စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







မာလကာသီးနှင့်ကျန်းမာရေး



   မာလကာသီးဟာ မြန်မာလူမျိုးများ နှစ်ခြိုက်စားသုံးကြတဲ့ သစ်သီးတစ်မျိုး ဖြစ်ပေမယ့် မာလကာသီးနဲ့ အလှပြင်တာ ကတော့ ရှားပါ လိမ့်မယ်။ မာလကာသီးဟာ ပျိုမေများအတွက် ကရိကထိများကာ ကမကထ စီစဉ်ဝယ်ယူရမယ့် သစ်သီး တစ်မျိုး မဟုတ်တဲ့ အပြင် ဈေး လည်းချို အလွယ်လည်း ဝယ်ယူနိုင်တဲ့ အပြင် အလှအပအတွက်ပါ ထည့်သွင်း အသုံးပြု နိုင်တာမို့ မာလကာသီးနဲ့ အလှအပ ရေးရာ အဖြစ် ဖော်ပြလိုက် ရပါတယ်။

     မာလကာသီးဟာ ဗီတာမင်စီ ပေါကြွယ်ဝတဲ့ သစ်သီးတစ်မျိုး ဖြစ်ပြီး ရောဂါအတော် များများနဲ့ ရုပ်ပိုင်းဆိုင်ရာ ကြံ့ခိုင်မှုကို ထိန်းပေး ထား နိုင်စွမ်းရှိတဲ့ သတ္ထုဓာတ်များ ပါဝင်တဲ့ သစ်သီးလည်း ဖြစ်ပါတယ်။ မာလကာသီး အရွက်နဲ့ အခေါက်တို့မှာ ရောဂါပိုးမွှားတွေ တုံ့ပြန် တိုက်ဖျက် ပေးနိုင်တဲ့ သဘာဝပစ္စည်းတွေ ပါဝင်ပါတယ်။

     ဒါ့အပြင် မာလကာသီးဟာ သွေးအားနည်းခြင်းကို ကာကွယ်ပေးခြင်း၊ နှုတ်ခမ်း ရောင်ယမ်းခြင်း၊ သွားဖုံး သွေးယိုခြင်းစတဲ့ ရောဂါတွေကိုလည်း ပျောက်ကင်း စေနိုင်တဲ့ သတ္တိ ရှိပါတယ်။ သွေးလည်ပတ် စီးဆင်းမှုကိုလည်း ကောင်းမွန်စေပြီး ကူးစက်ရောဂါ အတော်များ များ ကိုလည်း ကာကွယ် ပေးပါတယ်။ အစာအိမ်ရောဂါ၊ သွေးဝမ်းပါရောဂါနဲ့ ဆီးချိုရောဂါ တို့ကိုလည်း သက်သာ ပျောက်ကင်းစေတဲ့ သစ်သီး တစ်မျိုး ဖြစ်ပါတယ်။

ဆီးချိုနဲ့ မာလကာ
     ဆီးချိုရောဂါရှင်များ အတွက် မာလကာသီး (မမှည့်တမှည့်) တစ်လုံးကိုယူပါ။ လေးစိတ်ခွဲစိတ်ကာ ရေ ၁ လီတာခန့်ဖြင့် ထည့်ပြုတ်ပေးပါ။ ဆူပွက်လာမှ ဇကာဖြင့် စစ်ချကာ ယင်းရေအား တစ်နေ့ နှစ်ကြိမ်ခန့်  သောက်သုံးပေးပါ။ မနက်တစ်ကြိမ်၊ ညနေတစ်ကြိမ် သောက် သုံး ပေးရမည် ဖြစ်သည်။

ဝမ်းဗိုက်အောင့်နေခြင်း အတွက်
     မာလကာရွက် ငါးရွက်ခန့်နှင့် အမြစ်တစ်ခု၊ အခေါက်နှင့်ပင်စည် အစိတ်အပိုင်း တချို့တို့ကို ယူပါ။ ရေ ၁ လီတာခွဲဖြင့် ထည့်ပြုတ်ပေး ပါ။ ဆူပွက်လာမှချကာ တစ်နေ့ ၂ ကြိမ် သောက်သုံး ပေးရမည် ဖြစ်သည်။

