စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







တစ်နှစ်ပတ်လုံး ကိုယ့်ကိုယ်ကိုယ် ယုံကြည်မှု တည်ဆောက်နိုင်သော နည်းလမ်း ၁၀ ခု

Good Health Originally posted
၁။ ပတ်ဝန်းကျင်ကို လေ့လာပါ
သင့်မှာ အဆင်မပြေမှုတွေ ရှိနေနိုင်ပါတယ်။ ဒါတွေကို ကျော်လွှားပြီး ကိုယ့်ကိုယ်ကိုယ် ယုံကြည်မှု တည်ဆောက်နိုင်ဖို့ အတွက် သင်ရဲ့ အနီးဆုံး ပတ်ဝန်းကျင်ကို လေ့လာပြီး လိုအပ်ချက်ကို ရှာဖွေဖို့ လိုပါတယ်။ သင့်ပတ်ဝန်းကျင်၊ သင့်ဆွေမျိုးတွေနဲ့ သင့်အလုပ်ဝန်းကျင်ကို နားလည်အောင် လေ့လာပြီး ဘာလုပ်သင့်တယ်ဆိုတာ ချရေးပါ။ အဲဒီထဲက အကောင်းဆုံးဖြစ်မယ့် နည်းလမ်းကို ရွေးချယ်ပြီး ပြောင်းလဲမှုတွေ ပြုလုပ်ပါ။
၂။ အပြုသဘောဆောင်သော အတွေးများကို တွေးပါ
တစ်စုံတစ်ယောက်ကြောင့် ဒါမှမဟုတ် တစ်ခုခုသော အခြေအနေတွေကြောင့် သင့်ကိုယ်သင် ယုံကြည်မှု မရှိသလို ခံစားနေရပါသလား။ သင်ရဲ့ အကောင်းမြင်စိတ်၊ လုပ်ဆောင်မှုတွေနဲ့ ဆွဲဆောင်ပါ။
၃။ ကိုယ်ပိုင်အရည်အချင်းကို မမေ့ပါနှင့် တစ်ချိန်က သင်အကောင်းဆုံး လုပ်ဆောင်နိုင်ခဲ့တဲ့ အကြောင်းအရာတွေကို ဘယ်တော့မှ မေ့မပစ်လိုက်ပါနဲ့။ အဆိုးဆုံး အခြေအနေတစ်ခု ရောက်နေခဲ့ရင်တောင် ကျော်လွှားနိုင်ပါတယ်။ အသက်ကို ဝဝရှူပြီး သင့်ပုံစံက နောက်ထပ် ခြေလှမ်းအသစ် တစ်ခလှမ်းဖို့ အဆင်သင့် ဖြစ်နေပါစေ။
၎။ လေ့ကျင့်ခန်း အနည်းငယ်လုပ်ပါ
လေ့ကျင့်ခန်း အနည်းငယ် လုပ်တာက စိတ်ဖိစီးမှုကြောင့် ခန္ဓာကိုယ်က ထွက်ရှိတဲ့ ဟော်မုန်းတွေကို လျော့နည်းစေပါတယ်။ သင့်တော်တဲ့ လေ့ကျင့်ခန်းက ပုံမှန် လုပ်ပေးတာက ခန္ဓာကိုယ်က စိတ်ဖိစီးမှု ကင်းဝေးစေပြီး လန်းဆန်းစေပါတယ်။ ဒါ့အပြင် ကိုယ်ကိုယ့်ကိုယ် ယုံကြည်မှုပါ ဖြစ်ပေါ်စေပါတယ်။
၅။ မိသားစုအတွက် အချိန်ပေးပါ
သင်ဟာ သင့်မိဘ၊ သင့်မိသားစု၊ သင့်ဆွေမျိုးနဲ့ သင့်သူငယ်ချင်းတွေနဲ့ ချိန်းပြီး စကားပြောတာ၊ မုန့်အတူစားတာမျိုးတွေ ပြုလုပ်ပေးပါ။ ချစ်ခင်သူတွေနဲ့ အတူနေထိုင်တာက ကိုယ့်ကိုယ်ကိုယ် ယုံကြည်မှုကို ပိုစေပါတယ်။
