စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







တရားထိုင်ခြင်းဖြင့် ခေါင်းတစ်ခြမ်း ကိုက်ခြင်း သက်သာစေနိုင်



ခေါင်းတစ်ခြမ်းကိုက်သည့် ဝေဒနာကိုမကြာခဏခံစားနေရ သူအရေအတွက်မှာ နည်းပါးသော်လည်း သိသာထင်ရှားသော အရေအတွက်ရှိနေဆဲဖြစ်သည်။
 
နေ့စဉ်မိနစ်အနည်းငယ်မျှ တရားထိုင်ပေးခြင်းဖြင့် စိတ်ဖိစီး မှုလျော့ကျစေနိုင်ကြောင်း လေ့လာမှုများကဖော်ပြသည်။ တရား ထိုင်ခြင်းနှင့် ယောဂကျင့်သည့်နည်းအတိုင်း အသက်ရှူလေ့ကျင့်ခန်းလုပ်ခြင်းဖြင့် ခေါင်းတစ်ခြမ်းကိုက်သည့် ဝေဒနာကိုသက်သာ စေနိုင်ကြောင်း လေ့လာမှုအသစ်တစ်ရပ်က ဖော်ပြသည်။
ခေါင်းကိုက်ခြင်းကို အဓိကဖြစ်စေနိုင်သောအရာမှာ စိတ်ဖိစီးခြင်းဖြစ်ပြီး ခေါင်းတစ်ခြမ်းကိုက်ခြင်းနှင့် စိတ်ဖိစီးမှုကို လျော့ကျစေနိုင်သည့် တရားထိုင်ခြင်းနှင့် ပတ်သက်သော ကျန်းမာရေးအကျိုးကျေးဇူးများကို ဒေါက်တာရေဗက္ကာအာဝင်ဝဲလ်စ်က ‘‘Headche’’ဂျာနယ်တွင် ယခုသီ တင်းပတ်အတွင်း ထောက်ပြရေး သားထားသည်။
 
ခေါင်းတစ်ခြမ်းကိုက်ဝေဒနာခံစားရသူ ၁၉ ဦးကို သုတေသီများက အုပ်စုနှစ်စုခွဲကာ ၁၀ ဦးကိုတရားထိုင်ခြင်း၊ ယောဂနည်းအတိုင်း အသက်ရှူလေ့ကျင့်ခန်းပြုလုပ်ရန် ညွှန်ကြားခိုင်းစေခဲ့သည်။ ၎င်းတို့ကို သီတင်းအပတ်စဉ်တိုင်း ငါးရက်ကြာမျှတစ်နေ့လျှင် ၄၅ မိနစ်စီ တရားထိုင်ခိုင်းခဲ့သည်။ အခြားဝေဒနာရှင်ကိုးဦးကို စံချိန်မီဆေးဝါးများဖြင့် ကုသပေးခဲ့သည်။ ထို့နောက်၎င်းတို့၏ ခေါင်းကိုက်ဝေဒနာခံစားရမှုအဆင့်နှင့် ကြာမြင့်ချိန်တို့ကို သုတေသီများက မေးမြန်းလေ့လာခဲ့သည်။

တရားထိုင်သော ဝေဒနာရှင်များမှာ ခေါင်းတစ်ခြမ်းကိုက် ဝေဒနာလျော့ပါးသွားပြီး ဝေဒနာပြင်းထန်မှုပိုနည်းသွားကြောင်း သု တေသီများက စစ်ဆေးတွေ့ရှိခဲ့သည်။ ၎င်းတို့သည် စိတ်ပိုင်းဆိုင် ရာကျန်းမာရေးပိုကောင်းလာပြီး ခေါင်းကိုက်ဝေဒနာကို ထိန်းချုပ် ခံစားနိုင်မှုလည်း ပိုလာကြောင်း ဒေါက်တာဝဲလ်စ်ကပြောသည်။

တရားထိုင်ခြင်းနှင့်အသက်ရှူလေ့ကျင့်ခန်းလုပ်ပြီး ခေါင်းကိုက်ဝေဒနာကိုကုသသူများမှာ
 ဆေးဝါးဖြင့်ကုသသူများထက် ပိုမိုသက်သာမှုရှိကြောင်း ယခု လေ့လာမှုကဖော်ပြသည်။ 

     —Ref:UPI

http://www.7daydaily.com/story/20690#.VClx12OM-So

No comments:

Post a Comment

Related Posts Plugin for WordPress, Blogger...