ဤလောကတွင် လူတို့အသုံးပြုလျက် ရှိသော လူ့အသုံး အဆောင် ပစ္စည်းတို့သည် နေရာ တိုင်း၌ အသုံးချရန် မသင့်သည်ကို ကျွန်ုပ်တို့ သတိပြုတတ်ဖို့ လိုအပ်လှပါပေသည်။ လူ့အသုံး အဆောင် ပစ္စည်းများကို သူ့နေရာနှင့်သူ စနစ်တကျ အသုံးပြုတတ်ပါမှ အကျိုးဖြစ်ထွန်း နိုင်ပေမည်။
မိမိ၏ မဆင်မခြင် တလွဲအသုံးပြုသော အကြောင်းအရာများက မိမိကိုဥပဒ်ရောက် စေသလို၊ သူတစ်ပါးကိုလည်း ထိခိုက်နစ်နာ ဆုံးရှုံးစေ တတ်ပါသည်။။
သီချင်းနားထောင် နေကြသော လူငယ် အတော်များများတို့သည် လမ်းသွားရင်း၊ ကားမောင်း ရင်းနှင့်ပင် နားကြပ်ကို တပ်ပြီး ပြုဆောင်နေကြသူ အတော်များများကို တွေ့မြင်နေရပါသည်။ ဤသည်မှာ အန္တရာယ်ကို ဖိတ်ခေါ်နေသလို ရှုမြင်ရပါ လေသည်။
စာရေးသူသည် ရုံးလုပ်ငန်း တာဝန် တစ်ခုဖြင့် မြို့ထဲသို့ ကားစီးလာစဉ် လူငယ် တစ်ယောက်သည် နားကြပ်ကို တပ်ပြီး သီချင်း (Music)ကို ခံစားနေလေသည်။
သူ့အာရုံက သီချင်းတွင် နစ်မျော၍လား မသိ။ မော်တင် ကမ်းနားလမ်း မျဉ်းကျားမှာ လမ်းဖြတ် ကူးနေရာ ကားထဲမှ လူကိုလည်း မကြည့်၊ ကားဟွန်း တီးသံကိုလည်း ဂရုမပြု၊ ကားသမားများ အဖို့ အတော်အခက် တွေ့ကြလိမ့်မည်ဟု ကျွန်ုပ် ယုံကြည်မိပါ၏။
မကြာပါချေ။ ထိုလူငယ်အား အငှားယာဉ် တစ်စီးဖြင့် ပွတ်တိုက်မိသလို ဖြစ်သွားပါတော့၏။ ဒီတော့မှ ထိုလူငယ်က ကြောက်အား လန့်အားဖြင့် ယာဉ်မောင်းအား ''ဒီမှာ လူသွားနေတယ်၊ မတွေ့ဘူးလား'' ပြောလေသည်။ မျဉ်းကျားကူးသည်၊ မှန်ပါ၏။ သို့သော် ဘယ်သူမှားသည်၊ မှန်သည်ကို စာဖတ် ပရိသတ်တို့ စဉ်းစား ကြည့်ပါလော့။
နောက်ထပ် စမ်းချောင်း မြေနီကုန်း မီးပွိုင့်က အဖြစ်အပျက် တစ်ခုမှာ ယာဉ်မောင်းလာသော မိန်းကလေး တစ်ဦး ဖြစ်လေသည်။ ကိုယ်ပိုင်ယာဉ် ဖြစ်ပါ၏။ ထိုယာဉ်မောင်း မိန်းကလေးမှာ နားကြပ်ကို တပ်ပြီး သီချင်း နားထောင်ရင်း ကားမောင်းလာသူဟု ဆိုရပါမည်။ မီးပွိုင့်မီးနီကို ကားများ ခေတ္တနားနေခိုက် မီးစိမ်း ပြသည်ကို အာရုံမထားမိခင် သီချင်းမှာ နစ်မျောနေသည် ထင်ပါ၏။ နောက်ပါကားများက ဟွန်းသံ အဆက်မပြတ် တီးမှ ကမှူးရှူးထိုး ကားကို မောင်းထွက် သွားသော်လည်း နောက်တကြော မီးဝါပြန်၊ အမြန်ထွက်မိရာ တစ်ဖက်မှ လူကို တိုက်မိတော့မည့် အနေအထား ဖြစ်ပြီး ရှောင်ရာမှ ကားကားချင်း ပွတ်မိသည့် ပြဿနာဖြင့် ရင်ဆိုင်ခဲ့ ရဖူးလေသည်။
