ကျန်းမာရေး၊ မြို့ပြများ သန့်ရှင်း လှပမှုနှင့် ကွမ်းယာ အန္တရာယ်

=================================

ကွမ်းယာသည် လူသားတို့ အသက်ရှင် ရပ်တည်ရေး အတွက် မဖြစ်မနေ စားသုံးရမည့် အစားအစာများ ထဲတွင် မပါဝင်သလို သရေစာအဖြစ် အဆာပြေ စားရသော အရာလည်း မဟုတ်ပါ။ သို့သော်လည်း ယခုအခါ၌ မြန်မာနိုင်ငံတွင် ကွမ်းယာ စားသုံးခြင်းသည် ကူးစက်ရောဂါ တစ်မျိုးကဲ့သို့ လျင်မြန်စွာ ပြန့်ပွား လာနေသည်ကို တွေ့ရှိ နေရပါသည်။

ကွမ်းယာနှင့် ပတ်သက်၍ ရာဇဝင်မှ မအိုဇာနှင့် ကွမ်းတစ်ယာ ရေတစ်မှုတ် ဇာတ်လမ်း၊ ပုဂံခေတ် သီဟသူမင်းနှင့် အမတ်ကြီး ရာဇသင်္ကြန်တို့၏ ရန်ငြိုးဇာတ်လမ်းနှင့် ရခိုင်ဘုရင် မင်းထီး၏ လက်ညှိုးဖြတ်သော ဇာတ်လမ်းတို့က မြန်မာလူမျိုးတို့ ကွမ်းယာ စားခဲ့ကြသည်မှာ နှစ်ပေါင်းအားဖြင့် ရာစုနှစ်များစွာ ကြာမြင့်ခဲ့ပြီဆိုသည်ကို ဖော်ပြနေပါသည်။

ထို့ပြင် ရှေးခေတ် စာဆိုတော် လူဦးမင်း၏ ''တံတားဦးက ကွမ်းနုဝါ၊ ငမြာကဆေး၊ ကွမ်းသီး တောင်ငူနဲ့ ကိုင်းထုံး ဖြူပြည်ရှား၊ သာဝါးလို့ထွေး''ဟူသော စာချိုးနှင့် ဖိုးသူတော် ဦးမင်း၏ ''ကွမ်းရွက်ကယ် ညှာကြွေ၊ ရေစိမ်တဲ့ဆေး၊ သန်းခေါက်လှိုင်လှိုင်နဲ့ ချိန်လိုက်မယ် ထုံးဖြူခြောက်ကယ်၊ အာပေါက်မှထွေး''ဟူသော စာချိုးတို့ကလည်း မြန်မာလူမျိုးတို့ ကွမ်းယာစားသော အလေ့အထ ပြုလုပ်ခဲ့ကြသည်မှာ နှစ်ပေါင်းများစွာ ကြာမြင့်ခဲ့ပြီ ဆိုသည်ကို သက်သေပြနေ ပါသည်။

ကွမ်းယာစားခြင်း အလေ့အထကို အနောက် နိုင်ငံသားများတွင် မတွေ့ရပါ။ မြန်မာနိုင်ငံ အပါအဝင် အာရှ နိုင်ငံအချို့တွင်သာ တွေ့ရပါသည်။ ကမ္ဘာ့ ကျန်းမာရေး အဖွဲ့၏ အဆိုအရ အရှေ့တောင်အာရှ နိုင်ငံများထဲတွင် မြန်မာနိုင်ငံသည် ကွမ်းယာ စားသုံးမှု နှုန်းထား အမြင့်မားဆုံး နိုင်ငံတစ်ခု ဖြစ်ကြောင်း သိရပါသည်။ ယခုအခါ မိမိတို့မြန်မာ နိုင်ငံ၌ ကွမ်းယာစားခြင်းကို ကျေးလက် တောရွာများနှင့် မြို့ကြီး ပြကြီးများပါ မကျန် နေရာဒေသ အနှံ့အပြားတွင် ကျောင်းသားအချို့၊ ဝန်ထမ်းအချို့ အပါအဝင် ယာဉ်မောင်း သူများနှင့် ယာဉ်နောက်လိုက်များ၊ ကာယ လုပ်သားကြီးများ ပါမကျန် အသက်အရွယ် မရွေး၊ အမျိုးသား၊ အမျိုးသမီး မရွေးတို့တွင် အလေ့အကျင့် တစ်ခုအဖြစ် တွေ့မြင်နေရပါ သည်။