ဆီးလွယ်ခြင်း
     ညဘက်ဆီးလွယ်တဲ့ သူတွေ အတွက် ထထအိမ်သာ ပြေးနေရတဲ့ ဒုက္ခဟာ မလွယ်ပါဘူး။ ကြုံဖူးမှ ကိုယ်ချင်းစာ နိုင်ပါလိမ့်မယ်။ ယင်း အတွက် ဖြေဆေးတစ်မျိုး ကတော့ မာလကာသီး အရွက် လက်တစ်ဆုပ်စာခန့်ကို ယူပါ။ လတ်လတ်ဆတ်ဆတ် အရွက်များ ဖြစ်ရပါမည်။ ယင်းအရွက်တို့အား ထောင်းထားသည့် ဆန်မှုန့်တို့ဖြင့် ရောစပ်ပေးပါ။ ပြီးသော် ရေ ၂ခွက်ခွဲခန့်ဖြင့် ပြုတ်ပေးရပါမည်။ ရေတစ်ခွက်စာကျန်ရှိတော့သည့် အချိန်ကျမှ ချကာရေစစ်ဖြင့် စစ်ကာ ပုလင်းတစ်လုံးထဲတွင် သိမ်းထားရပါမည်။ ယင်းအရည်အား သုံးနာရီခြားတစ်ခါ တစ် ဇွန်း စီသောက်သုံး ပေးရပါမည်။

အရေပြားနာကျင် ကိုက်ခဲနေခြင်း အတွက်
     မာလကာသီး အရွက်လက်ဆစ်ဆုပ်စာ (လတ်လတ်ဆတ်ဆတ်)ခန့်ကိုယူကာ လက်ဝါးဖြင့် ချေနှယ်ကာ ရောင်ရမ်းကိုက်ခဲ နာကျင်နေ သော နေရာသို့ လိမ်းကျံပေးနိုင်ပါသည်။

မာလကာသီးနဲ့ အလှအပ အကျိုးကျေးဇူးများ
     မာလကာသီးဟာ အရေပြား အလှအပအတွက် ပေးစွမ်းနိုင်တဲ့ သစ်သီးတစ်မျိုးပဲ ဖြစ်ပါတယ်။ မာလကာသီးနဲ့ မျက်နှာပေါင်းတင်တဲ့ နည်းရှိပါတယ်။

လိုအပ်သည့် ပစ္စည်းများနှင့် ပြုလုပ်ပုံ
     ရင့်မှည့်သည့် မာလကာသီး တစ်လုံးရှာပါ။ မာလကာသီးအခွံအား မခွာပစ်လိုက်ပါနဲ့။ ယင်းမာလကာသီးအား နှစ်ခြမ်းခွဲပါ။ အစေ့တွေကို ထုတ်ပစ်ပါ။ အစိတ်လေးများအဖြစ် ထပ်မံခွဲစိတ်ပေးပါ။ မာလကာသီး အရွက်(နူးနူးညံ့ညံ့) နှစ်ရွက်၊ သုံးရွက်ခန့် ထပ်ယူပါ။ အဆင့် (၄) ရှိ မာလကာသီး အစိတ်လေးများနှင့် မာလကာသီး အရွက်တို့ ပေါင်းပြီး ဖျော်စက်ဖြင့် မွှေပစ်ပါ။ ရရှိလာသည့် အရည်များထဲမှ တစ်ဇွန်းခန့် (ဟင်းချိုသောက်ဇွန်း) အား ပန်းကန်ခွက် တစ်လုံးထဲတွင် ထည့်ပါ။
     ကျန်ရှိသည့် အရည်များထဲသို့ နို့မှုန့် ၂ ဇွန်းခန့် ထပ်မံရောပေးပါ။ သမအောင် မွှေပေးပါ။ ပြုလုပ်အသုံးပြုမည့် ပျိုမေများ အနေဖြင့် အ ဆီပြန်သည့် အသားအရေ ပိုင်ရှင်မျိုးဖြစ်ပါက ဆား ၂ ဇွန်းခန့် ထပ်မံရောပေးပါ။ ရောနှောရရှိလာသည့် ယင်းအရည်များအား မျက်နှာ ပေါင်း တင် အဖြစ် အသုံးပြုပေးပါ။

