စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







တကယ့်ဖြစ်ရပ်မှန်

တကယ့်ဖြစ်ရပ်မှန်
၁၉၉၃ ခုနှစ် စက်တင်ဘာလ

ပညာဆက်သင်ဖို့ သူ ဂျာမဏီရောက်ပြီး (၈)လအကြာမှာ ဇနီးဖြစ်သူတစ်ယောက် ညအလုပ်ပြန်လမ်းမှာ အနိုင်ကျင့် စော်ကားခံလိုက်ရတယ်။ သူလွန်လွန်ကျူးကျူး ခံစားခဲ့ရပေမယ့် သိတတ်မှုနဲ့ တာဝန်ကြောင့် ဇနီးကို သူမစွန့်လွတ်ရက်ခဲ့ဘူး။ ဒါပေမယ့် သူတို့နဲ့မတူတဲ့ ကလေးငယ်တစ်ယောက် ဇနီးမွေးဖွားလာမှာကိုတော့ သူစိုးရိမ်ခဲ့တယ်။ အဲဒီစိုးရိမ်မှုက သူ့ကို မလှုပ်ရှားနိုင်အောင် လအတော်ကြာ ရစ်ပတ်ချည်နှောင်ထားခဲ့တယ်။
စွန်းစွန်းဖြစ်ပြီး စက်ရုံတစ်ခုမှာ အလုပ်လုပ်တဲ့ ဝေဝေက ကျွန်တော့်ထက် (၃)နှစ်ငယ်တယ်။ ဝေဝေက ရိုးသားကြိုးစားတဲ့ မိန်းကလေးဖြစ်ပြီး အိပ်ရာထက်လဲနေတဲ့ နာတာရှည်ဖခင်ကြောင့် အိမ်ထောင်ပြုနောက်ကျခဲ့တယ်။ ကျောင်းပြီးတော့ မာစတာတက်နေဆဲမှာ ဇနီးဝေဝေနဲ့ ကျွန်တော်သိခဲ့တယ်။ အဲဒီတုန်းက ကျွန်တော့်အသက် (၃ဝ) အဲဒီကျောင်းမှာပဲ ကျွန်တော်အလုပ်ဝင်ခဲ့တယ်။ အလုပ်သက်တမ်း (၃)လအကြာမှာ ဝေဝေနဲ့ကျွန်တော် လက်ထပ်ခဲ့ကြတယ်။ အသက်အရွယ်ကြောင့် ကလေးမြန်မြန်ယူဖို့ ကျွန်တော်မျှော်လင့်ခဲ့တယ်။

လက်ထပ်ပြီးနှစ်ဝက်အကြာမှာ ကျွန်တော်ရဲ့ လုပ်ရည်ကိုင်ရည်ကြောင့် ဂျာမဏီသွားပြီး ပညာတစ်နှစ်ဆက်သင်ဖို့ အခွင့်အရေးရခဲ့တယ်။ ဒါကြောင့် သားသမီးယူမယ့်ကိစ္စကို နောက်ဆုတ်ခဲ့ရတယ်။

ပညာသင်နေတဲ့ အတောအတွင်း ဝေဝေ့ဆီ နှစ်ပတ်တစ်ခါ ကျွန်တော်စာရေးဖြစ်ခဲ့တယ်။ ဝေဝေရဲ့စာက ကျွန်တော်ထက် ပိုစိပ်ခဲ့တယ်။ ဒါပေမယ့် ၁၉၉၄ခုနှစ် ဇွန်လနောက်ပိုင်းမှာ ကျွန်တော့်ဆီ ဝေဝေစာမရေးခဲ့တော့ဘူး။ ဒီအချိန်မှာပဲ ပါမောက္ခ Jacquesက ကျွန်တော့်ကို နောက်ထပ်တစ်နှစ် ပညာဆက်သင်ပြီး ဇနီးကိုပါ တပါးထဲခေါ်ခဲ့ဖို့ အကြံပေးတယ်။ ဒီအကြံကို ကျွန်တော်အရမ်းဝမ်းသာမိတယ်။ ဝေဝေကို ချက်ချင်းဖုန်းခေါ်ပြီး ကျွန်တော်ပြောပြလိုက်တယ်။ ကျွန်တော်ဖုန်းကြောင့် ဝေဝေ အရမ်းအံ့သြသွားပုံရတယ်။

“ဝေဝေ.. ကိုယ်.. ဟန်စိန်ပါ”

ဝေဝေဘာမှ ပြန်မပြောဘဲ ရုတ်တရက် ငိုချလိုက်တယ်။ ရင်ထဲက တနင့်နင့်ရှိုက်သံတွေ ဖုန်းတစ်ဖက်ကနေ လွှင့်လာခဲ့တယ်။ ကျွန်တော့်စိတ် လေးသွားမိခဲ့တယ်။ ပြဿနာတစ်ခုခုဖြစ်ပြီလို့ ကျွန်တော်စိတ်က ကြိုသိလိုက်တယ်။

“ဘာဖြစ်တာလဲ ဝေဝေ.. ကိုယ့်ကို မြန်မြန်ပြောပါ”

ကျွန်တော်ဘယ်လိုမေးမေး ဝေဝေငိုပဲငိုနေခဲ့တယ်။ သူဂျာမဏီလာနိုင်တဲ့ကိစ္စ သူ့ကိုကျွန်တော် ပြောပြလိုက်တယ်။

“ဒီကိုလိုက်လာဖို့ မြန်မြန်လုပ်ပါနော် ဝေဝေ.. ကိုယ့်ဆီရောက်လာရင် အရာအားလုံး အဆင်ပြေသွားမယ် သိလား”

“ကို… ဝေ့ကို မေ့လိုက်ပါ။ ဝေ ဂျာမဏီမသွားဘူး။ ဝေ ကွာရှင်းမယ်”