အချို့သော လူငယ်များ ကွမ်းယာ စားကြခြင်းမှာ လူငယ် သဘာဝ တစ်ခါတစ်ရံတွင် အပေါင်းအသင်းများ ကောင်းမှုဖြင့် အရက်ကလေး ဘာလေး သောက်မိပြီးနောက် အိမ် အပြန်တွင် လူကြီးများ ဆူပူခံရမည်ကို စိုးရိမ်သဖြင့် အရက်နံ့ ပျောက်စေရန် ကွမ်းယာဝါးပြီး မှ ပြန်ကြကြောင်း လေ့လာ တွေ့ရှိရပါသည်။ ဤကဲ့သို့ တစ်ခါတစ်ရံပေါင်း များစွာဖြစ် လာသောအခါ အဆိုပါ လူငယ်များသည် အရက်လည်းစွဲ၊ ကွမ်းလည်းစွဲသည့် အဖြစ်များသို့ ရောက်ရှိ သွားတတ်ကြ သည်ကိုလည်း တွေ့မြင်ကြားသိ နေရပါသည်။ ကွမ်းယာထဲတွင် ပါဝင်သော ထုံးများကြောင့် သွားအပေါ်ယံလွှာများ ကြွေခြင်း၊ ပါးခြင်း၊ သွားဖုံးများ ရောင်ရမ်းခြင်း၊ ရေစီးကမ်းပြို ဖြစ်ခြင်းတို့ကို ဖြစ်စေပြီး သွားများနှင့် ပါးစပ်အလှကို ပျက်စီးစေပါသည်။ ထုံးပေါက်ခြင်းမှ အစပြုကာ ခံတွင်း ကင်ဆာအထိ ဖြစ်စေ နိုင်ပါသည်။ ထို့ပြင် ဆီးပြွန်၊ ဆီးအိမ်နှင့် ဆီးလမ်းကြောင်း များတွင် ကျောက်တည်သော ရောဂါလည်း ဖြစ်စေနိုင်ပါသည်။

 

ဆေးရွက်ကြီး ပါသော ကွမ်းယာကို ဝါး၍ ကွမ်းဖတ်များကို ပါးစောင်တွင် အချိန်ကြာမြင့်စွာ ငုံထားခြင်း၊ မြုံ့နေပြီး စားခြင်းများသည် ခံတွင်း အမြှေးပါးများ၏ ဇီဝဖြစ်စဉ်ကို ပြောင်းလဲလွယ်ပြီး မျက်နှာပြင် ထူလာခြင်း၊ ကြမ်းလာခြင်း၊ အဖြူကွက်၊ အနီကွက်၊ မီးခိုးရောင် အကွက်များ ပေါ်လာခြင်း စသည့် ခံတွင်းအကြို ကင်ဆာအနာများ (Precancerous Lesions)  ဖြစ်စေတတ်ပါသည်။ အလွန်ပင် အန္တရာယ် ကြီးမား ပါသည်။