ရရှိလာမည့် အကျိုးကျေးဇူးများ
     မျက်နှာပြင်ပေါ်ရှိ ဝက်ခြံများအတွက် အထူးကောင်းမွန်စေသည်။
မာလကာသီးဖြင့် နောက်ထပ်ပေါင်းတင်နည်း တစ်မျိုးရှိသေးသည်။ ယင်းနည်းအား အသုံးမပြုခင် မျက်နှာကို Cleanser ဖြင့် စင်ကြယ်စွာ ဆေးကြောထားရသည်။ Cleanser အစား လိမ္မော်သီးဖြင့် အစားထိုး အသုံးပြုနိုင်သေးသည်။ နည်းမှာ လတ်ဆတ်သန့်ရှင်းသည့် လိမ္မော်သီး တစ်လုံးအား အဝိုင်းပုံစံ နှစ်ခြမ်းခွဲစိတ်ကာ မျက်နှာပြင်အား စက်ဝိုင်းပုံစံ (နာရီလက်တံ လှည့်ပတ်သည့် အတိုင်း) ဖြင့် ပွတ်သပ် လိမ်းကျံပေးခြင်းပင် ဖြစ်သည်။
     မျက်နှာအား လိမ်းကျံပေးပြီးသွားပါက အဝတ်စတစ်ခုအား ရေစွတ်လျက် သန့်စင်ပေးရမည် ဖြစ်သည်။ မျက်နှာဆေးကြောပြီးသော် မာလကာသီးအရည် (အစေ့ထုတ်ကာ ဖျော်စက်ဖြင့် ဖျော်ထားသည့် အရည်) အား ခွက်တစ်ခွက်ထဲတွင် ထည့်ထားပါ။ ပြီးမှ မာလကာသီး အရည်အနှစ်အား လက်ဖြင့် အနည်းငယ်ယူကာ မျက်နှာပြင်အား လိမ်းကျံပေးပါ။ လိမ်းကျံရာတွင် လက်ချောင်း ကလေးများဖြင့် နှိပ်နယ် လိမ်းကျံ ပေးရမည်။ ထို့ပြင် စက်ဝိုင်းပုံစံ လှည့်ပတ်နှိပ်နယ်ပေးရန်လည်း မမေ့ပါနှင့်။
     ယင်းမှသာ မျက်နှာပြင်အောက်ရှိ သွေးကြောများ သွေးလည်ပတ် စီးဆင်းမှု ကောင်းကာ အရေပြားသည် အစွမ်းအာနိသင် စုတ်ယူနိုင်မှု ပိုလာကာ အကျိုးအာနိသင်အား ထိထိ ရောက်ရောက် ခံစားရရှိမည် ဖြစ်သည်။ မျက်နှာပြင် တစ်ခုလုံး နှံ့စပ်အောင် လိမ်းကျံ နှိပ်နှယ်ပေးပါ။ ခန့်မှန်းခြေ အားဖြင့် ၁၀ မိနစ်ခန့် လိမ်းကျံနှိပ်နယ် ပေးရန်လိုအပ်သည်။ ပြီးမှ မျက်နှာအား ရေစိုအဝတ်စဖြင့် သန့်စင်ပေးပါ။ သန့် စင်ပြီးသွားပါက မျက်နှာအား မာလကာသီး အရည်ဖြင့် ထပ်မံပြီး ထူထူပိန်းပိန်းလေး လိမ်းကျံပြီးသော် ၁၀-၁၅ မိနစ်ခန့် စောင့်ဆိုင်းပေးပါ။
ရရှိလာမည့် အကျိုးကျေးဇူးများမှာ
     မျက်နှာအား သန့်ရှင်းသထက် သန့်ရှင်းစင်ကြယ်လာစေခြင်း၊ မျက်နှာ အသားအရေအား နီမြန်းရွှန်းစိုလာစေခြင်း၊ ဝက်ခြံ၊ တင်းတိပ်တို့ ဖယ်ရှား ရှင်းလင်းပေးခြင်း စသည့် အကျိုး ကျေးဇူးများ ခံစားရမည် ဖြစ်သည်။
 8DAY ဂျာနယ်မှာဖော်ပြထားတာကိုမျှဝေပါသည်....
 ***( သူငယ်ချင်းပေးမယ့်ကော်မန့်လေးက နောက်ထပ်ရေးမယ့်ပို့စ်အတွက် အင်အားတခုဖြစ်စေပါတယ်။)
                                                                ချောချော

No comments:

Post a Comment

Related Posts Plugin for WordPress, Blogger...