၆။ ဖိစီးမှုကို မောင်းထုတ်ပါ
သင့်ကို စိတ်ဖိစီးမှု ဖြစ်စေတဲ့အရာက ဘာလဲဆိုတာ သိအောင် အရင်လုပ်ပါ။ ဒီထက်ပိုပြီး လက်ခံမထားပါနဲ့။ သင့်စိတ်ထဲမှာပါ မကျန်ရအောင် မောင်းထုတ်လိုက်ပါ။ ဖိစီးမှု ကင်းကင်းနဲ့ အလုပ်လုပ်တဲ့အခါ အချိန်နဲ့ အလုပ်ကို ညီမျှအောင် လုပ်ဆောင်နိုင်တာကြောင့် ကိုယ်ကိုယ့်ကိုယ် ယုံကြည်မှုကို တိုးပွားစေပါတယ်။
၇။ အသစ်များကို လေ့လာပါ
ဝါသနာပါရာ နောက်ထပ် အသစ်တစ်ခုကို လေ့လာပါ။ အသစ်အဆန်း တစ်ခုကို လေ့လာတာက သင့်ဦးနှောက်နဲ့ စိတ်အတွက် အကောင်းဆုံး အာဟာရ ပေးစွမ်းတာပါ။ သစ်လွင်တဲ့ အတွေးအခေါ်တွေကို တွေးခေါ် မြော်မြင်နိုင်ပြီး အသစ်အသစ်တွေ နားလည် သိရှိလာတာကြောင့် ကိုယ့်ကိုယ်ကိုယ် ယုံကြည်မှု ပိုစေပါတယ်။
၈။ အောင်မြင်မှုကို ပြန်တွေးပါ
သင်ရဲ့ အတိတ်မှာ အောင်မြင်မှုတွေ ရှိခဲ့မှာပါ။ မကြာခဏ ပြန်တွေးပေးပါ။ အခက်အခဲ တစ်စုံတစ်ခုနဲ့ ကြုံတွေ့လာတဲ့ အခါမျိုးမှာ အရင်က ကျော်လွှားနိုင်ခဲ့တာပဲ ဆိုတဲ့ စိတ်ဓာတ်မျိုးကို ပြန်တွေးတာကြောင့် ကိုယ့်ကိုယ်ကိုယ် ယုံကြည်မှု ပိုမိုစေပြီး အောင်မြင်အောင် လုပ်ဆောင်နိုင်ပါတယ်။
၉။ ဖုန်းခေါ်ပါ
သူငယ်ချင်းကို ဖုန်းခေါ်ပြီး ခဏတာ စကားပြောပါ။ သင်ရဲ့ အခက်အခဲတွေကို ပြောပြပြီး ရင်ဖွင့်တာ၊ အကြံဉာဏ် ယူတာတွေ ပြုလုပ်ပါ။ သူငယ်ချင်းရဲ့ အားပေးမှုနဲ့ အကြံဉာဏ် ပေးမှုတွေက သင့်ကိုယ်သင် ယုံကြည်မှု ပိုစေပါတယ်။
၁၀။ ဦးနှောက်ကို အစာကျွေးပါ
တေးဂီတသံကို နားထောင်တာ၊ စာအုပ်ဖတ်တာတွေက သင့်စိတ်ကို အာဟာရ ဖြစ်စေပါတယ်။ သီချင်းနားထောင်တာ၊ ရုပ်ရှင်ကြည့်တာတွေက ခံစားမှုကို ဖြစ်ပေါ်စေတာကြောင့် သင့်စိတ်အတွက် အာဟာရ မဖြစ်စေပါဘူး။
ဇာခြည်ဝင်း(ဆေးဝါးတက္ကသိုလ်)

No comments:

Post a Comment

Related Posts Plugin for WordPress, Blogger...