အချို့သူများ ယူဆ ပြောဆိုနေကြသလို ကွမ်းစားခြင်းကြောင့် သွားများကို ခိုင်မာစေသည် ဆိုသည်မှာ လုံးဝမမှန် ပါ။ ပါးစပ်ထဲ၌ ကွမ်းဝါးနေသမျှ ကာလပတ်လုံး သွားများသည် အချိန်ပြည့် ကြိတ်ဝါးနေရသဖြင့် သွားများ၏ ကြံ့ခိုင်မှုကို လျော့နည်း စေပါသည်။ ကျောက်ကပ်သည်လည်း အချိန်ပြည့် အလုပ်လုပ် နေရသဖြင့် အနားမရပါ။ ထို့ပြင် ကွမ်းစား သူ အများစုသည် အသက်ငယ်ငယ်နှင့် ရုပ်ရင့် ကြသည်ကိုလည်း တွေ့ရပါသည်။ စာရေးသူတို့ ငယ်စဉ်က ''ကလေးများ ကွမ်းယာစားလျှင် လျှာထူတတ်သဖြင့် အင်္ဂလိပ်စာ သင်ရာတွင် အခက်အခဲ ဖြစ်နိုင်၍ ကွမ်းယာ မစားကြနှင့်''ဟု လူကြီးများမှ ပြောဆိုခဲ့ကြသည်ကိုလည်း ကြားခဲ့ရဖူးပါသည်။

ကွမ်းယာ စားခြင်းကြောင့် စားသုံးသူ တစ်ဦးတစ်ယောက် တည်းကိုသာ ဆိုးကျိုးများ ဖြစ်စေနိုင်သည် မဟုတ်ပါ။ ကွမ်းယာစားပြီး မဆင်မခြင် ထွေးသော ကွမ်းသွေးများကြောင့် မြို့ပြများ၏ ပတ်ဝန်းကျင် အလှအပကိုလည်း များစွာ ထိခိုက် စေပါသည်။

ယခုအခါ၌ ပြည်ထောင်စု သမ္မတ မြန်မာ နိုင်ငံတော်ကြီးအား ခေတ်မီဖွံ့ဖြိုး တိုးတက်ပြီး သာယာ လှပသော နိုင်ငံတော် သစ်ကြီး အဖြစ် ကြိုးပမ်း တည်ဆောက်နေချိန်တွင် ကွမ်းသွေးများကို စည်းကမ်းမဲ့ ထွေးနေခြင်းများက မြို့ရွာများမှ လမ်းများ၊ တံတားများ၊ အဆောက်အအုံများ၏ အလှအပကို ထိခိုက် စေပါသည်။ ရန်ကုန် မြို့တော်ကြီးတွင်လည်း စည်းကမ်းမဲ့ ကွမ်းသွေးများကြောင့် မြို့တော်အလှကို ပျက်စီးမှေးမှိန် စေသဖြင့် လွန်ခဲ့သော နှစ်ကာလများက ရန်ကုန်မြို့လယ်မှ မြို့နယ် အချို့တို့တွင် ကွမ်းယာ မရောင်းရဟု သတ်မှတ် ခဲ့ဖူးပါ သည်။ ထို့အတွက်ကြောင့် မြို့လယ်ရှိ လမ်းများ၊ ပလက်ဖောင်းများ ပေါ်တွင်  ကွမ်းသွေးကွက်များ နည်းသည်ဆိုရုံ နည်းသွား ခဲ့ဖူးသော်လည်း လုံးဝ ပျောက်ကွယ်သွားခြင်းမျိုး မရှိခဲ့ပါ။ သို့သော် ယခုအခါတွင် ကွမ်းယာ စားသုံးသူများ ပိုမို တိုးပွားလာနေပြီး လမ်းများတွင် ကွမ်းသွေးကွက်များ၊ ကားပေါ်မှ လမ်းမပေါ်သို့ ကွမ်းသွေးထွေး ချ နေခြင်းများက မြို့ရွာအနှံ့၊ နေရာအနှံ့ တွေ့နေရဆဲပါ။