တနင်္ဂနွေ တစ်ရက်မှာ စာရေးသူ စာပေရေချမ်းစင် တာဝန်ကျ၍ ပန်းဆိုးတန်း ရန်ကုန်-ဒလဆိပ် ကမ်း၌ တာဝန်ထမ်း ဆောင်စဉ် ပြည်တွင်း ရေကြောင်းခရီးသည် ပို့ဆောင်ရေး မန်နေဂျာကြီးနှင့် စကားလက်ဆုံ ကျမိရာမှ နားကြပ် အသုံးပြုသူများ အကြောင်း ပြောမိကြရာ မန်နေဂျာကြီးက မေလတတိယ ပတ်လောက်က (၂၅/၂၆)နှစ်အရွယ် တွံတေးက ကလေး မလေးကားတိုက်ခံ ရပုံကို ရှင်းပြရာ ထိုကလေးမလေးမှာ နားကြပ်ကို တပ်ထားပြီး မီးနီမကူးရန် မီးပြသည်ကို မကြည့်ဘဲ သီချင်းနားထောင်ရင်း လျှောက်လာရာ၊ ကမ်းနားလမ်း ကုန်တင် ယာဉ်ကြီးလိုင်း ၁ဝ ဘီးကားကြီး တစ်စီးမှာ ကုန်အပြည့်ဖြင့် မရှောင်သာဘဲ ဝင်တိုက်မိရာ ပထမ နောက်ကြည့်မှန်ဖြင့် ရိုက်မိ မှောက်လဲကျရာမှ ကျုံးပြီးပြန်အထ နောက်ဘီးဖြင့် ထပ်ကြိတ်မိပြီး သေဆုံး သွားခဲ့ကြောင်း ရင်နင့်ဖွယ်ကြား သိရပါလေသည်။
အမှန်တကယ်တော့ နားကြပ်သည် လူသားတို့ အတွက် အသုံးအဆောင် ပင်ဖြစ်သော်လည်း သူ့နေရာနှင့်သူ စနစ်တကျ အသုံးမပြုကြဘဲ တလွဲ အသုံးပြုခြင်းကြောင့် အသက်ပါပေးဆပ် သွားကြရသည့် သာဓကများစွာ ကိုလည်း ကြုံမိကြ ရပါပေသည်။
သူ့နေရာနှင့်သူ စနစ်တကျ အသုံးပြု ဆောင်ရွက်ကြမည် ဆိုပါလျှင် နဘယံဘေး မရှိနိုင် ကြောင်း လေ့လာ တွေ့ရှိကြရ ပါပေသည်။ နားကြပ်တပ်ပြီး သီချင်း နားထောင်ရင်း အခြား အလုပ်ကို လုပ်ကြမည် ဆိုလျှင် လုပ်ငန်းလည်း မတွင်ကျယ် နိုင်သလို၊ လုပ်ငန်းအပေါ် ထားသည့် အာရုံစူးစိုက်မှု အားနည်းခြင်းကြောင့် အလုပ် မဖြစ်နိုင်သလို၊ အလုပ်ပြီးမြောက်ခြင်း မရှိဖြစ် ပါပေမည်။ ဇိမ်ခံပစ္စည်း အမျိုးအနွယ် ဖြစ်သော သီချင်း နားထောင်သည့် ဤနားကြပ် ကို အားလပ်သော အချိန်၊ အေးချမ်းစွာ နားနေချိန်တို့မှာ အသုံးပြုပါလျှင် ဤကဲ့သို့ အန္တရာယ် များမှ ကင်းဝေး ပါပေမည်။
ဘာမဟုတ်သည့် ထိုနားကြပ်အတွက် အသက်ကိုပါ ပေးခဲ့ရသော တွံတေးသူ ဘွဲ့ရပညာတတ် ကလေးမလေးကို စံနမူနာ ထားပြီး နားကြပ် အန္တရာယ်ကို ရှောင်ရှား နိုင်ကြစေရန် တန်ဖိုးကြီးသော လူငယ်များ အတွက် မလေလွင့်၊ မထိခိုက်၊ မနစ်နာရလေအောင် နားနေ ချိန်မှာ နားကြပ်ကို အသုံးပြုကြပါဟု တိုက်တွန်းရေးသား တင်ပြလိုက်ရပါ တော့သည်။ ။
သတင်းမှတ်စု-ရွှေတိုင်လွင်
https://www.facebook.com/photo.php?fbid=444656565632180&set=a.351047714993066.7
No comments:
Post a Comment