မေးသင့်ပါသည်၊ဟုတ်မဟုတ်စိစစ်ကြည့်ရန်လိုပါသည်..။
မိန်းမလဲလူ.. ယောက်ျားလဲလူ..ပင်ဖြစ်သည်။
မိန်းမ..ကမြတ်သည်၊
ယောက်ျားက..မြတ်သည်ဟု ခွဲခြားရန်လည်း အကြောင်းမရှိချေ။
ကိုယ်ကျင့်တရားနှင့် စိတ်နေသဘောထားတို့၏
ကြီးမားမွန်မြတ်ခြင်းသာ အဓိက ဖြစ်ပေသည်။
“ အဂ္ဂညသုတ် (သုတ်ပါထေယျ ပါဠိတော်)” ၌လည်း
ဤအတိုင်းပင်..“ ဗုဒ္ဓမြတ်စွာ” မိန့်ကြားခဲ့ပါ သည်။
အများလည်း စိစစ်လေ့လာနိုင်ရန်
ဤဘလော့ခ်ကို ရေးသားတင်ပြ လိုက်ရပါသည်။
ပါလိုဠိ ''သီမာ'' ကို
မြန်မာလို ''သိမ်'' ဟု သုံးစွဲထားခြင်း ဖြစ်၏။
''သီမာ'' သဒ္ဒါသည်
အပိုင်းအခြားအနက်ကို ဟော၏။
''ရဟန်းသံဃာများ ဥပုသ် ကံ စသည်ပြုရန်အတွက်
ပိုင်းခြား သတ်မှတ်ရာတွင်
ဉတ်-ကမ္မဝါစာတို့ဖြင့် ရွတ်ဖတ်၍
သမုတ်(သတ်မှတ် )ထားသော
သိမ် (ဗဒ္ဓသိမ်)”
“ ဉတ်-ကမ္မဝါစာ တို့ဖြင့် မရွတ်ဖတ်ရဘဲ
အလိုလိုပင် ဥပုသ်ကံ စသည်ပြုနိုင်သောသိမ် (အဗဒ္ဓသိမ်)”…ဟု
(၂)မျိုးရှိပါသည်။
ရှင်းလင်းစွာပြောရမည်ဆိုလျှင်..
''ဂါမသိမ်'' သည်
“ အဗဒ္ဓသိမ်..”မျိုးတွင် ပါဝင်ပါသည်..။။
သူကြီးတယောက် အခွန်အတုပ် ကောက်ယူခွင့်ရှိသော
အရပ်သည် (၂-ရွာ ၃-ရွာ ရှိသော်လည်း)
ဂါမခေတ် တခေတ်မည်၏။
ထိုဂါမခေတ်နယ်သည်
ရဟန်းအားလုံး စုရုံး၍ ကံပြုနိုင်သော
ဂါမသိမ်တမျိုး ဖြစ်လေသည်။
ဤသူကြီးတပိုင် ဂါမခေတ်(ဂါမသိမ်) အတွင်းဝယ်
လူတို့သည် လင်ယူသားမွေး လုပ်နေကြ၏။
အညစ် အကြေးတို့ကိုလည်း စွန့်ချနေကြသည် မဟုတ်ပါလော။
ယင်းသူကြီးတပိုင် ဂါမခေတ်(ဂါမသိမ်) အတွင်းဝယ်
ယောက်ျားတွေချည်းသာ နေကြသည် မဟုတ်ပါချေ။
ထို့ကြောင့် သိမ်အတွင်း မိန်းမတွေ မဝင်ရဟု
အထင်ရောက်နေခြင်းမှာ လုံးဝ လွဲမှားနေခြင်းသာဖြစ်သည်။
ကျောင်းတိုက်များအတွင်းဝယ်
ကျောက်တိုင်များ (သီမန္တရိတ်တိုင်များ) စိုက်၍ သမုတ်ထားသော
(ဗဒ္ဓ)ခဏ္ဍသိမ်မှာလည်း
ထိုနည်း၎င်းပင် ဖြစ်ပါသည်။
''သိမ်အတွင်း မိန်းမတွေဝင်လျှင် ငရဲကြီးသည်'' ဟု
ပြောဆိုထင်မှတ်နေကြခြင်းမှာ
ပိုလွန်နေသော လွဲမှားမှုသာ ဖြစ်ချေသည်။
ဥပုသ်ကံစသော ကံကြီးကံငယ်ပြုရာ၌
