ပင်လယ်ပြာပြာကြီးရဲ့ အလည်မှာ ကျောက်ဆောင်တွေ ၀န်းရံထားတဲ့ ကျွန်းကလေး... ကော့သောင်းမြို့ အနီးက သူဌေး
ကျွန်းနားမှာ ရှိတာ... သူ့အမည်က `` ကျွန်းဆင်းရဲ....´´ တဲ့....... ကျွန်း သေးသေးလေးပေါ့..... ကျွန်းကလေး ဖြစ်ပေမဲ့လဲ သူ့ဝန်းကျင်မှာ
ကျောက်ဆောင်တွေ ပေါများနေလို့.. လှေလေးတွေလဲ ဆိုက်ကပ်လို့ မရဘူး၊ ကျွန်းလေးဆိုပေမဲ့လဲ ရေစီးကြောင်းရဲ့ အလည်တည့်တည့်မှာ
ရှိနေခဲ့တာကြောင့် ငါးလေးတွေလဲ ခိုနားခြင်း မရှိပါဘူး၊ နောက်ပြီး ကျွန်းလေးပေါ်ကသစ်ပင်လေးတွေကလဲနည်းလွန်းတာကတစ်ကြောင်း၊
ပျံသန်းလာရင်လဲ ဝေးလွန်းတာက တစ်ကြောင်းကြောင့် ငှက်ကလေးတွေလဲ နားခိုခြင်း မရှိပါဘူး. သူ့ကိုကြည့်လိုက်တိုင်းမှာ အစိမ်းရောင်
သန်းနေပေမဲ့ အမြဲ ခြောက်သွေ့နေခဲ့တယ်၊ သူ့အမည်က `` ကျွန်းဆင်းရဲ...´´ တဲ့လေ ၊ သူ့ အမည်နဲ့ သူ့သဘာဝ လိုက်လဲ လိုက်ဖက်လှ
ပါတယ်........။
ဒီ ကျွန်းလေးနားကို ဖြတ်သွားတိုင်း ဘာကြောင့်များ ရေစီးကြောင်း အလည်တည့်တည့်မှာရပ်တည်နေရသလဲလို့တွေး
ဖြစ်ခဲ့တယ်၊ သိပ်လဲ မမြင့်၊ သိပ်လဲမကျယ်တဲ့ ကျွန်းသေးသေးလေး ပေ(၃၀)လောက်ပဲရှိတာလေ. ပင်လယ်ပြင်ကြီးက ဖုန်းလွှမ်းသွားတာပဲ
ဖြစ်ဖြစ်၊ လှိုင်းလုံးကြီးတွေရဲ့ ရိုက်ခတ်မှု ဒါမှ မဟုတ်ရင်လဲ ရေစီးကြောင်းရဲ့ တိုက်စားမှုကြောင့် ဖြစ်ဖြစ် ကျေမွပြီးနစ်မြုပ်သွားသင့်တာလို့..
အခုတော့ အထီးကျန်ဆန်လွန်းလှပါတယ်..... ကျွန်းကလေးရယ်.....။
ကျွန်းကလေး
ဒီ ကျွန်းလေးနားမှာ......
လှေလေးတွေလဲ မရပ်နား
ငါးလေးတွေလဲ မနားခို
နေညိုညို အိပ်တန်းတက်တဲ့
ငှက်ကလေးတွေ ရောက်မလာနိုင်ခဲ့တဲ့
ခြောက်သွေ့တဲ့..... ဘ၀ပါ။
.