ထင်မှတ်မထားတဲ့ စကားတွေ ဝေဝေပါးစပ်ကနေ ပြတ်တောင်းပြတ်တောင်း ခုန်ဆင်းလာခဲ့တယ်။

ကျွန်တော်ခေါင်းထဲ မူးခနဲ့၊ မိုက်ခနဲ့ ခံစားလိုက်မိတယ်။ ပထမဆုံး တွေးလိုက်တဲ့အတွေးက ဝေဝေ နောက်မီးလင်းနေပြီဆိုတာဖြစ်တယ်။ သူ့ကို အတင်းဓမ္မ ကျွန်တော်မေးမှ အကြာကြီး တိတ်ဆိတ်နေရာက ဝေဝေ စကားစတယ်။

“အဲဒီလိုပဲ သဘောထားလိုက်ပါ.. ဝေ တောင်းပန်ပါတယ်”

ဒီလိုစကားမျိုး ဝေဝေပြောနေချိန်မှာ ဘာဖြစ်လို့ ကျွန်တော်ရင်တွေ စူးစူးနစ်နစ် နာကျင်နေရသလဲ? ဝေဝေရဲ့ ကိုယ်ကျင့်တရားကို ကျွန်တော်ယုံကြည်တယ်။ ဝေဝေဟာ အထီးကျန်မှုကိုမခံနိုင်လို့ ဖောက်ပြန်တတ်တဲ့ မိန်းမမျိုးမဟုတ်ဘူးဆိုတာ ကျွန်တော်ယုံကြည်တယ်။ အဖြစ်မှန်တွေ ပြောပြနိုင်ဖို့ ချက်ချင်း ကျွန်တော်သူ့ဆီ စာတစ်စောင်ရေးလိုက်တယ်။ နောက်တစ်ရက်မှာ သူ့ဆီကျွန်တော် ဖုန်းဆက်ပြန်တယ်။ ကျွန်တော်မှန်းသိတာနဲ့ သူချက်ချင်းဖုန်းချပစ်တယ်။ သူ့အစ်မဆီ ဖုန်းဆက်မေးတော့ အစ်မလည်း ငိုပဲငိုနေခဲ့တယ်။ ကွာရှင်းဖို့ကိစ္စ ဆုံးဖြတ်လိုက်ဖို့၊ ဝေဝေကို ထပ်မနှောင့်ယှက်ဖို့ အစ်မကပြောခဲ့တယ်။

သြဂုတ်လနောက်ပိုင်း ဝေဝေကို ဆက်သွယ်တဲ့ကိစ္စ ကျွန်တော်လက်လွတ်လိုက်တယ်။ စိတ်ထဲမှာတော့ နာကျင်ခံစားနေတုန်းပဲ။ စက်တင်ဘာလမှာ နောက်ထပ်တစ်နှစ် ပညာဆက်သင့်မယ့် အခွင့်အရေးကို ကျွန်တော်လက်ခံလိုက်တယ်။ ဂျာမဏီမှာနေပြီး သင်ယူခြင်း၊ လေ့လာခြင်းကြားမှာ တစ်ရက်ပြီးတစ်ရက် ကျွန်တော် ဆိတ်ဆိတ်ငြိမ်ငြိမ် ဖြတ်ကျော်ခဲ့တယ်။

အလုပ်စဝင်ဖို့ (၃)လအလိုမှာ ကျွန်တော် ဆက်မအောင့်နိုင်ခဲ့တော့ဘူး။ ဂျာမဏီက ကိစ္စရပ်တွေကို အလျှင်အမြန်ဖြတ်ပြီး ကျွန်တော်အိမ်ပြန်ခဲ့တယ်။ အိမ်ရောက်တော့ ဘယ်သူမှ မရှိတာနဲ့ သူ့အစ်မအိမ်ဖက် ကျွန်တော်ထွက်လာခဲ့တယ်။ ကျွန်တော့်ကိုတွေ့တော့ အစ်မက အံ့သြဖို့တောင် အချိန်မရလိုက်ဘဲ မျက်ရည်တွေကသာ သွင်သွင်စီးနေခဲ့တယ်။

“အစ်မတို့ကို လုံးဝလာရှာတော့မှာ မဟုတ်ဘူးလို့ ထင်ထားခဲ့တာ.. ဝေဝေ ကံမကောင်းခဲ့ဘူး။ သူ့ကို ငါ့မောင် မယူခဲ့ရင်လည်း အစ်မတို့ ဘာမှမပြောဘူး”

ကျွန်တော့်လက်မောင်းကို ဆွဲပြီး အစ်မကပြောတယ်။ ဖြစ်ခဲ့တဲ့ အဖြစ်အပျက် အစုံအလင်ကို အစ်မက မျက်ရည်တွေနဲ့ ကျွန်တော်ကိုစပြောပြခဲ့တယ်။

ကျွန်တော် နိုင်ငံခြားထွက်ပြီး (၈)လအကြာမှာ ဝေဝေတစ်ယောက် ညအလုပ်ကအပြန် လူဆိုး(၃)ယောက်နဲ့တွေ့ပြီး မတရား စော်ကားခံခဲ့ရတယ်။ တစ်လအကြာမှာ သူကိုယ်ဝန်ရှိနေပြီဆိုတာကို ဝေဝေ အထိတ်တလန့် သိလိုက်ရတယ်။ အစော်ကားခံရလို့ ထိခိုက်နာကျင်တဲ့စိတ် အနယ်မထိုင်ခင်မှာ ဒုတိယအကြိမ် ဝေဝေ ထိုးနှက်ခံလိုက်ရပြန်တယ်။ အစော်ကားခံပြီး ရလာတဲ့ကိုယ်ဝန်က ဝေဝေ့ကို ပိုထိခိုက်နာကျင်စေခဲ့တယ်။ ဆေးရုံသွားပြီး ကလေးဖျက်ချဖို့ ကြိုးစားခဲ့ပေမယ့် ဝေဝေ့မှာ မွေးရာပါအခြေအနေကြောင့် ကလေးဖျက်ချဖို့ မဖြစ်နိုင်ကြောင်း၊ ကလေးမွေးခဲ့ဖူးလည်း မရကြောင်း ဆရာဝန်က ပြောခဲ့တယ်။

