်းချောင်းမြို့နယ် မီးသတ်တပ်ဖွဲ့မှ တပ်ကြပ် ပြည်ဇော်ဌေး၊ တပ်ကြပ် တင်စိုး၊ ဒုတပ်ကြပ် သီဟမျိုး ၊ တပ်သား မျိုးကျော်ကျော်၊ တပ်သား အောင်အောင်၊ တပ်သား သော်ဇင်မျိုးထက် တို့ကို ဂုဏ်ပြုပါ၏။
          ထိုသို့သော အသက်စွန့်ကျဆုံးသွားကြသည့် မီးသတ်ရဲဘော်များနှင့်တကွ ရန်ကုန်တိုင်းအတွင်းမှာရှိတဲ့ နေ့ရော ညပါ အချိန်ပြည့် တောင်းဝန်ထမ်းဆောင်နေတဲ့ မီးသတ်တပ်ဖွဲ့ဝင်များ၊ လူနာများကို ရှာဖွေ ကယ်ထုတ်နေတဲ့ ကြက်ခြေနီ တပ်ဖွဲ့ဝင်များ ၊ ဝိုင်းဝန်းကူညီခဲ့ကြတဲ့ ပြည်သူ့ရဲတပ်ဖွဲ့ဝင်များ၊ လူနာများကို ညတွင်းချင်းဆေးဝါးကုသမှုနဲ့ ထောက်ပံ့မှုတွေ ပေးခဲ့ကြတဲ့ ရန်ကုန်ဆေးရုံကြီးမှ ကျန်းမာရေးဝန်ထမ်းများ၊ တပ်မတော်စစ်ဆေးရုံမှ တပ်မတော်သားများနဲ့ တာဝန်သိသိ လူမှုရေးစိတ်ဓာတ်ရှိရှိနှင့် ၀ိုင်းဝန်းကူညီဆောင်ရွက်ခဲ့ကြသော လူထုကြီးအား လေးစားဂုဏ်ပြုပါ၏။ ဒဏ်ရာရရှိခဲ့ကြတဲ့ မီးသတ်ရဲဘော်များကိုလည်း ဂုဏ်ပြုပါ၏။
ကျဆုံးသွားသော မီးသတ်ရဲဘော်များ၏ ဈာပနအခမ်းအနား
မီးလျှံများကြားအသက်စွန့်သွားကြတဲ့ သူရဲကောင်းများ
သေမင်းနဲ့ မီးလျှံကြား မမှုဘဲ အတင်းတိုးဝင်ငြှိမ်းသတ်
ကြက်ခြေနီတပ်ဖွဲ့ဝင်များကလည်း ကိုယ့်ရင်သွေးနဲ့မခြား အန္တရာယ်မှ ကယ်ထုတ်ဖို့ကြိုးစား
မီးသတ်၊ကြက်ခြေနီ၊ပြည်သူ့ရဲနဲ့ ပြည်သူလူထုရဲ့ ပူးပေါင်းစွမ်းအားဖြင့် အသက်များစွာကို အပျက်အဆီးများအား ကျော်ဖြတ်ကယ်တင်
ပြည်သူ့အတွက်ကြက်ခြေနီ
နေ့တွေညတွေအရေးမကြီး တာဝန်နှင့်ပြည်သူသာ အရေးကြီးသည်
တပ်မတော်သည် စစ်တိုက်ရန်တစ်ခုအတွက်သာမဟုတ်၊ ပြည်သူအတွက် လိုအပ်လျှင် အသင့်ရှိရမည်
ပြည်သူ့အတွက် ကိုယ်ကျိုးမငဲ့ ပေးဆပ်ခဲ့ကြသော သူရဲကောင်းများအား ဤနေရာမှ ဂုဏ်ယူစွာ အလေးပြုလိုက်ပါသည်။
ပြန်လည်ထူထောင်ရေးလုပ်ငန်းများတွင် သွားရောက်ကူညီကြဦးမည့်အဖွဲ့အစည်းများနှင့်ပုဂ္ဂိုလ် အပေါင်းကိုလည်း လေးစားစွာ ဂုဏ်ပြုပါသည်။
သူရဲကောင်းအပေါင်းအား ဂုဏ်ယူစွာ အလေးပြုဦးညွတ်လျက်
မင်းအရိပ်
(သတင်းဓာတ်ပုံများအား myanmar express မှ ကူးယူဖော်ပြပါသည်။)

No comments:

Post a Comment

Related Posts Plugin for WordPress, Blogger...