ထိုစဉ်အခါက ကွမ်းယာ မရောင်းရဟု သတ်မှတ် ထားသဖြင့် ကွမ်းယာဗန်းများ လွယ်ပြီး လှည့်လည် ရောင်းချခြင်းများ ပျောက်ကွယ် ခဲ့သော်လည်း အသင့် ယာထားသော ကွမ်းယာများကို ပလတ်စတစ်အိတ် အတွင်းထည့်၍ ရောင်းချခြင်းများ ရှိခဲ့သည်ကို သတိပြုမိပါသည်။ သို့သော်လည်း ယခုအခါ၌ တစ်နိုင်ငံလုံးတွင် ကွမ်းယာ စားသုံးသူ ဦးရေ သိသိသာသာ တိုးတက်လာမှုကြောင့် ကွမ်းယာဆိုင် မရှိသည့် လမ်းဟူ၍ မရှိသလောက်ပင်။ ကွမ်းယာဆိုင်များက လက်ညှိုးထိုး မလွဲ ပေါများ လာနေပါသည်။ အချို့သော ကားမှတ်တိုင်များတွင် ကွမ်းယာဆိုင်များက သူတို့ကိုယ်ပိုင် နေရာများ အလား အချိန်ပြည့် နေရာယူ ထားကြသည်ကိုလည်း စိတ်မချမ်းမြေ့ဖွယ် ရာ တွေ့မြင် နေရပါသည်။

ထို့အတူ ရုံးများတွင်လည်း  ''ကွမ်းမစားရ'' ''ကွမ်းသွေးမထွေးရ'' ဟူသော စာတန်းများ ရေးထားကြသော်လည်း ရုံးများအတွင်း ကွမ်းစား သူများ ရှိနေဆဲဖြစ်သလို ကွမ်းသွေးကွက်များ ကလည်း ပျောက်ကွယ် မသွားကြသေးပါ။ အချို့သောရုံးများတွင် ''ကွမ်းစား၍ မဝင်ရ''ဟု ရေးသားထား သည်ကိုပင် တွေ့ရဖူးပါသည်။ သို့သော်လည်း စားသူတွေကတော့ စားနေကြဆဲပါ။ မိမိ ကြိုက်နှစ်သက် သောကြောင့် ကွမ်းစားသည်ကို မည်သို့မျှ မဝေဖန်လိုသော်လည်း ကွမ်းသွေးများကို စည်းကမ်းမဲ့ ထွေးနေကြခြင်းများကိုတော့   ရှောင်ကြဉ်သင့်ပါသည်။ စည်းကမ်း ရှိသင့်ပါသည်။

နေပြည်တော်နှင့် ရန်ကုန် အပါအဝင် မြို့ကြီးပြကြီးများ၏ အချို့သော နေရာများရှိ အလှအပ မွမ်းမံ ခြယ်သထားသော အဆောက်အအုံများ၏ နံရံများ၊ နက်ပြောင် ချောမွတ်နေ သော ကတ္တရာ လမ်းမများ၊ ဖြူစင် ညီညာနေသော ကွန်ကရစ်လမ်းများ၊ ပလက်ဖောင်းများနှင့် လူမြင်ကွင်း နေရာများတွင် စည်းကမ်းမဲ့စွာ ထွေးထားသော ကွမ်းသွေးကွက်များကို တွေ့မြင်နေရဆဲ ဖြစ်သဖြင့် စည်းကမ်းရှိမှု၊ စည်းကမ်းလိုက် နာမှုအပိုင်းတွင် များစွာ အားနည်းနေသေးသည်ဟု ဆိုနိုင် ပါသည်။ သို့အတွက် ပညာပေးမှု များစွာ ပြုလုပ်ရန် လိုအပ် နေသေးသည် ဟုလည်း ဆိုရမည်ဖြစ်ပါသည်။