ဆေးရုံကပြန်ရောက်တဲ့နေ့မှာပဲ ကိုယ့်ကိုယ်ကို အဆုံးစီရင်ဖို့ ဝေဝေကြိုးစားခဲ့တယ်။ ကံကောင်းတာက အဲဒီနေ့မှာ ဝေဝေ့အစ်မက ဘာအာရုံရခဲ့သလဲ မသိဘူး ဝေဝေကို လာကြည့်တဲ့အချိန်နဲ့ တိုးခဲ့လို့ အသက်တစ်ချောင်း မဆုံးရှုံးခဲ့ဘူး။ အသက်လုကယ်တင်ခဲ့သည့်တိုင် ဝေဝေ စိတ်အခြေအနေတွေ မှုမမှန်ခဲ့ဘူး။ ကျွန်တော့်နာမည်ကို ကြားရင်ပိုဆိုးပြီး သေမယ်ကြေမယ်နဲ့ ငိုယိုသောင်းကျန်းနေခဲ့တယ်။ ကိုယ်ဝန် (၇)လရောက်မှ သူ့အခြေအနေတွေ တဖြေးဖြေး တည်ငြိမ်လာခဲ့တယ်။ ဝေဝေ့အစ်မပြောတာကို နားထောင်ရင်း ကျွန်တော့်မျက်ရည်တွေ အဆက်မပြတ် စီးဆင်းနေခဲ့တယ်။ နှလုံးသားကလည်း ဓားနဲ့အမွှမ်းခံထားရသလို စူးရှနာကျင်နေခဲ့တယ်။

အလျှင်စလိုကြားမှာ အိမ်ဝရန်တာပေါ်က ဟိုတစ်စ၊ ဒီတစ်စ ချိတ်ဆွဲထားတဲ့ ကလေးအနှီးမျိုးစုံကို အခုမှ ကျွန်တော်သတိထားခဲ့မိတယ်။ ဝေဝေအခန်းထဲ စဝင်လိုက်တဲ့ တခဏမှာ ကျွန်တော့်မြင်ကွင်းထဲ ပထမဆုံးပြေးဝင်လာတာက “အဲဒီအရာ” ဖြစ်တယ်။ နှစ်လသားအရွယ် ကလေးလေးတစ်ယောက် မျက်စိကိုစုံမှိတ်ပြီး နှစ်နှစ်ခြိုက်ခြိုက် အိပ်ပျော်နေခဲ့တယ်။ ကလေးကို ကျွန်တော်စူးစူးစိုက်စိုက် ကြည့်လိုက်မိတယ်။ ကျွန်တော့်ဦးနှောက်တစ်ခုလုံး ဗြောင်းဆန်ရှုတ်ထွေးနေခဲ့တယ်။ ကလေးရဲ့ နှာတံကပြားပြီး ကျွန်တော်တို့နဲ့ လုံးဝမတူခဲ့ဘူး။ လက်သီးကို ကျစ်ကျစ်ပါအောင် ရုတ်တရက် ကျွန်တော်ဆုပ်လိုက်မိတယ်။ မျက်ရည်တွေက ကျွန်တော့်မျက်လုံးအိမ်ထဲကနေ ပန်းထွက်လာခဲ့တယ်။ အဲဒီအချိန်မှာပဲ အခန်းထဲ ဝေဝေဝင်လာခဲ့တယ်။ ကျွန်တော့်ကိုတွေ့တာနဲ့ နေရာမှာတင် မလှုပ်မယှက် သူရပ်နေခဲ့တယ်။ ခါးသီးခြင်း၊ အားနာခြင်း၊ နာကျင်ခြင်းတွေက သူ့မျက်ဝန်းအိမ်ထဲမှာ ပြည့်နှက်နေခဲ့တယ်။

(၂) နှစ်ကြာခွဲခွါခဲ့တဲ့ ခွဲခွါခြင်းမျိုးက ဒီလိုနည်းနဲ့ ပြန်ဆုံတွေ့ခဲ့မယ်လို့ ဘယ်သူမှ ထင်မှတ်မထားခဲ့ဘူး။ ရှေ့တိုးပြီး နွမ်းလျတဲ့ခန္ဓာနဲ့ သူ့ကိုပွေ့ဖက်ဖို့ စိတ်ကူးလိုက်ပေမယ့် ကျွန်တော့်ကို သူရှောင်လိုက်ပြီး တိုးလျှိုးတောင်းပန်တဲ့မျက်လုံး
နဲ့ ကျွန်တော့်ကို ကြည့်နေခဲ့တယ်။ သူ့လက်ကိုပြန်ဆွဲပြီး သူ့ခေါင်းအစုံကို ကျွန်တော့်ရင်ခွင်ထက်မှာ ကပ်ထားလိုက်တယ်။

“ကိုယ့်အမှားတွေပါ ဝေ… ဝေ့ကို ကိုယ်မကာကွယ်၊ မစောင့်ရှောက်နိုင်ခဲ့ဘူး။ ကိုယ်နဲ့ပြန်လိုက်ခဲ့ပါဝေ.. ကိုယ်တောင်းပန်ပါတယ်”

