စကြာဝဠာအနန္ဒ၌ရှိကြကုန်သော လူ၊နတ်၊ဗြမ္မာ၊သတ္တဝါအားလုံးတိုသည် ကိုယ်စိတ်နှစ်ဖြှာချမ်းသာကြပါစေ၊ကောင်းကျိုးလိုရာစန္ဒ ပြည်ဝကြပါစေ...







ဗျာပါဒ သံယောဇဉ်”




ဗျာပါဒ ဆိုတာ ထစ်ခနဲရှိ စိတ်ထဲမှာ အလိုမကျဖြစ်တာ။ပြင်းထန်လာလို့ရှိရင် လူတွေက ပြောတယ်။
စိတ်ဆိုးတယ်။ စိတ်တိုတယ်။

ကိုယ်မကြိုက်တဲ့ အာရုံနဲ့တွေ့ရင် စိတ်ထဲမှာ မကျေမနပ်ဖြစ်တယ်။မဖြစ်ဘူးလား။
အဲဒါကလည်း ဗျာပါဒ သံယောဇဉ်လို့ ခေါ်တယ်။သူကလည်း သံယောဇဉ်ပဲ။ အမုန်းသံယောဇဉ်။
ဒါကိုတော့ လူတွေက သိပ်ပြီးတော့ သံယောဇဉ်လို့ မတွက်ကြဘူး။“တဏှာ”ကိုတော့ သံယောဇဉ်လို့ နားလည်ကြတယ်။ဗျာပါဒ ဆိုတဲ့ ဒေါသအမုန်းတရားကိုတော့
သံယောဇဉ်လို့ မထင်ကြဘူး။သို့သော် ဒါလဲပဲ သံယောဇဉ်ပဲ။
မုန်းတဲ့စိတ်ကလေး ရှိနေသေးသမျှ ထိုမုန်းစရာ အာရုံကို ခဏခဏ သတိရနေတယ်။

အဲဒါ ကြိုးလေးက ချည်ထားလို့ပဲ ။ဟုတ်တယ်မဟုတ်လား။ချစ်တဲ့လူကိုသတိရသလို၊
မုန်းတဲ့သူရော သတိမရဘူးလား။အဲဒါ “ဗျာပါဒ” သံယောဇဉ်လို့ခေါ်တယ်။
“အမုန်းသံယောဇဉ်” ကလည်းပဲ ရှိတာပဲ။

အဲဒီ သံယောဇဉ် ဆိုတဲ့ ဒီကြိုးနဲ့နှောင်ဖွဲ့ထားတဲ့ စိတ်ဟာဘယ်လိုမှ “လွတ်မြောက်တဲ့စိတ်”
ဆိုတာ မဖြစ်နိုင်ဘူး။

-【ပါမောက္ခချုပ်ဆရာတော် ဒေါက်တာနန္ဒမာလာဘိဝံသ】
 

No comments:

Post a Comment

Related Posts Plugin for WordPress, Blogger...