အလည်တည့်တည့်မှာ ရပ်တည်နေရတာလေ..... ခိုနားစရာ သစ်ရိပ်ဝါးရိပ်တွေလဲ မပြည့်စုံ၊ သွားလာစရာ သောင်ပြင်နဲ့ ကမ်းနားလဲ မရှိ ၊
လှိုင်းဒဏ်၊ လေဒဏ်နဲ့ မိုးဒဏ်တွေကိုလဲ ကောင်းကောင်း ကာကွယ် မပေးနိုင်တဲ့ဘ၀..... ခိုးနားချင်စရာ ဘယ်မှာ ရှိပါ့မလဲ......။ နေပူပူမှာ
လေပူပူကြီးကို မှုတ်ထုတ်လိုက်မိတယ်..... ကျွန်းကလေးကို ကြည့်နေရင်းနဲ့ပါပဲ......။
ဒီ ကျွန်းကလေးမှာ နှင်းတွေကျနေရင်...... ဒါမှမဟုတ် ပန်းတွေ ပွင့်နေရင် လှလာလိမ့်မလားလို့.... တွေးကြည့်ခံစား
ခဲ့ဘူးတယ်...... လှစေချင်လို့ပါ..... ဒါပေမဲ့ ဒီပင်လယ်ပြင်ကြီးထဲမှာ နှင်းတွေ မဝေနိုင်ပါဘူး၊ နောက်ပြီး ကျွန်းကလေးပေါ်မှာ လှပတဲ့ ပန်း
လေးတွေ ပွင့်ပေးနိုင်စေမဲ့ ပန်းပင်လေးတွေလဲ ပေါက်မနေဘူးလေ..... သူ့ဘ၀ ဘယ်လိုလှနိုင်တော့မှာလဲနော်....။
ဒါတောင် ကြံကြံဖန်ဖန် တွေးဖြစ်သေးတယ်.. အိပ်တန်းတက်တဲ့ ငှက်ကလေးတစ်ကောင်လောက် ရောက်လာခဲ့ရင်လဲ
လှပလာနိုင်သေးတာပဲလို့....... ဖြစ်စေချင်တဲ့ ဆန္ဒတွေ အရမ်းကိုများသွားခဲ့ပြီ ထင်ပါတယ်... ငှက်ကလေးရောက်လာခဲ့ရင်လဲ သူ့အတွက်
နားခိုစရာမှ မရှိတာနော်..... လှိုင်းတွေ လေတွေရဲ့ကြားမှာ အပြန်လမ်းမဲ့ပြီး ငှက်ကလေး သေဆုံးသွားနိုင်တာပဲလေ......
ဒါဆိုရင် ဒီကျွန်းကလေးအတွက် လှပခြင်းတွေ၊ နူးညံ့ခြင်းတွေ၊ ကြည်နူးကျေနပ်ခြင်းတွေ ဝေးပြီပေါ့..... စာနာမိတယ်
ကျွန်းကလေးရယ်....ကိုယ်လဲ ဖြတ်သန်းနေပါတယ်...... ကျွန်းကလေးလိုပဲပေါ့..... လောကဒဏ်လှိုင်းသံတွေလဲ အမြဲကြားနေရပါတယ်..
မိုးစက် မုန်တိုင်းတွေလဲ မကြာမကြာ ဖြတ်သန်းသွားတတ်တယ်.....
တည်ငြိမ်နေတဲ့ ကျွန်းကလေးနဲ့ လှုပ်ရှားနေတဲ့ ကျွန်းကလေးလို ကိုယ်တို့နှစ်ယောက်က ကွာခြားခဲ့တယ်ဆိုပေမဲ့......
ဝိဥာဉ်တွေ လွင့်မျောခြင်းနဲ့ အထီးကျန်ခြောက်သွေ့ခြင်းတွေ၊ဥပေက္ခာရပ်ဝန်းထဲမှာ ကျင်လည်ရခြင်းကတော့ အတူတူပဲနော်. ရက်စက်ခြင်း
တွေကို စောင့်မျှော်ရင်းနဲ့လေ....။
ဒီကျွန်းလေးပေါ်မှာ.......
ပန်းတွေလဲ မပွင့်၊ နှင်းပွင့်တွေလဲ မကြွေ
စမ်းချောင်းတွေ စီးဆင်းမနေနိုင်လို့
ပျော်ချင်သူ လက်မှိုင်ချရအောင်
ကံကြမ္မာရယ် ရက်စက်လှတယ်
ကံတရားကြောင့်.....။
နားခိုစေချင်တဲ့ ငှက်ကလေးက ကျွန်းကလေးပေါ်မှာ မနားခဲ့ပေမဲ့ ကိုယ့်ရဲ့ နှလုံးသား လေးမှာတော့ လာရောက်ခိုနားခဲ့တယ်ကွာ.... လှပစွာ..... နူးညံ့ ကျော့ရှင်းစွာ.... ကြည်လင်ဝင်းပစွာပေါ့.... လှလိုက်တဲ့ ငှက်ကလေးပါပဲ...... ကိုယ်စဉ်းစားကြည့်တယ်..