ဝေ့ဆီက ရှိုက်သံကို ကျွန်တော်ကြားလိုက်မိတယ်။ စစချင်းမှာ အသံတိုးပေမယ့် တဖြေးဖြေး သူတစ်ကိုယ်လုံး တစ်သိမ့်သိမ့်တုန်လာပြီး မာတင်းတဲ့ လက်မောင်းနှစ်ဖက်နဲ့ ကျွန်တော့်ခါးကို ပွေ့ဖက်လာခဲ့တယ်။ နောက်ဆုံးမှာ သူ့ရင်ထဲက နာကျင်ခြင်းတွေ ဆည်ပြိုသလို ပြိုကျလာခဲ့တယ်။ ကျွန်တော့်ကို ခပ်တင်းတင်းပြန်ဖက်ပြီး မျက်ရည်တွေနဲ့ ကျွန်တော့်ရင်ဘတ်ကို အားကုန်သွန်းလောင်းလိုက်တော့တယ်


ကလေးရဲ့နောက်ကြောင်းက ကျွန်တော့်ရင်ထဲမှာ ဖြည်လို့မရတဲ့ အစိုင်အခဲတစ်ခုဖြစ်ခဲ့တယ်။ ဒါပေမယ့် အပြစ်ကင်းပြုံးရယ်နေတဲ့ ကလေးမျက်နှာကို ကျွန်တော် ဥပေက္ခာမပြုနိုင်ခဲ့ဘူး။ ဂျာမဏီက ပြန်လာပြီးနောက် အခန်းသုံးခန်းပါတဲ့ အိမ်တစ်လုံး ကျွန်တော်ရခဲ့တယ်။ တစ်လနေပြီးနောက် ကျွန်တော်နဲ့အတူ ကျောင်းဝင်းထဲက အိမ်သစ်ဆီ ဝေဝေလိုက်ပါခဲ့တယ်။ ဝေဝေနဲ့အတူပါလာတဲ့ ကလေးငယ်ကြောင့် လုပ်ဖော်ကိုင်ဖက်တွေရဲ့ သံသယအတွေး၊ ရှုတ်ထွေးတဲ့အကြည့်ကို ကျွန်တော်ခံခဲ့ရတယ်။ ရှက်ရွံ့ပြီး နေမသိ ထိုင်မသာဖြစ်ခဲ့လို့ လူတွေကို အတတ်နိုင်ဆုံး ကျွန်တော်ရှောင်ခဲ့တယ်။ ရင်းနှီးတဲ့လူတွေနဲ့ တိုးမှာစိုးလို့ လမ်းလျှောက်တာတောင် ခေါင်းငုံ့ပြီး ကျွန်တော်လျှောက်ခဲ့ရတယ်။

ကလေးငယ် တစ်နေ့ထက်တစ်နေ့ ကြီးပြင်းလာခဲ့တယ်။ ကိုယ့်ရင်သွေးမို့ ဝေဝေက မိခင်ပီသစွာ ကလေးငယ်ကို ပြုစုစောင့်ရှောက်ခဲ့တယ်။ ကလေးငယ်ကို ကျွန်တော်မကြည့်ချင်ခဲ့ဘူး။ အချိန်တွေတစ်ရွေ့ရွေ့ ပြောင်းလဲခဲ့သလို ကလေးအပေါ်ထားတဲ့ ကျွန်တော်ရဲ့ မုန်းတီးခြင်းက တဖြေးဖြေး လေးလာခဲ့တယ်။ ကလေးကို “ငယ်ငယ်" လို့ ဝေဝေက နာမည်ပေးခဲ့တယ်။ ကလေးအပေါ်ထားတဲ့ ဝေဝေ့မေတ္တာကို ကျွန်တော်ခန့်မှန်းနိုင်ခဲ့ပါတယ်။

မျက်စိတမှိတ်အတွင်းမှာ ကလေးငယ် (၃)နှစ်ပြည့်သွားခဲ့တယ်။

ကျွန်တော့်ကို ဖေဖေလို့ သူခေါ်ခဲ့ပေမယ့် ပြန်ထူးရတာကို ကျွန်တော်မနှစ်မြိုခဲ့ဘူး။ ကျွန်တော်က သူ့ကိုမချစ်တဲ့လူတစ်ယောက်ဆိုတာကို သူလည်း ခံစားမိမယ်ထင်ပါတယ်။ ကျွန်တော့်ကို သူကြောက်ခဲ့တယ်။ ကျွန်တော့်ကို သူအမြဲ ကြောက်ရွံ့ထိတ်လန့်နေတာကို ကျွန်တော် တဖြေးဖြေး သတိထားလာခဲ့မိတယ်။ ဝေဝေလုပ်ပေးနိုင်တဲ့ ကိစ္စမျိုးဆိုရင် ကျွန်တော့်ကို သူလုံးဝလာမရှာခဲ့ဘူး။

ကျွန်တော့်ကို ဖေဖေလို့ခေါ်လိုက်တိုင်း ကျွန်တော်ရင်တွေ နာကျင်လာမိတယ်။ အလုပ်များတယ်ဆိုတဲ့ အကြောင်းပြချက်နဲ့ စမ်းသပ်ခန်းထဲမှာပဲ ကျွန်တော်အချိန်ဖြန်းခဲ့တယ်။ ဒါပေမယ့် ခက်တာက ကျွန်တော့်လုပ်ရည်ကိုင်ရည်တွေ အရင်ကလောက် တိုးတက်မှုမရှိခဲ့ဘူး။

အဲဒီနှစ် နိုဝင်ဘာလ နေ့တစ်နေ့မှာ ဝေဝေ အိပ်ရာထနောက်ကျခဲ့တယ်။ ကျွန်တော့်ကိုခေါ်ပြီး ငယ်ငယ်ကို မူကြိုပို့ဖို့ပြောတယ်။ အင်္ကျီစကိုဆွဲပြီး ဝေဝေ့နောက်ကနေ ကျွန်တော့်ကို ငယ်ငယ်ချောင်းကြည့်နေခဲ့တယ်။ ကျွန်တော် မသိမသာမျက်မှောင်ကြုတ်လိုက်တာကို ငယ်ငယ်က တွေ့ဖြစ်အောင်တွေ့ပြီး မျက်ရည်အဝဲသားနဲ့ ချက်ချင်းခေါင်းငုံ့ပစ်လိုက်တယ်။ ဒါကို ဝေဝေသတိထားမိပြီး သက်ပြင်းခပ်တိုးတိုးချရင်း ငယ်ငယ်ကို ကောက်ချီလိုက်တယ်။