ယနေ့ခေတ် အခါ၌ နိုင်ငံတော်သည် ပြည်ပနိုင်ငံများ နှင့် ဆက်သွယ်မှု တိုးတက်လာသဖြင့် မြန်မာနိုင်ငံ အတွင်း နေရာဒေသ အနှံ့အပြားသို့ နိုင်ငံခြားသားများ ပိုမိုလာရောက် လျက်ရှိနေပါသည်။ မကြာမီ ကျင်းပတော့မည့် (၂၇)ကြိမ်မြောက် အရှေ့တောင်အာရှ အားကစား ပြိုင်ပွဲကြီးတွင်လည်း ပြည်ပ နိုင်ငံများမှ နိုင်ငံခြားသား ဧည့်သည်များ အများအပြား ရောက်ရှိလာကြမည် ဖြစ်ပါသည်။  ထိုအခါ  လမ်းများ၊ တံတားများ၊ ပလက်ဖောင်းများ အဆောက်အအုံ နံရံများ စသည်တို့ အပေါ်တွင် စည်းကမ်းမဲ့စွာ ထွေးထားကြသော ကွမ်းသွေးကွက် များကို နိုင်ငံခြားသားများ တွေ့မြင် သွားပါက မြန်မာနိုင်ငံနှင့် မြန်မာလူမျိုးတို့ အပေါ် အထင်သေး သွားစေနိုင်ပါသည်။

သို့ပါ၍ ကွမ်းယာ စားသူများ သိသာစေရန် အတွက် ''သင်၏ ကွမ်းသွေးကြောင့် မြို့ရွာများ၏ အလှအပကို မပျက်စီးပါစေနှင့်''၊ ''သင်၏ ကွမ်းသွေးကြောင့် နိုင်ငံနှင့် လူမျိုး၏ ဂုဏ်သိက္ခာကို မထိခိုက် ပါစေနှင့်''ဟူသော ပညာပေး ဆိုင်းဘုတ်များ ရေးသား စိုက်ထူကာ နှိုးဆော် ပညာပေး သင့်ပါသည်။

မိမိတို့ နိုင်ငံတွင်လည်း ကွမ်းယာစားခြင်းမှ ပေးသော အန္တရာယ်များ အကြောင်း ကျန်းမာရေး ပညာပေးမှုများကို ကျယ်ကျယ် ပြန့်ပြန့် ပြုလုပ်ပြီး လိုက်နာရန် စည်းကမ်းများ သတ်မှတ်၍ မလိုက်နာပါက ထိထိရောက်ရောက် အရေးယူမှု များကို စဉ်ဆက်မပြတ် ပြုလုပ် ဆောင်ရွက်ကြမည် ဆိုပါက ပြည်သူလူထု အတွင်း ကျန်းမာရေး ဆိုင်ရာ အသိတရားများ ရရှိလာပြီး စည်းကမ်းလိုက်နာ လုပ်ဆောင်လာကာ ကွမ်းစားသူ ဦးရေ သိသိသာသာ လျော့နည်း သွားနိုင်ပါသည်။ ကွမ်းစားသူ ဦးရေ လျော့နည်းသွားပါက ကွမ်းယာဆိုင်များလည်း လျော့နည်းသွားမည် ဖြစ်ပါသည်။

ကွမ်းစားသူဦးရေ လျော့နည်း သွားခြင်းကြောင့် ကွမ်းစားခြင်းမှ ပေးသော ကျန်းမာရေး ပြဿနာများ လျော့နည်း သွားမည်ဖြစ်သလို စည်းကမ်းမဲ့ ကွမ်းသွေး ပြဿနာများလည်း လျော့နည်းသွားကာ မြို့ရွာ အလှအပ နေရာများ၊ လမ်းများ၊ တံတားများ၌ ကွမ်းသွေးများကြောင့်  ဖြစ်ပေါ်နေရသော အရုပ်ဆိုး အကျည်းတန် နေရမှုများသည်လည်းပျောက်ကွယ်သွားမည် ဖြစ်ပါကြောင်း ရေးသား တင်ပြ လိုက်ရပါသည်။   ။

http://www.myawady.com.mm/library/stories/storiesforall/item/20862-2013-07-29-15-56-25