သိလား...... ဒီ ငှက်ကလေးအတွက် ကောင်းမွန်တဲ့ အသိုက်အမြုံလေးတစ်ခု ကိုယ်ဆောက်လုပ်ပေးနိုင်မလားလို့....... နောက်ပြီး နံနက်
ခင်းတွေမှာ ငှက်ကလေး နေပူစာလှုံဖို့ ကိုယ့်ရဲ့ ကျွန်းကလေးမှာ နေရာတွေပြည့်စုံရဲ့လားလို့.... တီတီတာတာ သီကျူးနိုင်ဖို့အတွက် လှပတဲ့
ပန်းပွင့်လေးတွေ ပွင့်လန်းနိုင်မှာလားလို့..... နောက်ပြီး ဟိုပင်သည်ပင်ကူးနိုင်ဖို့ နက်မှောင်စိမ်းစိုနေတဲ့ ခန့်ခန့်ထည်ထည် သစ်ပင်ကြီးတွေ
ပေါက်ရောက်နေခဲ့သလားလို့..... ရေကြည်လေးတွေ သောက်နိုင်ဖို့ စမ်းချောင်းလေးများ စီးဆင်းနေသလားလို့...... ဘာမှ မရှိခဲ့ဘူးလေ..
ဘာတစ်ခုမှကို မရှိခဲ့ပါဘူး..... ငှက်ကလေးရေ...... အားနာလိုက်တာ.....
ငှက်ကလေး လာရောက်နားခိုတဲ့အတွက် ကျေနပ်ပါတယ် ငှက်ကလေးရေ... ခြောက်သွေ့ခြင်းတွေလဲ ငှက်ကလေး
ပြန်သွားပြီးသည့်တိုင် ခိုင်ခိုင်မာမာ ကျန်ရစ်နေခဲ့ဦးမှာပါ.... သတိရနေသရွေ့ပေါ့...... ဒါပေမဲ့ အခုတော့.... ငှက်ကလေးရေ ဒီကျွန်းလေးရဲ့
အပေါ်မှာ မနားပါနဲ့...... အိပ်တန်းတက်ဖို့ အခက်အခဲတွေ တွေ့လိမ့်မယ်နော်...... ပြန်သွားပါ........ ကိုယ့်ရဲ့ ရှိရင်းနေရပ်ဆီကို လှပစွာ....
ပျံသန်းသွားပါ.... နော် ကျေနပ်စွာ ကျန်ရစ်ခဲ့ပါရစေ... ငှက်ကလေးကို ကြည့်ရင်းနဲ့လေ.... ပီတိတွေလဲ ဝေနေပါရစေနော်.. တစ်သက်မှာ
တစ်ခါလောက် ပျော်ရွှင်ရရင်လဲ ပြည့်စုံစွာ ခံယူကျေနပ်နိုင်ပါတယ်....
ငှက်ကလေးရေ.......
ရိုင်စိုင်းတဲ့ ရေလှိုင်း
ကြမ်းတမ်းတဲ့ မုန်တိုင်းတွေနဲ့
လေကြမ်းကြမ်း မိုးတွေကြားမှာ
ခိုနားစရာ နေရာမရှိတာကြောင့်
ကျေနပ်စွာ ကျန်ရစ်ခဲ့မယ်.....
မချစ်ရက်လို့......
.
မရှိခဲ့ပေမဲ့.... ငှက်ကလေးကို ဖမ်းယူစားသောက်မဲ့ သားရဲတိရိစ္ဆာန်တွေလဲ တစ်ကောင်လေးမှ မရှိခဲ့ဘူးဆိုတာပါပဲ.... မယဉ်ကျေးနိုင်ခဲ့ပေ
မဲ့ ကိုယ် မရိုင်းခဲ့ပါဘူး ငှက်ကလေးရေ..... ဘာကြောင့်လဲ ဆိုတော့ ကိုယ့်ရဲ့ ရပ်တည်မှုမှာ ကျောက်စိုင် ကျောက်ခဲတွေကို အခြေခံ ထားခဲ့
ရလို့ပါ.. ကျောက်စိုင် ကျောက်သားတွေလိုပဲ.... တည်ငြိမ်စွာ... နောက်တော့ အေးမြစွာ.. ခိုင်ခိုင်မာမာ ရပ်တည်နေမှာပါ...ငှက်ကလေးကို
သတိရနေသမျှ...... မမေ့နိုင်သေးသမျှပေါ့နော်...... ငှက်ကလေး ပျော်ရွှင်စွာ ပျံသန်းနေနိုင်ပါစေ.........လို့။
No comments:
Post a Comment