“ဝေပဲ လိုက်ပို့ပေးလိုက်ပါ့မယ်”

ပြောပြောဆိုဆို ဝေကတံခါးဖွင့်ပြီး လှေကားပေါ်က ဆင်းသွားခဲ့တယ်။ ပါးစပ်ဟပြီး တစ်ခုခုပြောဖို့ ကြံရွယ်ခဲ့ပေမယ့် ကျွန်တော့်ဆီက ဘာသံမှထွက်မလာခဲ့ဘူး။ ငယ်ငယ်က ဝေဝေ့ပုခုံးပေါ်မှာ လက်ညှိုးကို ပါးစပ်ထဲငုံ့ထားပြီး မှေးလိုက်ပါရင်း ကျွန်တော့်ကို တိတ်တဆိတ်ကြည့်နေခဲ့တယ်။ အဲဒီတခဏ ကျွန်တော်လက်မြှောက်ပြီး ဝေ့ရမ်းလိုက်မိတယ်။ မထင်မှတ်တဲ့ ကျွန်တော်ရဲ့ သေးငယ်တဲ့အပြုအမှုလေးက ငယ်ငယ့်ကို ကြီးမားတဲ့ဝမ်းသာမှုပေးခဲ့တယ်။ ကျွန်တော့်ကို သူ့လက်ကလေးနဲ့ ပြန်ဝေ့ရမ်းပြပြီး အော်နေခဲ့တယ်။

“ တာ့တာ.. ဖေဖေ.. တာ့တာ”

အဲဒီနေ့က တစ်နေ့လုံး ငယ်ငယ်ရဲ့အသံကိုပဲ ကျွန်တော်ကြားယောင်နေမိတယ်။ ညနေ အလုပ်စောစောဆင်းပြီး မူကြိုကျောင်းဖက် ကျွန်တော်ရောက်လာခဲ့တယ်။ ငယ်ငယ့်အခန်းကို မေးမြန်းစုံးစမ်းပြီး ၃ထပ်ဆောင်နား ကျွန်တော်ရောက်လာခဲ့တယ်။ ပြတင်းပေါက်ကနေ စာသင်ခန်းထဲ ကျွန်တော်လှမ်းမျှော်ကြည့်လိုက်တယ်။ ငယ်ငယ်က ဂရုတစိုက်နဲ့ စာတွေလိုက်ရေးမှတ်နေခဲ့တယ်။ မျက်နှာစိမ်းကျွန်တော့်ကို ဆရာမက ဘယ်ကလေးရဲ့ အုပ်ထိန်းသူလဲလို့ မေးလာတယ်။ ကျွန်တော်အသံကြောင့် ငယ်ငယ် ခေါင်းထောင်ကြည့်လိုက်တယ်။ ပြီးတော့ မယုံနိုင်တဲ့အကြည့်နဲ့ ကျွန်တော့်ကို ကြည့်နေခဲ့တယ်။ သူ့နာမည်ကို ဆရာမခေါ်မှ ဝမ်းသာအားရ ကျွန်တော့်ဆီပြေးလာခဲ့တယ်။

အဲဒီည ဝေဝေပြန်ရောက်တော့ ငယ်ငယ့်ကို တအံ့တသြမေးနေခဲ့တယ်။

“ဖေဖေ လာကြိုတယ်ဟုတ်လား သမီးလေး! ”

ကျွန်တော့်ကိုကြည့်ပြီး ငယ်ငယ် အဆက်မပြတ် ခေါင်းညိတ်နေခဲ့တယ်။

“သမီးဖေဖေ သဘောကောင်းလား”

“ကောင်းတယ် မေမေ”

ကျွန်တော်ဘာမှ ဝင်မပြောဖြစ်ပေမယ့် ငယ်ငယ်ကို ကောင်းကောင်းဂရုစိုက်ရမယ်ဆိုတာကို ကျွန်တော့်ရင်ထဲမှာ သိနေခဲ့တယ်။ သူက အပြစ်မဲ့တဲ့ ကလေးလေးတစ်ယောက်ဖြစ်တယ်။

“ကလေးမှာ အပြစ်မရှိဘူး”

သေးသိမ်တဲ့ခံစားချက်ကို အောင်နိုင်တဲ့စကားတစ်ခွန်း ကျွန်တော့်နှလုံးသားထဲကနေ ထွက်ကျလာခဲ့တယ်။

၁၉၉၈ခုနှစ် နွေရာသီမှာ ဝေဝေဆေးရုံသွားပြီး စမ်းသပ်ခဲ့တယ်။ ကိုယ်ဝန်ထပ်ဆောင်နိုင်ပြီလို့ ဆရာဝန်ပြောခဲ့တဲ့စကား ကျွန်တော့်ကို ဝေဝေပြောပြခဲ့တယ်။ ကျွန်တော်အရမ်းဝမ်းသာမိတယ်။ ဝေဝေက ငယ်ငယ်ကို ကလေးထပ်ယူမယ့်အကြောင်း ပြောပြတော့ ငယ်ငယ်လည်း သဘောတူဝမ်းသာခဲ့တယ်။