ကြဉ်ဖယ်ထားရမည့် ပုဂ္ဂိုလ်(ဝဇ္ဇနိယပုဂ္ဂိုလ်)များတွင်
လူဝတ်ကြောင်လည်း ပါရှိလေသည်။
လူဝတ်ကြောင်ဟု ဆိုရာ၌ မိန်းမသာမက
ယောက်ျားများလည်း ပါဝင်သည်။
''သိမ်အတွင်း ကံပြုနေချိန်၌
လူဝတ်ကြောင်စသည် မပါဝင်စေရ၊ ကြဉ်ဖယ်ထားရမည်''
ဆိုသော်လည်း သိမ်ထဲတွင် မဝင်ရဟု
တားမြစ်ထားခြင်းမျိုးမဟုတ်ပေ။
ကံဆောင်နေသော ရဟန်း သံဃာတော်များနှင့်
ဟတ္ထပါသ်(နှစ်တောင့်ထွာ) မဆက်စပ်ဘဲ
ဟတ္ထပါသ်(နှစ်တောင့်ထွာ) လွတ်ရာ အရပ်က
ရှိနိုင်သည်၊ နေနိုင်သည်။
ထိုသို့ရှိနေခြင်းကြောင့်
မည်သည့်ကံမျှ ပျက်ပြားမှုမရှိချေ။
(တေ ဟတ္ထပါသတော ဗဟိကရဏဝသေန ဝဇ္ဇေတဗ္ဗာ-
လူစသော နှစ်ကျိပ်တယောက်သော
ဝဇ္ဇနိယ ပုဂ္ဂိုလ်တို့ကို နှစ်တောင့်ထွာ
ဟတ္ထပါသ်မှအပ ပြုခြင်းဖြင့် ကြဉ်ဖယ်ထားရမည်။
.. ကင်္ခါဝိတရဏီအဋ္ဌကထာ)။
''နှစ်တောင့်ထွာ အတွင်းသာ မရှိစေရ'' ဟူသော
မိန့်မှာချက်ကို သဘောမမူဘဲ
အချို့ရဟန်း များသည် ရဟန်းခံ(ဥပသမ္ပကံဆောင်)ရာ၌
မိန်းမများကိုသာမက
ယောက်ျားများကိုပါ သိမ် အတွင်းမှ
ထွက်ခွာစေအောင်ဆို တတ်ကြလေသည်။
ဤသို့ ပြုလုပ်ခြင်းသည်
စာရှိထက် ပိုလွန်ခြင်းသာတည်း-ဟု ဧဝကန် မှတ်ရပေမည်။
ယနေ့ခေတ်သည်
အကြောင်းယုတ္တိမတန်ဘဲ
ငရဲနှင့်ချောက် စာအုပ်ကြီးနှင့်ပေါက်နေ၍ မဖြစ်ချေ။
သာသနာတော်၌ မကြည်ညိုသေးသူတို့ကို ကြည်ညိုလာစေရန်၎င်း၊
ကြည်ညိုပြီးသူတို့ကို သဒ္ဓါတရား တိုးပွားစေရန်၎င်း
ကြောင်းကျိုးညွှန်ပြရပေမည်။
နေရာတကာ၌ အထက်စီးကနေလျက်
ကြိမ်း မောင်းခြင်း၊
ငေါက်ငမ်းခြင်းတို့ကား
စင်စစ်ရိုင်းပြခြင်းသာ ဖြစ်သည်။
အရှိကိုအရှိတိုင်း အမှန်ကို အမှန်တိုင်း
ဗုဒ္ဓ အလိုတော်ကျ မပိုမလို ပြောဆိုပြုလုပ်ရန်လည်း
အမှန်တကယ် လိုအပ်ပေသည်။
ထို့ကြောင့် ကျွန်ုပ်တို့သည် လူတိုင်းအပေါ်
ချိုသာယဉ်ကျေးစွာ ဆက်ဆံလျက်
ဗုဒ္ဓညွှန်ပြခဲ့သည့် သဘောတရားရေးရာ၌လည်း
ပိုင်နိုင် ထိမိအောင် လေ့လာထားသင့်ကြောင်း တင်ပြလိုက်ရပေသည်။
ချမ်းသာကြပါစေ၊အေးငြိမ်းကြပါစေ၊သံသရာဝဋ်ဆင်းရဲမှ..လွတ်မြောက်ကြပါစေ။
ဘ၀တုသဗ္ဗမင်္ဂလာ..
(ည.ည.တ)
No comments:
Post a Comment