ငယ်ငယ်က (၄)နှစ်ပြည့်ပြီး သူ့အပေါ် ကျွန်တော် နွေးထွေးလာခဲ့တယ်ဆိုပေမယ့် သူ့နောက်ကြောင်းက ကျွန်တော့်ရင်ဝမှာပိနေတဲ့ ကျောက်တုံးကြီးတစ်တုံး ဖြစ်နေခဲ့သေးတယ်။ ကျွန်တော့်လိုဖခင်မျိုးကြောင့် သူလိမ်မာ၊ သိတတ်တယ်ဆိုပေမယ့် အမှားလုပ်တတ်တဲ့ ကလေးသဘာဝကို သူမလွန်ဆန်နိုင်ခဲ့ဘူး။ သူအမှားတစ်ခုခု လုပ်မိတိုင်း ကျွန်တော်သည်းမခံနိုင်အောင် ဖြစ်ခဲ့တယ်။ ဒေါသတွေထွက်ခဲ့တယ်။ သူ့ကို ခွင့်မလွတ်နိုင်ဖြစ်ခဲ့တယ်။ စိတ်ပြေတဲ့အချိန် ကျွန်တော်ပိုနာကျင် ခံစားခဲ့ရတယ်။ ကလေးကိုပဲ ကျွန်တော်ထိခိုက်နာကျင်စေတာ မဟုတ်ဘဲ ဝေဝေကိုပါ နာကျင်စေခဲ့တယ်ဆိုတာကို ကျွန်တော်သိတယ်။

အဲဒီအချိန် အတောအတွင်းမှာပဲ ဂျာမဏီကပါမောက္ခJacques ကျွန်တော်တို့ကျောင်းမှာ ဟောပြောပွဲ တစ်ခုလာလုပ်ခဲ့တယ်။ ဆရာ့ကိုတွေ့တာနဲ့ ကျွန်တော်ရင်ထဲ ခံစားနေရတဲ့ အကြိတ်အခဲတွေကို ရင်ဖွင့်ပြောပြလိုက်တယ်။ ဆရာက တစ်နယ်တစ်ကျေးကလာသူ၊ ကိစ္စပြီးရင် ကိုယ့်နေရပ်ကို ပြန်မယ့်သူဖြစ်တဲ့အတွက် ကျွန်တော့်သတင်း၊ အတင်းတွေ ကျန်ခဲ့မှာမဟုတ်သလို ဆရာ့ကို ယုံကြည်ပြီး ဂျာမဏီမှာ ပညာသင်စဉ်က ကျွန်တော့်က ပြုစုစောင့်ရှောက်ခဲ့တဲ့ ကျေးဇူးကြောင့်လည်း ပါပါတယ်။ ဆရာက ကျွန်တော့်အဖြစ်ကို ငြိမ်ငြိမ်သက်သက် နားထောင်ပေးခဲ့တယ်။ ဖွင့်ပြောလိုက်ရလို့ ကျွန်တော်ရင်တွေ ပေါ့သွားသလို ခံစားမိတယ်။

စကားတွေပြောပြီး ကျွန်တော်အေးဆေး တည်ငြိမ်သွားတဲ့နောက်မှာ Jacquesက ကျွန်တော့်အနားတိုးကပ်ပြီး ကျွန်တော့်လက်ကို ဆုပ်ကိုင်လိုက်တယ်။

“ဟန်စိန်… မင်းကို တကယ့်အဖြစ်အပျက်တစ်ခု ဆရာပြောပြမယ်”

အဖြစ်အပျက်က ဒုတိယကမ္ဘာစစ်ပြီးနောက် ဂျာမဏီနိုင်ငံမှာ ဖြစ်ပွါးခဲ့တဲ့ ကိစ္စဖြစ်တယ်။

နာဇီစစ်သားတစ်ယောက် သစ္စာဖောက်လို့ သေမိန့်ပေးပြီးတဲ့နောက်မှာ သူ့ဇနီးက ပတ်ဝန်းကျင်ရဲ့ အကဲ့ရဲ့ဝေဖန်တာကို မခံနိုင်လို့ ကိုယ့်နေအိမ်ပြတင်းပေါက်မှာ ကြိုးဆွဲချသေခဲ့တယ်။ နောက်တစ်နေ့မနက်မှာ (၂)နှစ်သား ကလေးငယ်တစ်ယောက် လက်ကိုဆန့်တန်းပြီး ပြတင်းပေါက်ဘောင်ကနေ သေနေတဲ့ မိခင်ဆီတွားသွားနေတာကို အိမ်နီးနားချင်းတွေ တွေ့ခဲ့ကြတယ်။ ရင်နင့်စရာ အဖြစ်အပျက်တစ်ခုက မကြာမီ ဖြစ်ပွါးတော့မှာဖြစ်တယ်။ ရပ်ကြည့်နေသူတွေအားလုံး အသက်ကို အောင့်ထားကြတယ်။ အဲဒီအချိန်မှာ “အန်နာ” လို့ခေါ်တဲ့ အမျိုးသမီးတစ်ဦးက ဘာကိုမှ ဂရုမစိုက်ဘဲ အပေါ်ထပ်ကို တဟုန်ထိုးပြေးတက်ပြီး ကလေးငယ်ကို ကယ်လိုက်တယ်။ အဲဒီနောက် ကလေးကိုသူမွေးစားလိုက်တယ်။

ဂျူးလူမျိုးတွေကို ကူညီခဲ့ဖူးတဲ့ အန်နာရဲ့ယောက်ျားကို ကလေးငယ်ရဲ့ဖခင်က သတ်ဖြတ်ခဲ့ဖူးတယ်။ ကိုယ့်ယောက်ျားကိုသတ်တဲ့ လူသတ်သမားရဲ့ကလေးကို ခေါ်ယူမွေးစားထားတဲ့ အန်နာကို လူတွေနားမလည်ခဲ့ကြဘူး။ ကလေးကို မိဘမဲ့ကျောင်းပို့ဖို့၊ ဒါမှမဟုတ် စွန့်ပစ်လိုက်ဖို့ အကြံပေးကြပေမယ့် အန်နာလက်မခံခဲ့ဘူး။ လူတစ်ချို့က အန်နာရဲ့အိမ်ကို ခဲနဲ့ပေါက်ပြီးဆဲဆိုခဲ့ကြတယ်။ အန်နာရဲ့ ကလေးတွေကလည်း ကိုယ့်မိခင်ရဲ့လုပ်ရပ်ကို နားမလည်ခဲ့ကြဘူး။ လူတွေရဲ့ အပြစ်တင်သံတွေကို အန်နာဂရုမစိုက်ခဲ့ဘူး။ ကလေးငယ်ကို ရင်ခွင်ထဲ အမြဲထွေးပွေ့ထားခဲ့တယ်။ အန်နာဆီက အများဆုံး ကြားရတဲ့စကား “ချစ်စရာ့ ကလေးငယ်လေးရေ.. နင်ဟာ အိန်ဂျယ်လေး” ပါဆိုတာပဲဖြစ်တယ်။

ကလေးငယ် တဖြေးဖြေးကြီးပြင်းလာခဲ့တယ်။ အိမ်နီးချင်းလူတွေက သိပ်မခွဲခြား ဆက်ဆံတော့ပေမယ့် တစ်ချို့လူတွေက သူ့ကို နာဇီမိစ္ဆာလို့ ခေါ်နေဆဲပါပဲ။ သက်တူရွယ်တူ ကလေးငယ်တွေက သူနဲ့ ဆော့မကစားရဲခဲ့ကြဘူး။ ဒါကြောင့် သူ့နေထိုင်စရိုက်တွေက တစ်ခြားလူနဲ့မတူဘဲ ခြားနားခဲ့ရတယ်။ တစ်ခြားလူ ပိုင်ဆိုင်တဲ့ပစ္စည်းကို သူမကြာခဏဖျက်ဆီးခဲ့တယ်။ တစ်နေ့မှာ ကလေးတစ်ယောက်ရဲ့ နံရိုးကိုရိုက်ချိုးခဲ့လို့ အိမ်နီးချင်းတွေက အန်နာကို အသိမပေးဘဲ မြို့နဲ့ဆယ်မိုင်ခန့်ဝေးတဲ့ ပြုပြင်ရေးသင်တန်းကျောင်းကို ပို့လိုက်ကြတယ်။ လဝက်ကြာမှ ရူးသွပ်မတတ်ဖြစ်နေတဲ့ အန်နာ သူ့ကိုရှာတွေ့ခဲ့တယ်။ အမြက်ဒေါသခက်ထန်နေတဲ့ အိမ်နီးချင်းတွေရဲ့ရန်ကို အန်နာနဲ့သူ ခံခဲ့ရတယ်။ အန်နာက သူ့ကိုတင်းတင်း ပွေ့ဖက်ကာကွယ်ထားရင်း “ကလေးမှာ အပြစ်မရှိဘူး.. ကလေးက အပြစ်မဲ့တယ်” လို့ပဲ တတွတ်တွတ် ရွတ်နေခဲ့တယ်။

အဲဒီအချိန်ကျမှ အဖြစ်မှန်ကို ကလေးငယ်သိခဲ့ရတယ်။ သူငိုကြွေးမိတယ်။ သူနာကျည်းမိတယ်။ ဒီအတွက် အကောင်းဆုံးပေးဆပ်ခြင်းက တစ်ခြားလူတွေကို ကူညီခြင်းပဲလို့ အန်နာကသူ့ကို ပြောပြတယ်။ အဲဒီနောက်ပိုင်း သူကြိုးစားခဲ့တယ်။ အရာရာကို အကောင်းဆုံးဖြစ်အောင် ကြိုးစားခဲ့တယ်။ လူတွေကို အတတ်နိုင်ဆုံး သူကူညီစောင့်ရှောက်ခဲ့တယ်။ သူအလယ်တန်းအောင်တဲ့အချိန်မှာ လူတွေဆီကနေ အကောင်းဆုံး လက်ဆောင်ကို သူရခဲ့တယ်။

“အိမ်နီးချင်းတွေက သူ့ဆုပေးပွဲကို တက်ရောက်ချီးမြင့်ခဲ့ကြတယ်။ အဲဒီကလေးက ကျွန်တော်ပါပဲ”

စကားအဆုံး ဆရာရဲ့ မျက်လုံးအိမ်မှာ မျက်ရည်တွေပြည့်လျှံနေခဲ့တယ်။

“ကလေးမှာအပြစ်မရှိဘူး.. ဟန်စိန်.. ဒီကိစ္စနဲ့ ကလေးဘဝ၊ ခင်ဗျားဘဝကိုပါ ခင်ဗျား မဖျက်ဆီးသင့်ဘူး”

ပါမောက္ခ Jacquesရဲ့လက်တွေ ပိုနွေးထွေးနေတယ်လို့ ကျွန်တော်ခံစားမိတယ်။ ကျွန်တော့်နားကို ကျွန်တော်မယုံကြည်နိုင်အောင် ဖြစ်ခဲ့တယ်။

“အမေရဲ့ ကျေးဇူးတွေပြန်ဆပ်ဖို့ အိမ်ထောင်ကျပြီးနောက် လူသတ်သမားတစ်ယောက်ရဲ့ သမီးကို ကျွန်တော်မွေးစားခဲ့တယ်။ ဒီအတွက် အန်နာလည်း ဝမ်းသာနေခဲ့တယ်။ အန်နာကပြောတယ်… သက်ရှိအားလုံး လေးစားမြတ်နိုးခြင်းကို ခံထိုက်တယ်။ ကလေးမှာ အပြစ်မရှိဘူးတဲ့”

Jacquesရဲ့စကားကို နားထောင်ပြီး ကျွန်တော်ဘာပြန်ပြောရမှန်းမသိ ဖြစ်ခဲ့တယ်။ သူ့မှာ သမီးနဲ့ သားနှစ်ယောက်ရှိတယ်။ ကျွန်တော်မှတ်ဥာဏ်ထဲမှာ သမီးကိုသားနှစ်ယောက်ထက် သူတို့လင်မယားနှစ်ယောက် ပိုချစ်ခဲ့ကြတယ်။ သမီးကလည်း အစ်ကိုတွေထက် သူတို့နဲ့ပိုရင်းနှီးခဲ့တယ်။

“သမီးရော… သူ့နောက်ကြောင်းတွေကို သိလား” ကျွန်တော်မရဲတရဲ မေးလိုက်မိတယ်။

“သူ့အမေရှိသေးတယ်။ ဒါပေမယ့် အေအိုင်ဒီအက်စ်နဲ့ မကြာခင်သေဆုံးရတော့မယ်။ သူ့အမေဆီ ကျွန်တော်တို့ မကြာခဏရောက်ပါတယ်”

ကျွန်တော်ခေါင်းငုံ့ချလိုက်မိတယ်။ အမည်မသိတဲ့ ဝေဒနာတစ်ခု ရင်ထဲတင်းကျပ်လာခဲ့တယ်။ ကြီးကြီးမားမား ထိခိုက်နာကျင်ပြီးတဲ့နောက် လူတွေရဲ့မေတ္တာတရားက ဒီလိုလုံးဝ လှပပြည့်စုံသွားလိမ့်မယ်၊ ဒီလိုခံစားချက်တွေ ပေးလိမ့်မယ်လို့ ကျွန်တော် တွေးထင်မထားခဲ့မိဘူး။

အဲဒီနေ့ညမှာ ဝေဝေကို ကျွန်တော်ပြောခဲ့တယ်။

“ဝေ… ကိုယ်တို့လဲ အသက်ကြီးပြီ .. ဝေ့ ကျန်းမာရေးကလည်း မကောင်းဘူး။ ကလေးမွေးရင် အသက် အန္တရာယ် ထိခိုက်နိုင်သေးတယ်။ ဒါကြောင့် ကိုယ်တို့ ကလေးမယူတော့ဘူးနော်”

ဝေခွဲမရတဲ့ အကြည့်နဲ့ ကျွန်တော့်ကို ဝေဝေကြည့်နေခဲ့တယ်။ ဝေဝေ့ကို ဖြစ်ရပ်မှန် ဇာတ်လမ်းတစ်ပုဒ် ကျွန်တော်ပြောပြလိုက်တယ်။

၁၉၉၉ခုနှစ် ဆောင်းရာသီ….

ငယ်ငယ်အတွက် ပိုသင့်လျှော်တဲ့ ပတ်ဝန်းကျင်သစ်တစ်ခု တောင်အရပ်က ကျောင်းတစ်ကျောင်းဆီ ကျွန်တော်တို့ပြောင်းရွေ့လာခဲ့တယ်။ ကင်းမဲ့နေတာကြာပြီဖြစ်တဲ့ မိသားစု ဆည်းလည်းသံလေး ပြန်လည်လှုပ်ရှား သက်ဝင်လာခဲ့တယ်။ ကျွန်တော့်အလုပ်တွေ ပိုအဆင်ပြေလာခဲ့တယ်။

နနနနနနနနနနနနနနနနနနနနနန နနနနနနနနနနနနနနနနနနနနနနနနနနန

ဒီဖြစ်ရပ်မှန်ဇာတ်လမ်းက ဖတ်ရသူကို ရင်ထဲဆိုနင့်စေခဲ့တယ်။ ဒီဇာတ်လမ်းက စိတ်သဘောထား သေးသိမ်တဲ့လူတွေအတွက် အသင့်တော်ဆုံးဖြစ်တယ်။ တကယ်လို့ ဒီလိုအဖြစ်မျိုး တစ်နေ့ကိုယ်ကြုံခဲ့ရင်၊ ကံကြမ္မာက ဒီလိုရက်စက်တဲ့ အဖြစ်အပျက်မျိုး တစ်နေ့ကိုယ့်အပေါ် ကျရောက်စေခဲ့ရင် နေရောင်ခြည် အလင်းတန်းရှိရာ ကိုယ် လက်ဆန့်တန်း ဆီးကြိုနိုင်မလား?

မှတ်ချက်။ ဇာတ်လမ်းတင်ဆက်သည့် ကာယာကံရှင်အမျိုးသား၊ အသက် (၅ဝ)နီးပါး... တောင်ပိုင်း တက္ကသိုလ်တစ်ခုမှာ တွဲဖက်ပါမောက္ခအဖြစ် တာဝန်ထမ်းဆောင်နေသူဖြစ်တယ်။ အစစ်မှန်ဆုံး ရိုးသားမှုတစ်ခုနဲ့ လူ့ဘဝရဲ့ အနာကျင်ဆုံးအဖြစ်ထဲကနေ သူရုန်းထခဲ့တယ်။ ဒီဇာတ်လမ်းဟာ စိတ်ဝိညာဉ်အတွက် ရည်ညွှန်းတဲ့ ဇာတ်လမ်းတစ်ပုဒ်ဖြစ်ခဲ့တယ်။ ဒီဇာတ်လမ်းကို ဖတ်မိသူတိုင်း စိတ်ဝိညာဉ်ကို ဆေးကြောခံလိုက်ရတယ်။ ဒါမှလူတွေအပေါ် ကိုယ်ချင်းစာတရားရှိမယ်။ ယုံကြည်မှု၊ မျှော်လင့်ချက်နဲ့ ပျော်ရွှင်ခြင်းတွေ တိုးမှာဖြစ်တယ်။

ဖတ်ရလွယ်ကူအောင် ဇာတ်ဆောင်၏နာမည်များကို အနီးဆုံးအသံထွက်ဖြင့် ယူငင်သုံးစွဲထားပါသည်။

No comments:

Post a Comment

Related Posts Plugin for WordPress, Blogger...